*** اخر سيارة 128 في العالم *** مصنع زاستافا يغلق ابوابه اخيرا ***

[د-احمد عبد اللطيف]

والله لو في مستثمر بيفهم يروح يشتري المصنع و يجيبة مصر
من احسن السيارات في تاريخ مصر ال 128
قطع غيار و استهلاك بنزين وسعر السيارة في متناول الجميع

[ahmad--ezzat]

مع احترامى للجميع

انا ملاحظ ان كثير من الناس نازله تريقه على ال 128 ونسيوا ان من حوالى 20 سنه كانت ال 128 افضل واشيك عربيه فى مصر وكانت عربيه الشباب

دلوقت خلاص بقت كخه ؟

ولا هو البذخ والشبع وكثر الفوس ؟

ربنا خلق الناس درجات منهم الغنى والفقير ومش كل الناس معاها فلوس

فلازم يكون فيه تنوع علشان كل واحد يقدر يلاقى سلعته

يعنى فيه ناس لغايه دلوقت كان اقصى حلم ليها انها تركب اى عربيه

انا شخصيا فضلت اعمل فى جمعيات اكثر من جمعيه لغايه ماقدرت اجيب واحده مع انى اعمل دكتور ورئيس قسم بحثى لكن لانى اخترت طريق العلم فليس معى مال يكفى لشراء افضل من ذلك

فليه ناس تتريق على خلق الله

يعنى بدل ماتشكر ربنا انه انعم عليهم بنعمه ليست مع غيرهم فيحمدوا الله عليها حتى لاتزول صاروا يتبطروا وليس فقط بل لايتركون غيرهم فى حالهم

بصراحه قمه التخلف وقمه الاستهتار بمشاعر الغير

للاسف فى دول الغرب اللى احنا بنقلدها فقط فى التفاهات والاشياء الخايبه هناك رئيس الجامعه والعلماء بيركبوا عجل مش 128 حتى وده لان عندهم قناعه وعندهم مافيش حاجه اسمها عيب ومافيش حاجه عندهم زى مابنعمل عندنا هناك حريه شخصيه واحترام مشاعر الغير

لكن احنا عندنا فى مصر زى المثل اقرع ونزهى

خايبين فى كل حاجه فى التصنيع والزراعه وكل شئ وبنستورد من الغرب كل حاجه من الابره للصاروخ وكمان بنعيب على غيرنا

بصراحه حاجه تكسف وتنرفز وترفع الضغط

هنفضل شعب فقير ومتخلف وتافه طول مااحنا بنفكر كده ننقض الغير ولانفعل الصح

براحة يا ابراهيم باشا الدنيا مش مستهلة كل دة
محدش اتريق ولا حاجة العربية دى محترمة وبتشيل كتير
بس ظروف الزمن اللى احنا عايشين فية ميستحملش العربية دى
الدنيا زحمة جدا والسواقة صعبة فى البلد بطريقة غير عادية فالواحد بيكون عاوز حاجة جديدة وحديثة وناعمة وعلى الاقل لو قال يا سفر يسافر وهو مستريح مش حاطط ايدو على قلبو هيا دى الفكرة

[Nour_Peugeot]

شوف وشك بخير يا 128

و عقبال التعديل بتاعك اليكون خرافه ههههههههه

[mrghost]

ياجماعه حد خد باله من شكل العدادات دى والله جامده جدا بالنسبه لانها تكون فى العربيه دى عقبال ماينزل منها لمصر حتى لو استيراد مش جديد

[CryptonX]

معلومة اضافية

مشروع فيات اسمه مشروع 178 و هو " البديل الروحي " لل 128 في فترتنا دي

والي طلعت منه السيينا في اواخر ال 90ينيات و استمرت الي يومنا هذا .

السيينا و الباليو هما الوريثتين الشرعيتثين لل 128

و لكن في 2010 سيتم اسبتدال هذا المشروع كاملا بسيارة مبنية علي قواعد الجراند بونتو و مصممة حتى لا تتعدى حاجز ال 65- 70 الف جنيه و ستحمل علامة فيات يا اما على هيئة سيينا او باليو او اونو جديدة .

و مصنع زاستافا الي فيات قفلته و حتفتحه تاني حينتج السيارة دي في 2010 بس على الاقل دي حتكون فيها جميع عوامل الامان و محرك فاير الشهير 1400 .

[Amrrr]

محدش يزعل من التريقة عشان هي العربيات دي لولا انتشارها الرهيب دا على مر العصور وعبر التاريخ مع انها ليعا عيوب كتيير بس مميزاتها اكتر واهم ميزة فيها انها تناسب :
1- اللي عايز يتعلم السواقة لرخص تكاليف الصيانة والحوادث والفوانيس وقطع الغيار الرخيصة والمتوافرة في اي مكان
2- اللي مضطر يركب عربية ومعهوش فلوس يركب زيرو
3- اللي هيجيب عربية مؤقتا وعايز يبيع في أي وقت عشان ممكن يتزنق في الفلوس او مستني سفر او . . . . وهيبيع طبعا من غير خسارة ومن غير مايضيع وقت وفلوس في اعلانات
4- انا اتعلمت من العربية دي حاجات كتير في الميكانيكا والأعطال المفاجئة اللي بتوقفك على مطلع كوبري مثلا او في نفق الأزهر أو على الدائري فلازم تنزل تتعامل بنفسك
دا انا من ساعة ما وعيت على الدنيا (من تلاتين سنة) وهي موجودة ياجماعة وفي عائلات عندهم كذا 128

[sab3aawy]

وداعا يا اجمل ذكرياتى
وداعا يا سيارة احلى ايام شبابى
وداعا ايتها السيارة والتى برغم انها لم تكن اول سيارة اقتنيها لكنها اول سيارة اعطتنى الشعور اننى فعلا امتلك سيارة بجد
وداعا ايتها السيارة التى كانت الوحيدة من بين الكثيرات يوم بعتها بكيت عليها
وداعا ايتها السيارة التى امتلكت منها ثلاثا لم ار من ايهن سوى كل خير
وداعا ايتها السيارة التى بنيتها بالكالم يوما من شاسيه قديم وصارت تحفة للناظرين
وداعا ايتها السيارة الوحيدة التى جرؤت على ان اقودها من القاهرة الى اسوان وبالعكس
وداعا يا اكثر سيارة احببتها فى حياتى
وداعا ايتها ال128، مهما قالوا فيكى فستظلين اكثر سيارة عشقتها وكثر سيارة عشقها كل مصرى

رابط لموضوعى:ال128 والمصريين ، قصة حب عمرها اكثر من 30 سنة

http://www.nilemotors.net/Nile/showthread.php?t=330

[Dr.A.Nabil]

هو ده حال الدنيا

[mody_halawa]

وداعا ايتها السيارة التى كانت الوحيدة من بين الكثيرات يوم بعتها بكيت عليها

نفس اللى حصلى يوم لما والدى باع اول عربية كانت عندنا وكانت 128 سماوى

[Terrible_DaRsH]

انا ملاحظ ان كثير من الناس نازله تريقه على ال 128 ونسيوا ان من حوالى 20 سنه كانت ال 128 افضل واشيك عربيه فى مصر وكانت عربيه الشباب

دلوقت خلاص بقت كخه ؟

ولا هو البذخ والشبع وكثر الفوس ؟

ربنا خلق الناس درجات منهم الغنى والفقير ومش كل الناس معاها فلوس

فلازم يكون فيه تنوع علشان كل واحد يقدر يلاقى سلعته

يعنى فيه ناس لغايه دلوقت كان اقصى حلم ليها انها تركب اى عربيه

انا شخصيا فضلت اعمل فى جمعيات اكثر من جمعيه لغايه ماقدرت اجيب واحده مع انى اعمل دكتور ورئيس قسم بحثى لكن لانى اخترت طريق العلم فليس معى مال يكفى لشراء افضل من ذلك

فليه ناس تتريق على خلق الله

يعنى بدل ماتشكر ربنا انه انعم عليهم بنعمه ليست مع غيرهم فيحمدوا الله عليها حتى لاتزول صاروا يتبطروا وليس فقط بل لايتركون غيرهم فى حالهم

بصراحه قمه التخلف وقمه الاستهتار بمشاعر الغير

للاسف فى دول الغرب اللى احنا بنقلدها فقط فى التفاهات والاشياء الخايبه هناك رئيس الجامعه والعلماء بيركبوا عجل مش 128 حتى وده لان عندهم قناعه وعندهم مافيش حاجه اسمها عيب ومافيش حاجه عندهم زى مابنعمل عندنا هناك حريه شخصيه واحترام مشاعر الغير

لكن احنا عندنا فى مصر زى المثل اقرع ونزهى

خايبين فى كل حاجه فى التصنيع والزراعه وكل شئ وبنستورد من الغرب كل حاجه من الابره للصاروخ وكمان بنعيب على غيرنا

بصراحه حاجه تكسف وتنرفز وترفع الضغط

هنفضل شعب فقير ومتخلف وتافه طول مااحنا بنفكر كده ننقض الغير ولانفعل الصح

بجد ربنا يكرمك ويوفقك فى مشوارك اللى اهم من العربية ..
كمان فى حاجه ان اغلب اللى بيتريقوا على السيارة دى سواء ان كانوا هنا او فى الشارع او فى الجامعه او او او او كلهم (عيال) اى نعم (عيال) يعنى لما يكون شاب 18 سنة و بابا يجيب له عربية حديثة شوية يتريق على خلق الله صحيح !!! ده انت لسه عيل ولو اشتغلت مش هتجيب نص تمن السيارة ولا فى 3 سنين على الاقل ..ومش هكتر فى الكلام علشان محدش يفتكر انى بهاجمه!!

وداعا ايتها السيارة الوحيدة التى جرؤت على ان اقودها من القاهرة الى اسوان وبالعكس

اكيد الرجل مش هيكذب علشان يبين انه بيحب السيارة...
انها فعلا سيارة تستحق الاحترام ..

[ahmed1981]

كده زعلتوا د / إبراهيم سعد
فرفش يا دكتور
الناس مش قصده تريقة
أنا الحمد لله عندي إثنين 128 واحدة عادة وواحدة معدلة
هما صحيح مطلعين عيني لكن برضه حنيني هما الإثنين في مصارفهم التي تغلبها مصاريف الجولف منفرده

المهم أشكر صاحب الموضوع على الصور
والصور التي في الموضوع مهمة جداً
مش عارف خدتوا بالكم ولا لأ

ال 128 خارجة عندهم من المصنع تعمل بالغاز الطبيعي
منظم الغاز واضح في صورة الموتور وإسطوانة الغاز واضحة في الشنطة
وعدادات العربية جميله
والتابلوه شيك
كل هذا في الصور
والمشكلة إن شركة النصر بتضحك علينا ومشفناش منها أي حاجة من التطور ده للأسف

تخيلوا معايا لما 128 تتباع زيرو بالغاز الطبيعي في حدود 40 ألف مثلاً
ومكيفة وشوية كماليات كده
ولكن تكون متينة زي التي في الصورة

الحقيقة أن شركة النصر قتلت ال 128 ووأدتها وغطتها بالرمال

لن أقول لها وداعاً لأن لدي منها سيارتين قاعدين في أرابيزي

عموماً أنا بفكر أشتري خط إنتاج الSkala 55 من الجماعة أصحاب مصنع يوجو زاستافا

حد عايز يشتري أسهم

[CryptonX]

الغاز ده Optional لو عايزه المصنع بيركبهولك مخصوص ( كان بقى ) .

اعتقد في الكام سنة الجايين .. الغاز و امثلته ( الديزل ) حيبتدا يودعوا علي حساب الكهرباء و السيارة الهجينة خصوصا ان فيات " حابكة " اوي حكاية السيارات الخضراء و البيئة في كل موديلاتها الجديدة .

[amirhamed]

وداعا فيات 128

[ibrahimsaad]

ياباشمهندس احمد انا مش زعلان ابدا مش علشان انا عندى 128
لانى جايبها لهدف معين وهو توصيل الاولاد المدارس وتقضيه مشاويرى وده الهدف من العربيه سواء كانت 128 او غيرها مش دى القضيه

لكن انا فقط حزين من ثقافه المصريين السطحيه لاغير

عموما كنت اتمنى ان يكون ولو سياره واحده يتم انتاجها فى مصر ثم بعدها نتكلم هذا الكلام

[PASST2000]

يا دكتور ابراهيم كفايه ان حضرتك راكبها تبقى عربيه محترمه
روق بس يا دكتور احنا بنضحك مع بعض مش بنتريق على بعض و لا على حد
و ايه يعني الشعب المصري اتريق على المرسيدس و سماها اسامي و كل موديل باسم ظريف و اهي مرسيدس عادي يعني
انا مش شايفها تفاهه انا شايفها انه موضوع ظريف و بنهزر مع بعض
ال 128 كانت مع كل افراد العيله و ربع ال 128 الي في العيله اتباع و الباقي فضل و بنكن ليها التعظيم و الاحترام مش علشان هيا عربيه عظيمه لا لقيمتها التاريخيه في العيله
و روق ياعم انا كان معايا لادا كنت مسميها box like strcture
و عادي النوبيرا كنت مسميها الهبله عادي يعني