من المتسبب الحقيقي في فوضي الشارع المصري ؟؟

[Samir Elshahawy]

السلام عليكم ..

كثر الحديث مؤخرا عن المشاكل التي نعاني منها جميعا في الشارع و الطريق من زحام و فوضي و عدم التزام و تم طرح عدة موضوعات لهذا الغرض و تسبب بعضها في اثارة غضب او لنقل استياء البعض من اعضاء و عضوات المنتدي.
:k26: :k22: :K13:
لذا اطرح اليوم هذا الموضوع عليكم لنستكمل مناقشة تلك المشكلة بعيدا عن التحيز أو الهجوم علي فئة بعينها و لنكن موضوعيين و محايدين لنعرف من المتسبب الحقيقي في الفوضي التي نعيشها في الشارع المصري ثم لنبدا بعد ذلك في مناقشة كيفية التغلب عليها ودورنا نحن كاعضاء لهذا المنتدي في حل هذه المشكلة

و شكرا

[Mohamed_Ibiza]

والله يا باشا الموضوع ده فعلا بقاله كام يوم بيدور فيه دماغي وخصوصا النهاردة تجربة حصلت ادام عيني


النهاردة كنت واقف في اشارة والاشارة طولت شوية ولاقيت الناس اللي في العربيات اللي جنبي تقريبا زهقو فابتدوا يقطعو الطريق على العربيات اللي ماشية في طريقها وفي اشارتها دون اي اهتمام للاشارة سواء حمرا او خضرا وابتدى الموضوع يبقى هرجلة يعني كله بيزيط مع الزيطة ويدخل وسط الزحمة

وانا والله مرضيتش اتحرك من مكاني ولا اكسر اشارة وافاجيء بالعربة اللي ورايا عمالة تديني كلكس بصتله ي المرايا والاقيه يقولي ( يلا يا استاذ اكبس مع العربيات عشان نعدى )


لا تعليق

يبقى انت اكيد في مصر

[Abo_Lina]

المتسبب هم رجال المرور الاشاوس الذين تخلو عن دورهم في (التنظيم) و اختصرو دورهم في (التحصيل)

[Terrible_DaRsH]

ناقص اختيار واحد انت نستيه وهو :-
( كل ما سبق )...!
كل اللى انت ذكرته واكتر كمان مش حاجه واحده بس.
علشان كده مش هختار حاجه بل اختار الكل ....

[TICOXX]

جميع ما سبق

[ramy_150]

فعلا الطرق بقت حاجة تقرف انا من راى المتسبب فى الزحام اولا سيارات السرفيس والنقل الجامعى وبعديها الملاكى وبعديهم رجال المرور لازم القانون يطبق على الكل مش يومين وخلاص اول لما القانون بداء المواصلات والشوراع كانت فاضية ومفيش زحام خالص فى القاهرة كلها لكن لما الموضوع هدى الفوضه رجعت زى الاول واكتر ياريت على طول حملات المرور تنزل كل يومين حتى فى الاسبوع واللى يتلسع من الشربة ينفخ فى الزبادى

[tutankhamoun]

إذا كنت تمتلك محل للذهب
أول شئ تفعله هو تأمينه ضد السرقات

فكما يوجد في الشارع المحترمين و الأمناء

يوجد الكثير ممن ليس لديهم ضمير و مستعدون للسرقة

لذلك تقفل المحل جيدا عند المغادرة و تؤمن البضاعة داخله بأقصى الإمكانيات المتاحة لك

هذا هو حال الشارع
تركت الشرطة الناس تفعل ما يحلوا لها
فغاب الرقيب
فأصبحت شوارعنا هرجلة و فوضى
و الناس في مصر مش بتيجي غير بالضرب على الدماغ
شوف لما بيكون فيه لجنة على الدائري أو رادار
الكل ماشي محترم
مش علشان هما محترمين
لاءة
علشان خايفين ........... و الجُبن سيد الأخلاق

لذلك الحل في مصر هو العقوبات الرادعة

و بالنسبة لمسببات المشكلة
كل ما سبق طبعا
بس بييجي قبلهم

عدم وجود نظام لإمتحان السائقين
غياب العقاب


----------------
95 % من السائقين في مصر لا يعرفون معنى العلامات التي على الطريق أو حتى فائدة الخطوط المرسومة عليه
و كله بطيخ في بطيخ

يبقى الأساس هو المشكلة ......... كينفعش تبني بيت بدون أساس ........ و إلا هايسقط مع أول زلزال خفيف أو هزة أرضية من بلدورز معدي من جنبه

النظام المصري في كل شئ تقريبا ........... فاشل
يجب على الحكومة اتباع الدول التي سبقتنا في النظم الادارية
أصل المشكلة مش مشكلة مرور فقط
دي مشكلة نظام اداري فاشل

و عليكم السلام و رحمة الله و بركاته

[hero]

مش معقول يا جماعه ناس كبار وبتسوق عربيات ...يعني اغلبهم فوق الـ 18 سنة ومحتاجين واحد بعصاية يمشيهم....مافيش في العالم كلة شرطة مرور واقفة ليل ونهار في الشارع علي الاشارات او علي المفارق والتقاطعات علشان تنظم سير المرور لبني آدمين في القرن الواحد والعشرين...شرطة المرور بتيجي بس في الشكاوي او الاعطال او الحوادث او متوزعه لمراقبة الطرق من بعيد لبعيد...مش واقفين ينظموا حركة الناس....

اي مشاكل مرورية احنا ومافيش حد غيرنا السبب فيها ...سواقين مكروباص ولا ملاكي ولا اجرة ولا مشاة الكل مشترك بدورة ...ولية نصيبة ...

الثقافة المرورية ..جزء من الثقافة الشعبية المبنية علي احترام الغير وعدم الانانية..والايثار والمساعدة..والنظام...والاخير دة مفتقد في كل تصرف آدمي عندنا كشعب مصري....حد يقولي علي اي شيء منظم الناس بتعملة...طوابير بجميع انواعها قمة الهرجلة...ركوب اتوبيسات او مترو .. او اي مواصلات عامة فوضي مأساوية..
حتي النفايات بتترمي من البلكونات في اي حتة في الشارع.....كل واحد بيفكر في نفسة وبس...مش مهم الناس ايلي عايشة معاة...دي في ناس بتردم شوارع وبتحفر شوارع علشان مدخل بيتة اعلي او اقل من الشارع....

ازاي بقي بنحلم بشارع منظم واحنا قمة الهرجلة والفوضي في كل شيء....مش ممكن طبعا...ومش ممكن برضة يبقي في رقابة 24 ساعه في اليوم علي تصرفات الناس علشان يبقوا منظمين....ويعيشوا بطريقة آدمية...

هانقول اية غير ربنا يهدي ....ويرحمنا..

[احمدعبدالعزيز]

كل ما سبــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ق صحيح ....


وفعلا غياب الرقابه وعدم الوعى والاهمام فى صيانه الطرق هو السبب فى هذه الفوضى ...






..

[Dr. Elsaadani]

شوف لما يكون فيه زيارة لمكان المرور بيكون شادد حيله ازاى
والمرور انسيابى بطريقة جميلة

يعنى من الاخر النظام اللى هو موجود اصلا عاوز اللى يطبقه

لكن لما الناس بتلاقيها سايبة بتتقلب لفوضى

يعنى بالضبط زى السادة الافاضل ما وضحوا بالضبط

ولو ده حصل الناس الكويسة مش حتدى فرصة للناس المتسيبة

يعنى حتلاقى باذن الخالق الكل منتظم ومحترم علشان حيتعود

والله انا كنت مستبشر خير من بداية تطبيق القانون الجديد

لكننى الان فاهم كويس معنى "انت فى مصر - ام الدنيا"

بقى نفسى اروح اعيش فى مكان تانى الناس فيه زى ما بحلم

ابتسم - انت فى مصر

[Samir Elshahawy]

صباح الخير عليكم جميعا اعضاء نايل موتورز المحترمين ..

اسعدتني مشاركاتكم و أرائكم و لكن لي تعليق بسيط و هو ان اختيار ماسبق لم يسقط سهوا و لو وضعته لاختاره كل الاعضاء و انا أولهم , لكني تعمدت اسقاط هذا الاختيار كي نضع ايدينا علي الاسباب بالترتيب الصحيح وفق اهميتها لنبدأ بعد ذلك في مناقشة كل مسبب علي حدة و كيفية علاجه

و شكرا لكم علي أرائكم و مشاركاتكم القيمة

[Ghamrawy]

كل ما سبق أكيد + غباء المشاة

[Ahmed_Elkhateb]

يا جماعه المشكله اولا فى الشوارع البايظه الغير منظمه الشوارع الضيقه المعفنه اللى بليل بتبقى ضلمه اصلا ومتشفش انت داخل على اشارة مرور ولا داخل على كمييييين
وبعدين يا جماعه لو حد نزل المنيا مثلا انا كنت فى فرح بتاع واحد صحبى فى المنيا والله يا جامعه المرور هناك حاجه فوق الخيال المطبات الصنعيه الجميله الموريحه ماشى اشارات المرور اللى هيا ارقام الديجتال مفيش عسكرى واقف ولا حاجه بس الطريق نضيف اصلا يجبرك انك تقف فى الأشاره واسهم بتنور بليل وشغل جمييييييييل اوووووووى انا مشوفتش الكلام ده فى القاهره اللى هيا العاصمه بتاعة مصر والله الواحد تعب اصلا بسبب المواضيع ديييييييييه

[محمد ابراهيم 1]

فاكرين فيلم أبو العربى انا حقول لكم على كلمه منه


العيب مش فى المصرى العيب فى الحكام

[دموع الثلج]

جميع ما سبق