مين اللى غلطان؟؟؟

[bassam266]

و صاحب الموضوع عليه غلط كبير طبعا مع إللى شدوا معاه
و شكله مضايق قوى من كلمة ملاكى القاهرة :b4_282:

يا شاركى باشا انا اكيد عارف انى عليا غلط بس مين غلطه اكبر انا ولا هما؟دى حاجه

تانى حاجه انا مش متضايق من كلمه ملاكى القاهره حرام الكلمه ملهاش ذنب المشكله فى الناس اللى بتبقى راكبه العربيات الملاكى القاهره اكيد طبعا مش كلهم فى ناس منهم محترمين جدا بس انا لسه مقابلتش النوع ده مش اكتر.

[hesham_tawfiq]

معلش يعنى ممكن كلامى يزعل حضرات المؤيدين بس هقوله والارزاق على الله
يعنى ايه حضرتك الشد شر لا بد منه ؟ دا فى منطق مين ؟!!!
فيه ناس تانيه بتستخدم الطريق غير حضرتك وفيه منهم اللى سايق وفيه منهم اللى ماشى على رجليه . ودول ليهم حقوق على مستخدمى الطريق والا مكنش يبئى اسمه " طريق عام " .
وبعدين ايه موضوع النقط ولو خدت غرزه وزميلى ملحئش ياخدها يبئى عليه نقطه !!!!!
ولو لاقدر الله زميلك دا خدته الجلاله وسخن وجه ياخد الغرزه عشان ميخسرش ولئى غرزه مقفوله ولا حد بيعدى الشارع النقطه دى هتعوض المصيبه اللى هتحصل
ثم ان حضتك بتتكلم عن كورنيش اسكندريه كأن محدش مشى فيه قبلك مع ان دا اسوء طريق ممكن يتشد فيه كلله انحنائات خطر وملفات وبدون حواجز منتصف الطريق
بيتهيألى حضرتك محتاج تراجع نفسك انت وزمايلك ومتستسلمش لاستفزازات التافهين على الطريق
ليس القوى بالصرعه وانما القوى اللذى يملك نفسه عند الغضب.
عموما زى ماقلت لحضرتك كلامى هيزعلك انما الارزاق على الله وفى الاخر ادعو الله ان يهدينى واياكم
drive responsibly

[momo10000]

يا باشا حمد الله علي السلامة .....

بس انت برضة خلي بالك من ميجان هاتش باك سوداء ملاكي جيزة اخرها 666 سواء في اسكندرية او بورسعيد او حتي في السنبلاوين...

[bassam266]

معلش يعنى ممكن كلامى يزعل حضرات المؤيدين بس هقوله والارزاق على الله

يا باشا مفيش زعل ولا حاجه

يعنى ايه حضرتك الشد شر لا بد منه ؟ دا فى منطق مين ؟!!!

ده فى منطق اى واحد معاه عربيه و بيجرى بيهاو متقوليش حضرتك ان العربيه وسيله انتقال و المفروض متجريش بيها و الا ايه اللى يخلينى اجيب اوبترا كنت جبت 127 ارخص

فيه ناس تانيه بتستخدم الطريق غير حضرتك وفيه منهم اللى سايق وفيه منهم اللى ماشى على رجليه . ودول ليهم حقوق على مستخدمى الطريق والا مكنش يبئى اسمه " طريق عام " .

متفق معاك 100% علشان كده عملو مرايات فى العربيه و بدل الواحده 3 و عملوا بربيز كبييييييييير قدام و ورا علشان تشوف الناس و العربيات قدامك و وراك و انا عن نفسى مبلفش الدركسيون و لو حتى درجه واحده غير لما ابص فى المرايه الصح.

وبعدين ايه موضوع النقط ولو خدت غرزه وزميلى ملحئش ياخدها يبئى عليه نقطه !!!!!
ولو لاقدر الله زميلك دا خدته الجلاله وسخن وجه ياخد الغرزه عشان ميخسرش ولئى غرزه مقفوله ولا حد بيعدى الشارع النقطه دى هتعوض المصيبه اللى هتحصل

موضوع النقط ده يبيقى بينى انا و صحابى بس و الحمد لله كلنا بنجرى بس عارفين بنجرى ازاى وزى ما قلت قبل كده انا مبشدش مع حد معرفهوش الا لو هو بدأ و لو لقيته غشيم بيجرى و خلاص بفكنى منه و بعدين نقطه حد بيعدى الشارع دى اسكندريه لو حضرتك تعرفها كويس فيها انفاق على طول الكورنيش للمشاه و الطريق للعربيات و بس يعنى اللى بيعدى الشارع هو اللى غلطانو كمان لو رحت القسم حيدفعلك تعويض عن اللى حصل فى عربيتك لو معاك محماى شاطر.

ثم ان حضتك بتتكلم عن كورنيش اسكندريه كأن محدش مشى فيه قبلك مع ان دا اسوء طريق ممكن يتشد فيه كلله انحنائات خطر وملفات وبدون حواجز منتصف الطريق

انا مقلتش ان محدش مشى فيه قبلى و الا حشد مع مين و برضه انا عارف ان كله انحناءات و كلام من ده علشان كده مبجريييييييييييييييش بس على فكره لو انت من اسكندريه حتعرف ان انحناءات البحر ديه اغبى واحد فيها ممكن تاخده على 70 و العربيه ممكن تحدف منك شويه بس حتلمها عادى سهله يعنى.

بيتهيألى حضرتك محتاج تراجع نفسك انت وزمايلك ومتستسلمش لاستفزازات التافهين على الطريق

و الله يا استاذ هشام انا كل ما اراجع نفسى اقعد مسؤش شهر شهر و نص و بعدين قررت ان التافه لازم يتأدب على تفاهته طبعا مش معنى كده انى اكسرله عربيته بس هو اللى اكيد بيتغاشم و بيكسر عربيته انا اعمله ايه؟؟؟

ليس القوى بالصرعه وانما القوى اللذى يملك نفسه عند الغضب.

+1000000000000000

عموما زى ماقلت لحضرتك كلامى هيزعلك انما الارزاق على الله وفى الاخر ادعو الله ان يهدينى واياكم

و الله مافيش زعل ولا حاجه و اللهم امين

drive responsibly

دى معناها انك تبقى عارف بتسوق ازاى و تبقى عارف مسؤليه سواقتك مش معناها انك تسوق براحه اخرك 60

و متزعلش من كلامى

[bassam266]

يا باشا حمد الله علي السلامة .....

يا باشا الله يسلمك

بس انت برضة خلي بالك من ميجان هاتش باك سوداء ملاكي جيزة اخرها 666 سواء في اسكندرية او بورسعيد او حتي في السنبلاوين...

يا باشا انت اخدتها على محمل شخصى ليه كده انا مش قصدى اقول ان القاهرويه مبيعرفوش يسوقوا اكيد مش كده اكيد فى ناس فيهم جامده جدا و احسن منى كمان و لعى العموم ياسيدى متزعلش حبقى اخلى بالى من الميجان الهاتش باك السودا اللى اخره 666 و اول ما حشوفها حركن عربيتى لحد ما يعدى :) .........بهزر...........

[1.8Tee]

منطق غريب أوى !.

اللى بتعملوا دة قانونيا و أخلاقيا غلط.

لو بعد كل الكلام دة ولسة بتعمل كدة انت و أصحابك يبقى ياريت متنزلش تسوق فى الشارع تانى مش شهر و نص بس.

[fadynabil]

طبعا كل الكلام اللي أنا قرأته فوق ما عدا المداخله ما عدا المداخلة رقم 3
كله غلطان ......... الشد ده بصراحة و آسف على الكلمة ..... حاجة مش كويسة
لأن اللي عايز يشد يروح مكان مخصوص و يتفرج على عربيته و يشد زي ما هو عايز
إنما طول ما أنت على طريق الناس بتستخدمه ........ يبقى حرام عليك لأن ببساطة ممكن واحد برئ لا له في الدور و لا في الطحين و يلبس حادثة بسبب أثنين بيشدوا مع بعض

و بعدين كليو أيه اللي هاتشد مع أوبترا ......... موتور 1200 و موتور 1600 بالعقل لازم الأوبترا تكسب
و موضوع 132 و معاه فيرنا .............. لا أصدق
علشان ببساطة الفيرنا دي موتورها فعلا جبار و 132 عمرها أكتر من 30 سنة و كمان فيها 3 ركاب و تسبق فيرنا !!!!
أنا أعرف ناس معاها فيرنا و بتسبق عربيات جامدة مش 132 موديل 1975 !!!!

بالنسبة للمداخلة رقم 3
مفيش في انجلترا عسكري مرور !!!!

بلاش شد و حركات من دي يا أخواني ......... عواقبها وخيمة جدا
و تخيل لو واحد بيشد مع واحد تاني و قتل نفس بريئة أو حتى هو مات شخصيا
و راح لربنا يوم القيامة
يقوله أيه ؟؟؟؟؟؟؟ كنت بشد مع عربية تانية علشان أثبت قوة عربيتي أو حرفنتي في السواقة ؟؟؟؟
اللهم أهدنا فيمن هديت و أغفر لنا و أرحمنا ......... و أهدي السائقين المصريين و أنا منهم

الحمد لله إن أنا ملاكي جيزة

و السلام عليكم و رحمة الله وبركاته

:k49: إنت كده جبت من الأخر

[mohamed_rhem]

باسم باشا

اسمحلي اولا احيي صراحتك ووضوحك وضمبرك المستيقظ الدال علي نبل اخلااق وتربيه عاليه:k49:

واضح ان سنك اقل من 20 سنه علي ما اعتقد ما كلنا كنا ذيك ده انا انهارده وانا 30 سنة سعات بشد قصاد ناس مع ان عربيتي 1000 سي سي

فياريت الفترة الجاية توصل لمرحلة انك خلاص عملت كل اللي نفسك فيه وخلاص بقه المرحلة ده انا شخصيا عشتها بعد انقلااب سيارة اجرة كنت راكبها وطبعا مش انا السائق وقعدت اسوق علي مهلي شهور وشهور بعدها

لكن ريما رحعت لعادتها القديمه ده حتي انا فكرت اغير عربيتي الي 1600 سي سي هاتشباك برضه

المهم ارجع واقول خليك انت الكبير وعادي يعني اما تفوت ورحم الله أمرء عرف قدر نفسه وانت عارف انك تمام وحتسد طيب ايه الداعي للشد

وكلمه اخيرة الشاب البري للاسف طلع مزنب

اكيد في شق يقع عليك وان كلي شيء يقدر ربنا
وفي النهاية حمدالله علي سلامتك

ولعله خير انك تغير طريقه سواقتك الفترة الجايه من عمرك

[bassam266]

منطق غريب أوى !.

ايه اللى غريب بالظبط؟؟

اللى بتعملوا دة قانونيا و أخلاقيا غلط.

يا استاذ محمد اخلاقيا انا شايف انه مش غلط و دى وجهات نظر ليه؟؟
اقولك اولا انت حر ما لم تضر ثانيا انا مبجريش جوه البلد اكتر من 100 و دى سرعه ممكن تتحكم عليها فى العربيه كويس اوى فى اى موقف لا قدر الله و بعدين انا اما بجرى ببقى واخد بالى انى مضايقش حد ماشى جنبى او ورايا او قدامى و مبنقلش من حاره لحاره غير اما ابص فى المرايات يعنى من الاخر مبضايقش حد و ده اكيد مش بنسبه 100% فى حاجات بتبقى غصب عنك حتى لو ماشى على 60 (السرعه القانونيه)

ثانيا قانونا متقنعنيش ان حضرتك او اى حد هنا فى المنتدى او فى مصر كلها بيمشى على 60 لو فى فرصه يزود قصدى ان 60 دى ممله جدا و معتقدش ان فى حد بيمشى عليها و هو راضى يعنى مش فى زحمه ولا حاجه و بيمشى 60 برضه.

لو بعد كل الكلام دة ولسة بتعمل كدة انت و أصحابك يبقى ياريت متنزلش تسوق فى الشارع تانى مش شهر و نص بس.

لا تعليق!!!!!

و يا جماعه ياريت محدش يزعل من كلامى انا بناقش وجه نظر مش اكتر.

[hesham_tawfiq]

هو طبعا حضرتك احسن واحد يسوق فى اسكندريه ومصر كللها وحافظ الكورنيش طوبه طوبه ومتر متر وواضح انك مش هتخطئ ابدا وانت سايق
بس تضمن منين ان غيرك مش هيغلط !!!!
وبعدين بمناسبة المحامى الشاطر اللى هيجيبلك تعويض لو مش انت اللى غلطان افرض ان لو لاقدر الله ضحية الحادثه دى واحد قريبك او صاحبك او حد عزيز عليك. هتعمل ايه بالتعويض ؟!!!
عموما انا قفلت المناقشه دى من طرفى ومش هرد تانى
انت قلت وجهة نظرك وانا كمان واربنا يستر طريقنا جميعا

[bassam266]

باسم باشا

بسام مش باسم :)

واضح ان سنك اقل من 20 سنه علي ما اعتقد ما كلنا كنا ذيك ده انا انهارده وانا 30 سنة سعات بشد قصاد ناس مع ان عربيتي 1000 سي سي

انا عندى 21 سنه و بقالى 9 سنين بسوق و فعلا عملت كل اللى فى نفسى و زى ما حضرتك قلت انا سعات بشد انا مبقولش انى كل يوم بطلع اشد على البحر حتى مع صحابى ده بيبقى كل فين و فين مش كل يوم.

المهم ارجع واقول خليك انت الكبير وعادي يعني اما تفوت ورحم الله أمرء عرف قدر نفسه وانت عارف انك تمام وحتسد طيب ايه الداعي للشد

المشكله مش انا اللى ببدأ انا عمرى و الله ماجيت جنب حد حتى لو عجبانى سواقته و اقلتله شد معايا و بفوت كتير على فكره اما الداعى للشد فهو الاستفزاز من الغير مش اكتر.

وكلمه اخيرة الشاب البري للاسف طلع مزنب

:k30:

وفي النهاية حمدالله علي سلامتك

الله يسلمك

ولعله خير انك تغير طريقه سواقتك الفترة الجايه من عمرك

و الله يا استاذ محمد ان سواقتى مش وحشه بشهاده كل اللى ركبوا معايا و شافونى سايق و السلام ختام

[bassam266]

هو طبعا حضرتك احسن واحد يسوق فى اسكندريه ومصر كللها وحافظ الكورنيش طوبه طوبه ومتر متر وواضح انك مش هتخطئ ابدا وانت سايق

انا مقلتش كده و عمرى ما اقول كده علشان جل من لا يسهو و مفيش انسان معصوم و السواقه ملهاش كبير زى ما قلت فى الاول على فكره انا فعلا حافظ الكورنيش متر متر!!

بس تضمن منين ان غيرك مش هيغلط !!!!

مضمنش و مش ممكن اضمن بس بحاول على قد مقدر اتجنب الاخطاء ز اى واحد بيسوق و اعتقد ان حضرتك اكيد بتعمل حساب اخطاء الغير و انت سايق زى اى واحد اتعلم سواقه صح.

وبعدين بمناسبة المحامى الشاطر اللى هيجيبلك تعويض لو مش انت اللى غلطان افرض ان لو لاقدر الله ضحية الحادثه دى واحد قريبك او صاحبك او حد عزيز عليك. هتعمل ايه بالتعويض ؟!!!

و الله كل اللى اعرفهم ناس محترمين و بيمشوا لحد النفق حتى لو بنهم و بينه كيلو متر و بالتالى هم صح.

عموما انا قفلت المناقشه دى من طرفى ومش هرد تانى

حتى لو قفلته من طرفك و حتى لو مش حترد تانى من حقك عليا انى ارد علي كلامك احترام ليك مش اكتر.

انت قلت وجهة نظرك وانا كمان واربنا يستر طريقنا جميعا

اللهم امين و الاختلاف فى الرأى لا يفسد للود قضيه و السلام ختام.

[M!NA]

يا شاركى باشا انا اكيد عارف انى عليا غلط بس مين غلطه اكبر انا ولا هما؟دى حاجه

تانى حاجه انا مش متضايق من كلمه ملاكى القاهره حرام الكلمه ملهاش ذنب المشكله فى الناس اللى بتبقى راكبه العربيات الملاكى القاهره اكيد طبعا مش كلهم فى ناس منهم محترمين جدا بس انا لسه مقابلتش النوع ده مش اكتر.

يا أخ بسام... ايه معنى كلامك ده؟؟؟؟ ... الموضوع مستفز جدا في اسلوب عرضه... و خصوصا حكاية أنك ماقابلتش النوع المحترم من سواقين عربيات "ملاكي القاهرة" و ده ان دل على شيء فهو يدل على حداثتك في السواقة ليس الا...

لأني كواحد بقاله 10 سنين بسوق مثلا... عدى عليا كل انواع السواقين من كل المحافظات و مقدرش أعمم اني مشفتش من محافظة معينة حد محترم...!!

عموما يا باشا لو شفت شيروكي دهبي ملاكي القاهرة ماشية عالكورنيش ماتستفزش سواقها... عشان لما حد بيستفزه بيبقا "مش محترم"

[bassam266]

يا أخ بسام... ايه معنى كلامك ده؟؟؟؟ ... الموضوع مستفز جدا في اسلوب عرضه... و خصوصا حكاية أنك ماقابلتش النوع المحترم من سواقين عربيات "ملاكي القاهرة" و ده ان دل على شيء فهو يدل على حداثتك في السواقة ليس الا...

لأني كواحد بقاله 10 سنين بسوق مثلا... عدى عليا كل انواع السواقين من كل المحافظات و مقدرش أعمم اني مشفتش من محافظة معينة حد محترم...!!

عموما يا باشا لو شفت شيروكي دهبي ملاكي القاهرة ماشية عالكورنيش ماتستفزش سواقها... عشان لما حد بيستفزه بيبقا "مش محترم"

يا استاذ مينا اسف بس حضرتك فهمتنى غلط

اولا انا مش قصدى استفز حد لا سمح الله انا طرحت موضوع للمناقشه مش اكتر.

ثانيا انا مقلتش ان اللى بيسوقوا ملاكى القاهره مش محترمين فيه كتير منهم محترمين انا قصدى مشددتش مع حد من القاهره و كان محترم وده برضه مش تعميم دى تجربه شخصيه.

ثالثا انا بقالى 9 سنين بسوق و قابلت المحترم و اللى مش محترم انا هنا بتكلم على الشد مش السواقه.

رابعا لو شفت عربيه شيروكى دهبى ماشيه على الكورنيش مش حشوف سواقها غالبا عشان استفزه علشان العربيه اعلى من عربيتى و الاسلوب فى النقطه دى معجبنيش يعنى ايه بيبقى مش محترم؟؟.

خامسا انا مبستفزش حد اصلا.

و يا جماعه اسف لكل القاهرويه اللى فهمونى غلط.

[mrghost]

ياجماعه اللى بيجرى بعربيته ده لازم يراعى ان فى ناس تانيه ماشيه سواء عربيات او بنى ادمين على الاقدام يعنى لو كان حد بيعدى الشارع وانت مثلا بتاخد غرزه وخبطه هتروح فين من تأنيب الضمير وبعدين لما انت تسبقه او هو يسبقك استفدت ايه؟!!! هتاخد جائزه
الشد والسرعه والكلام ده لازم يكون فى مكان مخصص لكده مش فى الشارع لان الناس ملهاش ذنب لما العربيه تعوم من واحد وتخبطه
ربنا يهدينا جميعا