تجربه اداء سيارات - مقابلة المنتدى ديسمبر 2009

[chato_eg]

ده غير إن ال R بتيجى بحركة تماثل تلك فى النقل اليدوى المعتاد....و ال N لوحدها على اليمين و ال P بتيجى لوحدها بمجرد قفل السيارة و هى أصلا كانت على الmanual mode أو ال Auto mode

إيه الاستفادة من تغيير كبير زى كده فى الشكل و المضمون.....هل تسارع أفضل.....من تجربتى لم أحس بأى فرق بالرغم من إنى كنت متأهب لركوب سيارة أوبل أفضل من الكورسا السيدان...!!!!
هل سلاسة و راحة......لأ لأ....موضوع الهزة المراجيح شىء موجود و لازم تسايسه بالتعامل المناسب مع دواسة البنزين......يا ريت حد من الأستراوية يقول لنا إيه الاستفادة لإنى حاسس إن أوبل يا إما نصابين يا إما استعجلوا فى إطلاق تكنولوجيا لم يتم تحسينها بالشكل الكافى بعد....و بالرغم من مرور أعوام على السيارة فى السوق إلا أنها تظل كما هى بدون تحسين أو تعديل من قبل الشركة

فتيس الميجان مش محتاج أبص عليه خالص ...لو أوتوماتيك هى بتنقل لوحدها أو إذا هارجع لورا بانقل على ال R و لو هاقف فى إشارة على ال N برضه مش محتاج أبص عليه لإن تصميمه standard مش محتاج تتعود عليه لإنه زى أوتوماتيك عادى خالص....لو على التقل اليدوى برضه بتحركه شمال و ضغطة للأمام shift up و ضغطة للخلف shift down
لكن هو أولا و أخيرا فتيس أوتوماتيك يسمح بالخيار اليدوى للتحكم فى توقيت نقل السرعة

كويس إن حضرتك وضحت لى إن هى فتيسها مش أصلا أوتوماتيك و إن هى من نوعية ال MMT

واضح إن التكنولوجيا بتاعت ال gearboxes دى كلها لسه لم تنضج تماما بعد.....فاكر أنا من كام سنة لما ابتدت تنزل النوعية دى فى العربيات الرياضية أمثال الفيرارى و المازيراتى كان النقاد غير راضيين عنهم...اليوم ظهر تحسن كبير بالنسبة للسيارات من تلك الفئة و الأقل منها شويتين...لكن يبدو إن هناك تطوير كبير حتمى لازم يتم على صعيد السيارات التى يركبها عامة الناس (أمثالنا)

أنا كنت حابب أعرف حاجة....الشىء اللى هو بديل عن مفتاح العربية و الريموت.....هل به بطارية ؟؟؟.....و إذا فرغت البطارية....هتشتغل العربية إزاى و تتفتح إزاى؟؟؟؟

[M.Mokhtar]

معلش يا محمد إللى أنا فهمه و شوفته هو العكس
إنك مابتبقاش عارف لو بصيت على الفتيس فى الإيزى ترونيك هو فى أنهى نظام و لازم تشوف الشاشة إللى فى التابلوه علشان تعرف عكس الستيب تروتنيك لو بصيت على الفتيس بيبان هو فى أنهى نظام + طبعا الوضع الموجود فى شاشة التابلوه

معتقدش يا شاركى ان واحد فاهم زيك هيبقى راكب العربيه ومش عارف هو على انهى نظام
ولو حصل يا كبييير وانت واقف بالعريبه ومش عارف انت على انهى نظام
من غير ما تبص خالص
عايز D المس العصايه شمال
عايز N المس العصايه يمين
عايز R المس العصايه يمين وللخلف
ومش تشيل عينك من على الطريق عشان تبص انت نقلت على انهى نقله
من غير ما تبص برده عشان عيب
الفتيس ده بيتكسف لو حد بصله
وانت مغمض تلاقى العصايه فى مكانها ديما اختار اللى انت عايزة بايدك بس يمين او شمال
مش زى الاستبرتونك اللى عباره عن مجرى ولازم تعد انت نزلت كام سلمه عشان تبقى على انهى نقله ويا سلام لو فى سلمتين جم مع بعض هتتلخبط وتسيب الطريق بقى وتفضل تبص على الفتيس وعلى الشاشه والحركات دى

[M.Mokhtar]

نرد على نقطه نقطه مع انى مش من ملاك الفتيس ده

ده غير إن ال R بتيجى بحركة تماثل تلك فى النقل اليدوى المعتاد....و ال N لوحدها على اليمين و ال P بتيجى لوحدها بمجرد قفل السيارة و هى أصلا كانت على الmanual mode أو ال Auto mode

إيه الاستفادة من تغيير كبير زى كده فى الشكل و المضمون.....هل تسارع أفضل.....من تجربتى لم أحس بأى فرق بالرغم من إنى كنت متأهب لركوب سيارة أوبل أفضل من الكورسا السيدان...!!!!
هل سلاسة و راحة......لأ لأ....موضوع الهزة المراجيح شىء موجود و لازم تسايسه بالتعامل المناسب مع دواسة البنزين......يا ريت حد من الأستراوية يقول لنا إيه الاستفادة لإنى حاسس إن أوبل يا إما نصابين يا إما استعجلوا فى إطلاق تكنولوجيا لم يتم تحسينها بالشكل الكافى بعد....

مش ده كلامك برده

أما عن التجربة الأخرى فكانت الأسترا و عربيتى...انا و مصطفى فاروق جربنا عربيات بعض......بجد يا مصطفى إنت خسرت الميجان.....و الأسترا ما كنتش تلزمك....مصطفى يا جماعة سواقته هادية جدا و راجل سميع لأغانى الثمانينات و لا له فى الجرى و لا بتاع.....و الأسترا عربية ذات طابع رياضى أقوى بكتير من الميجان التى تحمل صبغة الرزانة و الراحة.....و بشهادة "مصطفى" نفسه اللى حس من أول ما حط رجله فيها إنها ناعمة و طرية ....
طبعا الأسترا زى الفل و كل حاجة لكن هى أذواق...

واضح انك بتقول ان الاسترا ادائها احسن من الميجان


انا اقولك ليه شبه المانيوال فى ال R مع انه مش شبه اوى الفتيس ده شغال باللمس
يعنى تزق العصايه حاجة بسيطه وبراحه خالص مش تعشيق يعنى زى الفتيس المانيوال

تعالى نفكر تفكير علمى
انت عايز كام وضع للفتيس
P,N,D,R,+,-
يعنى 6 اوضاع
انت عندك كام اتجاه؟
4
يبقى لازم نتصرف فى 2 كمان

ايه اكتر حاجة بتستخدم؟
N, D, +, -
طيب ال R؟؟؟
اعتقد ان الوضع الاسهل ليه انك تجيب العصايه للخلف
طيب بما ان ال 4 الاتجاهات الاساسيه محجوزين يبقى ده نخليه يمين وورا زى ما كان الاسنتاندرد اللى انت بتتكلم عليه بيقول زمان

ال P بيجيى لوحده عشان اى عربيه اوتوماتك المفرلوض مش هتدور الا لو على ال P او ال N
فكده هو مسهلك موضوع انك تدور العربيه مش لازم تبص على الفتيس او مش لازم تنقل لل N او P
الفتيس مظبط نفسه ان ينقلك لوحده وانت تشغل بالك بحاجات تانيه

كده شكل نقلات الفتيس مفيش عليها اى كلام عشان مش هتلاقى اسهل من كده

تسارع افضل؟
اكيد اسرع من الاوتوماتك العادى شوف نسب خفض الفتيس ووقت اللازم لنقل من سرعه لسرعه اخرى
هتلاقيه بيديك عزم احسن من الاوتوماتك العادى اللى هو مطور على شكل استبترونك

سلاسه وراحه؟
اعتقد مش اوى عشان لسه فى احساس بالنقله
بس خلى بالك مصطفى فاروق معاه السوفت وير القديم
فى سوفت وير جديد نزل بيقلل الاحساس بالنقله وده تقريبا نازل فى الموديلا تالجديده وسمعت انك ممكن تروح تعمل تحديث للسوف وير بتاع الفتيس فى التوكيل

استعجلوا فى اطلاق تكنولوجى جديده؟
جينيرال موتورز عندها براءة اختراع فى الفتيس ده

ومتنساش ان الميجان لما نزلت كانت برده بتنتش وتم تحديث السوفتوير مع ان الاستبرتونك نازل من زمان جدا يعنى مش اختراع جديد ولا حاجة

وبرده هقول لازم يبقى فى حاجة على حساب حاجة
عايز عزم المانويال وسهوله الاوتوماتك وعمر افتراضى للفتيس اطول كل ده من غير ما تحس بحاجة مختلفه؟؟؟؟
يبقى كده طمع
انا مش بقول ان الفتيس مفهوش اى حاجة
انا بقول فى فعلا احساس بالنقله عشان هو فعلا بينقل مش مجرد تورك كونفرتير
الةحيده اللى اتغلبت على الموضوع ده كات فولكس بالفتيس DSG
بس اتغلبت عليه ازاى؟
عملت فتيس كمان يبقى جاهز على النقله المتوقعه
بحث انك مش تحس لابنقله عشان هو بيكون نقل اساسا
يعنى واحد شغال معاك والتانى مجهز نفسه على النقله فبكده بياخد حوالى 8 مللى ثاينه فى النقله يبقى اكيد مش هتحس بيها اطلاقا

اوبل صعب تبقى نصابه او مستعجلة عشان دول من اقدم الشركات الالمانيه وعندها خبره كبيره جدا فى مجال السيارات وصعب يضحوا بكل عملائهم خصوصا ان استرا عامله اسم كبييييييييييييييييييييير فى اوروبا وواخده تقيمات هايلة

و بالرغم من مرور أعوام على السيارة فى السوق إلا أنها تظل كما هى بدون تحسين أو تعديل من قبل الشركة

جاوبت فى ردى السابق ان فى سوفت وير جديد نزل بيقلل الاحساس بالنقله

فتيس الميجان مش محتاج أبص عليه خالص ...لو أوتوماتيك هى بتنقل لوحدها أو إذا هارجع لورا بانقل على ال R و لو هاقف فى إشارة على ال N برضه مش محتاج أبص عليه لإن تصميمه standard مش محتاج تتعود عليه لإنه زى أوتوماتيك عادى خالص....لو على التقل اليدوى برضه بتحركه شمال و ضغطة للأمام shift up و ضغطة للخلف shift down
لكن هو أولا و أخيرا فتيس أوتوماتيك يسمح بالخيار اليدوى للتحكم فى توقيت نقل السرعة

منا بتكلم فى كده
انا اراهنك انك لما بتنقل من P ل D لازم بتبص انت وصلت صح ولا لأ يا اما على الفتيس او على الشاشه

كويس إن حضرتك وضحت لى إن هى فتيسها مش أصلا أوتوماتيك و إن هى من نوعية ال MMT

واضح إن التكنولوجيا بتاعت ال gearboxes دى كلها لسه لم تنضج تماما بعد.....فاكر أنا من كام سنة لما ابتدت تنزل النوعية دى فى العربيات الرياضية أمثال الفيرارى و المازيراتى كان النقاد غير راضيين عنهم...اليوم ظهر تحسن كبير بالنسبة للسيارات من تلك الفئة و الأقل منها شويتين...لكن يبدو إن هناك تطوير كبير حتمى لازم يتم على صعيد السيارات التى يركبها عامة الناس (أمثالنا)

ابقى اقرأ عن الفتيس DSG هو ده التطور الطبيعى للحاجة الساقعة

[Sharky]

معتقدش يا شاركى ان واحد فاهم زيك هيبقى راكب العربيه ومش عارف هو على انهى نظام
ولو حصل يا كبييير وانت واقف بالعريبه ومش عارف انت على انهى نظام
من غير ما تبص خالص
عايز D المس العصايه شمال
عايز N المس العصايه يمين
عايز R المس العصايه يمين وللخلف
ومش تشيل عينك من على الطريق عشان تبص انت نقلت على انهى نقله
من غير ما تبص برده عشان عيب
الفتيس ده بيتكسف لو حد بصله
وانت مغمض تلاقى العصايه فى مكانها ديما اختار اللى انت عايزة بايدك بس يمين او شمال
مش زى الاستبرتونك اللى عباره عن مجرى ولازم تعد انت نزلت كام سلمه عشان تبقى على انهى نقله ويا سلام لو فى سلمتين جم مع بعض هتتلخبط وتسيب الطريق بقى وتفضل تبص على الفتيس وعلى الشاشه والحركات دى

يا محمد انا برد فقط على كلامك غنه أسهل فى المعرفة عن الستيب ترونيك و دا شايفه مش صحيح لسبيبن :
1- الستيب ترونيك لو ماشى على الاتوماتيك بيبقى باين فى مجرى الفتيس نفسه إنك على D أو R أو N أو P + إنه ظاهر على شاشة المعلومات
بالنسبة للإيزى ترونيك مش بيبان على مجرى الفتيس لكن حيبان فى شاشة المعلومات فقط
لطن دا مايمنعش إن كل واحد بيبان أكيد بيبقى عارف إنه راجع لورا او واقف أو ماشى فمش محتاج يشوف أصلا الفتيس على إيه

2- بالنسبة لوضع المانيوال فى الستيب ترونيك هو نفسه فكرة الإيزى ترونيك مش حتعرف غنت فى أى نقلة إلا من خلال شاشة المعلومات فقط لكن إللى بيميز الستيب ترونيك فى الحالة دى إنك لو بصيت على الفتيس حتعرف إنك على M مش الـ D لكن فى الإيزى ترونيك مش حتعرف إنت على D أو على M من النظر للفتيس
دا كان قصدى يامحمد

[M.Mokhtar]

يا محمد انا برد فقط على كلامك غنه أسهل فى المعرفة عن الستيب ترونيك و دا شايفه مش صحيح لسبيبن :
1- الستيب ترونيك لو ماشى على الاتوماتيك بيبقى باين فى مجرى الفتيس نفسه إنك على D أو R أو N أو P + إنه ظاهر على شاشة المعلومات
بالنسبة للإيزى ترونيك مش بيبان على مجرى الفتيس لكن حيبان فى شاشة المعلومات فقط
لطن دا مايمنعش إن كل واحد بيبان أكيد بيبقى عارف إنه راجع لورا او واقف أو ماشى فمش محتاج يشوف أصلا الفتيس على إيه

2- بالنسبة لوضع المانيوال فى الستيب ترونيك هو نفسه فكرة الإيزى ترونيك مش حتعرف غنت فى أى نقلة إلا من خلال شاشة المعلومات فقط لكن إللى بيميز الستيب ترونيك فى الحالة دى إنك لو بصيت على الفتيس حتعرف إنك على M مش الـ D لكن فى الإيزى ترونيك مش حتعرف إنت على D أو على M من النظر للفتيس
دا كان قصدى يامحمد

شاركى باشا قصدك وصلنى
بس انا شايف ان الايزيتورنك مش محتاج حتى الشاشه
انت اللى عايزة اعمله من غير لا تبص على الشاشه ولا حتى الفتيس
انت مش عارف على ال مانيوال ولا ال D ؟؟
- انقل نقله زياده او نقص نقله كده يبقى انت اكيد على المانيوال
- المس العصايه سنة شمال كده تبقى على ال D حتى لو انت على ال D الحركه دى مش هتفرق معاك هتفضل على ال D
عايز تبص فى الشاشه ليه بقى او الفتيس؟

[KHALED AYMAN]

مختار باشا والله انا شوفت ردود الاعضاء هنا و كل ما اجى ارد على حاجه الاقيك رديت برد احسن من الى انا كنت هقوله !!!ربنا يخليك للاوبلاويه .انا هقول رد بقى عشان مبقاش حرمت نفسى من حاجه.
الفتيس ده محتاج حد يكون عارف انه مانيوال و يكون عنده استعداد لركوب مانيوال مش اوتوماتيك فمينفعش نقول انه مش مريح زى الاوتوماتيك و ده عيب فيه لأ هو نص مانيوال (فى حته النقلات و العزم و السحب)اوتوماتيك (فى حته انه بينقل لوحده)و معتقدش ان فى عيوب ظهرت فى الفتيس ده (عيوب صناعه زى انه يغلط فى النقله او انه يكسر تروس او حاجه) و ده اكبر دليل ان الشركه مش مستعجله ولا حاجه+كمان انها مش مجبره انها تنزله فى العربيات يعنى لو فى حاجه مكانتش نزلته و طبعا هم جربو الفتيس قبل مينزل و عارفين ان فى نتشه (لو سوقته غلط) !!! .
على فكره السوفت وير ده انا سالت عليه مهندس فى منصور و قالى انهم بيعملوه للعربيات عادى لو صاحب العربيه عايز يغيره و قالى انه فعلا بيقلل الاحساس بالنتشه.

[Sharky]

شاركى باشا قصدك وصلنى
بس انا شايف ان الايزيتورنك مش محتاج حتى الشاشه
انت اللى عايزة اعمله من غير لا تبص على الشاشه ولا حتى الفتيس
انت مش عارف على ال مانيوال ولا ال D ؟؟
- انقل نقله زياده او نقص نقله كده يبقى انت اكيد على المانيوال
- المس العصايه سنة شمال كده تبقى على ال D حتى لو انت على ال D الحركه دى مش هتفرق معاك هتفضل على ال D
عايز تبص فى الشاشه ليه بقى او الفتيس؟

تمام يا محمد كده إنت فهمتنى
هو عموما إللى بيسوق فى الإتنين أكيد بيبقى عارف هو على المانيوال او على الأتوماتيك العادى و على أنهى نقلة

لكن الفكره كلها للى عايز يجرب جديد بيبقى بالنسبة له الإيزى ترونيك حاجة ملخبطة شوية لحد ما يتعود على الكلام دا مش أكتر عكس الستيب ترونيك
لكن دا لا يعيب الإيزى ترونيك

[M.Mokhtar]

مختار باشا والله انا شوفت ردود الاعضاء هنا و كل ما اجى ارد على حاجه الاقيك رديت برد احسن من الى انا كنت هقوله.

يا باشا ماتنساش اننا

Opel, 1 Team, 1 Goal, 1 Family

على فكره السوفت وير ده انا سالت عليه مهندس فى منصور و قالى انهم بيعملوه للعربيات عادى لو صاحب العربيه عايز يغيره و قالى انه فعلا بيقلل الاحساس بالنتشه.

التوكيل بيعمله مجانا يا باشا ولا بتدفع فلوس؟

[M.Mokhtar]

تمام يا محمد كده إنت فهمتنى
هو عموما إللى بيسوق فى الإتنين أكيد بيبقى عارف هو على المانيوال او على الأتوماتيك العادى و على أنهى نقلة

لكن الفكره كلها للى عايز يجرب جديد بيبقى بالنسبة له الإيزى ترونيك حاجة ملخبطة شوية لحد ما يتعود على الكلام دا مش أكتر عكس الستيب ترونيك
لكن دا لا يعيب الإيزى ترونيك

+10000000000000

على فكره يا شاركى انا بجد بحب اسلوبك فى الحوار ومن الشخصيات اللى نفسى اتعرف عليها
وان شاء الله قريبا اتعرف بحضرتك

[Sharky]

+10000000000000

على فكره يا شاركى انا بجد بحب اسلوبك فى الحوار ومن الشخصيات اللى نفسى اتعرف عليها
وان شاء الله قريبا اتعرف بحضرتك

ربنا يكرمك يا محمد
أنا كان نفسى اتعرف عليك و إن شاء الله اشوفك فى مقابلات المنتدى الجاية

[chato_eg]

شكرا لك يا أستاذ M.Mokhtar على ردودك الحلوة و اهتمامك بالرد باستفاضة......
أنا بس كنت أقصد بكلمة الطابع الرياضى...التصميم الخارجى و الداخلى و الاحساس العام بالعربية
أنا الحقيقة كنت زعلان جدا جدا من الأسترا بعد ما جربتها و مستغرب إنها مش أسرع من الميجان بالشكل اللى يبرر فرق الراحة
فمن كلامك كده يا إما أنا اللى معرفتش أجربها عن حق...يا إما مصطفى سواقته هادية عموما و مالوش فى حوارات الجرى و الشد فمقدرش يوصل لى كل الامكانيات فى الشوية الصغيرين اللى جربنا فيهم العربية .....
و كويس جدا إنهم نزلوا version جديدة للسوفت وير بتاع الفتيس...ده عشمنا فى أوبل
المرة الجاية إن شاء الله لازم نجرب العربيتين مضبوط أكتر من كده...على الأقل نعرف على وجه اليقين إذا كانت الأسترا أسرع و أكثر ياضية فى الأداء فعلا و لا لأ
بس ياريت أعرف الجهاز بتاع فتح الأبواب و دوران العربية ده فى بطارية و لا لأ...و إذا كان فى بطارية تعمل إيه لو فضيت ؟؟؟؟...هل فى طريقة تانية تفتح و تدور بيها ؟

[M.Mokhtar]

شكرا لك يا أستاذ M.Mokhtar على ردودك الحلوة و اهتمامك بالرد باستفاضة......
أنا بس كنت أقصد بكلمة الطابع الرياضى...التصميم الخارجى و الداخلى و الاحساس العام بالعربية
أنا الحقيقة كنت زعلان جدا جدا من الأسترا بعد ما جربتها و مستغرب إنها مش أسرع من الميجان بالشكل اللى يبرر فرق الراحة
فمن كلامك كده يا إما أنا اللى معرفتش أجربها عن حق...يا إما مصطفى سواقته هادية عموما و مالوش فى حوارات الجرى و الشد فمقدرش يوصل لى كل الامكانيات فى الشوية الصغيرين اللى جربنا فيهم العربية .....
و كويس جدا إنهم نزلوا version جديدة للسوفت وير بتاع الفتيس...ده عشمنا فى أوبل
المرة الجاية إن شاء الله لازم نجرب العربيتين مضبوط أكتر من كده...على الأقل نعرف على وجه اليقين إذا كانت الأسترا أسرع و أكثر ياضية فى الأداء فعلا و لا لأ
بس ياريت أعرف الجهاز بتاع فتح الأبواب و دوران العربية ده فى بطارية و لا لأ...و إذا كان فى بطارية تعمل إيه لو فضيت ؟؟؟؟...هل فى طريقة تانية تفتح و تدور بيها ؟

انا مش عارف ايه ظروف التجربه بس ان شاء الله تتعوض المره الجايه

بالنسبة لموضوع المفتاح ده اسأل مصطفى بقى انا مش معايا العربيه ولا اعرف ايه نظامها

[abo samra]

تجـــربة تويوتا كرولا MMT Profissional

لقد قمت بتجربة سيارة زميلنا ماندو

أولا المقصورة :
المقصورة شكلها حلو وخامتها جودتها جيدة جدا و الدرسكسيون و زيراير تبديل النقلات فكرة حلوة لكن فى الاول بتبقى متلخبط لحد ما تتعود عيها و الكونسول شكله انيق , أما العدادات لونها مريح للعين واضحة جدا بالنسبة لللجلوس فى الكرسى الامامى مريح لكن حسيت إنه أوطى من الميجان و أقل راحة

ثانيا العزل:
عزل السيارة كويس و أحسن كثيرا من عزل الكرولا القديمة لكنه أقل من الميجان و يعيبها صوت الموتور العالى عند عدد لفات عاليه

ثالثا الثبات و العفشة :
تحسن كثيرا ثبات الكرولا الحاليه عن ثبات الكرولا القديمة و ثباتها أصبح جيد جدا لحد 140 كم و دا أخر سرعة جبتها فى التجربة
بالنسبة للعفشة هى أخشن من الكرولا القديمة لكن مش معنى كده إنها سيئة لكن بالمقارنة مثلا بالميجان فالميجان أنعم منها

رابعا التسارع:
بالنسبة لتسارعها من الثبات فى وضه E كان غير مرضى و بطى جدا بالنسبة لى و التسارع على وضه ES كان أفضل

خامسا الفتيس MMT:
بعد تجربة له تأكدت فعلا إنه قريب جدا من الإيزى ترونيك فى الأسترا
الفتيس فى وضع E :
تسارع السيارة بطى جدا و عدد النقلات يتم بسرعة على عدد لفات قليل و إحساس واضح جدا بالتقصرة فى كل النقلات و دا يعتبر الوضع الـ Standard للفتيس و إلللى بيماثل تقريبا وضع الـ D فى الاتوماتيك العادى و التيب ترونيك
من الاخر وضع بطئ السحب و النقل و مزعج جدا بالنسبة لى و لا يوجد به أى ميزة غير توفير البنزين كما يقال.
الفتيس فى وضه ES:
هوالوضعية الرياضية لوضع E مع نفس الإحساس بالنتشات و التقصيرة لكن بدرجة أقل و سحب أفضل لكن على حساب توفير البنزين و هو أقرب الأوضاع إلى وضعية الـ D فى فتيس التيب ترونيك
بالنسبة لى وضع أفضل قليلا من وضعية E لكنه ليس أفضل بالنسبة لى لوضع الـ D فى الستيب ترونيك
لكن هل عادى أن يتم إعتبار هذ الوضع هو الوضع الـ Standard فى السيارة و السير به دائما بدون اى تأثير على الفتيس ؟
الفتيس فى وضع M:
أحسن الأوضاع فى الفتيس الـ MMT و هو مماثل تماما لوضعية الـ M فى فتيس التيب ترونيك و يزيد عنه فى زراير نقل النقلات الموجودة خلف الدريكسيون

رأى الشخصى فى الفتيس إه عايز واحد مش بتاع جرى و عايز يسوق بهدوء و مايفرقش معاه النتشات و التقصيرة فى النقلات و إلا سيضطر لإستخدام نظام الـ M لتلافى الإحساس دا

شاركى باشا منور................
اولا بالنسبه للجلوس فى الكرسى انا كنت منزل الكرسى لتحت على الاخر انما طبعا ممكن تعليه وبالنسبه للراحه فى الكرسى انا من وجة نظرى انه اكثر راحه من الميجان
بالنسبه للعزل انا قلت لحضرتك ان العجله اللى فى الشمال اللى قدام هى المسئوله عن اصدار بعض الضوضاء ببسبب انها عاوزه تتغير لانها انتنت بسبب بلوعه قاسيه وعلشان كدا فيه صوت صادر منها على الطريق ووعلى فكره حضرتك كنت مدى النقله الرابعه على 140 علشان كدا الصوت كان عالى نسبيا للموتور انما حضرتك ما جبتش الخامس خالص لتخفيض صوت الموتور
بالنسبه للعفشه فانت قلتلى ان العفشه مريحه مجبتش سيرة انها مش مريحه ساعتها ايه اللى غير كلامك ......انا بس ساعتها قولتلك ان الكورولا القديمه اريح شويه من دى .......انما ما دخلناش الميجان فى المقارنه اطلاقا

بالنسبه لموضوع es انا دايما بسوق عليه ومفيش مشكله وبعتبره standard انا بس حبيت اوريلك e اللى الناس بتشتكى منها انه متعب جدا
بالنسبه لحوار ان العربيه بتاعة واحد مش بيحب الجرى حضرتك غلطان بالنقطه دى e يمكن ما ينفعش للجرى انما غير كدا العربيه منطلقه
وعلى فكره النقله التالته عندى من 95 الى 140 وحضرتك جبت النقله الرابعه لما شديت من 100 الى 140 علشان كدا اكيد السحب اقل من الطبيعى
وانا اسف على التاخير وانى جيت فى اخر المقابله لكن ان شاء الله المره القادمه اجى من اول المقابله ونعمل مقارنه دقيقه وليست سريعه
وعلى فكره لو حاولت تشد معايا بالميجان ......هتندم............انا بس بهدى النفوس
وانا اتشرفت بمعرفتك ومعرفة ابو عبد الله
وتقبل تحياتى

[chato_eg]

واضح إن المرة الجاية هتبقى أول حلقة من النسخة المصرية ل Top Gear .....
الأول megane vs. Astra .....الثانية Corolla vs Megane و لو انها مش عادلة أوى نظرا لإن الكورولا نزلت 4 سنين بعد الميجان..لكن ولا يهمك
أهم حاجة بس يا جماعة إننا نتفق إنها فى الآخر كلها عربيات ....و لو إنى باتعامل معاها على إنها العضو الأكثر حداثة فى العائلة :-)

[Sharky]

و انا كمان تشرفت بمعرفتك يا أحمد

لكن مش عنى غنى بقول غن العفشة ناشفة شوية إنها وحشة بالعكش عفشتها حلوة لكن راى الشخصى الميجان عفشتها افضل

و بالنسبة لصوت الموتور أنابجيب فى الميجان 140 على الرابع و مابيكونتش صوت الموتور عالى كده زى الكرولا

وأخيرا ربنا يبارك لك فيها