تعمل ايه لو فى حصلك الموقف دا ؟

[Mohamed-Saoud]

انا فتحت الموضوع عشان حصل قدام عينى يوم الخميس اللى فات واحد راكن جنبى و صاحب البيت تقريبا قعد يتكلم مع الراجل عشان يدخل مكانه مرضيش و قعد يزعق فيه و الراجل صعب عليا وهو اصلا راجل كبير نزلت و قلتله تعالى مكانى يا حاج رغم انى راكن فى الناحية المقابلة قالى شكرا يبنى و فضلت انا واقف فى الشارع و مشغل الانتظار

هل ترضى ان لو والدك مكانه يحصل فيه كدا ؟؟ بس خلاص انا اتحرق دمى بجد و كان هاين عليا اضربه

ربنا يكرمك و تصرفك في منتهى الاحترام.
و اللي من عينة الأخ الرخم التاني ده... مش هاقول غير ربنا يريحنا من أشكالهم.

[1.8Tee]

أكيد مش هطلع....لو زى مبتقولوا يبقى محدش هيعرف يركن فى البلد دى.

[Qamar]

أكيد مش هطلع....لو زى مبتقولوا يبقى محدش هيعرف يركن فى البلد دى.

من كان في عون أخيه كان الله في عونه

[Sharky]

اكيد هطلعله هوا ذوقيا ومن حقه انه يجي من برا يلاقي مكان قدام بيته يركن ويطلع

مش من حقه إنه يجى من بره يلاقى مكان قدام بيته يركن فيه لإن الشارع ملك للجميع
لكن ذوقيا فقط أخليه يركن لإنه حيبيت السيارة ة أنا شويه و ماشى

[patshi]

انا لو لقيت الراجل محترم و بيكلمني باحترام و ذوق هخليه يركن طبعا .. انما لو حسيت انه بيتكلم ببجاجه كده اظن هنعمل احلي مشكله :>

[moh_kamal67]

حبايب قلبى نزلت الناهردة 9 الصبح لقيت العربية متربة ومكتوب عليها : نرجوا عدم غلق باب العمارة بسيارتك ، قلت ليه هوة انا راكن فين بصيت لقيت فعلا مدخل عمارة 4 ادوار ، طيب فين المشكلة ، ان فيه عفش كان نازل من عربية نقل وكانوا عايزين يدخلوه وفعلا كنت سادد عليهم لان ضرف الموبيليا عايزة مكان واسع علشان يدوروها ويعدلوها ودار الحديث التالى
- صباح الفل ياباشا وصلتنى الرسالة
- انت صاحب العربية دى الله يسامحك كسفتنا مع عربية الموبيليا موش عارفين ندخلها البيت ، انت مدرس فى المدرسة دى
- لا انا ساكن فى عمارة جنبكم
- طيب يابنى ربنا يسامحك ابقى خلى بالك ده مدخل عمارة
قلت فى نفسى آخر مرة انا احطها فى اى جنينة جنبنا اكرمللى
مرة فى رمضان كنت منشن اركن فى نفس المكان علشان بلقاه فاضى ، لقيت مكان امور قوى جنب العمارة ركنت قبل الفطار نزلت فى التراويح لقيت عربيتين نايمين فى حضن عربيتى مدشدشين الجنب الشمال كله
ومن يومها لا اركن جنب عمارتنا على الاطلاق
انا عندى اقتراح يالا نطبق العربية وناخدها نركنها كل واحد جنب سريره ونخلص

[Amrrr]

هوسعله لو طلب بذوق لأنها مش قنون مفروض !!هي بس حاجة ذوقية
بس مرة واحد قاللي عايز أركن قدام العمارة بس شكلة ممكن يكبر الموضوع اوي وكمان شكله ماكانشي تمام (مش طبيعي )بيني وبينكم قلت الراجل في منطقته وشكله اصلا لسة طالع من الحبس فوسعتله وكبرت دماغي ومن ساعتها لما اركن واستنى حد في العربية بقفلها واقف جنبيها

[hamedo0]

بوصو يا شباب هو من حق كل واحد يركن قدام العماره الساكن فيها
انا ولدى الله يرحمه كان بيعاني من الموضوع ده عشان كان مريض سكر وكمان مش بيلاقي مكان يركن فيه فكان يسيب العربيه مفتوحه وانزل انا ادور علي ركنه

[Sharky]

بوصو يا شباب هو من حق كل واحد يركن قدام العماره الساكن فيها

يا باشا مش من حق كل واحد يركن قدام بيته
من حقه فقط يركن فى جراج بيته و لو مافيش يبقى الشارع دا مشاع امام الكل

[kh_talaat]

معلش بقى يا جماعة مع احترامي لكل الردود مفيش حاجة اسمها من حق كل واحد انه يستولي على المكان اللي قدام بيته او عمارته ويقول انا من حقي اني اركن فيه

الشارع ملكية عامه ملكية عامه ملكية عامه

مش ملك الناس اللي ساكنه فيه واسمحولي اهاجم كل اللي كتبو وقالوا ان من حق الراجل اللي ساكن في العمارة يركن قدام عمارته لأنهم غلطانين ودة اسلوب الغابة وواضح انهم من الناس اللي بنشوفهم في معظم شوارعنا اللي بيدقوا الخوابير وبيضعوا الأحجار لحجز مكان لسيارتهم او على الاقل نفسهم يعملوا كدة في اقرب فرصه

يا جماعة انا برضه ساكن في عماره ونفسي ارجع كل يوم والاقي مكان قدام بيتي اركن فيه لكن لو كلنا فكرنا بالطريقة دي يبقى محدش هيعرف يركن في اي حته بيعيدة عن بيته يعني لو رايح زياره لصديق ولا مشوار بعيد عن بيتك يبقى مش من حقك تركن تحت بيوت الناس طبق العربية وخدها تحت باطك معاك !!!!!!!!!!

يا ريت كل واحد يراعي ضميرة ويحترم اللي حواليه عشان الناس تحترمه

وعلى فكره مره الشارع اللي انا ساكن فيه كترت فيه الخوازيق والأحجار اللي بتتحط لحجز الأماكن فا جار مشكور اتصل بالبلدية وجت مشكوره كسرت كل الخوازيق ولمتها ولما جه بواب عماره يعترض ويكلمهم كانوا هيخدوه معاهم ، فا لو حد عنده مشكله زي دي في الشارع بتاعه يقدر يشتكي ويبلغ البلدية بالتعديات دي

كلمة اخيره بصراحه السبب الرئيسي في مشاكل الركن في مصر هي الحكومة أيوة الحكومة لأن القانون بيلزم العمارت اكتر من 7 ادوار (تقريبا مش فاكر عدد الأدوار بالظبط ) بعمل جراج للعمارة وطبعا كل المقاولين بيرشوا مهندسين الأحياء للتحايل على القانون وإغفال هذه المادة وتعالوا اتفرجوا على شارع فيصل كمثال حي للكلام دة ابراج 12 و15 دور بلا جراج يساع سياره واحدة فقط

وربنا يتولانا جميعا

[Sharky]

كلام مظبوط

[Amrrr]

ماحن قلنا دا مش قانون دا حاجة ذوقية منك في حالة راجل او ست كبيرة او مريض او حتى شاب بس ظروف المنطقة لا تسمحله انه يركن في اي مكان تاني غير قدام عمارته وانت شوية وماشي يبقى هو أولى او واحد مبرشم وطلبت معاه يركن قدام بيتهم وفي كل الأحوال دي مش هينفع تدخل معركة زي دي عشان خسرانة خسرانة
هو في منطقته وفي حالة زي اللي حصلت معايا واحد مبرشممممممممم وشكله ممكن يكون شايل سيف مثلا في شنطة عربيتة
وعموما مانقدرشي نطبق الكلام دا في كل الظروف والأماكن

[1.8Tee]

أكيد مش هطلع....لو زى مبتقولوا يبقى محدش هيعرف يركن فى البلد دى.

من كان في عون أخيه كان الله في عونه

ممكن تشوف رد أ kh_talaat .

ماحن قلنا دا مش قانون دا حاجة ذوقية منك في حالة راجل او ست كبيرة او مريض او حتى شاب بس ظروف المنطقة لا تسمحله انه يركن في اي مكان تاني غير قدام عمارته وانت شوية وماشي يبقى هو أولى او واحد مبرشم وطلبت معاه يركن قدام بيتهم وفي كل الأحوال دي مش هينفع تدخل معركة زي دي عشان خسرانة خسرانة
هو في منطقته وفي حالة زي اللي حصلت معايا واحد مبرشممممممممم وشكله ممكن يكون شايل سيف مثلا في شنطة عربيتة
وعموما مانقدرشي نطبق الكلام دا في كل الظروف والأماكن

و اية اللى يخلى راجل او ست كبيرة ولا مرضى أنهم يسوقوا....خطر على نفسهم و على الناس اللى فى الشارع.

[moh_kamal67]

الاخ kh_talaat : الشارع ملكية عامة ايوة بس يحكمه قانون المرور فى المشى والوقوف ، القانون الجديد يجرم حجز المكان ولكن مين يطبقه
ثم ان حضرتك لو ربنا انعم عليك بعمارة 7 او 9 ادوار تحتها جراج هاتكتب فى العقد ان الجراج ملك المالك ، ثم تقوم بتأجيره من 3 الاف الى 5 فى الشهر ، ساعتها هاتأيد ان المالك حر فى الجراج
لكن احلى قانون كان طالع او حتى عرف بيتطبق ان لكل شقة تمليك مكان فى الجراج لدرجة ان فى مدينة نصر المساكن المبنية فى الثمانينات تحتها جراج لكل ساكن مع التشديد ان لو معندوش عربية لا يجوز عمله مخزن او محل او حتى تأجيره للغير
لكن خلونى صريح انت لو فى شارع زحمة ومروره كثيف اتحدى اى واحد يركن قدام بيته هاتشوفلك مكان ورا العمارة هادى ومفيهوش مرور كثير علشان العربية متتخبطش ولا ايه ، كان زمان فيه عقاب مشهور لو حد لقى واحد راكن مكانه يقف وراه يقفل عليه ويطلع ينام وميسألش علشان يحرم
حل المشكلة انك تأخذ العربية معاك بيتك وتستريح
انا حاليا لا اركن امام بيتنا لان العربيات ملطش وممكن تتخبط من اتوبيسات موش عربيات ولكن لو حد قاللى ده مكانى هاخرج له علطول وخلوها على الله

[yahyanaabil]

لا طبعا مش حطلع من مكانى هوه مشتراش الشارع كمان واللى يعمل غير كده يبقى بيفرط فى حقه