حمـــلة ايد في ايد نضع حد للتجار السيارات ** خلوها تصــــــــدى **

[نور العمر]

آخر خبر
صديقتي أونلاين معايا على النت من دبي
اليارس هناك 20 ألف درهم بجماركها بضرايبها بكله يعني بالمصري 29 ألف ج وده مبلغ ميجبش ماروتي مستعملة.
سعر اليارس في مصر معدي ال 81 ألف يعني فرق 55 ألف ج

يا فرحة عمري بيكي يا مصر

[lolly136]

7aga tewg3 el alb

[نور العمر]

وتقولولي مقاطعة
مقاطعة مين
لازم النظام الضريبي يتغير والجمركي يتغير
وده معناه صدور قانون جديد
انسوا
متهيألي هامش الربح مش كبير زي نصيب الجمارك والضرايب

دنيا

[نور العمر]

مفيش حل
هو الاكتئاب قاعد قاعد :k39:

[lolly136]

بس لازم نحاول نعمل أي حاجة

[نور العمر]

كنت خلاص اقنعت نفسي بماروتي مستعمل وخلاص ب 30 ألف حتى
دلوقتي اجيبها إزاي واليارس في دبي بنفس المبلغ إللي يجيبلي ماروتي مستعمل
يارس 2009 يا جماعة مش مستعملة

حسبي الله ونعم الوكيل

[lolly136]

لأ استني شوية

[momo10000]

الاخت الفاضله ريهام...

طبعا احنا منقدرش ننكر الفساد اللي احنا فية .... ولكن

ما هو الحال في حالة الجمارك اصبحت زي ليبيا والامارات وغيرها...

الشعب كلو .... كلو بمعني الكلمة راكب عربيات ... وطبعا ساعتها مفيش مجال للسير في شوارع المحروسة ...

انا مش مع الراسمالية ولا مع الاشتراكية ... ولكن مينعش تتخفض اسعار السيارات بالشكل دا .. قبل ما يكون في حل في قضية المرور في مصر... والا مفيش حد حيعرف يروح شغلة... او مريض يوصل مستشفي ... وغيرو...

المشكلة مشكلة منظومة بأسرها مش مجرد جمارك وضرايب وبس ...

مينفعش نحل من مكان ونقفل من مكان تاني ...

احنا بنعيش في فسااااااااااااااااااااد ... وللاسف مفيش بصيص من الامل ...

الحمدلله علي كل شي...

[lolly136]

إنت صح
بس لازم نطلب بخفض الأسعار شوية عشان نتسوة بالعالم من حولينة

[Ghamrawy]

طيب ياريت بفلوس الجمارك اللى هما بيسرقوها مننا يعملوا طرق جديدة انما ازاى حاجة تتصرف فى مكانها الصحيح من غير ما يتسرق منها 80 % ؟!! للاسف احنا سلبيين و الفساد بقى علو الانوف

[A_H_M_A_D]

أنا كنت ناوي أغير عربيتي , و فعلا بعد ما أخدت القرار ده و جهزت نفسي
تراجعت تاني و قررت إني أستنى شوية كده
و قلت أنضم للحملة بتاعتكو , و أعتقد إن فيه ناس كتير عملت زيي كده !!

[نور العمر]

طب وإللي حياته بقت صعبة ولازم يجيب أي عربية يبدأ بيها دلوقت يعمل إيه

[kemoelord]

:k30:بصراحة بدأت أفرح رغم حالة الاكتئاب إللي استقريت عليها حسستوني إن فيه أمل في مصر. رغم صعوبة الأمر ....
بس عاوزة أقول حاجة مهمة
التجار الجشعين إللي عاوزين نتحداهم دارسين علم نفس المستهلك المصري كويس قوي وعندهم طولة بال ونفس طويل وإمكانيات للتاثير عليه عالية قوي.
وعارفين كويس إن كتر التصريحات والتقارير السلبية عن الأسعار سوف تجعل المقاطع يتراجع ، وإن المصريين لا يتحدوا على موقف ولا يتبنو قضية لفترة طويلة وإنها هوجة وحتعدي ... وكمان نايمين على خميرة كويسة قوي مش حتخاليهم يقلقوا ولا يتزعزعو بسهولة إلا في حالة واحدة لو المبيعات وصلت لـ من 0% إلى 5 % واستقرت على ذلك.
يا جماعة الموضوع أكبر من السيارات. ده في كل حاجة شقق وسلع استهلاكية وكمالية وضرائب وغرامات ومصاريف ونصب وسرقة ................. الخ متعدوش
أنا عندي اكتئاب من كل حاجة في مصر
من الناس وقلة ادبها وقلة ذوقها والسب العلني إللي يمس الحياء والبلطجة والتحرش بالنظرات وبالأقوال والأسوأ بالأفعال.
ده غير لعبة السمسرة والمصالح والسبوبة إللي بقت مسيطرة على عقل كل واحد عشان يكسب من ورا أي فرصة حتى ولو كان جار واللا زميل.
وحطوا تحت البلطجة بكل صورها من كل فئات المجتمع 100 خط.
كل واحد أناني . مثال " ركبت تاكسي من أول كبري القبة لآخره + ونزلت أول مصر والسودان" قال بيشتكيلي من استهبال الناس عاوزة تدفع مبالغ عبيطة في مشاوير طويلة وفي الآخر عاوز ياخد 5 ج على الخطوتين دول .... رفضت طبعاً ولولا مشكلة الفكة كنت إديتو 2.5 ج .
في شغلي بقى صاحب الشان داخل متحفز عنده استعداد يضرب ويشتم ويقل أدبه معتقد إن دي أحسن وسيلة لإنجاز مصالحه . دون احترام للموظف إللي بيقابله باحترام وبتحكمه لوائح إدارية في سير منظومة العمل ... بصراحة شوفت العجب من الناس ومن الموظفين ومن القوانين ومن كل حاجة.
والكوسة والبذنجان والبطيخ إللي ماشية بيه كل حاجة من أول التعليم لحد القضاء.
يا مصريين أصبحت لا يشرفني أن أقول أنا مصرية.
من أفعالنا ... العيب فينا كشعب ... العيب فينا مش في حد تاني
احنا إللي بقينا بندفع أي حاجة عشان أي حاجة ومبنفكرش غير في نفسنا طالما معايا وقادر مش مهم أي حاجة تانية
والخيبة بتاعة عقدة الغالي ثمنه فيه ... خلت إلي ما يسواش يغلى عشان عقدة الخواجة تسوقه بسرعة ..

ربنا معاكوا ومعايا ومع ولادي الأطفال إللي مبقتش عارفة أربيهم إزاي وأزرع فيهم إيه
( انا بنتي kg1 لغات ومدرسة بنات ) بتيجي مضروبة ومبطوحة من بنات معاها ده غير الكلام والألفاظ إللي بتسمعها.
احنا مبقناش فاضيين لحاجة
حتى لتربية اولادنا ولا لتهذيب نفسنا بنسابق عجلة الجشع إللي محوطانا عشان نعرف نعيش وبس ومش مهم الأخلاقيات إللي بقينا عليها إيه.
آسفة على الثرثرة الطويلة دي ... بس ده تعبير عن جزء بسيط جداً مما أشعر به ومسبب لاكتئاب فظيع مبينتهيش بقالوا أكتر من سنة.
والله المستعان
نفسي ارجع احبك تاني يا مصر
نفسي احس فيكي تاني بالأمان

طبعا كان الله في عونك ولله يوفقك ويهون عليكي كل الاحاسيس والشعور بكل هذه المصائب والمشاكل ,, واحب بس اضيف حاجة ان نفس الاحساس ده نسبه كبيره من الناس حساه على الاقل انا حاسس بضعف الاحساس الي حضرتك حساه لان فيه حاجات كتييرة لم تذكر زي الاضطهاد والعنصريه والنصب واكتر حاجة مدى كراهية الناس لبعضها في الشوارع بالخارج ,,,, الله المستعان

[kemoelord]

الاخت الفاضله ريهام...

طبعا احنا منقدرش ننكر الفساد اللي احنا فية .... ولكن

ما هو الحال في حالة الجمارك اصبحت زي ليبيا والامارات وغيرها...

الشعب كلو .... كلو بمعني الكلمة راكب عربيات ... وطبعا ساعتها مفيش مجال للسير في شوارع المحروسة ...

انا مش مع الراسمالية ولا مع الاشتراكية ... ولكن مينعش تتخفض اسعار السيارات بالشكل دا .. قبل ما يكون في حل في قضية المرور في مصر... والا مفيش حد حيعرف يروح شغلة... او مريض يوصل مستشفي ... وغيرو...

المشكلة مشكلة منظومة بأسرها مش مجرد جمارك وضرايب وبس ...

مينفعش نحل من مكان ونقفل من مكان تاني ...

احنا بنعيش في فسااااااااااااااااااااد ... وللاسف مفيش بصيص من الامل ...

الحمدلله علي كل شي...

+1111111111111111

[returner]

بعد موضوع غزة ده إحنا محتاجين بلد تانية غير ديه