هل السمارت هي الحل ؟ مش هانقول التوكتوك !

[تامر.محمد]

كل يوم الصبح و انا رايح شغلي
و و انا راجع طبعا
كمية كبيرة جدا من العربيات ....
عدد مهول ....
و الكلام على العربيات الملاكي ...
و كل عربية , و انا منهم , راكب فيها واحد بس ....
عربية طول بعرض , شاسيه C , او بلغة اخرى عربية compact , موتور 1600 سي سي , تشيل 5 بني ادمين , و شنطة ورا 400 ولا 500 لتر
و في الآخر راكبها واحد !!!
طب في العموم , اغلبنا في 90% من مشوار الشغل ده , مش بيحتاج غير عربية تشيل نفر واحد , او اتنين مثلا بالكتير , و شنطة مش كبيرة
حاجة فعلا شبه العربية السمارت

و موتور 800 او 700 سي سي مثلا , و تكون مكيفة , و يا سلام لو اتوماتيك ...

و شكرا على كده ... موارد كبيرة جدا مهدورة , و الواحد عمال يحرق في بنزين , و عمالين كلنا مع بعض نزحم في الشوارع بعربيات احجام كبيرة و بتوع التكاتك عمالين يعدوا من وسطنا زي الصواريخ
و لازم لما تركن تلاقي ركنة تقضي عربيتك طبعا

فكرت انا ليه مش باعمل كده , لقيت الاجابة ... ان العربيات في مصر , و يمكن في العالم , حساباتها مختلفة
يعني لو فكرة اجيب عربية صغيرة مكيفة , اقل عربية صيني بالوصف ده اظن ب60 او 70 الف جنيه ....
مش هاقدر
و برده حجمها اكبر من اللي انا عايزه

لو املك السيولة و الامكانيات كنت عملت مشروع استيراد عربيات نفس حجم السمارت دي من الصين , اكيد موجودة :))) , و سوقت لها كويس و كانت هاتتباع
و في خلال سنتين تلاتة يا اما اكون حليت جزء من ازمة المرور و البنزين في مصر , يا اما تكون الحكومة قفلت لي المشروع بزقة من حد من حيتان توكيلات العربيات

[amr011111]

بالعكس المشكله مش هتتحل لان رب الأسره هيقول انا حتى لو بروح الشغل لوحدى كل يوم لو حصل فى يوم واسرتى معايا كسفر او كمشوار او كفسحه يبقى هحتاج عربيه كبيره فساعتها محدش هيفكر يبقى عنده عربيه كبيره للاسره يركنها للمشاوير الاسريه فقط ويجيب عربيه ضغيره لمشوار الشغل لان حتى لو المواطن معاه فلوس مش هيبقى قلبه على حل ازمة المرور. الحل الاوفر من ده هوه عمل الكار بولينج يعنى انت فى الشغل معاك تلاته من اصحابك معاهم عربيات وساكنين فى طريقك للشغل يبقى كل يوم واحد يوصل التلاته وكده يبقى كل واحد فيكم هيسوق يوم واحد كل اربع ايام.
لو موضوع السمارت قولنا الزوج يشترى عربيه والزوجه تشترى عربيه يبقى كده العربيتين هيكونوا بنفس حجم العربيه الكبيره. السمارت تنفع لشاب فى جامعه

[mahmoud869]

طب ما كان في مصر فعلا عربية صيني زي سمارت كان اسمها نوبل تقريبا

[besso]

الحل الوحيد واللي ساير في كل الدول المحترمه
ان يبقي فيه مواصلات عامه أدميه ومنضبطه وامنه ومريحه ساعتها هتلاقي معظم اللي معاهم عربيات هايخليها لمشاوير تانيه او سفر
اي واحد لو بقي عنده المقدره انه يشتري عربيه هايجيب لأن العربيه مبقاتش رفاهيه

وده سوء تخطيط من الحكومه
وطبعا مليارات بتهدر علي الفاضي

[تامر.محمد]

بالعكس المشكله مش هتتحل لان رب الأسره هيقول انا حتى لو بروح الشغل لوحدى كل يوم لو حصل فى يوم واسرتى معايا كسفر او كمشوار او كفسحه يبقى هحتاج عربيه كبيره فساعتها محدش هيفكر يبقى عنده عربيه كبيره للاسره يركنها للمشاوير الاسريه فقط ويجيب عربيه ضغيره لمشوار الشغل لان حتى لو المواطن معاه فلوس مش هيبقى قلبه على حل ازمة المرور. الحل الاوفر من ده هوه عمل الكار بولينج يعنى انت فى الشغل معاك تلاته من اصحابك معاهم عربيات وساكنين فى طريقك للشغل يبقى كل يوم واحد يوصل التلاته وكده يبقى كل واحد فيكم هيسوق يوم واحد كل اربع ايام.
لو موضوع السمارت قولنا الزوج يشترى عربيه والزوجه تشترى عربيه يبقى كده العربيتين هيكونوا بنفس حجم العربيه الكبيره. السمارت تنفع لشاب فى جامعه

انا فاهم النقطة دي كويس , و لأن (محدش هيفكر يبقى عنده عربيه كبيره للاسره يركنها للمشاوير الاسريه فقط ويجيب عربيه ضغيره لمشوار الشغل) , فاحنا في الارمة دي
و الميزة الوحيدة مش حل ازمة المرور اللي مفروض بالتبعية هاتنعكس علينا كلنا , لكن الميزة كمان ان الواحد هايعرف يركن احسن شوية و هايوفر على نفسه بنزين العربية ال1600 و ممكن قطع غيارها و صياناتها كمان

الcar pooling فعلا حل ممتاز , بس انا بابقى شايفه معمول بنسبة 10% بالظبط
احنا برده مش منتظمين , فلان هايروح بدري شوية , و فلان عايز يتأخر شوية , و فلان عايز يعدي على ماعرفش ايه و هو مروح

طب ما كان في مصر فعلا عربية صيني زي سمارت كان اسمها نوبل تقريبا

و طبعا فشلت , لأن الثقافة دي مش عندنا

الحل الوحيد واللي ساير في كل الدول المحترمه
ان يبقي فيه مواصلات عامه أدميه ومنضبطه وامنه ومريحه ساعتها هتلاقي معظم اللي معاهم عربيات هايخليها لمشاوير تانيه او سفر
اي واحد لو بقي عنده المقدره انه يشتري عربيه هايجيب لأن العربيه مبقاتش رفاهيه

وده سوء تخطيط من الحكومه
وطبعا مليارات بتهدر علي الفاضي

صح , لا جديد طبعا :)
اللي بافكر فيه فعلا فكرة عربية اضافية صغيرة , بس لازم تكون رخيصة

[HeMa_LanCeR]

انا بقي راكن العربية
ومش بتحرك غير بالفيسبا :)

[Bassem Youssef]

انا بقيت بعمل شغلي في البيت عشان اتخنقت من الزحمه

و مشوار ساعتين يوميا عشان اروح المحل و ساعتين عوده

يعني 4 ساعات ضايعين من اليوم في ال commuting علي الفاضي

لا نافع تركب عربيتك الخاصه (حرق دم و اعصاب)

و لا نافع تركب تاكسيات مثلا (سرقه علني و سواقين مبرشمين)

مش هتكلم عن الميكروباصات الفخمه و المترو الفاضي

[Bassem Youssef]

عربيه 800 cc و التكييف و فتيس auto دونت ميكس

[تامر.محمد]

انا بقي راكن العربية
ومش بتحرك غير بالفيسبا :)

ما دي كانت اول فكرة , الفيزبا و السكوتر , بس الناس اللي بتركب طرق سريعة و بتمشي مسافات ما ينفعش معاها

انا بقيت بعمل شغلي في البيت عشان اتخنقت من الزحمه
و مشوار ساعتين يوميا عشان اروح المحل و ساعتين عوده
يعني 4 ساعات ضايعين من اليوم في ال commuting علي الفاضي
لا نافع تركب عربيتك الخاصه (حرق دم و اعصاب)
و لا نافع تركب تاكسيات مثلا (سرقه علني و سواقين مبرشمين)
مش هتكلم عن الميكروباصات الفخمه و المترو الفاضي

باختصار الوضع حقير

عربيه 800 cc و التكييف و فتيس auto دونت ميكس

معاك , بس ممكن مثلا بدل 800 يبقى 1000 , ممكن تبقى مانيوال ماشي
اي حاجة يعني :d :d

[Anaslbda]

ايه المشكلة لما يطلع قرار - زي اي دولة محترمة - بمنع ترخيص المركبات اللي موديلها عدّي عليه 20 سنة مثلاً؟

[تامر.محمد]

ايه المشكلة لما يطلع قرار - زي اي دولة محترمة - بمنع ترخيص المركبات اللي موديلها عدّي عليه 20 سنة مثلاً؟

يعني كل العربيات اللي موديل 94 و نازل هاتتسحب عالآرياف , انا مش شايف ده حل

[Bassem Youssef]

ايه المشكلة لما يطلع قرار - زي اي دولة محترمة - بمنع ترخيص المركبات اللي موديلها عدّي عليه 20 سنة مثلاً؟

صعب جدا

في عربيات موديلات تسعينات فبريكه و خصوصا الbmw و المرسيدس

منع ترخيص المركبات الثمانيات و نعمل احلال اقولك ماشي

ساعتها لو صحابها اعترضوا هنقول ان عربيتهم هلكانه و بتلوث البيئه و بتعمل زحمه علي الفاضي

[Forever.Leo]

الاقناع او فرض نوع معين من المركبات وسط مستهلكين متنوعي الظروف و الاذواق .. مهمة صعبة جدا .. حتى دور الحكومة بالتدخل لصالح نوع معين من المصنعين .. لا يستقيم مع آليات السوق من عرض و طلب .. ارى .. و ده رأيي الشخصى .. ان حل مشكلة المرور في العاصمة المصرية .. و المرشحة باستمرار بالتفاقم مستقبلا .. هو تشريع مجنون ! .. يمنع سير الملاكي بالشوارع .. ايوه الملاكي ! .. بالاضافة للمواصلات العامة العشوائية من ميكروباس و تكتك و اشباهه ! .. مع التوسع كما و كيفا .. بالتوازي بمواصلات الاتوبيس و مترو الانفاق و التاكسي .. بمستوى سياحي .. آدمي .. و بتكنولوجيات موجودة حاليا .. مش من الخيال .. من استدعاء مركبات التاكسي او السيارات المؤجرة بالمحمول و تتبع وصول السائق بأنظمة الملاحة عن طريق الموبايلات .. و الفلوس هتكون موجودة .. فائض دعم الوقود الحكومي للسيارات التي تم ابعادها !

[Anaslbda]

الاقناع او فرض نوع معين من المركبات وسط مستهلكين متنوعي الظروف و الاذواق .. مهمة صعبة جدا .. حتى دور الحكومة بالتدخل لصالح نوع معين من المصنعين .. لا يستقيم مع آليات السوق من عرض و طلب .. ارى .. و ده رأيي الشخصى .. ان حل مشكلة المرور في العاصمة المصرية .. و المرشحة باستمرار بالتفاقم مستقبلا .. هو تشريع مجنون ! .. يمنع سير الملاكي بالشوارع .. ايوه الملاكي ! .. بالاضافة للمواصلات العامة العشوائية من ميكروباس و تكتك و اشباهه ! .. مع التوسع كما و كيفا .. بالتوازي بمواصلات الاتوبيس و مترو الانفاق و التاكسي .. بمستوى سياحي .. آدمي .. و بتكنولوجيات موجودة حاليا .. مش من الخيال .. من استدعاء مركبات التاكسي او السيارات المؤجرة بالمحمول و تتبع وصول السائق بأنظمة الملاحة عن طريق الموبايلات .. و الفلوس هتكون موجودة .. فائض دعم الوقود الحكومي للسيارات التي تم ابعادها !

مفيش حاجة اسمها تمنع الملاكي!! في حاجة اسمها تحسّن مستوى المواصلات العامة لدرجة تسمح لأصحاب الملاكي بالإستغناء عنها..

مثلا في نيويورك اللي بيشتري عربية بيتريقوا عليه! الـ subway موجود وبيوصّل لكل حتّه تشتري عربية ليه؟ عمرك ما هاتحتاجها.

انا لو عارف ان في مواصلة نضيفة هتوصّلني لشغلي كل يوم من غير ارهاق او قلق, انا اول واحد مستعد استغنى عن عربيتي.

[Forever.Leo]

مفيش حاجة اسمها تمنع الملاكي!! في حاجة اسمها تحسّن مستوى المواصلات العامة لدرجة تسمح لأصحاب الملاكي بالإستغناء عنها..

مثلا في نيويورك اللي بيشتري عربية بيتريقوا عليه! الـ subway موجود وبيوصّل لكل حتّه تشتري عربية ليه؟ عمرك ما هاتحتاجها.

انا لو عارف ان في مواصلة نضيفة هتوصّلني لشغلي كل يوم من غير ارهاق او قلق, انا اول واحد مستعد استغنى عن عربيتي.

ده مجرد اقتراح .. و لا املك منصب تنفذي ! .. بس منع الملاكي لو ماكانش هيبقى بتشريع بكره .. هيبقى امر واقع بعده .. مشكلة القاهرة قبل مستوى المواصلات العامة هو التكدس .. اللي مش هيتحل الا بخلق فراغات في الشوارع .. و دي لازم تبقى على حساب حد ! .. و لو كنت حضرتك بتتكلم على نيويورك .. و على استعدادك الشخصى الطوعي بركوب المواصلات العامة .. فطبيعة الحال و ثقافة معظم الناس و خصوصا مع اغراء التقسيط و تملك العربيات و الطفرات التكنولوجية المشوقة في صناعة السيارات هيبقى من الصعب جدا ايقاف ضخ سيارات جديدة كل سنة في الشوارع .. مشكلة المرور في القاهرة تعدت مرحلة العلاج الاختياري .. و لا بد من تدخل جراحي عاجل !