تعمل ايه لو فى حصلك الموقف دا ؟

[MohaMed_Refaat]

لو فى سبب مقنع لى زى اذا كان عايز يركن عربيتة قدام بيتة او هو متعود يركن هنا انما فى بعض الناس الغتيتة مبتحبش حد يركن قدام بيتة دول طبعا بتخانف معاهم ومش بستكلهم وانا لسة متخانق مع جارنا اللى قدامنا لانة كان مش عايزنى اركن قدامة مع انى بركن بعيد عنة بس ديل العربية هو اللى بيبقى قدام بيتة سنة بسيطة ومسكتلوش خالص ومن ساعتها وهو مش بيقدر يتكلم معايا فى الركنة خالص .

[kh_talaat]

إلى الأستاذ moh_kamal67

الاخ kh_talaat : الشارع ملكية عامة ايوة بس يحكمه قانون المرور فى المشى والوقوف ، القانون الجديد يجرم حجز المكان ولكن مين يطبقه

اللي يطبق القانون يا سيدي الفاضل هو إحنا المواطنين ودة بإن إحنا منسمحش لحد من جيرانا انه يدق خوازيق في الشارع ويستولى على مكان ملك للجميع وطبعا مش هاقولك انزل شيلهم بإيدك أو اتخانق معاه عشان دة مش اسلوب حضاري وإحنا مش في غابه ولكن أنا اديت مثل في كلامي اللي فات وقولت أنك تقدر تبلغ البلديه اللي مسئوله عن ازاله التعديات على الرصيف و الشوارع

ثم ان حضرتك لو ربنا انعم عليك بعمارة 7 او 9 ادوار تحتها جراج هاتكتب فى العقد ان الجراج ملك المالك ، ثم تقوم بتأجيره من 3 الاف الى 5 فى الشهر ، ساعتها هاتأيد ان المالك حر فى الجراج

والله لو ربنا أنعم عليا بعماره ( من بقك لباب السما) والقانون الموجود في البلد بيطبق بدون كوسه ولا رشاوي للحي وهو ان أي عماره لازم يبقى تحتها جراج للسكان ساعتها مش هقدر افتح بقي والطمع مش هياكلني وهمتثل للقانون واعمل الجراج لسكان العمارة ( ماهو الحال السايب هو اللي بيعلم السرقه لأصحاب النفوس الضعيفه )

لكن لو حد قاللى ده مكانى هاخرج له علطول وخلوها على الله

أسمحلي اقولك دي سلبيه لا تحمد عليها وطبعا انت حر لكن عايز اقولك انه لو كل واحد في مصر دور على حقه بس دون زيادة محدش هيقدر ولا حتى يفكر أنه يستولي على حقوق الغير لأنه هيبقى عارف انه محدش هيسكتله

طيب انا هحكيلك على موقف تاني كمان عشان أثبتلك كلامي ، كان في محل جزاره على ناصية بيت والدي الجزار كان كل سنه زي دلوقتي كدة قبل عيد الأضحى يقوم قافل الشارع بالعرض وحاطط الخرفان والعجول وعاملها زريبه على اساس انه شارع جانبي متفرع من شارع رئيسي

وفضل على الحال دة 3 سنوات كل سنه يعمل نفس الموقف لغاية العيد ما يخلص والناس اللي ساكنه في الشارع كأنها طيور داجنه ولا حد فتح بقه وكلهم يروحوا يركنه عربياتهم بره عشان طبعا مش هيعرفوا يخشوا الشارع بسبب الخرفان ، لغاية لما في السنه الرابعه والدي مشكورا اتصل بالشرطه وبدون اي واسطه والله تحركت وجت عربيه بوكس وكلمت الجزار وعلى الفور شال الخرفان وحطهم على جنب والشارع إتفتح ومن يومها والجزار كل سنه يجيب الخرفان ويحطهم على جنب من غير ما يسد الشارع 00000 وتوته توته فرغت الحدوته

وكل سنة وانت طيب واعضاء المنتدى بخير 000000 ها جبتم الخروف ولا لسه 000 بيقولوا وصل 1300 جنية السنة دي

[smsmbakr]

اكيد هطلعله هوا ذوقيا ومن حقه انه يجي من برا يلاقي مكان قدام بيته يركن ويطلع

[kh_talaat]

اكيد هطلعله هوا ذوقيا ومن حقه انه يجي من برا يلاقي مكان قدام بيته يركن ويطلع

يبقى انصحك يا عزيزي انك لما تيجي تخرج سيب العربيه تحت البيت وروح مشوارك مواصلات احسن ، لأن لو كل الناس فكرت زيك كدة يبقى محدش هيعرف يركن غير تحت بيته بس !!!!!!

[engineer_bondok]

هطلعله علشان انا لما بلاقي حد راكن مكاني بنزله يشيل عربيته حتى لو كان من سكان العمارة معايا

[mohamedbook]

ياخي لابد ان تراعيحق الجار لا تازية باي حال من الاحوال وطلامامعاكعربية شفلها جراش واركنها فية احسن مش هيكلفك اكتر من 60 ج في الشهر بدل وجع الدماغ اكنك فولت مرة العربية
وبعدين امام بيتوا هو حر فية الن لة ملكية في جزء من الشارع وشكرا

[kh_talaat]

هطلعله علشان انا لما بلاقي حد راكن مكاني بنزله يشيل عربيته حتى لو كان من سكان العمارة معايا

راجل ذوق الصراحه

[1.8Tee]

ياخي لابد ان تراعيحق الجار لا تازية باي حال من الاحوال وطلامامعاكعربية شفلها جراش واركنها فية احسن مش هيكلفك اكتر من 60 ج في الشهر بدل وجع الدماغ اكنك فولت مرة العربية
وبعدين امام بيتوا هو حر فية الن لة ملكية في جزء من الشارع وشكرا

60 جنية بس ؟!؟!؟....دة فين دة عشان أشترك فية علطول