لمــاذا لا يلتـــزم الناس بقواعــد عبــور المشــاه !!!

[OlaOsman]

• بيعدوا الشارع بمنتهى الاسترخاء
• بيمشوا في وسط الشارع كإنهم ماشيين في حديقة عامة
• لا يستجيبوا لأي كلكسات عشان يوسعوا طريق للعربيات
• مالهمش أي علاقة بإشارات المرور و عندهم قناعة تامة ان الإشارات دي تخص السيارات بس، و على هذا الأساس بيلموا بعضهم و يعدوا الشارع لكشة واحدة و الإشارة خضرا

فعلا أكتر حاجة بتضايقني و انا سايقة همه المشاه، خصوصا الأطفال اللي طبعا لازم الواحد يبقى عينيه في وسط راسه لو معدي في وسط عيال بتلعب في شارع أو حاجة عشان تركيزهم مش بيبقى غير في اللعب و بس :k38:

بتعملوا ايه مع المشاه يا جماعة؟

[Islam_galal]

مرة من المرات ماشي بالعربيه و لقيت شألة أطفال معاهم مدرسة - دادة أهي بني آدمه و خلاص و مش عارفين يعدوا
و تفتق زهن البني آدمه (غالبا) عن فكرة عبقرية عشان تجبر العربيات تقف و تعدي بيهم
قالت للعيال عدوا . . . بس خلاص

العيال: هيييييييييييييييييييييييه

لولا ستر ربنا كان حد منهم اتخبط ، أنا محستش بنفسي إلا و أنا طالع من الشباك بهزأها بصوت عالي و بالادب

رد الفعل: لا شئ

[emadkamel]

بيطلع عينى وباتجنن وباقعد ادى كلاكسات وافتح الزجاج واتكلم واخبط على العربية بايدى

وساعات باضطر انزل "اتاخر" اللى ماشى قدامى
الحكاية دى فعلا مستفزة ونفسى اتكلم عنها من زمان .... وكمان موضوع المواقف وانا فى طريقى 3 اتعس من بعد

1- مدخل شارع النزهة من الاوتوستراد .... كمية غير طبيعية من البشر واقفين فى اماكن غير طبيعية من الطريق ... نفسى افهم مستنيين ايه وليه واقفين هنا اصلا

2- مدخل الشارع المؤدى لسيتى ستارز من الأوتوستراد ... نفس المأساة

3- الكينج بقى: مطلع ومنزل كوبرى النزهة !!!! كل حاجة بتقف هناك تحمل وتنزل ... ميكروباصات، اتوبيسات، عربيات ....

[mohamed]

لا مبنعملش حاجة يا اخت علا زى حاجات كتير غلط ومبنعملش فيها حاجة برضو وبعدين مش المشاة بس هو انت يعنى او اى حد بيعرف يعمل حاجة مع واحد طالعلك من ع اليمين بكل سرعة او واحد بياخد غرز وهو مبيعرفش يسوق من اساسه او واحد ضاربلك النور العالى فى مرايتك والطريق مش ضلمه
دى كلها سلوكيات شعب نامى

[mazagnge]

مشكلة أزلية .... نظرا ً لان مفيش ثقافة ( كبيرة الكلمة دى بلاش منها ) .... نبتدي من الاول تاني .... في البلاد الوحشة اللى بتحقد علينا بيعلموا الاطفال ازاى يعدوا الشارع و قواعد المرور .... فبيترسخ داخلهم الامر منذ الصغر .

يا جماعه اللى بيعدى الشارع من المشاة و الاغلب من غير حائزي السيارات ما يعرفش حاجة عن قواعد المرور و الصح و الغلط
ومبدأة الوحيد انت اللى سايق و شايفنى يبقى يا تهدى يا تفرمل و ان نسيت نفسك و خبطتى او عورتنى بيننا الاقسام و التقارير الطبية المضروبة و ما يرفقها من تعويضات و على رأى عادل امام : صباااااااااااااااعي ..... دم :K_crying[1]:

في نقطة كمان المشاة لهم حق فيها .... فين اماكن عبور المشاة ، مفيش .
فين العسكري اللي بينظم المرور .... مفيش ( بيرزق )
فين الكباري و الأنفاق .... مفيش

-- أعتقد ان أخر تطبيق لقواعد المرور و الالتزام الحقيقى بها كان فى عصر وزير الداخلية المحترم أحمد رشدي و اللى طبعاً طلع فى المؤمرة الشهيرة بتاع الامن المركزي .... و ايامها اللى كان بيعدي الشارع من غير موقع العبور غرامة 25 قرش (كانت مبلغ ايامها ) و اللى يحط حاجة معيقة للرؤية على التابلوا او فامية غرامة ....

أعتقد ان المشكلة في الايمان و الرغبة فى الحل
أحمد رشدي الناس بتشكر فية و بتمدح فية حتى الان لان فى عصره أنتظم المرور و تم القضاء على البطنيه اشهر أحياءالمخدرات ... و قبل كل ذلك بمجرد انة تم تعينه وزير للدخلية قدم استقالة ابنة كأحد ظباط الداخلية و اقالة من الوزارة

تخيلوا من موضوع مشاة مش بيحترموا قواعد المرور الخطوات جبت بعضها إلي وزير / أنسان يرغب فى التغيير الحقيقي .... انا هطلع من الموضوع دة قبل ما يتقفل على يدي

و كلة تمام و الطريق فاضي و الركن ببلاش ... دة انا سعات اركن بالطول و العرض و احياناً على وحدة و نص ...

[WalidAdel]

ههههههههههههه
فكرتيني مره حصلي موقف غريب جدا عيال بتلعب كوره و المهم واحد منهم بيرجع بدهره ناحيه العربيه و انا ايدي علي الكلاكس و هو برضور مصمم قومت واقف وراه بالظبط و طلعت ايدي من العربيه و لسعته قفي كده زي ما اكون بزقه من لقدام
الانكت بقي انه بصلي بكل احتقار و قالي ما الشارع واسع اهه متعدي من اي حته تعجيك
الناس بقت فكاهيه اوي و هيا بتعدي الشارع يبصلك كده من فوق لتحت كانه بيغيظك و يقولك انت اللي راكب عربيه مستنيني انا اللي ماشي علي رجلي علشان اعدي براحتي
ههههههههههههه
و ياسلام لو بنت حاسه بنفسها شويه انها اموره تعدي من قدام العربيه براحتها اوي اوي اوي كانها بتقول يا ارض اتهدي ماعليكي ادي ياساتر شعب مستفز اوي
كل دول مش مهم المهم بقي في الناس اللي بتعدي مثلا صلاح سالم علي اساس ان طريق سريع و شوف الصدف بقي تلاقي نفق المشاه تحتيه علطول او مثلا في الاوتستراد و تلاقي بيعدي و كوبري المشاه فوقيه علطول طيب ماتتطلع الكوبري و نبقي كلنا في السليم
و الدوله تعمل سور تحت كوبري المشاه دا طوله خمسمائه متر علشان ترغم الناس بدل ما تمشي المسافه دي تستعمل الكوبري اللي مصروف عليه اد كده يكسروا السور بردوا من الجزيره اللي تحت كوبري المشاه بردوا علشان يعدوا
شعب حافظ مش فاهم والله
معلش بقي طولت كتير بس زي ماتقولوا الموضوع جه علي الزرار

[ehab]

وساعات باضطر انزل "اتاخر" اللى ماشى قدامى
الحكاية دى فعلا مستفزة ونفسى اتكلم عنها من زمان .... وكمان موضوع المواقف وانا فى طريقى 3 اتعس من بعد

1- مدخل شارع النزهة من الاوتوستراد .... كمية غير طبيعية من البشر واقفين فى اماكن غير طبيعية من الطريق ... نفسى افهم مستنيين ايه وليه واقفين هنا اصلا

2- مدخل الشارع المؤدى لسيتى ستارز من الأوتوستراد ... نفس المأساة

3- الكينج بقى: مطلع ومنزل كوبرى النزهة !!!! كل حاجة بتقف هناك تحمل وتنزل ... ميكروباصات، اتوبيسات، عربيات ....

+100000000000
بالذات كوبري النزهة .

[pro_samir]

الأحساس نعمة

وبما ان ناس كتير مبتحسش

اذا: يبقى لازم الواحد يكون أبرد من الازم وهوا سايق

لأن بصراحة كل حاجة تجيب الــضـــغـــــط

[sasatony]

انا عن نفس بتخنق من الساعة بتاعة خروج المدارس
عند شارع الهرم الساعة12الضهر في الطالبية تلاقي مدرسة البنات
وكل بنت تمشي في الشارع بااقل خطوة
قبل كده كان الطريق ماشي وزي الفل ومرة واحدة لقيت بنت معدية براحة وشيفاني جاي انا هديت وبديها كلاكس وهي ولا هنا وتبص وتمش عادي
غير بقي الكلمة المشهورة بتاعة الناس هو انت فاكرانت لوحدك الي ماشي او انت علشان راكب عربية هتدوس علينا

[MoToRiZeR]

المشاه = انا و من بعدي الطوفان
قائدي السيارات = انا و من بعدي الطوفان

المشاه + قائدي السيارات = الطوفان

[wahba87]

ياسلام لو بنت حاسه بنفسها شويه انها اموره تعدي من قدام العربيه براحتها اوي اوي اوي كانها بتقول يا ارض اتهدي ماعليكي ادي ياساتر شعب مستفز اوي

ياااااااااااااا سااااااااااااااتر , بجد بتغاااااااظ اوى , فى بنات فظيعة !

[EslaM_NagY]

و ياسلام لو بنت حاسه بنفسها شويه انها اموره تعدي من قدام العربيه براحتها اوي اوي اوي كانها بتقول يا ارض اتهدي ماعليكي ادي ياساتر شعب مستفز اوي

الحمد لله لقيت حلين

الاول :-
امشى بسرعتى زى ما انا وايدى عالكلاكس - بدون فرامل - وعلى بعد 3 ولا 4 متر من الامورة اضرب الفرامل المتينة تقوم تتخض تبصلى اشمتها هههههههههه

الثانى :-
افرمل عادى ولما اقربلها اديها من المنقى خيار - لو قلت من الخيار كلمتين هنا حتلزق شهر مدخلش المنتدى

بس طبعا مع مراعاة هى تعبانة فا مش قادرة تمشى ولا بتستهل - فى الحالة الاولى بدى فلاشر واعديها براحتها - فى الحالة التانية بتعامل بقى

[magomago]

وبما ان ناس كتير مبتحسش

[/b]

لية السائقين هما اللى ممكن يكونوا مابيحسوش ؟

[magomago]

المشاه = انا و من بعدي الطوفان
قائدي السيارات = انا و من بعدي الطوفان

المشاه + قائدي السيارات = الطوفان

كلام محترم جدا لاقصى درجة
ياريت كل الناس تعرفة

[M.Osman]

المشاه = انا و من بعدي الطوفان
قائدي السيارات = انا و من بعدي الطوفان

المشاه + قائدي السيارات = الطوفان

...هههههه

حضرتك لاوم البرود زي ما بعض الأعضاء قالولى قبل كدا ...