اسعار المستعمل فى بلدنا ... لو البايع مجنون يبقى المشتري مغفل

[ahmedazabreno]

يا باشا ولا تزعل نفسك السوق مليان شمال ولمين
فلوسك فى جيبك والعربيات قدامك وكل عربية وليها ثمن والثمن دة قسمة عدل يعنى لا تيقى ظالمنى ولا انا ظالمك
انا نزلت السوق اربع جمعات ورا بعض من حوالى 6 شهور وكان معاية 65 الف وكنت عاوز فرنا موديل 2013 فضلت انزل واسمع الاسعار لحد ما ربنا كرمنى بواحد وخدتها منة ب 62 بلعفية وفيها كل حاجة .
كل حاجة وليها ثمن

[miam0502788391]

طيب هو مش حرام اصلا عربية بقالها اكتر من 30 سنة لسه مصرح ليها تمشى على الارض
دىالبنى لآدم بيحيلوه على المعاش لما يمرض او بعد 35 سنة شغل بيكون فقد اكتر من 50% من طاقته ايام ما كان شاب فما بالك بعربية حديد مشت على 750000000 مطب وموتورها استهلك فى اكتر من 600000 كيلو وغيرت كام كاوتش وعملت كام مرة صيانة ومش عاوز يحيلها للمعاش ولسه بقولك عربية سليمة
تقبل مرورى

[ahmedelrayan]

يا جماعة فعلا الموضوع ده بقى مستفز جدا لاى حد عايز يشترى عربية مستعملة يعنى انا مثلا على سبيل المثال حصلى ظروف مادية واضطريت ان ابيع عربيتى وكنت شاريها كسر زيرو لما جيت اعرضها وكنت طالب سعر معقول جدا واللى يتصل عايز ينزل 5000 من تمنها والمهم واحد جالى اتفرج على العربية واشتراها فى سعتها ودلوقتى الحمد لله الظروف اتحسنت وعايز اشترى عربية تانى شوفت العجب واقسم بالله جالى اكتئاب من العربيات ادخل اشوف الاقى عربية زى اللى كانت معايا شكلا وموديل فقط وليس مضمونا والاقى صاحبها مثلا طالب اكتر من الثمن اللى انا بعت بيه ب8الف جنيه وانا بايع العربية من 4شهور طيب بأمارة ايه وتخيل بقى الاحساس انك يكون معاك عربية وتضطر تبيعها وتيجى تجيب زيها تانى بس اغلى ومش زى اللى كانت معاك خالص احساسك هيكون ايه سعتها الله المستعان يا جماعة

[Almaestromomen]

علي النعمه انت برنس البرانيس وكلامك 100% صح وانا شخصيا خلفت النظريه السائده في السوق المصري من شهرين وتمردت علي كل المستعمل والحمد لله جبت byd l3 زيرو ... وكفاءه

[Abo_Mazen]

يبقى برضه هي ظروف شعب ..من جهل وفقر ..أو فقر وجهل ..أيهما أولا مش هتفرق

[gade2]

بص انت جيت على الجرح
انا بقالى 6 شهور ...اه 6 شهور ... بدور على عربيه وبشوف العجب ويقولك فابريقه وتروح تلاقيها متنيله بنيله واللى تلاقى مبالغ بشده فى سعرها وتكلمه يقولك دى سوق وعرض وطلب واجى ادور على عربيه محترمه -رينو- مثلا يقولك قطع غيار وميكانيكيه قليلون ترجع تفكر فى العربيات الشعبيه تلاقيها ولعت والناس ماسكه فيها
انا زهقت وحاسس انى مش مكتوبالى العربيه

[Almaestromomen]

يبقى برضه هي ظروف شعب ..من جهل وفقر ..أو فقر وجهل ..أيهما أولا مش هتفرق

الظبط بابو مازن لان اللي بيشتري عربيه زي حالاتي كده بيكون تقريبا تحويشة عمره يقولك حرام احطها مثلا في صيني او في عربيه لسه نازله جديد وماسمعتش جامد في السوق وناس بتكون خايفه من كلام الناس ؟؟ انا الحمد لله جبت الصيني وعجباني وزي الفل والحمد لله رضا مارضتش اجيب حاجه مستعمله لانه غالي جدا وغير كده مهريه ليها 7 او 8 سنين وياعالم يقولك بقي اصلها فابريكه وشركه وراشه وماعرفش ايه ... ريحت بالي ولله الحمد

[Abo_Mazen]

الظبط بابو مازن لان اللي بيشتري عربيه زي حالاتي كده بيكون تقريبا تحويشة عمره يقولك حرام احطها مثلا في صيني او في عربيه لسه نازله جديد وماسمعتش جامد في السوق وناس بتكون خايفه من كلام الناس ؟؟ انا الحمد لله جبت الصيني وعجباني وزي الفل والحمد لله رضا مارضتش اجيب حاجه مستعمله لانه غالي جدا وغير كده مهريه ليها 7 او 8 سنين وياعالم يقولك بقي اصلها فابريكه وشركه وراشه وماعرفش ايه ... ريحت بالي ولله الحمد

السؤال بقى ...كام واحد فاهم زي حضرتك كده وكسر القاعده ؟؟؟

[محمد دسوقى72]

فى اوربا والدول المتقدما عفوا الدول العربية المتقدمة السيارات تستخدم لمدة معينة وبعدها تسلم للمفرمة ا ا للى فى مصر المحروسة العربيا ت بنشغلها 30 40 سنة وعمرى ماشوفت عربية بتتفرم اللى بشوفة بشر بيتفرم من الجهل والفقر والمرض وفساد وظلم وقهر مصر المفرمة المحروسة سابقا

[miam0502788391]

السؤال بقى ...كام واحد فاهم زي حضرتك كده وكسر القاعده ؟؟؟

الإجابة ....... مش اكتر من 20% من المشترين
انا بكلم نسيبى عن البى واى دى l3 لقيته اصلا مسمعمش عن الماركة وعاوز يغير عربيته بواحدة عائلية ومعاه استرا 2002
لسه 5-10 سنين على ما الناس تعرف ان الصين خطت خطوات للأمام فى تصنيع السيارات وسبقت دول كتير زى الهند ومالزيا اللى بدأت موضوع التجميع قبلها

[م أحمد]

بلطجة اسمها

جمارك السيارات

بس خلاص

[Abo_Mazen]

الإجابة ....... مش اكتر من 20% من المشترين
انا بكلم نسيبى عن البى واى دى l3 لقيته اصلا مسمعمش عن الماركة وعاوز يغير عربيته بواحدة عائلية ومعاه استرا 2002
لسه 5-10 سنين على ما الناس تعرف ان الصين خطت خطوات للأمام فى تصنيع السيارات وسبقت دول كتير زى الهند ومالزيا اللى بدأت موضوع التجميع قبلها

متفائل ..ده ولا سبعين سنة على الناس ما تفهم حاجات كتير

[Almaestromomen]

هههه حلوة 70 سنه دي .. يعني مثلا اتعرض عليا من ضمن الي اتعرض مستعمل رينو لوجان 2013 تقريبا الشكل القديم .. الراجل كان عايز 85 وبعدين قالك انا اخري 82 .. ماعرفش اذا كان هو يعرف ان الزيرو بتاعها ب 92000 - 2015 .. ده غير ان اللوجان كنزه كده وصغيره واسعار قطع غيارها مولعه .. وفي حاجات بتقع والله بس بتبقي لقطات كده حسب الظروف

[miam0502788391]

هههه حلوة 70 سنه دي .. يعني مثلا اتعرض عليا من ضمن الي اتعرض مستعمل رينو لوجان 2013 تقريبا الشكل القديم .. الراجل كان عايز 85 وبعدين قالك انا اخري 82 .. ماعرفش اذا كان هو يعرف ان الزيرو بتاعها ب 92000 - 2015 .. ده غير ان اللوجان كنزه كده وصغيره واسعار قطع غيارها مولعه .. وفي حاجات بتقع والله بس بتبقي لقطات كده حسب الظروف

وطبعا بيقولك دى فابريكة دى مفيش فيه خدش دى بحالة الزيرو دى مش عارف مالها
ده تقوله كلمه واحدة
حموك فى كنكنه

[Almaestromomen]

وطبعا بيقولك دى فابريكة دى مفيش فيه خدش دى بحالة الزيرو دى مش عارف مالها
ده تقوله كلمه واحدة
حموك فى كنكنه

مانت فاهم كله بيزيط في الزيطه الصالح علي الطالح الفبريكه واللي راشه واللي شركه جوة بره واللي مش عارف ايه والله حاجات تعقد وده عمل مشكلة لان في فعلا ناس محترمه وفي ناس بتبقي مضطره ( ربنا مايكتبها علي حد ويهونها علي عباده ) تبيع وياحول الله ناس بتستغل كده وتوقع السعر في الارض.. هههههه لا انا بعتله رساله مع صديق انه اخرها معايا 75 .. وطبعا مارضيش يتنازل قلتله شكرااا