هل السمارت هي الحل ؟ مش هانقول التوكتوك !

[Bassem Youssef]

استاذ ليو معاه حق علي فكره

مبيعات العربيات متناسبه عكسيا مع الظروف الاقتصاديه و المروريه للبلد

يعني الناس بتكح تراب و برضه بتشتري عربيات و تقسط و تستلف

البلد مفيهاش طرق ادميه تمشي عليها و برضه لسه الناس بتشتري

الخوف من الصدام اللي هيحصل بين مبيعات العربيات و ظروف البلد

العربيات بعد كده يا اما هتطير يا اما هتمشي علي الحيط :d

[ashrafwolf]

1-التوسع الافقي للسكان مع توفير اسعار رخيصه للشقق و طرق و خدمات للتشجيع علي النقل (مش تقولي المتر ب3000 علي المحار في 6 اكتوبر)
2-فرض ضريبه مضاعفه علي السيارات 20 سنه فيما اكثر (حقك تركب مرسيدس قدبم و بي ام قديم)
3-الاهتمام يالشد و الضبط المروري علي الميكروباص و ترخيصه في الاماكن العشوائيه (لا يوجد ادميه في البتاع اللي اسمه ميكروباص ده طول ماقيش حد بيحاسبه)
4-وضع شرطي مرور عند النقاط المروريه الحرجه لتيسيير المرور( فيصل العشرين و العريش نت الهرم مثلا)

الافكار كتيير بس فين الحكومه اللي عايزه تريح الناس
عندنا في الشغل مثل حلو اوي (ريح العمال يقرفوك , اقرف العمال تستريح)

[eslam atia]

صلو علي رسول الله صلي الله علية وسلم
تبلغ مساحة جمهورية مصر العربية حوالي 1.002.000 كيلومتر مربع والمساحة المأهولة تبلغ 78990كم2 بنسبة 7.8 % من المساحة الكلية
حد فاهم حاجة
ومع ذلك
الناس لسة بتجيب عربيات موديل السنة اللهم بارك
والناس اللي معاها موديل قديم متمسك بية كأنة ترااااااااث فرعوني
والمساحة اللي عايشين عليها كما هي
كما قال الاخ سالفا لازم تدخل جراحي
من حق اي مواطن امتلاك سيارة
ومن حقة ايضا امتلاك منزل
وحق الدولة علينا انشاء طرق تليق بالمواطنين
شوف بقا الدولة بتحبنا قد اية

[تامر.محمد]

يا جماعة الحكومة مسئولة و مقصرة , ماشي تمام و كل حاجة , و الحل في المواقف اللي زي دي يا نهاجر و بكده يبقى ما كانش حد غلب , يا نقوم بانتفاضة و يضربـو.......... هاتخلونا نخش في السياسة ليه ؟؟؟ :)

المهم , في اطار اننا نتعامل مع الوضع , بعيد عن ال..... حكومة
نعمل ايه ؟؟؟

[khaled_sabry]

انا شوفت عربيه بس مش عارف ماركتها قبل كده فى عباس العقاد
كانت راكب واحد فقط يعنى اصغر من اللى بتتكلم عليه

فكرتنى بعربيه عبد السلام النابلسى

[تامر.محمد]

بس احنا نطول حاجة اتنين راكب بس حتى :))))))

اواخر التسعينات كان فيه عربية اسمها برودوا كانشيل , كانت 800 سي سي و اظن اتوماتيك و مكيفة , بس ما نجحتش اوي برده

[khaled_sabry]

بس احنا نطول حاجة اتنين راكب بس حتى :))))))

اواخر التسعينات كان فيه عربية اسمها برودوا كانشيل , كانت 800 سي سي و اظن اتوماتيك و مكيفة , بس ما نجحتش اوي برده

ماهى الفكره ان اى عربيه اتنين راكب او حتى راكب واحد عمرها ماحتنجح فى مصر
لان مافيش حد حيشتريها علشان استخدامها ينفع فقط فى مشوار الذهاب و العوده من الشغل لكن مش حينفع تخرج بيها مع المدام و الاولاد او تسافر بيها لإن مافيهاش شنطه اصلا
حتقولى خلاص يشترى عربيه تانيه للاستخدامات الاخرى - حقولك مش كتير فى مصر اللى عنده الامكانيه انه يشترى عربيتين ده غير هم الركنه فين و هم مشوار المرور
و اطبعا اقوى سبب لفشل العربيات دى فى مصر هو المنظر - احنا شعب استعراضى بطبعه (بدليل نجاح اى مطعم غالى) و بيحب يتمنظر بالبرستيج بتاعه حتى لو مش لاقى ياكل
بص على الشارع حتلاقى فيه نسبه كبيره من عربيات موديل السنه دى رغم ان 90% من العربيات دى جايه بالتقسيط اصلا و اصحابها بيدفعو نص مرتبهم في القسط بس هى المنظره و خلاص
فتفتكر الشخص ده يرضى يركب عربيه راكب واحد او اتنين - لا لانه حيخاف من الناس اللى حيقعدو يتريقو عليه
لو كان عدم المنظره ده مش موجود كنت حتلاقى الناس كلها اشترو تكاتك و تقريبا بتوفر معظم المواصفات اللى بتقول عليها

[تامر.محمد]

ماهى الفكره ان اى عربيه اتنين راكب او حتى راكب واحد عمرها ماحتنجح فى مصر
لان مافيش حد حيشتريها علشان استخدامها ينفع فقط فى مشوار الذهاب و العوده من الشغل لكن مش حينفع تخرج بيها مع المدام و الاولاد او تسافر بيها لإن مافيهاش شنطه اصلا
حتقولى خلاص يشترى عربيه تانيه للاستخدامات الاخرى - حقولك مش كتير فى مصر اللى عنده الامكانيه انه يشترى عربيتين ده غير هم الركنه فين و هم مشوار المرور
و اطبعا اقوى سبب لفشل العربيات دى فى مصر هو المنظر - احنا شعب استعراضى بطبعه (بدليل نجاح اى مطعم غالى) و بيحب يتمنظر بالبرستيج بتاعه حتى لو مش لاقى ياكل
بص على الشارع حتلاقى فيه نسبه كبيره من عربيات موديل السنه دى رغم ان 90% من العربيات دى جايه بالتقسيط اصلا و اصحابها بيدفعو نص مرتبهم في القسط بس هى المنظره و خلاص
فتفتكر الشخص ده يرضى يركب عربيه راكب واحد او اتنين - لا لانه حيخاف من الناس اللى حيقعدو يتريقو عليه
لو كان عدم المنظره ده مش موجود كنت حتلاقى الناس كلها اشترو تكاتك و تقريبا بتوفر معظم المواصفات اللى بتقول عليها

انا معاك بس مش عشان اول سبب , ناس كتير عندها القدرة انها تجيب عربية صغيرة رخيصة جنب العربية الكبيرة
بس هي زي ما بتقول في الاسباب اللي بعد كده

[تامر.محمد]

يمشي كده طيب ؟؟؟

[khaled_sabry]

يمشي كده طيب ؟؟؟

طيب بذمتك انتا ترضى تركبها
دى عربيه جولف يا عم

[تامر.محمد]

ارضى صدقني , كفاية عليها اوي مشوار الشغل :)

[Karim_Monir]

موضوعك ممتاز وفي الجول يا تامر
ومسني انا شخصيا ومعاناتي خاصه اني من اللي بيعملو كيلومتر كتير
بالبي ام عملت 70 الف في سنه ونص
طبعا النتيجه ركبتي باظت من الدبرياج لاني ركيب مانيوال
ركنتها وبقيت بتحرك بالسريون بتاعت زوجتي
الف سي سي و 3 سلندر
بصراحه بقيت بركن البي ام بالشهر والاتنين مبتتحركش
السريون بتنجز معايا وبارو كهربا وواسعه
العربيه دي كان لازم تنتشر وتبيع اكتر من كدة
احنا محتاجين حاجة زي الماروتي بس يخلوها ادميه شويه واوسع شويه لانها بتاعت ناس رفيعه :-)

[تامر.محمد]

موضوعك ممتاز وفي الجول يا تامر
ومسني انا شخصيا ومعاناتي خاصه اني من اللي بيعملو كيلومتر كتير
بالبي ام عملت 70 الف في سنه ونص
طبعا النتيجه ركبتي باظت من الدبرياج لاني ركيب مانيوال
ركنتها وبقيت بتحرك بالسريون بتاعت زوجتي
الف سي سي و 3 سلندر
بصراحه بقيت بركن البي ام بالشهر والاتنين مبتتحركش
السريون بتنجز معايا وبارو كهربا وواسعه
العربيه دي كان لازم تنتشر وتبيع اكتر من كدة
احنا محتاجين حاجة زي الماروتي بس يخلوها ادميه شويه واوسع شويه لانها بتاعت ناس رفيعه :-)

منور الموضوع يا كريم بك :)
انا برضه خبطت 70 الف كيلو بالميجان بس في 3 سنين :)

السؤال المحوري هنا , و بصفتك جربت اللي باقول عليه ,
اخبار ميزانيتك ايه مع استهلاك البنزين بتاع العربية ال1000 سي سي ؟ خصوصا انها تكييف و باور ؟

انت كمجرب قلت لنا انها بتنجز معاك , اظن قصدك ما يخص حجمها , في المشي و الركنة
و تكييف و باور و واسعة يعني مريحاك

الصراحة السيريون ماشية مع وجهة نظري كإمكانيات , لكن بتختلف انها غالية حبتين على الحسبة اللي باقول عليها , يعني زي ما بتقول , عايزين ماروتي بس ادمية شوية :)

[MohssenRashed]

بغض النظر عن مشكلات الحكومة.


انا عن نفسي و ناس كتير من اسكندرية بالفعل ركنين عربياتنا و بنتحرك بالاسكوتر و طبعا مش قادر اقولك على توفير الوقت و البنزين و الركنة.

انا من البيت لحد الشغل عندي 10 كم تقريبا بالعربية في ساعة و اكتر بالاسكوتر ربع ساعة بالكتير.

[تامر.محمد]

بغض النظر عن مشكلات الحكومة.


انا عن نفسي و ناس كتير من اسكندرية بالفعل ركنين عربياتنا و بنتحرك بالاسكوتر و طبعا مش قادر اقولك على توفير الوقت و البنزين و الركنة.

انا من البيت لحد الشغل عندي 10 كم تقريبا بالعربية في ساعة و اكتر بالاسكوتر ربع ساعة بالكتير.

السكوتر بالنسبة لي كان الفكرة الاولى الصراحة
و كنت ناوي شخصيا فعلا
بس بالنسبة للناس اللي بيمشوا عالدائري و المحور و لمسافات طويلة مش نافع خالص