Tweet
بالصور والفيديو خطوات تجديد رخصة القيادة المنتهية
[img3]http://i.imgur.com/SUAgH.png[/img3]
خطوات تجديد رخصة قيادة الموتوسيكل
من وحدة مرور طنطا
رخصة قيادة الموتوسيكل منتهية منذ قرابة السنة وقولت اجددها علشان لو احتاجتها فى اى وقت ابقى ماشى مطمئن ... الحمد لله جددتها امبارح
- خطـــــــوات التجديد -
(1) تروح الأستوديو وتتصور 4*6 ومتنساش تصور البطاقة الشخصية صورة واحدة كمان
(2) بتجيب شهادة طبيه نظر + باطنه من اى مستشفى حكومى
(3) بتروح وحدة مرور طنطا اللى هى عند أول طريق المحلة الكبرى وتطلع الدور الأخير (الرابع) بتدفع جنيه وتاخد ورقة شهادة المخالفات
(4) بتروح بالورقة السابقة على المحكمة القديمة اللى عند محطة القطار وتطلع نيابه المرور وتوديها للموظف المختص وتستنى سعادة البيه وكيل النيابه لحد ما يصحى من النوم ويفطر ويجى يشرب القهوة بتاعته وبعدين يحط التوقيع الكريم والاكلاشيه (البيه وصل الساعه 12 ظهرا وضيع اليوم كله فى انتظار معاليه وكانت الاعداد رهيبه ومحشورين فى طرقة صغيره والجو خانق والدخان كثيف ومفيش اوكسجين للتنفس بإختصار الوضع مأساوى بمعنى الكلمة ) ومدفعتش ولا مليم فى هذه الخطوة وعلى فكرة الشهادة ديه مدتها شهر واتعقدت يومها من الخنقة اللى حصلت وتضييع الوقت وقولت مش هجدد دلوقتى ورميتها فى البيت وبعدين قررت قبل انتهاء الشهر ان اكمل الإجراءات فى المرور بدل ما اتسحل تانى فى نيابه المرور
(5) امبارح روحت لوحدة المرور لإستكمال الإجراءات لازم يكون معاك صورة البطاقة + الاصل طبعا معاك توجهت الى الدور الأرضى وروحت الخزنة اشتريت نموذج 256 بـ 3.5 جنيه بعد كده روحت لشباك الموظف المختص بالدراجات النارية وعملى وصل بـ 35 جنيه دفعته فى نفس الخزنة اللى فى الدور الأرضى
(6) بعد كده طلعت لخزنة تانيه فى الدور الثالث جبت بـ 3 جنيه طوابع شرطة + 2 طابع مهن طبيه بتلزقها على الشهادة الطبيه + دوسيه ابيض ودفعت الإجمالى 5 جنيه
(7) نزلت تانى للموظف المختص فى الدور الأرضى اخد الاوراق وصورة البطاقة الشخصية واصل رخصة القيادة ودبسها فى بعض فى الملف وبعدين توجهت بالملف الى الضباط ومضاها تم توجهت الى التصوير ... ثم آخر خطوة تم استلام الرخصة من نفس مكان التصوير والحمد لله ربنا سهلها
* ملحوظة
كان فيه اعضاء فى المنتدى بيخلطوا بين التأخير فى تجديد رخصة القيادة ورخصية التسيير المنتهية وبيقولوا ان كلاهما عليه غرامة وهذا الكلام غير صحيح بالنسبة لرخصة القيادة
وكنت قريت كمان هنا كلام يوجع البطن ان رخصة القيادة المنتهية بتتلغى وكأنها لم تكن بعد فترة محدده وهتتضطر تروح تمتحن من جديد وبردو هذا الكلام غير صحيح اطلاقاً
الرخصة منتهية منذ سنة وجددتها عادى جدا واتحسبتلى المدة الجديده 5 سنوات (علشان ديه رخصة قيادة موتوسيكل السيارة مدتها 10 سنوات) من تاريخ تجديدها
تجارب سابقة مع وحدة مرور طنطا
فيديو تفاعلي عن إجراءات التراخيص والمستندات المطلوبة
http://www.youtube.com/watch?v=ZaokO3AfRXI
خطوات تجديد رخصة قيادة الموتوسيكل
من وحدة مرور طنطا
رخصة قيادة الموتوسيكل منتهية منذ قرابة السنة وقولت اجددها علشان لو احتاجتها فى اى وقت ابقى ماشى مطمئن ... الحمد لله جددتها امبارح
- خطـــــــوات التجديد -
(1) تروح الأستوديو وتتصور 4*6 ومتنساش تصور البطاقة الشخصية صورة واحدة كمان
(2) بتجيب شهادة طبيه نظر + باطنه من اى مستشفى حكومى
(3) بتروح وحدة مرور طنطا اللى هى عند أول طريق المحلة الكبرى وتطلع الدور الأخير (الرابع) بتدفع جنيه وتاخد ورقة شهادة المخالفات
(4) بتروح بالورقة السابقة على المحكمة القديمة اللى عند محطة القطار وتطلع نيابه المرور وتوديها للموظف المختص وتستنى سعادة البيه وكيل النيابه لحد ما يصحى من النوم ويفطر ويجى يشرب القهوة بتاعته وبعدين يحط التوقيع الكريم والاكلاشيه (البيه وصل الساعه 12 ظهرا وضيع اليوم كله فى انتظار معاليه وكانت الاعداد رهيبه ومحشورين فى طرقة صغيره والجو خانق والدخان كثيف ومفيش اوكسجين للتنفس بإختصار الوضع مأساوى بمعنى الكلمة ) ومدفعتش ولا مليم فى هذه الخطوة وعلى فكرة الشهادة ديه مدتها شهر واتعقدت يومها من الخنقة اللى حصلت وتضييع الوقت وقولت مش هجدد دلوقتى ورميتها فى البيت وبعدين قررت قبل انتهاء الشهر ان اكمل الإجراءات فى المرور بدل ما اتسحل تانى فى نيابه المرور
(5) امبارح روحت لوحدة المرور لإستكمال الإجراءات لازم يكون معاك صورة البطاقة + الاصل طبعا معاك توجهت الى الدور الأرضى وروحت الخزنة اشتريت نموذج 256 بـ 3.5 جنيه بعد كده روحت لشباك الموظف المختص بالدراجات النارية وعملى وصل بـ 35 جنيه دفعته فى نفس الخزنة اللى فى الدور الأرضى
(6) بعد كده طلعت لخزنة تانيه فى الدور الثالث جبت بـ 3 جنيه طوابع شرطة + 2 طابع مهن طبيه بتلزقها على الشهادة الطبيه + دوسيه ابيض ودفعت الإجمالى 5 جنيه
(7) نزلت تانى للموظف المختص فى الدور الأرضى اخد الاوراق وصورة البطاقة الشخصية واصل رخصة القيادة ودبسها فى بعض فى الملف وبعدين توجهت بالملف الى الضباط ومضاها تم توجهت الى التصوير ... ثم آخر خطوة تم استلام الرخصة من نفس مكان التصوير والحمد لله ربنا سهلها
* ملحوظة
كان فيه اعضاء فى المنتدى بيخلطوا بين التأخير فى تجديد رخصة القيادة ورخصية التسيير المنتهية وبيقولوا ان كلاهما عليه غرامة وهذا الكلام غير صحيح بالنسبة لرخصة القيادة
وكنت قريت كمان هنا كلام يوجع البطن ان رخصة القيادة المنتهية بتتلغى وكأنها لم تكن بعد فترة محدده وهتتضطر تروح تمتحن من جديد وبردو هذا الكلام غير صحيح اطلاقاً
الرخصة منتهية منذ سنة وجددتها عادى جدا واتحسبتلى المدة الجديده 5 سنوات (علشان ديه رخصة قيادة موتوسيكل السيارة مدتها 10 سنوات) من تاريخ تجديدها
تجارب سابقة مع وحدة مرور طنطا
فيديو تفاعلي عن إجراءات التراخيص والمستندات المطلوبة
http://www.youtube.com/watch?v=ZaokO3AfRXI
Comment