تجربه اداء سيارات - مقابلة المنتدى ديسمبر 2009

[M.Mokhtar]

واضح إن المرة الجاية هتبقى أول حلقة من النسخة المصرية ل Top Gear .....
الأول megane vs. Astra .....الثانية Corolla vs Megane و لو انها مش عادلة أوى نظرا لإن الكورولا نزلت 4 سنين بعد الميجان..لكن ولا يهمك
أهم حاجة بس يا جماعة إننا نتفق إنها فى الآخر كلها عربيات ....و لو إنى باتعامل معاها على إنها العضو الأكثر حداثة فى العائلة :-)

والله فكره ممتازه
وممكن نعمل ترتيبات عشان يبقى فى تصوير وحوار يبقى لينا حلقات بجد
ويمكن لو الموضوع اتنظم جامد ننزله فعلا فى التليفزيون المصرى ونعمل برنامج حقيقى

[KHALED AYMAN]

يا باشا ماتنساش اننا

Opel, 1 Team, 1 Goal, 1 Family

التوكيل بيعمله مجانا يا باشا ولا بتدفع فلوس؟

بصراحه مش عارف لكن ان شاء الله فى صيانه عربيتى الجايه هسأل عليه و اقولكو.بس المفروض انهم يعملوه فى الضمان مجانا يعنى !!!

[bee]

السلام عليكم جميعا

اولا انا سعيد جدا اني جربت السيارات الهكتب انوعها و موديلاتها و اسماء اصحبها


و لقد قمت بتجربه هذه السيارات في يوم 26/12/2008 في مقابله شهر ديسمبر

و السيارات علي الترتيب

اوبل استر 2007 و السياره 1600 سي سي ( خاصه ب مطصفي فاروق )
اوبل كورسا اعتقد انها 1996 و السياراه 1200 سي سي ( خاصه ب احمد علوي)
رينو ميجان 2006 السياراه 1600 سي سي ( خاصه ب ايمن مومو)
بيجو 205 1990 و السياراه 1400 سي سي ( خاصه ب محمود بيي)




اوبل استرا

بدون مبالغه اتمتع جدا جدا بسواقتها و هي ايزي ترونيك و عجبتني حواؤ الاحساس بالنقله دي اكنك سايق مانيوال يعني مش سياراه لعبه و انا جيبت بالعربيه 110 كم و كانت ثابته جدا و فعلا متحسش ان العربيه 100 حصان ابدا و التجكم في العربيه حلو جدا و كل توماتيكي توماتيكي هههههههههههههه
تقيمي للعربيه ممتازه

شكرا يا مصطفي علي السماح لي بتجربه السياره


اوبل كورسا

اولا تدويره العربيه عجبتني جدا متحسش ان في موتور 1200 انا مقدرتش اجري بالعربيه سوقتها علي سرعه 40 تقريبا او اكتر حلجه بسيطه و العربيه هدئة جدا و سحبها معقول بس غظتني حاجه في صوت غريب كده كان ظاهر و العربيه واقفه
بس احمد قالي عادي و انا شايف انه عادي بسبب قدم موديل السياره
تقيمي للعربيه جيده

شكرا يا احمد باشا علي التجربه الجميله


رينو ميجان

عجبني جدا جدا التابلوه و الصالون و تنظيم الايرباج و العربيه ايمن باشا معدلها شويه انا سوقت العربيه حتي سرعه 70 و سحبها انا شايف ان الاوبل اقوي منه بدون تعديل بس الباور بتاعها عجبني جدا جدا بس في حاجه وكلا دماغي مش عجباني لماذا تم عس اماكن عداد السرعه و الار بي ام في موديل 2008 و 2009 بس عمتا العربيه تقييمي ليها جيد جدا

شكرا يا ايمن باشا و عقبال متجيب البي ام


بيجو 205

سياره احلامي بدون مبالغه
عجبتني جدا طلعت العربيه و متصدقش انها 1400 سي سي و الصالون يعتبر كبير في الامام ضيق في الخلف بس مش هتفرق اووي للشباب و طبعا معدتش ال 40 برده بس عجبتني العربيه رغم انها موديل قديم صوتها هادي جا و ادعولي اجيب بيجو 205 جي تي اي
تقيمي العام جيد جدا

شكرا يا محمود باشا علي الفرصه الجميله دي



كده خلصنا تجلربه القياده بتاعت اليوم ده و ده ميعتبرش تقييم اووووي


و يا جماعه ده راي بدون مبالغه بس اعتقد ان بلغت شويه في ال205 لحبي ليها بس انا الشيفه كتبته


و ان شاء الله نتقابل مقابله تانيه قريبه


شكرا يا رجالتنا

نور يا نور
ميرسي جدا ع المبالغة دي
بس يا حبيبي انا عربيتي موديل 1987 مش 1990 وده مكتوب في بياناتي .. والرخصة مكتوب فيها 1300 مش 1400 مع انها المكنة بتاعت ال 405 .. :)
وبصرف النظر عن اي حاجه انا كنت سعيد بلقائي بالجميع ومتغلاش عليك

[أبو عبدالله]

و انا كمان تشرفت بمعرفتك يا أحمد

لكن مش عنى غنى بقول غن العفشة ناشفة شوية إنها وحشة بالعكش عفشتها حلوة لكن راى الشخصى الميجان عفشتها افضل

و بالنسبة لصوت الموتور أنابجيب فى الميجان 140 على الرابع و مابيكونتش صوت الموتور عالى كده زى الكرولا

وأخيرا ربنا يبارك لك فيها

أكيد يا احمد لن انت النقلة الأخيره عندك هيا الرابع يعني العربيه لازم ترتاح
اما هو عنده لسه نقله خامسه يعني لسه العربيه مش مريحه معاه

انا شايف بصراحه والله وبدون تحييز ان الكورولا جامده من الداخل وعزل الكابينة اكثر من رائع وثبات عالي واداء ماتور قوي مقارنة بالميجان
وده تاكيد ان الكورولا ماتورها اقوى

ولازم يأخذ في الاعتبار استهلاك البنزين لكلا العربيتين علشان مقارنة الفتيس دي ظالمه لو لم نأخذ في الاعتبار استهلاك البنزين لأن الانظمة الجديده دي اساس بنائها هو تقليل استهلاك البنزين يعني لو كانو يعملوها لراحه مكنوش عملوا اساسها مانيوال

[Sharky]

أكيد يا احمد لن انت النقلة الأخيره عندك هيا الرابع يعني العربيه لازم ترتاح
اما هو عنده لسه نقله خامسه يعني لسه العربيه مش مريحه معاه

انا شايف بصراحه والله وبدون تحييز ان الكورولا جامده من الداخل وعزل الكابينة اكثر من رائع وثبات عالي واداء ماتور قوي مقارنة بالميجان
وده تاكيد ان الكورولا ماتورها اقوى

ولازم يأخذ في الاعتبار استهلاك البنزين لكلا العربيتين علشان مقارنة الفتيس دي ظالمه لو لم نأخذ في الاعتبار استهلاك البنزين لأن الانظمة الجديده دي اساس بنائها هو تقليل استهلاك البنزين يعني لو كانو يعملوها لراحه مكنوش عملوا اساسها مانيوال

ابو عبدالله
صوت موتور الكرولا عالى فى الشد عموما عن الميجان
ممكن يكون العزل بتاعها أقل من الميجان علشان كده صوت الموتور واضح أو يكون صوت الموتور أصلا عالى و مش انا لوحدى إللى قلت كده هانى كمان كان قاعد ورا و حس بالموضوع دا لإنه ب رضه معاه ميجان و مابنسمعش صوت الموتور كده فى الشد
دا كانت واضحة قوى بالنسبة لى قبل 140 إللى جبتها أصلا

بالنسبة للثبات هو فعلا تحستن كثيرا عن الموديل السابق لكن مازلت أرى إن عزل و ثبات الميجان أفضل حتى 140 كم
من ناحية الموتور فعلا واضح من HP إن موتور الكرولا أقوى من الميجان لكن المقارنة كده ظالمة بين موتور لسه جديد و موتور نازل من 2003
علشان المقارنة تبقى صح يبقى موتور الكورلا الحالية مع ميجان III

[Nour_Peugeot]

اهم حاجه في حوار تجربه السيارات مهما كان نوعها و حلوه او وحشه

ان الواحد بيجرب عربيه جديده عليه و اول مره يسوقها

و الاهم و الاهم اننا تعرفنا علي بعض و العربيات اتعرفت علي بعض اصلهم مشفوش بعض بقلهم كتير هههههههههههههه

[أبو عبدالله]

ابو عبدالله
صوت موتور الكرولا عالى فى الشد عموما عن الميجان
ممكن يكون العزل بتاعها أقل من الميجان علشان كده صوت الموتور واضح أو يكون صوت الموتور أصلا عالى و مش انا لوحدى إللى قلت كده هانى كمان كان قاعد ورا و حس بالموضوع دا لإنه ب رضه معاه ميجان و مابنسمعش صوت الموتور كده فى الشد
دا كانت واضحة قوى بالنسبة لى قبل 140 إللى جبتها أصلا

بالنسبة للثبات هو فعلا تحستن كثيرا عن الموديل السابق لكن مازلت أرى إن عزل و ثبات الميجان أفضل حتى 140 كم
من ناحية الموتور فعلا واضح من HP إن موتور الكرولا أقوى من الميجان لكن المقارنة كده ظالمة بين موتور لسه جديد و موتور نازل من 2003
علشان المقارنة تبقى صح يبقى موتور الكورلا الحالية مع ميجان III

مش هقولك اكتر من رد محمد مصطفى نفسه وهاني نفسه

احلى تعليق عجبني من هاني بعد ما شديت مع ابو عبد الله انه اول مرة في حياته من ساعة ما اشترى الميجان يشوف ال Rpm على 5،

حكاية ال 5000 على ال RPM دى فعلا حقيقة يا محمد باشا...أنا عمرى ما ضغطت عليها للدرجة دى

هاني كان قاعد وراك ومكنش شايف الأر بي ام على كام

وهو ساعتها كان على خمسه

وعالعموم مش هتفرق المهم انك جربت الفتيس ومطلع عيب ولكن هو اداءه كده لأنه قائم على مانيوال ولازم يبقى فيه ترييحه زي ما انت بتيجي تضغط على الدبرياج بالظبط

وانا شايف ان ميزته الراحه مع استهلاك اقل في البنزين
وهما مبيضربوش حد على ايده علشان يشتريه

هما لما فكروا في فكرته فكروا فيها علشان الأستهلاك بتاع البنزين وليس فتيس جديد وخلاص
ويجب ان ننتبه لذلك

[Sharky]

على العموم أنا بقى يا أبو عبدالله قرصت كتير على الميجان و كنت بعد الـ 5 RPM و شايف غن صوت موتورها عالى عن الميجان بوضوح يمكن علشان سير الكاتينة الجنزير

و بالنسبة للفتيس هو فعلا موضوع النتشة دا مش عيب دا نظام الفتيس
لكن فيه بعض السيارات بدأ يظهر فيها عيب فى إن الفتيس نفسه بيعلق

و بالنسبة لميزة توفير البنزين فد إللى بيقال عليه لكن موضوع الراحة دى بعيده تماما عنه لإن أكيد النتشة غللى فى النقلات لا تسبب راحة للى عايز يسوق اتوماتيك

[chato_eg]

هو فى هانى تانى معاه ميجان أنا ما اعرفوش ؟؟؟؟!!!!
الحديث الدائر بين أبو عبد الله و شاركى أنا مش فاهم منه حاجة
أنا ما جربتش الكورولا ال 2008
أنا عن نفسى جربت الأسترا بتاعت مصطفى فاروق و بس....
و واضح من نتيجة المقابلة دى إن المرة الجاية سوف تشهد نزالا بين الميجان و الأسترا المتقاربتين فى السن...و الميجان و الكورولا ( الأصغر سنا )
و موضوع ال 5000 RPM فى الميجان ده كان فى الشدة بين محمد مصطفى و أبو عبد الله و أنا كنت سايق و باصور فبالتالى كنت على ال D و كانت بتنقل على 5000 Rpm
طبعا لو كنت أنا ناقل على ال manual mode و ده اللى محمد مصطفى كان عليه.....كانت ممكن تنقل على 6000 و الله أعلم ...و على كل أنا شفت videos للميجان بتنقل على أول ال red Zone
حكاية صوت الموتور دى حقيقة فعلا إن صوت ماتور الميجان و عزلها أروع ما يكون بالنسبة للعربيات ال 4 سلندر.....
حتى الآن شاركى جرب الكورولا...و أعتقد مافيش حد من رينو جربها...و لا أعرف إذا كان الأستاذ "mandoo " صاحب الكورولا جرب الميجان و لا لأ....لكن أبو عبد الله جرب الاتنين و أوضح صراحة إن الكورولا كموتور أدائه أعلى من الميجان ...لكن يا باشا انت ماقولتش للناس الباقى أخباره إيه ؟؟...الخامات الداخلية و العزل و ..و..و لا انت الوقت ما أسعفكش تبص على الحاجات دى
و بالمناسبة أحب أكرر إن الميجان مش لهواة الشد أساسا و إنها معمولة علشان الناس اللى عايزة تبقى مرتاحة أوى و هى سايقة زى حلاتى كده....يعنى فى الطبيعى لو قرصت سنة عليها تنقل على 3200 Rpm و لو قرصت أوى هتنقل على 4000 و لو افتريت هتنقل على 4500 و أنا ما قرصتش بما فيه الكفاية قبل كده علشان توصل لل5000 إلا يوم الجمعة فى المقابلة...

و صراحة لم أكن متوقعا من تلك الحمل الوديع أن تظهر قوة و انطلاقة بهذا الشكل...لذا ازداد إعجابى بها و أكدت لى النظرية الخاصة بى و هى إنها لا تعطى كل ما لديها دفعة واحدة...بل كلما تطلب أنت المزيد تجد هناك مخزونا لذلك الطلب.....و الكلام ده مش بس فى الشد و الجرى..بل فى الوقوف و المناورة و المواقف الحرجة و الظروف السيئة زى المطر و الطرق اللى فيها مشاكل...

مسألة الفتيسيات أمثال ال easy tronic و ال MMT .....زى ما تفضل أبو عبد الله كده
لو على الراحة.....حسب كلام أصحاب العربيات اللى فيها الفتيسات دى و حسب تجرتى للeasy tronic .....يا جماعة جربوا فتيس الأوكتافيا ال A5 اللى هو أوتوماتيك زى بتاع الميجان كده و شوفوا إذا كانت عربياتكم فيها فتيس مريح فعلا و لا لأ.....
لو على استهلاك البنزين...فدى مش هأقدر أفتى فيها

[Sharky]

هو يا هانى إنت مكنتش قاعد ورا و جنب ابوعبدالله و غحنا بنجرب الكرولا ؟؟

[M.Mokhtar]

و بالمناسبة أحب أكرر إن الميجان مش لهواة الشد أساسا و إنها معمولة علشان الناس اللى عايزة تبقى مرتاحة أوى و هى سايقة زى حلاتى كده...

انا شوفت قبل كده على طريق اسماعليه الصحراوى حته ميجان 2000 سىسى
صاروخ يا ابنى وما شاء الله واضح ان ثباتها عالى
بس كان معايا العيله ومعرفتش اشد معاه :k30:

بس ما شاء الله عجبتنى اوى وهى طايره من جنبى

مسألة الفتيسيات أمثال ال easy tronic و ال MMT .....زى ما تفضل أبو عبد الله كده
لو على الراحة.....حسب كلام أصحاب العربيات اللى فيها الفتيسات دى و حسب تجرتى للeasy tronic .....يا جماعة جربوا فتيس الأوكتافيا ال A5 اللى هو أوتوماتيك زى بتاع الميجان كده و شوفوا إذا كانت عربياتكم فيها فتيس مريح فعلا و لا لأ.....

قولنا قبل كده ده ناظم وده نظام تانى خالص
عايز ازاى تقارن فتيس مانيوال بفتيس عبارة عن torque converter

لازم يبقى فى حاجة على حساب حاجة

[Sharky]

انا شوفت قبل كده على طريق اسماعليه الصحراوى حته ميجان 2000 سىسى
صاروخ يا ابنى وما شاء الله واضح ان ثباتها عالى
بس كان معايا العيله ومعرفتش اشد معاه :k30:

بس ما شاء الله عجبتنى اوى وهى طايره من جنبى

هو فيه فى مصــر ميــجان 2000 سى سى !!!!

[M.Mokhtar]

هو فيه فى مصــر ميــجان 2000 سى سى !!!!

مسقط موتور يا كبييييير
انا شوفت كاتب ورا بالخط العريض 2.0L

[M.Moustafa]

على فكرة يا شاركي انت وابو عبد الله اللي عندكم زهايمر انا اللي كنت قاعد وراك يا شاركي وكنت جنبك يا ابو عبد الله

[for_ever]

مسقط موتور يا كبييييير
انا شوفت كاتب ورا بالخط العريض 2.0L

سؤال لو سمحت : يعني ايه مسقط موتور ؟؟؟؟؟؟