Tweet
بصراحة مش عارف ابتدى واقول اية
بس الموضوع بقى مستفز بدرجة رهيبة
اكيد الناس كلها حاسة وشايفة ازاى اسعار المستعمل فى البلد بقت فى قمة التخلف
عربيات مدعوكة فى الشوارع ب10 و 15 سنة وتتباع اغلى من تمنها زيرو وقتها
ويقولك اصلها يابانى
اصلها احسن عربية نزلت فى فئتها
اصلها فابريكة برة وجوا
اصلها استعمال طبيب ولا سيدة ولا اسرة
وعربيات تانية متسواش برة تمن البنزين اللى بيتحط جواها
وتتباع هنا بأرقام فلكية
يكفى ان ال127 وال128 ولا131 و132 والسويفت القديمة والمازدا القديمة وغيرها كتير، كل العربيات دى مع كامل احترامى لملاكها الا انها متساويس برة نكلة بمعنى الكلمة ولسة بتتباع ب 20 ولا 25 الف وبتوصل ل30 الف
انهى عقل يقول انى اجيب عربية بقالها 20 سنة مفشوخة فى الشوارع وادفع فيها دم قلبى وتحويشة عمرى علشان كل يوم عند الميكانيكى بصلح فيها حاجة وكل حبة تعطل واعطل انا جنبها ويتحرق قلبى على تمنها وفلوسها؟؟؟
ومن الحاجات المستفزة اللى شوفتها عالنت صاحب ال 128 اللى كان عارضها ب40 الف موديل 88
العربية مدعوكة وطالع بوزها فى شوارعنا الجميلة 27 سنة وعاوز تبيعها بأغلى من تمنها زيرو وقت ما اشتريتها يا مفترى
وكتير كتير من الامثلة اللى كل يوم بنشوفها على النت وارقام فلكية ومهازل بتحصل
والمشكلة ان وسط كل دة بنلاقى عربيات فى قمة الاحترام وعربيات لا غبار عليها بتتباع برخص التراب
ويقولك اصلها ملهاش سوق ، او مش بياعة او قطع غيارها غالية او محدش من الصنايعية بيفهم
والسوؤال هنا اية سبب كل التخلف العقلى والعته اللى بنشوفه كل يوم فى سوق المستعمل دة
هل هى ثقافة شعب
ولا تحكم تجار
ولا فعلا المشترى مغفل والبايع مجنون ؟
بس الموضوع بقى مستفز بدرجة رهيبة
اكيد الناس كلها حاسة وشايفة ازاى اسعار المستعمل فى البلد بقت فى قمة التخلف
عربيات مدعوكة فى الشوارع ب10 و 15 سنة وتتباع اغلى من تمنها زيرو وقتها
ويقولك اصلها يابانى
اصلها احسن عربية نزلت فى فئتها
اصلها فابريكة برة وجوا
اصلها استعمال طبيب ولا سيدة ولا اسرة
وعربيات تانية متسواش برة تمن البنزين اللى بيتحط جواها
وتتباع هنا بأرقام فلكية
يكفى ان ال127 وال128 ولا131 و132 والسويفت القديمة والمازدا القديمة وغيرها كتير، كل العربيات دى مع كامل احترامى لملاكها الا انها متساويس برة نكلة بمعنى الكلمة ولسة بتتباع ب 20 ولا 25 الف وبتوصل ل30 الف
انهى عقل يقول انى اجيب عربية بقالها 20 سنة مفشوخة فى الشوارع وادفع فيها دم قلبى وتحويشة عمرى علشان كل يوم عند الميكانيكى بصلح فيها حاجة وكل حبة تعطل واعطل انا جنبها ويتحرق قلبى على تمنها وفلوسها؟؟؟
ومن الحاجات المستفزة اللى شوفتها عالنت صاحب ال 128 اللى كان عارضها ب40 الف موديل 88
العربية مدعوكة وطالع بوزها فى شوارعنا الجميلة 27 سنة وعاوز تبيعها بأغلى من تمنها زيرو وقت ما اشتريتها يا مفترى
وكتير كتير من الامثلة اللى كل يوم بنشوفها على النت وارقام فلكية ومهازل بتحصل
والمشكلة ان وسط كل دة بنلاقى عربيات فى قمة الاحترام وعربيات لا غبار عليها بتتباع برخص التراب
ويقولك اصلها ملهاش سوق ، او مش بياعة او قطع غيارها غالية او محدش من الصنايعية بيفهم
والسوؤال هنا اية سبب كل التخلف العقلى والعته اللى بنشوفه كل يوم فى سوق المستعمل دة
هل هى ثقافة شعب
ولا تحكم تجار
ولا فعلا المشترى مغفل والبايع مجنون ؟
كله حاطت ايده فى جيب التانى من اول الموظف اللى بيضيع وقت الناس وبياخد رشوة لحد الزبال يسيب الزبالة فى كل حتة ويجى ينظف جنب عربيتك وكل سنة وانتى طيب ياباشا 
كلة بينصب على كلة لا ضمير ولا خوف من الله شعب جاهز للفساد اللى من رحمه الله عز وجل
Comment