الي متي سيستمر استغفال الناس بتسمية الزيت بعدد كيلومترات !!؟؟

[ehab_mansour]

المشكلة إن مش كل التخليقي زيت الأساس بتاعه تخليقي

فيه زيوت تخليقية كتير في السوق (مش نص نخليقية) زيت الأساس بتاعها معدني ..

ولكن بيعملوا عليها عمليات كيميائية لكسر السلسلة الهيدروجينية فيها بحيث تطلع كل جزيئات الزيت مشابهة لبعض وليها نفس التكوين الكيميائي.

العملية الكيميائية دي إسمها hydrocracking

الـapi عاملة تصنيف للزيوت من 5 مجموعات بحيث إنه يوصف الزيت من ناحية تكوينه الكيميائي وزيت الأساس.

والزيوت التخليقية دي موجودة في مجموعة 3


إنما الزيوت التخليقية اللي أصلها فعلا غير معدني... دي موجودة في مجموعة 4 ومجموعة 5


شركات الزيوت مش بتقول الكلام ده بصراحة للمستهلكين... وشركة زي موبيل مثلا بيقولوا إنهم مش بيعلنوا عن أساس الزيت على أساس إن الزيوت بتاعتهم مستواها عالي .. وده اللي بيركزوا عليه!!!

Group 3 Base Oils


والحقيقة الصادمة إن 90% على الأقل من الزيوت التخليقية اللي في السوق هي من مجموعة 3... يعني أصلها معدني!!!!



...

صدقت

للاسف الزيوت اللي فعلا تخليقية بحق و حقيقي لسه منزلتش مصر
و اول شركة في العالم انتجت زيوت تخليقية هي amsoil الامريكية و دي م بتبيع منتجات فرديه خارج امريكا و هي فعلا معندهاش اساسا زيوت نصف تخليقية ولا معدنية

للاسف احنا عشان دولة فقيرة و الجهل منتشر فمتحكمش علي اي منتج بيعبأ او بيباع عندنا لأنه اكيد درجة تعبانه

ربنا يسترنا و يعينا و يوفقنا و نبقي دولة محترمه و اشوف كده قبل ما اموت

[محمد يوسف]

صدقت

للاسف الزيوت اللي فعلا تخليقية بحق و حقيقي لسه منزلتش مصر
و اول شركة في العالم انتجت زيوت تخليقية هي amsoil الامريكية و دي م بتبيع منتجات فرديه خارج امريكا و هي فعلا معندهاش اساسا زيوت نصف تخليقية ولا معدنية

للاسف احنا عشان دولة فقيرة و الجهل منتشر فمتحكمش علي اي منتج بيعبأ او بيباع عندنا لأنه اكيد درجة تعبانه

ربنا يسترنا و يعينا و يوفقنا و نبقي دولة محترمه و اشوف كده قبل ما اموت

يانهار أسود ؟

يعنى كل الزيوت المستوردة اللى بندفع فيها دم قلبنا ونكتب فيها تقارير شعر عن صوت الموتور ونعومة السحب..الخ...كل ده مغشوش ؟

يعنى فالفولين وليكوى مولى وولف و غيرهم نصابين؟

[borio1704]

يانهار أسود ؟

يعنى كل الزيوت المستوردة اللى بندفع فيها دم قلبنا ونكتب فيها تقارير شعر عن صوت الموتور ونعومة السحب..الخ...كل ده مغشوش ؟

يعنى فالفولين وليكوى مولى وولف و غيرهم نصابين؟

هما بيعتبروا إن عملية الـhydrocracking خلت الزيت الناتج له خواص غير الزيت الأصلي... وبالتالي يعتبر زيت تم إنتاجه بطريقة تخليقية.

البلد الوحيد اللي بيقول على الزيت ده إنه مش تخليقي هي ألمانيا.. بس بيكتبوا عليه عبارة "تكنولوجيا تخليقية Synthetic Technology"



...

[yasser100]

طبعا انا معاك فى كلامك العلمى . بس صعب انك تقعد تشرح هنا يعنى ايه بوليمر و يعنى ايه روابط فى البوليمر و انه الروابط دى مع السخونه و شدة الاحتكاك بيحصل لها استطاله علشان كده الزيت لزوجته بتخف و تقل .

مش كل الناس هاتقدر تفهم الكلام ده . غير كده اذا كان التوكيلات نفسها بتقول للناس تغيير زيت فى صيانة ال 10000 كم . يعنى الناس معذوره .

علشان كده الناس بتتكلم بلغة السوق اللى حواليهم و يقول لك ده زيت 10000 كم او 5000 كم لو فضلت تقول ده synthetic و ده mineral . ما فيش حد هايفهمك غير قليل و هايقولوا لك كلمنا بالهجايص يا عم . ههههههه

[ehab_mansour]

يانهار أسود ؟

يعنى كل الزيوت المستوردة اللى بندفع فيها دم قلبنا ونكتب فيها تقارير شعر عن صوت الموتور ونعومة السحب..الخ...كل ده مغشوش ؟

يعنى فالفولين وليكوى مولى وولف و غيرهم نصابين؟

مش للدرجة دي ... انا استخدمت فيسكو 5000 اللي بيقولو عليه تخليقي و هو تكنولوجيا تخليقي و ليس تخليقي 100% و معقول و استخدمت وولفر التخليقي و بعتقد برده تكنولوجيا تخليقي لأنه اساسا غير متوفر معلومات كافية عنه علي مواقعهم

الاتنين كويسين و وولفر افضل معايا و لكن انا لما قرأت كتير في الموضوع بدأت افهم و اعرف ان القصة لها ابعاد اخري و تفاصيل اخري و معايير كتير بيها بحدد ايه يناسبني من الزيوت و تجارب و اخيرا توصية مصنع السيارة

لكن كمان اكتشفت ان فيه دنيا تانية بيستخدموا فيها زيوت تخليقية 100% و معندهمش حاجه semi و ولا mineral و لا advanced و ولا اي حاجه من دي كلها زيوت تخليقية تماما و بتستخدم لفترات تشغيل اكبر و كلما زاد عمر المحرك و طالت فترة استخدامه بتعلي باللزوجة و بس مش زي عندنا اغلبها زيوت اساسها حفري مشتق من البترول و معالج و مضاف له شوية اضافات عشان يقدر يقوم بوظيفته و لكن مش بيقدر يتحمل نفس ظروف تشغيل الاخري

الموضوع يطول
بالتوفيق للجميع

[yasser100]

أشكرك على موضوعك ... ويا رب الناس تغير فكرها
بس طريقتك دى مش هتبقى هيا المقياس
المقياس ساعتها هيبقى الطرق البلدى للاسف
اللزوجة ... اللون ... الرائحة
- اللزوجة : لو أصبحت اخف مما كانت عليه يبقى وجب تغييره وهيستثنى من كدة الزيت التخليقى بالكامل لانه اصلاً خفيف (مفترض انك تكون عارف اللزوجة وهو جديد)
- اللون : لو لون الزيت أغمق زيادة عن اللزوم ووجود رواسب به تظهر عند وضع نقط ما بين الاصابع وفركها يبقى وجب تغييره
- الرائحة : انك تشم الزيت لانه بيظهر فيه رائحة الحرق ولو الرائحة دى ظاهرة يبقى وجب تغييره
- التذوق : ممكن بعد الطرق اللى فاتت دى لو ما نفعتش تنزلوا الزيت وتقلوا فيه حبة بطاطس وتقولوا لينا رايكم أيه هل وجب تغييره ولا لسة شوية :)
عذراً لاخر نقطة ... بس القفشة حكمت :)))

:))))) لا بس حلوه

على فكره , للاسف كل الطرق دى اللى الناس بتعملها كلام فارغ .

اولا : ما فيش حاجه اسمها اشوف اللزوجه بين صوابعى اللزوجه دى لها اجهزه علشان تتقاس بها زى ال brookfield , ford cup , gram sheen و غيره كتير , مستعد اشترى زيت جديد من الزيوت الحديثه اللى زى 0w20 , 10w20 , 0w30 و حد يعمل اختبار اللزوجه بتاع الصوابع ده و اتحداه يعرف يحكم علىى اللزوجه بالطريقه دى .

ثانيا : مافيش حاجه اسمها زيت بيتحرق , لو الزيت اتحرق او فيه امكانية انه يتحرق دى تبقا كارثه و المواتير هايحصل لها block كل اللى بيحصل انه الروابط (polymer bonds ) بيحصل لها استطاله نتيجة الاحتكاك و السخونه و لكن لا يمكن تتحرق .
ثالثا : اللون الاسود اللى الناس بتشوفه فى الزيت و بتقول عليه اتحرق , ده مش حرق ده معناها انه الزيت بيعمل تنضيف كويس للاجزاء و دى بتكون ترسيبات , يعنى ما حدش يفرح انه يلاقى لون الزيت اصفر و جميل و ما بيغيرش لونه

ملحوظه اخيره , الزيوت المعدنيه ليس لها فترة صلاحيه محدده بمده زمنيه لانها زيوت طبيعيه مستخرجه غير الزيوت التخليقيه اللى داخل فيها مواد كيماويه و مذيبات لها فترة صلاحيه زمنيه لانه اى مواد كيميائيه مجمعه مع بعض فيه تفاعلات كيميائيه بطيئه بتفضل شغاله لمدد زمنيه حتى لو المنتج لم يستخدم و لكن الزيوت التخليقيه قدرتها على التحمل لظروف التشغيل اعلى من المعدنيه لانه تدخل فيها العلم و وضع مواصفاتها التحمليه , غير المعدنيه .

و ما عليش خللوا الناس تغير الزيت على المسافات المقدره لكل زيت علشان ما يتلخبطوش و برضه حفاظ على الموتور و منعا للوسوسه و القلق و اللخبطه .

[Amro_ON]

انا حاطط فالفولين انجين ارمور بقاله 20 الف ولحد دلوقتي شغال عشره على عشره بزوده بس....بقاله سنه بس هغيره قريب عشان ابا متطمن مش اكتر...هو واخد حرف n في تقييم بتاعه وده اللي مجمد قلبي

طبعا قريت العلبه كلها مفيش تاريخ صلاحيه او مده محدده

[hossam_elwani]

كلام سليم
معدل تغيير الزيت متفاوت

أنا كنت بغير التخليقي على 20 ألف تقريباً لكن كنت بتابعه بنفسي

بس في نقطه مهمة

المستخدم العادي الغير متخصص
مين هيحددله موعد تغيير الزيت ؟؟

عارف إن في جهاز في كام محطه في الجمهورية بياخد عينه من الزيت يحطها على الجهاز والجهاز بيحدد يتغير ولا لأ

الجهاز ده أنا شخصياً شفته في محطه واحده
وفي الباقي مفييييييييييييش

لو هنسأل الفنيين في المحطات
هما أساساً مش فنيين
ده غير أزمة الضمير

فتظل المشكله في النهاية وهي مشكله في مصلحة تجار ومصنعي الزيوت
المستخدم العادي من يقرر له موعد تغيير الزيت ؟؟؟؟؟

لذلك أسلم حاجه في الوقت الراهن لحين التطور والحداثه أو قيام الساعة أيهما أقرب
هو تسمية الزيوت بالكيلومترات للمستخدم العادي

ـ

حد شاف الجهاز ده يقولى فين؟؟؟

[hossam_elwani]

انامصدوم

[No Comment]

:))))) لا بس حلوه
على فكره , للاسف كل الطرق دى اللى الناس بتعملها كلام فارغ .

مهو علشان كدة بدات كلامى بـ للاسف لانى عارف انها طرق مش مقياس دقيق ... ولكن ده برضوا لا يمنع من انها تعتبر مقياس

اولا : ما فيش حاجه اسمها اشوف اللزوجه بين صوابعى اللزوجه دى لها اجهزه علشان تتقاس بها زى ال brookfield , ford cup , gram sheen و غيره كتير , مستعد اشترى زيت جديد من الزيوت الحديثه اللى زى 0w20 , 10w20 , 0w30 و حد يعمل اختبار اللزوجه بتاع الصوابع ده و اتحداه يعرف يحكم علىى اللزوجه بالطريقه دى

علشان كدة قولت انه صعب أنه يتطبق للزيوت التخليقية ولكنه لايزال يصلح للزيوت المعدنية لانها وهى جديدة بيكون معدل اللزوجة ليها عالى وبتنخفض مع الاستخدام

ثانيا : مافيش حاجه اسمها زيت بيتحرق , لو الزيت اتحرق او فيه امكانية انه يتحرق دى تبقا كارثه و المواتير هايحصل لها block كل اللى بيحصل انه الروابط (polymer bonds ) بيحصل لها استطاله نتيجة الاحتكاك و السخونه و لكن لا يمكن تتحرق

فاهم قصدك بس بقول التعريف الدارج لموضوع ضعف الروابط او انكسارها اللى بتظهر اثناء التحميل الزيادة على الماتور فى صورة رائحة زيت محروق

ثالثا : اللون الاسود اللى الناس بتشوفه فى الزيت و بتقول عليه اتحرق , ده مش حرق ده معناها انه الزيت بيعمل تنضيف كويس للاجزاء و دى بتكون ترسيبات , يعنى ما حدش يفرح انه يلاقى لون الزيت اصفر و جميل و ما بيغيرش لونه

معاك مليون فى المية فى النقطة دى ... ودايماً بأتخانق مع الناس اللى بتكون فاهمة غلط انهم لما بينزلوا الزيت ويكون لسة زى ما هو لونه فاتح وبيكونوا فرحانيين بكدة وان الزيت اللى بيستخدموه جيد والحقيقة ان الزيت ما قامش بمهمة من مهماته ألا وهى تنظيف الماتور
لكن برضوا لما اللون بيزيد عن حده بيبقى مؤشر لتغيير الزيت وان كفاية عليه كدة

و ما عليش خللوا الناس تغير الزيت على المسافات المقدره لكل زيت علشان ما يتلخبطوش و برضه حفاظ على الموتور و منعا للوسوسه و القلق و اللخبطه .

بالنسبالى كمستخدم لانواع مختلفة من الزيوت النصف تخليقية غالباً والمعدنية احيانا وبجرب كتير وطبيعة السواقة عندى بتبقى عنيفة اوقات وعلى rpm عالى ... فا مقياسى للتغير مش كيلوا متر فقط وبعتمد على الطرق المذكورة سابقاً كمقياس ايضاً لتغيير الزيت

فخلاصة الموضوع ده ... يارب الناس تغير فكرها وتعرف ان الكيلو متر مش هو المقياس الوحيد لتغيير الزيت
كمثال ممكن واحد يقطع ضعف المسافة المسموح بيها لوقوفه كتير فى الزحام حتى وان كان الوقوف على rpm قليل مقارنتاً بشخص طرقه مفتوحة والقيادة على rpm عالى

[ahmadalsabban]

زيت عشر الاف !
زيت خمس الاف !!
زيت ثلاث الاف !!!

مين اللي حط عدد الكيلومترات دي؟!
و هل هو عارف العربية ماشية في زحمة ولا طريق سالك ؟
في بلد حار ام بلد بارد ؟

الزيوت ثلاث انواع و دمتم :
* تخليقي لا تتغير خواصه بسهولة
* نصف تخليقي
* معدني

و تضاف لهم اضافات مصرح بها من api و مواصفات من نفس الجهة " المعهد الأمريكي للبترول "

تم تجربة زيت تخليقي علي مسافة 65 الف كيلو متر في الامارات قبل ان يلزم تغييره
و هناك سيارات تمشي في طريق يدور فيه المحرك مليون لفة في الكيلومتر الواحد

افيقوا يرحمكم الله .. لا تجعلوا اصحاب البنزينات و العاملين في الزيوت يخدعوكم

كلامك صح 100*100 انا مره قريت موضوع ان شركات الزويت ده نصابه اساسا زويت التخليقيه ممتتغيرش خالص

[carrier]

موضوع قديم و قولنا و عدنا
و اية كمان الزيت مبيتغيرش بيتزود
انا ليا واحدة زميلتى كان معاها عربية و هى اول يد موديل 1996 لحد ما بعتها السنة اللى فاتت قالتالى عمرى ما غيرت زيت بتقولى كل الكﻻمدة نصب بقولها ازاى قالتالى ماهى قدامك اسالها ههههههههه قالتالى انا سالت فى فرنسا و قولولها كدة ﻻنى هى معاها الجنسبة الفرنسية فا بتاسافر على طول

بس
ليقولوا عليها مجنونة

اصل اللى عنده مبدء واساس علمى بيطلعوه فى الاخر غالبا مجنون

[فتح الباب]

اخيرا لقيت ناس تشجعنى على اللى بعمله انتو فين من زمان عموما تحياتى لصاحب الموضوع وانا اشجع الاقتراح وبشده وانا اعمل به من زمن بعيد مضى وسأظل مقتنع بعدم تغيير الزيوت ليس لانى خبير انما لانى جربت كتير والتجربه خير دليل علميا طبعا وليس عشوائيا اخيرا كل التحيه لمن يويدنى ومن يعارضنى ايضا

[gade2]

اخيرا لقيت ناس تشجعنى على اللى بعمله انتو فين من زمان عموما تحياتى لصاحب الموضوع وانا اشجع الاقتراح وبشده وانا اعمل به من زمن بعيد مضى وسأظل مقتنع بعدم تغيير الزيوت ليس لانى خبير انما لانى جربت كتير والتجربه خير دليل علميا طبعا وليس عشوائيا اخيرا كل التحيه لمن يويدنى ومن يعارضنى ايضا

ممكن تقولا تجربة حضرتك

[samirsaid1]

انا بغير لشيل الترا التخليقى قربت على 14 الف وبصراحة العربية ناعمة جدا جدا ومفيش خشونة خالص
ان شاء الله هستنى شوية علية او على الاقل لما يبقى فية ثمن الزيت الجديد