إعـــــــلان

Collapse

.

,
See more
See less

زيوت السيارات

Collapse
X
 
  • Filter
  • الوقت
  • Show
Clear All
new posts

  • زيوت السيارات

    الاخوة اصحاب الخبرة في مجال زيوت السيارات امبارح وان في بنزينة مصر للبترول لقيت عندهم زيت تخليقي اسمة فنكسsn5-40 ولما سالت لقيت ان دي اعلي موصفة في سوق الزيوت العالمي وسعرة رخيص مقارنة بشل وموبيل ارجو من اصحاب الخبرة والتجارب الافادة مع العلم اني سيارتي بونتو كلاسك ٢٠٠٩ وغيرت شل المعاني ٥٠٠٠ مرة واحدة بس وعيز اغير زيت لزوجة منسبة لسيارةومصنع السيارة بينصح بزيت 5-40 وانا من محبي زيت ايسن لكن مفيش حد من جروب السيارة البونتو يعرفة وبتالي مش بينصح بة ايهما افضل ايسن او التعاون فينكس sn5-40

  • #2

    زيت مصر فينكس من الزيوت اللي مواصفاتها عالية مقارنة بزيوت تانية كتير...

    لكن اختيار الزيت بيبقى حسب توصيات الكتالوج.. ولا بمزاجي ولا بمزاجك ولا بمزاج أي حد تاني...


    توصيات الزيت من الكتالوج بتاعتك كالتالي:

    زيت تخليقي بلزوجة 10W-40 - مطابق لمواصفات API SL و ACEA A3
    أو
    زيت تخليقي بلزوجة 5W-30 - مطابق لمواصفات API SL و ACEA A1 و ACEA A5 .. ويفضل استخدامها في الجو القارس البرودة (صفر مئوية أو أقل)

    لو عايز تتأكد.. تقدر تنزل الكتالوج من هنا..

    توصيات الزيوت في صفحة 285 و 286..

    أفضل زيت دايما هو المطابق لـ (أو أحسن من) "كُـل" مواصفات الكتالوج.. مش جزء منها بس...

    تعالى نشوف مواصفات زيت فينكس إيه..
    اللزوجة: 5W-40

    مستوى الأداء: مطابق للمواصفات التالية:
    - API SN/CF
    - ACEA A3/B3-04
    - ACEA A3/B4-04
    - Porsche A40
    - BMW Long Life 98
    - MB 229.1/229.3
    - VW 502/505
    - OPEL GM–LL–B-025

    تقدر تتأكد من مواصفات الزيت من هنا:
    http://www.misrpetroleum.com.eg/pdf/products/oils.pdf

    الزيت من ناحية مستوى الأداء مطابق لمواصفات كتير.. وينطبق على توصيات الزيت بلزوجة الـ10W-40 المذكورة في الكتالوج.. بس اللزوجة مش هي المطلوبة في الكتالوج!!!


    بالنسبة لزيت آيسن التخليقي بالكامل Fully Synthetic...

    اللزوجة: 5W-40

    مستوى الأداء:
    - API SN/CF

    http://aisin.ae/upload/lpic/lpic_3.pdf

    حسب المواصفات دي.. للأسف زيت آيسن مش هيكون هو الأفضل (باعتبار إنه مطابق لجزء من المواصفات).. ده غير إن اللزوجة مختلفة..
    ما أنصحش بيه لعربيتك..

    يمكن لو استخدمت لزوجة 5W-30 من زيت آيسن هيكون أفضل شوية... بس برده مش هو الأفضل..


    حسب توصيات الكتالوج.. الزيوت الأفضل هي دي:

    لو نويت على لزوجة 10W-40 .. فالزيت الوحيد اللي "تخليقي بالكامل" ومطابق لمواصفات الكتالوج هو زيت آمسويل XL

    ِAmsoil XL 10W-40 Synthetic Motor Oil

    مكن تستخدم كاسترول ماجناتك... بس مطابق بس لمستوى API SN... مفيش أي حاجة تانية..


    لو نويت على الزيت 5W-30.. فالأفضل لك هو واحد من دول:

    زيت موبل1 x1 (مكتوب عليه مناسب للسيارات اليابانية والكورية)
    Mobil 1™ x1 5W-30

    زيت بترومين سوبر ستثتك A-1


    فيه طبعا زيوت تانية تنفع.. بس سيبلي شوية وقت أدورلك.. وبردو الموضوع راجع لميزانيتك في الأساس...

    ونصيحتي.. اشتري الزيت اللي تلاقيه جنبك بسهولة وتضمن وجوده باستمرار...


    لو عايز معلومات أكتر عن الزيوت.. أنصحك تدخل هنا:
    القواعد الذهبية لاختيار زيت العربية.... موسوعة مبسطة لأساسيات زيوت المحركات


    ...
    [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
    [I]مَثَلٌ صينِيّ[/I][/QUOTE]

    [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
    [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
    [/SIZE][/FONT]
    أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
    [SIGPIC][/SIGPIC]

    Comment


    • #3
      صباح الخير استاذي الفاضل في زيت تاني اسمة بيذول وزيت مسيول اللي حضرتك قولتلي علي هما دول اللي مطابقين لكتلوج السيارة ودل مش موجدين غير عند موزعين معينين ومش متوفر في المكان اللي انا فية وممكن ميكونش موجود اصلا في العجمي بلكامل مش عارف اغير اية والله توتال ودة اتاكدة انة مش تخليقي لكن نفس الزوجة المطلوبة وزيت التعاون مطابق في كل شي لان مش نفس اللزوجة اية الحال من وجة نظرك اغير مسيول وانا وحظي بعد كدة ولا اغير توتال او التعاون عشان جمبي وخلاص ولا ابع العربية وربح نفسي ههههههههههه واسف انا تعبتك معايا جدا

      Comment


      • #4
        مع اني شايف ان زيت فينكس مصر افضل لكن ناس قالولي انة مش واخد اي اعتماد من اي حاجة هو كتبها علي الجركن وانا مش مقتنع الكلام دة خالص وبما ان حضرتك تقريبا قولت علية كلام كويس من حيث الموصفات يبقي كويس وبعدين لزوجة 30-5 &40-10 لما تجي نحط جمبهم 40-5 اللي هو لزوجة فينكس مصر تحس انة فاتح الرنج بتاع اللزوجة شوية بس عشان يستوعب ظروف تشغل اكتر اية ري حضرتك

        Comment


        • #5
          المشاركة الأصلية كتبت بواسطة khaled s مشاهدة المشاركة
          صباح الخير استاذي الفاضل في زيت تاني اسمة بيذول وزيت مسيول اللي حضرتك قولتلي علي هما دول اللي مطابقين لكتلوج السيارة ودل مش موجدين غير عند موزعين معينين ومش متوفر في المكان اللي انا فية وممكن ميكونش موجود اصلا في العجمي بلكامل مش عارف اغير اية والله توتال ودة اتاكدة انة مش تخليقي لكن نفس الزوجة المطلوبة وزيت التعاون مطابق في كل شي لان مش نفس اللزوجة اية الحال من وجة نظرك اغير مسيول وانا وحظي بعد كدة ولا اغير توتال او التعاون عشان جمبي وخلاص ولا ابع العربية وربح نفسي ههههههههههه واسف انا تعبتك معايا جدا

          مفيش تعب ولا حاجة... المهم المصلحة تقضي..

          بالنسبة لزيوت بيزول .. هي زيوت كويسة وعندهم تشكيلة واسعة... وأغلبها زيوت تخليقية..

          لو هتشتري منهم هات الزيت الأخضر أو الأصفر بلزوجة 10W-40.. نفس العبوات اللي في الصور دي..



          ولو إني متوقع سعرهم يبقى غالي وبردو مش متوفرين بسهولة

          أنا بس بحاول أجيبلك "أحسن" زيت لعربيتك حسب الكتالوج...

          ولو أحسن زيت ده مش متوفر.. يبقى ممكن نستخدم الزيت اللي أقل منه .. وأمرنا لله.

          لو ما لقيتش الزيوت اللي اتكلمنا عليها دي يبقى استخدم زيت مصر فينكس 5W-40 أو التعاون 1 بنفس اللزوجة.


          ...
          [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
          [I]مَثَلٌ صينِيّ[/I][/QUOTE]

          [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
          [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
          [/SIZE][/FONT]
          أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
          [SIGPIC][/SIGPIC]

          Comment


          • #6
            الف الف شكر

            Comment

            Working...
            X