مين اللى غلطان؟؟؟

[Adham]

لا فعلا سلوكيات الناس بقت زفت و اخر قلة ادب

و تبقى ماشي ولا بيك و لا عليك تلاقي اشارات و حركات بذيئة كأن ناس ماشية تشاكل نفسها

تعرف يا مينا مرة وانا ماشي عادي لا بيا و لا عليا و في رمضان عيل بشاهين فضي طلع من اليمين فجأة قدامي باديلة كلاكس لاحسن كنت حاخبط فية قام مزود و (مطلع ايدة من الشباك .....)

طبعا انت عارف اخوك, احلى كيك داون و نزلت برة الطريق من اليمين (كان الطريق بيتسفلت و حارة واحدة) و جبتة و اعتقد انة بعدها غير رفرف امامي و طبلتين باب و دهن الجنب كلة بعدها

بس فعلا الشباب التعبانة دى دماغها دي ناقصة رباية و عايزة اللي يربيها


و الموضوع هنا مش اكتر من حكاية كل يوم بين ملاكي القاهرة و ملاكي اسكندرية
كأنها تار بايت

[M!NA]

يا استاذ مينا اسف بس حضرتك فهمتنى غلط

اولا انا مش قصدى استفز حد لا سمح الله انا طرحت موضوع للمناقشه مش اكتر.

ثانيا انا مقلتش ان اللى بيسوقوا ملاكى القاهره مش محترمين فيه كتير منهم محترمين انا قصدى مشددتش مع حد من القاهره و كان محترم وده برضه مش تعميم دى تجربه شخصيه.

ثالثا انا بقالى 9 سنين بسوق و قابلت المحترم و اللى مش محترم انا هنا بتكلم على الشد مش السواقه.

رابعا لو شفت عربيه شيروكى دهبى ماشيه على الكورنيش مش حشوف سواقها غالبا عشان استفزه علشان العربيه اعلى من عربيتى و الاسلوب فى النقطه دى معجبنيش يعنى ايه بيبقى مش محترم؟؟.

خامسا انا مبستفزش حد اصلا.

و يا جماعه اسف لكل القاهرويه اللى فهمونى غلط.

أنا لما قلت بيبقا "مش محترم" دا كان اقتباسا من كلامك...

عموما... أحييك على اسلوبك المهذب في الرد...

و أنصحك نصيحة أخ... بلاش و الشد حتى لو حد استفزك... لأنك في جميع الحالات هتندم... سواء أذيت حد أو اتأذيت... أو حتى لو انتهى الموقف بالتعادل (لأن كل ده بيقصف عمر العربية)

ادالك يمين في شمال ....الزق فيه و ارزعله النور العالي و خلاص
جه وراك و رزعلك العالي.... هدي السرعة لحد ما توصل ل20 - 30 انشالله تقف خالص و علمه الأدب بالأدب....

استفزك للشد... سيبه يجري لوحده زي الأهبل... لحد ما يلاقي واحد أهبل منه يجري معاه...

أنا بنصحك لسلامتك ... لأن مش كل مرة ربنا بيسترها...

[M!NA]

لا فعلا سلوكيات الناس بقت زفت و اخر قلة ادب

و تبقى ماشي ولا بيك و لا عليك تلاقي اشارات و حركات بذيئة كأن ناس ماشية تشاكل نفسها

تعرف يا مينا مرة وانا ماشي عيل با شاهين طلع من اليمين فجأة قدامي باديلة كلاكس لاحسن كنا حاخبط فية قام مزود و (مطلع ايدة من الشباك .....)

طبعا انت عارف اخوك, احلى كيك داون و نزلت برة الطريق من اليمين (كان الطريق بيتسفلت و حارة واحدة) و جبتة و اعتقد انة بعدها غير رفرف امامي و طبلتين باب و دهن الجنب كلة بعدها

بس فعلا الشباب التعبانة دى دماغها دي ناقصة رباية و عايزة اللي يربيها

و الله يا أدهم باشا و مين سمعك... لسة مزنق على واحد بمازدا 3 امبارح في النفق اللي في آخر شارع الطيران - الباشا افتكر انه نازل النفق في آخر لحظة و كسر عليا و بيعدي من قدامي - و انا بحود الحوداية اللي مليانة آي كاتس ديه جوة النفق (يادوب تاخد عربيتين) حدفت عليه أوي (أكني باخد الحوداية عالواسع) خليته يرزع فرملة... و بعد عني لحد ما خرجت من النفق

[AudiQ7]

المشكله دلوقتى ان الشاب ده اتعقد من فيروز و من السجاير و من اى عربيه ملاكى القاهره تعدى جنبه. و حلف ماهو شادد مع حد ملاكى القاهره تانى0
الشاب ده يبقى انا و انا عايز اعرف دلوقتى مين اللى غلطان؟

هل الشباب بتوع الكليو و الفيرنا اللى استفزونى من الاول؟

ولا الشاب البرئ(أنا) انى جريت وراهم و حاولت أخد حقى؟

يا ريت يا جماعه تجاوبونى عشان انا فعلا مش عارف و عندى عقدة ذنب من ساعه ما شفت الشاب اللى كان فى الفيرنا و هو متجبس.

و اخيرا عندى طلب من كل القاهراويه اللى بينزلو اسكندريه بعربياتهم لو مشيتوا على البحر و شوفتوا عربيه اوبترا سودا 5 نمر و اخرها 94 متجيش جنبها و تبص للشخص اللى سايق بأشمئزاز علشان السواقه زى البحر ملهاش كبير0

معلش انا عارف انى طولت عليكم
و أسف للشاب بتاع الكليو و اسف للشاب بتاع الفيرنا لو حد منهم قرأ الموضوع ده.
و شكرا
اخوكم بسام.

رساله الي الشاب البريء .. ايها الشاب البريء اذا شفت حد راكب عربيه و بيديك غمازات او نور عالي اعمل الاتي : و انت سايق في طريقك عادي اديله غماز شمال بعديه غماز يمين و انت ماشي في طريقك عادي ووسعله من يمينك و سيبه يعدي .. علي الاقل انا باعمل كده .. (الغمازات يعني = ماتقرفنيش و سيبني في حالي و شوف اللي بعدي) انا من اقاليم مصر و ليس من القاهره .. سواقه الاوتوموبيل بتتحدد حسب شخصيه سائق الاوتوموبيل و ليس حسب النمر التي يحملها الاوتوموبيل .. ممكن تجد نمر من اخر اطراف الجمهوريه و سائقها محترم عن اي سائق من القاهره او اسكندريه او اياُ كان .. فمن فضلك عامل الانسان بشخصيته و ليس من محل اقامته ..
مبدئياُ السواق البريء اللي حضرتك بتتكلم عنه اصبح سبب في حادثتين و خسائر في عربيتين سواء بطريق مباشر او غير مباشر .. و ده امر لا يمكن تجاهله و بالتالي فقت برأتك .. لو انت سواق بريء صحيح مالكش دعوه باللي بيحصل في الطريق و خليك في طريقك و اوتوموبيلك انت و سيب الباقي يولع (علي غرار .. لو شفت جماعه بينطوا من فوق كوبري انت مش مجبر انك تنط معاهم) .. ولا ايه ؟

انا كما سبق و قلت من اقاليم مصر .. هل ده يجعل مني مش سواق ؟؟

منطق غريب أوى !.

اللى بتعملوا دة قانونيا و أخلاقيا غلط.

لو بعد كل الكلام دة ولسة بتعمل كدة انت و أصحابك يبقى ياريت متنزلش تسوق فى الشارع تانى مش شهر و نص بس.

حضرتك كده جبت من الاخر .. ده الكلام الصحيح .. اخلاقياُ و منطقياُ و قانونياُ غلط ..

يا أخ بسام... ايه معنى كلامك ده؟؟؟؟ ... الموضوع مستفز جدا في اسلوب عرضه... و خصوصا حكاية أنك ماقابلتش النوع المحترم من سواقين عربيات "ملاكي القاهرة" و ده ان دل على شيء فهو يدل على حداثتك في السواقة ليس الا...

لأني كواحد بقاله 10 سنين بسوق مثلا... عدى عليا كل انواع السواقين من كل المحافظات و مقدرش أعمم اني مشفتش من محافظة معينة حد محترم...!!

عموما يا باشا لو شفت شيروكي دهبي ملاكي القاهرة ماشية عالكورنيش ماتستفزش سواقها... عشان لما حد بيستفزه بيبقا "مش محترم"

ادعك كلام حضرتك السابق .. و اكرر السياره ليست بما تحمل من لوحات لكن السياره بما تحمل من شخصيه قائدها ...مع العلم اني باسوق بقالي اكتر من 13 سنه و سقت خارج مصر و داخلها ,, و برضه انا عند قولي السياره بما تحمل داخلها من شخصيه قائدها و ليس بما تحمل من لوحات او البلده التي منها سائقها .. مع العلم بقي كمان ان فيه سيارات كثيره تحمل لوحات القاهره و اصحابها يرخصونها بلوحات القاهره لاغراض اخري في ادمغتهم و لييس لي ان اذكرها لحضرتك ..

ثانيا انا مقلتش ان اللى بيسوقوا ملاكى القاهره مش محترمين فيه كتير منهم محترمين انا قصدى مشددتش مع حد من القاهره و كان محترم وده برضه مش تعميم دى تجربه شخصيه.

ثالثا انا بقالى 9 سنين بسوق و قابلت المحترم و اللى مش محترم انا هنا بتكلم على الشد مش السواقه.

رابعا لو شفت عربيه شيروكى دهبى ماشيه على الكورنيش مش حشوف سواقها غالبا عشان استفزه علشان العربيه اعلى من عربيتى و الاسلوب فى النقطه دى معجبنيش يعنى ايه بيبقى مش محترم؟؟.

خامسا انا مبستفزش حد اصلا.

و يا جماعه اسف لكل القاهرويه اللى فهمونى غلط.

كلام حضرتك مناقض لبعضه .. او بمعني اصح للتوضيح : اللي بيسوق محترم مابيشدش مع حد ! لو هاكسب عربيه زيرو من اني اشد مع واحد مش هاشد معاه ..

خللي مثلاُ ان انت بتشد مع واحد و عربيتك انت اللي اتضمرت .. اولاُ السيار بتاع والد حضرتك اي انك لا تحتكم عليها .. بالتالي هاتجيب مشاكل لنفسك و لوالدك ,, و خليك "جبت خبر حد بيها" يبقي جبت لنفسك مصيبه .. و اصلاُ الشوارع مش مستحمله و البني ادمين بيرموا نفسهم قدام الاوتوموبيلات ..


كان معكم .. اودي كيو سفن .. من مصر المحروسه ..

[Adham]

طيب با مينا دة لة هدف

يعني عاوز ينزل النفق

اينعم التنفيذ غلط و ماراعاش اصول السواقة انة يهدي مثلا و يستني الطريق يسمح

انما واحد نازل من بيتهم لا بية و لا علية يلاقى ناس بتشاكل نفسها و بتقل أدبها من غير لازمة و لا هدف يبقى تستحق اللي يجرالها

[bassam266]

لا فعلا سلوكيات الناس بقت زفت و اخر قلة ادب

و تبقى ماشي ولا بيك و لا عليك تلاقي اشارات و حركات بذيئة كأن ناس ماشية تشاكل نفسه

+1000000000000000

و الموضوع هنا مش اكتر من حكاية كل يوم بين ملاكي القاهرة و ملاكي اسكندرية
كأنها تار بايت

الموضوع مش كده خالص الحكايه و ما فيها انى حصلى مواقف ممكن تحصل مع اى حد فينا و قلت اخد رأيكوا فيها مش اكتر الموضوع مش ملاكى الاسكندريه و لا ملاكى القاهره و لا انا قولت الاسكندرانيه محدش بيسوق زيهم ولا قولت القاهرويه مبيعرفوش يسوقوا ولا كان ده قصدى و الله انا بس حبيت اطرح سلوكيات بنشفها و احنا ماشين فى الشارع زى ما حضرتك قولت و نتيجتها بس للاسف كانت معايا اسوأ النتايج مش اكتر و على فكره لو كانت العربيات ديه ملاكى اسكندريه كنت حكتب عنها برضه مش عيب ان يبقى فينا غلط العيب ان احنا منحولش نصلحه و السلام ختام.

[AshTurbo]

أحلى حاجة في أصدقائنا أصحاب ملاكي القاهرة لما ينزلوا أسكندرية دايما يحبوا يتنططوا على ملاكي أسكندرية وللأسف دايما بيغيروا رأيهم بعد ما يخيشوا ويلبسوا في أول عمود مش عارف أية السبب العلمي في الحكاية دي بس أعتقد أن شباب أسكندرية عندهم طرق واسعة بالتالي بيكونوا متمرسين على عكس القاهرة المزدحمة اللي شباب القاهرة مش بياخدوا راحتهم في الشد والجري وبالتالي بتنعكس على خبراتهم مع إن في ناس سويقة من القاهرة بس على أد ما شديت مع عربيات عمري ما قابلت ملاكي قاهرة متمكن في الغرز وتسقيط النقلات زي الأسكندراني وعلى فكرة أنا ليا أصدقاء كتير سويقة من القاهرة وحبايبنا ولما ييجوا عندنا لازم نكرمهم على الآخر لأن إكرام الضيف واجب p:


رداً على سؤالك لا طبعاً أنت مش غلطان دا أنت كدة راجل محترم ووقفت وأطمنت على الناس ووقفت معاهم مع أن هما اللي مفروض يتحملوا كل حاجة وهما الغلطانين اللي مش قد الشد مايشدش فأنت كدة عداك العيب وأزح وتشكر وفيالآخر أتمنى ربنا يهديك ويهدينا ويهدي كل الشباب ويكفينا شر الحوادث والمستشفيات .

[SS]

يا رجالة ياريت تهدوا و بلاش الفيلم بتاع القاهرة و الاسكندرانية و الجيزاوية و البورسعيدية و الافلام اللى مش جايبه همها ديه.
بالنسبة للأخ صاحب الموضوع فليه تعليق بسيط و ارجو انك ما تضايقش منه:
لو انت شايف واحد مجنون نام على الارض فى وسط الطريق الصحراوى...و اتحداك ان ما فيش حاجة هاتحصله...و انك ما تقدرش تعمل زيه ...هل هاتجريه فى كده عشان تثبت له انك احسن منه؟؟؟
و لو احنا سلمنا ان الشخص ده عبيط و اهبل و مش مدرك هو بيعمل ايه....فهل انت شايف انك تثبت انك الافضل لواحد بالعقلية ديه حاجة تستحق انك تحطها فى دماغك اساساً و تستدعى انك تفكر فيها..؟؟؟؟؟!!
لو اجابتك بنعم.....فيبقى رأيى تشد مع الناس كلها مش اللى بيستفزك بس
و بعدين انت بتقول انك ما بتشدش على سرعات عاليه....أنا فى رأيى ان الموضوع ده نسبى يعنى حسب الطريق...مش قيمة مطلقة لو مشيت اقل منها تبقى ماشى بالراحة...و عموماً اتمنى انك ما تجربش بنفسك ان السرعات اللى ممكن تكون بتعتبرها قليلة...ممكن يحصل عليها بلاوى لا قدر الله...لأنى جربتها سخصيا بسبب واحد كان فاكر انه ماشى براحة و ما لحقش يفرمل..لأن دايماً وارد ان فيه ظروف تخرج عن نطاق سيطرتك...سواء طريق او عربيات او مشاة او حتى عربيتك انت شخصيا.ً
و فى النهاية اتمنى ان ربنا يسترها معاك و معانا جميعاً

[M!NA]

طيب با مينا دة لة هدف

يعني عاوز ينزل النفق

اينعم التنفيذ غلط و ماراعاش اصول السواقة انة يهدي مثلا و يستني الطريق يسمح

انما واحد نازل من بيتهم لا بية و لا علية يلاقى ناس بتشاكل نفسها و بتقل أدبها من غير لازمة و لا هدف يبقى تستحق اللي يجرالها

ماهو دا اللي ركبنا ال4x4 يا صاحبي :)

[bassam266]

أنا لما قلت بيبقا "مش محترم" دا كان اقتباسا من كلامك...

انا مقلتش كده خالص و برئ و بقى مش برئ غير محترم و بيبقى مش محترم و برئ و مبقاش برئ كانت لانى حاكى الموضوع على شكل حكايه يعنى عشان ترفع الملل مش اكتر

عموما... أحييك على اسلوبك المهذب في الرد...

بعض ما عندكم اخجلتم تواضعنا:)

أنصحك نصيحة أخ... بلاش و الشد حتى لو حد استفزك... لأنك في جميع الحالات هتندم... سواء أذيت حد أو اتأذيت... أو حتى لو انتهى الموقف بالتعادل (لأن كل ده بيقصف عمر العربية)

ادالك يمين في شمال ....الزق فيه و ارزعله النور العالي و خلاص
جه وراك و رزعلك العالي.... هدي السرعة لحد ما توصل ل20 - 30 انشالله تقف خالص و علمه الأدب بالأدب....

استفزك للشد... سيبه يجري لوحده زي الأهبل... لحد ما يلاقي واحد أهبل منه يجري معاه...

أنا بنصحك لسلامتك ... لأن مش كل مرة ربنا بيسترها...

شكرا جدا على النصيحه بس ده لو استفزك بس و معملش حاجات تانيه المفروض محدش محترم يعملها اظن فاهم قصدى و ربنا يستر طريقنا و طريقك.

[r0xer]

ياعم بسيطة....نبعتلك واحد من القاهرة تشد معاه ويلبسك في اي حاجةو بكدا تتعلم انك متشدش تاني وتبطل خالص.!

وانا شايف ناس بعتتلك invite ! ورأي انك تستعد للمواجهة من دلوقتي وتحضر نفسك !!

-------








































طبعا انا بهرج معاك :) كلنا بنشد احيانا كبير ولا صغير ولكن مش كل من يستفزك ترضخ لاستفزازه...صدقني الحياة غالية...لومش غالية عليك فعند ناس تانية حياتك غالية.

ربنا يهديني...ويهديك...ويهدي كل الشباب وكل مصر نفر نفر.

[bassam266]

الى الاخ اودي كيو سفن

رساله الي الشاب البريء .. ايها الشاب البريء اذا شفت حد راكب عربيه و بيديك غمازات او نور عالي اعمل الاتي : و انت سايق في طريقك عادي اديله غماز شمال بعديه غماز يمين و انت ماشي في طريقك عادي ووسعله من يمينك و سيبه يعدي .. علي الاقل انا باعمل كده .. (الغمازات يعني = ماتقرفنيش و سيبني في حالي و شوف اللي بعدي) انا من اقاليم مصر و ليس من القاهره .. سواقه الاوتوموبيل بتتحدد حسب شخصيه سائق الاوتوموبيل و ليس حسب النمر التي يحملها الاوتوموبيل .. ممكن تجد نمر من اخر اطراف الجمهوريه و سائقها محترم عن اي سائق من القاهره او اسكندريه او اياُ كان .. فمن فضلك عامل الانسان بشخصيته و ليس من محل اقامته ..
مبدئياُ السواق البريء اللي حضرتك بتتكلم عنه اصبح سبب في حادثتين و خسائر في عربيتين سواء بطريق مباشر او غير مباشر .. و ده امر لا يمكن تجاهله و بالتالي فقت برأتك .. لو انت سواق بريء صحيح مالكش دعوه باللي بيحصل في الطريق و خليك في طريقك و اوتوموبيلك انت و سيب الباقي يولع (علي غرار .. لو شفت جماعه بينطوا من فوق كوبري انت مش مجبر انك تنط معاهم) .. ولا ايه ؟

اولا موضوع الغمازات ده مع احترامى ليك غلط ليه؟
عشان انت لو قدامه مش حيديلك غمازات اساسا اللى بيبقى قدام و يدى غمازات يعنى ورينى نفسك على الاقل ده ى اسكندريه معرفش الاقاليم ايه نظامها

ثانيا موضوع النمر و العربيه و شخصيه اللى ايق ده انا معاك فيه علشان كده اما احد الاعضاء كتب الموضوع مش اكتر من ملاكى القاهره و املاكى اسكندريه وضحتله الفكره.

ثالثا مقارنه النط من فوق الكوبرى و الشد اسمحلى مفيش وجه مقارنه ليه؟
لان النط من فوق الكوبرى جنون انما و انت بتشد المفروض انك عينيك فى وسط راسك و فاهم و واعى انت بتعمل ايه و باصص قدامك على مدى بصرك مش حاخد الغرزه ديه و ربنا يسهل بعد كده

حضرتك كده جبت من الاخر .. ده الكلام الصحيح .. اخلاقياُ و منطقياُ و قانونياُ غلط ..

رديت على الموضوع ده قبل كده

كلام حضرتك مناقض لبعضه .. او بمعني اصح للتوضيح : اللي بيسوق محترم مابيشدش مع حد ! لو هاكسب عربيه زيرو من اني اشد مع واحد مش هاشد معاه ..

حضرتك فهمت الكلام غلط ده مش قصدى فى ناس محترمين جدا و بتشد و عادى خالص الاحترام هنا انك تبقى عارف انت بتشد ازاى و متضيقش حد و انت بتشد مش انك متشدش خالص الشد نفسه فيه متعه لذيذه.

خللي مثلاُ ان انت بتشد مع واحد و عربيتك انت اللي اتضمرت .. اولاُ السيار بتاع والد حضرتك اي انك لا تحتكم عليها .. بالتالي هاتجيب مشاكل لنفسك و لوالدك ,, و خليك "جبت خبر حد بيها" يبقي جبت لنفسك مصيبه .. و اصلاُ الشوارع مش مستحمله و البني ادمين بيرموا نفسهم قدام الاوتوموبيلات ..

عربيتى حتدمر لو انا باجى عليها زى ما بيقولو يعنى لو مثلا مهدتش فى ملف و خيشت و ساعتها منغير زعل انا حبقى استاهل اللى يحصلى. و جبت خبر حد بيها دى الاعمار بيد الله و انا زى مقولتلك ببقى باصص على مدى بصرى و لو لقيت حد بيفكر بس انه يعدى بهدى و بقول لنفسى يتحرق الشد على اللى بيشدوه:)

[bassam266]

يا رجالة ياريت تهدوا و بلاش الفيلم بتاع القاهرة و الاسكندرانية و الجيزاوية و البورسعيدية و الافلام اللى مش جايبه همها ديه.
بالنسبة للأخ صاحب الموضوع فليه تعليق بسيط و ارجو انك ما تضايقش منه:
لو انت شايف واحد مجنون نام على الارض فى وسط الطريق الصحراوى...و اتحداك ان ما فيش حاجة هاتحصله...و انك ما تقدرش تعمل زيه ...هل هاتجريه فى كده عشان تثبت له انك احسن منه؟؟؟
و لو احنا سلمنا ان الشخص ده عبيط و اهبل و مش مدرك هو بيعمل ايه....فهل انت شايف انك تثبت انك الافضل لواحد بالعقلية ديه حاجة تستحق انك تحطها فى دماغك اساساً و تستدعى انك تفكر فيها..؟؟؟؟؟!!
لو اجابتك بنعم.....فيبقى رأيى تشد مع الناس كلها مش اللى بيستفزك بس
و بعدين انت بتقول انك ما بتشدش على سرعات عاليه....أنا فى رأيى ان الموضوع ده نسبى يعنى حسب الطريق...مش قيمة مطلقة لو مشيت اقل منها تبقى ماشى بالراحة...و عموماً اتمنى انك ما تجربش بنفسك ان السرعات اللى ممكن تكون بتعتبرها قليلة...ممكن يحصل عليها بلاوى لا قدر الله...لأنى جربتها سخصيا بسبب واحد كان فاكر انه ماشى براحة و ما لحقش يفرمل..لأن دايماً وارد ان فيه ظروف تخرج عن نطاق سيطرتك...سواء طريق او عربيات او مشاة او حتى عربيتك انت شخصيا.ً
و فى النهاية اتمنى ان ربنا يسترها معاك و معانا جميعاً

اولا انا شايف مفيش وجه مقارنه بين النوم على الصحراوى والشد

ثانيا انت بتقول"و لو احنا سلمنا ان الشخص ده عبيط و اهبل و مش مدرك هو بيعمل ايه....فهل انت شايف انك تثبت انك الافضل لواحد بالعقلية ديه " اللى بيشد مع حد لا بيبقا عبيط ولا اهبل و اكيد هو مدرك هو بيعمل ايه و مدرك ان الشخص ده مكن يكون اجمد منه و ممكن يكون شرانى و ممكن يكون غشيم.

ثالثا انا قولت انى مبشدش على السرعات العاليه داخل البلد لكن لو حشد على الصحراوى مثلا اكيد مش حشد على 100

و اخيرا ربنا يسلم طريق الكل يارب

[M.Mokhtar]

هههههههههههههههههه
حلو الموضوع ده

طبعا انا ردى هيبقى مختلف تماما عن كل اخواتى الكبار اللى سبقونى

سيبك انت من ان الشد اصلا مش حاجة كويسه وبيسبب كوراث
دى حاجة تانيه خالص

تعالى بقى لفنون الشد
لما تعوز تشد يا عم البرئ مع حد اتعلم الاول ازاى تشد وباحتراف
- ازاى تعَرَّف اللى بيشد وراك ان فى ملف جاى
- هاخد غرزة على الضيق
- هاخد غرزة مقفوله
- فى موقف قدامى لازم هفرمل جامد
- عدى منى عشان ادخل وراك الحاره اللى قدامى مقفوله ولازم ندخل واحد واحد من الحاره التانيه
- هاخد غرزة وانت مش هتلحق تاخدها ورايا

الحاجات اللى فاتت دى ممكن تخلى اللى بيشد وراك يلبس على طول يبقى كده الغلط على مين؟

تعرف انت تقولى على اشاره واحده المفروض تعملها فى اى حاله من الحالات اللى عدت؟

انت اخرك تمسك الديركسيون وتدوس بنزين وتجرى
ومفكر ان هى دى السواقه وهى دى الحرفنه وانك بطل :k48:

انصحك تتعلم الاول الاساليب الاحترافيه فى عالم قيادة السيارات مش مجرد تسوق وخلاص
انت كده بتتسبب ان الناس اللى معاك بتتهبدل عشان مفكرين انك فاهم يعنى ايه شد

بس طلعت غاوى جرى وبس وتلبس اللى معاك فى اول حيطه يقابلها

فنان يا كبييييير

ابقى تعالى...انت مش بتيجى ليه....ده كله بيجى

[AudiQ7]

الى الاخ اودي كيو سفن



اولا موضوع الغمازات ده مع احترامى ليك غلط ليه؟
عشان انت لو قدامه مش حيديلك غمازات اساسا اللى بيبقى قدام و يدى غمازات يعنى ورينى نفسك على الاقل ده ى اسكندريه معرفش الاقاليم ايه نظامها

ثانيا موضوع النمر و العربيه و شخصيه اللى ايق ده انا معاك فيه علشان كده اما احد الاعضاء كتب الموضوع مش اكتر من ملاكى القاهره و املاكى اسكندريه وضحتله الفكره.

ثالثا مقارنه النط من فوق الكوبرى و الشد اسمحلى مفيش وجه مقارنه ليه؟
لان النط من فوق الكوبرى جنون انما و انت بتشد المفروض انك عينيك فى وسط راسك و فاهم و واعى انت بتعمل ايه و باصص قدامك على مدى بصرك مش حاخد الغرزه ديه و ربنا يسهل بعد كده



رديت على الموضوع ده قبل كده



حضرتك فهمت الكلام غلط ده مش قصدى فى ناس محترمين جدا و بتشد و عادى خالص الاحترام هنا انك تبقى عارف انت بتشد ازاى و متضيقش حد و انت بتشد مش انك متشدش خالص الشد نفسه فيه متعه لذيذه.



عربيتى حتدمر لو انا باجى عليها زى ما بيقولو يعنى لو مثلا مهدتش فى ملف و خيشت و ساعتها منغير زعل انا حبقى استاهل اللى يحصلى. و جبت خبر حد بيها دى الاعمار بيد الله و انا زى مقولتلك ببقى باصص على مدى بصرى و لو لقيت حد بيفكر بس انه يعدى بهدى و بقول لنفسى يتحرق الشد على اللى بيشدوه:)

لو هوه قدامي يبقي سيبه و خليك في حالك ,,, لو هوه وراك تديله الغمازات (ناسف لعدم التوضيح بس دي مفهومه) ..

الموضوع اصله نمر القاهره و نمر اسكندريه و مش انت بس اللي حاتط الموضوع ده في دماغك ده فيه تيار كامل بنفس التفكير ده كده ..
الشد نوع من انواع الجنون برضه .. السياره للاستخدام اليومي و ليس للشد و الجري .. عاوز تجري و تشد اشتريلك دراج كار و اطلع علي التراك و شد براحتك ..
من الواضح ان حضرتك مافهمتنيش مضبوط ..
العربيه هيا اله لتسهيل اداء المصالح .. تقضي بيها مشاوير ,, مش تشد و تجري بيها .. حضرتك العربيات الي في مصر كلها مش مجهزه للشد و الجري و الثبات و ده موضوع يطول شرحه و انا مش هاقدر اشرحه لضيق الوقت ..

الوقايه خير من العلاج .. و الرجوله مواقف و النداله دروس و السواقه ادب ...

استاذنكم علشان ماشي و نترك الكلام لاخواني في المنتدي و شكراُ ..

كان معكم من اقاليم مصر .. اودي كيو سفن ..