ما هو الضغط المناسب لنفخ الأطار؟

[Ahmed Selim]

أنسو بتوع الكاوتش زى ما ممدوح بيقول........ومتظبطوش هوا عند محطات البنزين بقدر الأمكان ( ألا محطات أمارات مصر....ممكن تظبطوا فيها )

الضغط الصحيح بيكون مكتوب فى كتالوج العربية مع مكان من الأماكن دى
1- القايم الأيسر من الأمام
2- القايم الأيسر من الخلف
3- داخل غطاء تنك البنزين
4- داخل درج التابلوه

لو مش مكتوب فى أى مكان من دول نظراً لقدم العربية يبقى خليك مع 28 صيفاً و30 شتاءً.

أنما لو مكتوب يبقى أعمل زى اللى مكتوب.....مع العلم أن ممكن تقلل درجة واحدة عن الكتالوج فى الصيف.....يعنى أنا عندى حسب الكتالوج....أمامى 32 و خلفى 30......أنا فى الصيف بخليه 31 و 29 على الترتيب.....فى الشتاء بخليه زى ما بيقول الكتالوج

[amr elkady]

الرجاء عدم كتابة اللغة العربية بالأحرف الأنجليزية

مشرف القسم

[roky]

بيكون مكتوب على غطاء التانك أو في القايم... بس عموما هو بيكون فعلا 28 في الصيف و 30 في الشتاء...

و أحسن طريقة (و ديه أنا شخصيا متبعها) أنك تخلي معاك في العربية مقياس ضغط و منفاخ...
عشان محدش في بنزينة يفتي عليك....

مقياس الضغط هتلاقيه في شارع الجمهورية(صناعة ايطالي) و فيه منه نوعين... نوع بمسدس (قابل لتركيب منفاخ كومبريسور) و نوع من غير مسدس...
هات النوع اللي من غير مسدس و ده تمنه حوالي 30-35 جنيه

و هات منفاخ عجلة عادية (بيكون معاه بلف ابرة زي بتاع العربية) و ده بحوالي 15 جنيه...
يعني العملية كلها هتكلفك 45-50 جنيه...
و عيش حياتك بأة...

منفاخ عجلة ... انت اكيد بتهزر ...
يا باشمهندس انا منفاخ العجلة ده كان بيهد حيلي عشان انفخ كاوتش العجلة ... قوم انت تقولي انفخ بيه عجلة العربية ؟؟

هو انا كان عندي مقياس ضغط علي شكل قلم ... يتشال في جيب القميص... كان عمي جابهولي من بلاد بره

تحطه علي البلف ... يخرج الشريط و يقف عند قيمة ضغط الأطار

[M!NA]

منفاخ عجلة ... انت اكيد بتهزر ...
يا باشمهندس انا منفاخ العجلة ده كان بيهد حيلي عشان انفخ كاوتش العجلة ... قوم انت تقولي انفخ بيه عجلة العربية ؟؟

هو انا كان عندي مقياس ضغط علي شكل قلم ... يتشال في جيب القميص... كان عمي جابهولي من بلاد بره

تحطه علي البلف ... يخرج الشريط و يقف عند قيمة ضغط الأطار

بص... أنا عربيتي جيب و كاوتشها ماشاء الله بلدوزر... و بنفخه بمنفاخ العجلة عادي جدا...
هو فيه منه أنواع... مش بس النوع العادي الحديد ده.. لأ في أنواع تانية ألومنيوم و قوتها في النفخ أحسن كتير...
انزل شارع الجمهورية و انتا هتلاقيه ... بس ماتجيبش التقليدي

[roky]

طب اذا تقدر ترفع الصورة بتاعته ...
و تقولنا اسمه التجاري ايه ؟؟
يبقي كتر خيرك يا ُزُمل

[ringoo84]

وممكن المنفاخ الي بيتوصل على الطفايه بتاعة العربيه وده ممتاز وثمنه 140 جنيه ولو العجل تيوبلس ممكن لو معاك المنفاخ متحتجش تغير الاستبن لانك هتزوده بالمنفاخ لاقرب بنزينه وتصلحه .........

[Fadi Ezzat]

بصو بقى يامعلمين من غير اى حاجة انا مبحبش حد يفتى وهو مش عارف حاجة كدة غلط المهم العربية المفروض فى الصيف او فى التاء عادى هو الضغط ثابت لان سرعة دوران الاتار ثابتة فالمفروض بقى ودة المهم نزود قدام 32 ووفى الخلف 30 ودة هو الصح مع مراعاة ان يكون المنفاخ سليم يعنى تروح لواحد محترم ونظيف

[M!NA]

طب اذا تقدر ترفع الصورة بتاعته ...
و تقولنا اسمه التجاري ايه ؟؟
يبقي كتر خيرك يا ُزُمل

هبعتلك عالخاص وصفة المحل بالظبط...

[wardet]

بصو بقى يامعلمين من غير اى حاجة انا مبحبش حد يفتى وهو مش عارف حاجة كدة غلط المهم العربية المفروض فى الصيف او فى التاء عادى هو الضغط ثابت لان سرعة دوران الاتار ثابتة

بس المفروض ان درجة الحرارة ليها علاقة بالهوا اللى جوه الاطار
يعنى لو مثلاًَ فى الصيف الجو بيكون حر اوى والاسفلت شوية وهيولع فدا بيزود الاطار شوية لكن فى الشتا مش بيحصل دا
بمعنى ان المفروض انك لو عاوز تظبط الاطار صح يبقى قبل ما تعمل مشوار جامد بالعربية لانك لو قست الهوا اللى فى الكاوتش بعد مشوار طويل هيديك مقياس غلط لان ضغط الهو هيبقى اكتر

[ahmedsamir79]

28 في الصيف 30 في الشتاء

[خالد]

هبعتلك عالخاص وصفة المحل بالظبط...

وليه بس على الخاص؟
ماتنشره هنا علشان الأستفادة تبقى للكل