ماحدث مع كمين الشرطه

[semi]

ياباشا بص في الوصل هتلاقي انها غرامة فك كلبش
بيوزعها زي الورق الكوتشينه على اي حد عامل مخالفه تستدعي الفحص الفني
انا وقفني لاني رخصي منتهيه وكان عايز يدفعلي وصلين ب100 جنيه كده اتاوه
قولتله لطلعلي وصل باسم مخالفتي لتسحب رخصي
طبعا سحب الرخص وكنت حاسس انه زعلان فاستغربت مع انه سحب رخصي
طلع بعد كده ان الغرامه كانت اقل بكتير من اللي كان عايز يدفعهولي
بس ده لان اطبق علي الحد الادني منها 20 جنيه بس حسيت اني عملت الصح فربنا كرمني بدفع غرامه اقل
مع ان المصري كعادته كله كان بيلومني كنت خليته ياخد الفلوس وريحت نفسك !!!
باختصار محدش يشجعهم ابدا على كده عامل مخالفة لتدفع مقابل مخالفتك لاما مدتفعش
لكن محدش يسيبهم يستغلوا الظروف
وربنا يرحمنا برحمته

[Ramy_2R]

الدعامه دي الاكصدام الحديد المنتشر ف الجيب .. انا مستغرب جدا ليه يبقي من الممنوعات

عشان مؤذي و بيلغي فائده الأكصدام من أمتصاص الصدمات سواء من العربيات
او الصدمات مع التاس و ده الأخطر بكتير

و عموما
الفضل تشيل الدعامه لو المقصود بيها الدفيندر
و ربنا يستر علينا جميعا
احنا راكبين سيارات ممكن تتحول في أي وقت لاداه قتل

[Bassem Youssef]

المرور ... اكبر سبوبه بتجيب فلوس للحكومه

تحيا ماسر :)))

[mfarouk85]

لجنتين في شارع واحد

احب اقولكم اني كل يوم بمشي من طريق القطامية اللي بينزل من الدائري على مدينة نصر , النهارده لجنتين واحدة عند الصنية قبل توكيل byd والتانية قدام دخلة المقطم , ومركزين جدا مع كل عربية
نخلي بالنا لانهم شكلهم فعلا بيلموا فلوس

[reda elgohary]

كنت بتكلم ف التليفون والآمين قال لى غرامة 50 جنيه رحت للضابط ملاز كبير ف السن ، وهو بيكتب الوصل قلت له أنا طرف الرائد عبدالعال ف مرور القاهرة ، قال لى طب ما قلتش ليه من الاول ، أنا خلاص كتبت الوصل .
والله حصل زي ما بقولكم .

[احمد فهمى]

الدعامه بتتمتب فى الرخصه فبعض العربيات اللى بتنزل بيها زى الشيروكي والجراند الشكل القديم مكتوبه فى الرخصه يعنى لو هيه ممنوعه مكنتش تتمتب زي العربيات الفاميه بتنزل فى موديلات كتير حاليآ المفروض بالمثل تتفيم اي عربيه بس الجرجه المسموح بيها زي الاصلي ولعلمك انو جفعك غرامه ده بيعمل واجب بجد ﻷن زفيهاش غرامه فيها سحب وفحص حاجه كجهده هتقرفك شهر اقل واجب

[Elawany13]

وتطلع ايه الدعامه ديه
تقصد الديفيندر الأمامى ؟

وحضرتك بتقول دفعت مخالفه قبل كده ياعنى عرفت انها مخالفه
طيب منمشى صح أحسن علشان محدش يكلمنا

[hugan]

شكر لكل اللي شارك وابدي رائيه
اولا انا مركب الدفيندر والعتب لائني ساكن في المطريه
منطقه اجاركم الله من المكيروباص والكائن العشوائي التوكتوك
يكفيي الاسبرانزا 516 غيرت الشبكه اكثر من 3 مرات
وفانوسين شبوره
وفانوسين خلفي بسبب التوكتوك
ولسه من حوالي اسبوعين واحد راكب شاهين امام المدرسه المصريه في التجمع رجع للخلف بقوه
وانا كنت وراه
لولا ستر ربنا والدفيندر كان بوظ وش العربيه عندي
دي حاجه
انا موضوعي كان لمعرفه
هل القانون ثابت في تطبيقه ولا يالمزاج
يعني ايه مثلا يطلع وصلين ب100 ولما اعترضت
وفهمته انه غلط
بعد ماكتبهم رجع واحد وخلاني ادفع واحد
هنا السؤال
ده قانوني ولا بلمزاج
يعني ايه ادفع نفس المخالفه 60 جنيه في اشاره الخلفاوي
ويقولي صل الجيزه بتدفع 40
وفي شارع شبرا عايزني ادفعها 100 وفي الاخر تحلص علي 50

للعلم ايضا الفاميه هو الوحيد اللي مافيهوش تصالح
سحب وفحص
عدا ذلك فيه تصالح ياسحب

[Ahmed Tarek 00]

كان عندي شغل في مول الامير في خلوصي
خلصت علي 6 مساء واخدت شارع شبرا في اتجاه المظلات
وفجاءه وجد كمين مرور 2 امناء شرطه وضابط كان امين شرطه ملازم اول
امين الشرطه عدي الشارع وجالي كنت علي الشمال
رخصك
اتفضل
مخالفه فيميه
دعامه اماميه
قولت له الفاميه موجود
بص في الرخصه تمام تمام
اتفضل انزل من العربيه علشان الدعامه
نزلت
راح علي الضابط راجل كبير في السن وقاعد علي الكرسي
دعامه ياباشا
الباشا غرامه ياسحب
قولت له ادفع
لقيت الامين بيقولي 100 جنيه
نعم ليه ياعم انا دافع قبل كده 60 في اشاره الخلفاوي يعني تبعكم
انا دفعت ال 100 واخدت الوصلين مش وصل واحد
هنا تنبهت
ايه ده هو مش المفترض ان الغرامه ثابته بحكم القانون علي نوعيه المخالفه
روحت راجع للضابط
قولت له هي مش الغرامه ثابته
قالي لاء
اصل الجيزه 40 وهنا في شبرا 100
مش عاجبك هاسحب الرخصه وتخش فحص
قولت مفيش الكلام
القانون بيقول ياما تصالح ياما سحب وانا عايز اتصالح
بس انا دافع قبل كده 60 ومش هادفع ال 100
ومش من حقك تسحب الرخصه
قالي اي ضابط ممكن يسحب الرخصه
قولت له اي ضابط لو رفض التصالح هاروح اشتكيه
ابتدا الصوت يرتفع
لقيت المعلم جاب ورا
وقال للامين معلش رجع وصل وخليه يدفع وصل
لقيت الامين نط زي عفريت العلبه وقاله ياباشا
انا هاتحمل ال100 جنيه بس اسحب الرخصه
قاله باقولك رجع وصل وخليه يدفع وصل
قولت له بتهكم مش لقولك رجع الوصل وخليه يدفع وصل
راح دافع 50 وهو يكاد يتميز من الغيظ

بس كده الموضوع مريب وفيه شبهه تلاعب منهم
ولا ايه

يعنى ابه الدعامه ؟؟؟

[ahmed.Elashy]

وحضرتك لما ركبت الدعامه حاسس بفرق.و امان ؟
اصل.الواحد نفسه يجيب حاجه عاليه وفيه دفندر عشان اللي حضرتك بتشتكي منه

[gade2]

برده محدش افادنا هى الغرامه موحده ولا على كيف الباشا

[K_E]

هو الدعامة او الديفندر مش بيأثر عالشاسيه لو الخطبة جامده شوية ؟

[hossam_elwani]

تنفيذ القانون مش وحش ابداااا انا معاه

البلوه عو تخطى التنفيذ الى الاجرام والسرقه باسم القانون


برافو عليك احييك على تصرف


وبكرر نصيحة الاخوه تابع المخالفات

[hugan]

معلش بقي الاقتباس المتعدد مش شغال
الدعامه
الاكصدام المعني الحديد او الاستانليس بيتركب اما اكصدام العربيه الاصلي للحمايه

اما الاحساس بالامان
طبعا بيديك جراءه امام التكاتك والعربيات وما تبقاش مقلق لو حد ريح عليك
حسام باشا
ياريت القانون يطبق علي الكل بنفس العدل وبدون محسوبيه

[hugan]

اكيد لو الخبطه جامد هاياثر وهايدمر وش العربيه