هل انت راض تماما عن عربيتك؟؟؟؟؟

[abo3bdolrahman]

تلمعهم ازاي يا ابو عبدالرحمن

[size=24]فيه موضوع للأخ تربو 911 ربنا يباركله فى قسم التعديلات عن طريقة التلميع و إن شاء الله لما أرجع مصر هابقى أعمل زى ما قال بس عاوز أعرف أجيب البلاستيكوس ده منين.[/size

:lol: 8) :lol:

[abo3bdolrahman]

تلمعهم ازاي يا ابو عبدالرحمن

فيه موضوع للأخ تربو 911 ربنا يباركله فى قسم التعديلات عن طريقة التلميع و إن شاء الله لما أرجع مصر هابقى أعمل زى ما قال بس عاوز أعرف أجيب البلاستيكوس ده منين
:lol: 8) :lol:

[sab3aawy]

ريجاتا 1985

1- عاوز اجيبلها تابلوه جديد لان اللى فيها شكله وحش جدا
2- عاوز اصلح التكييف لأنه فيه حاجة غريبة جدا بتخلى هواية واحدة بس بتجيب هواء ساقع وباقى الهوايات بتجيب هواء عادى
3-فرش جديد لللأبواب الداخلية
4-طقم دبرياج
5-علبة ديريكسيون جديدة
6-تصليح الإكصدام الامامى عند بتاع الفايبر لأنه معضوض منه حتة واللى كان راكبها قبلى مرقعها بضفر اكصدام 128
7- فردتين كاوتش جداد

بس مستنى لما المدام عندى تظبط نفسها فى السواقة كويس علشان معملش حاجة وتبوظ

[hic]

بيجو 405 موديل 1994 عاملة 81000كم
1- تغييركوبلن يمين
2-تغير كاوتش الكوبلن الشمال
3-تركيب مكن كهرباء للزجاج الخلفى
4-تظبيط النور الامامى
5-تعلية صوت الكلاكس
6-عمل كسوة جلد للكراسى
7- غسيل و تشحيم علشان بقى لى فترة طويلة ما رفعتش العربية
8-عاوز اجرب غسيل الموتور من الداخل بس ياريت لو حد يعرف الطريقة المظبوطة يقولى
بس اعتقد ان الحاجات دى لو عملتها ان شاء الله ح اكون راضى عن عربيتى

[Abonora]

انت بتجيب علبة اسمها موتور فلاش بتاع STP وده بيتباع في كارفور او سبينيز او التوفيقية او محلات الاكسسوار في شارع دمشق - روكسى وعند المكيانيكي هيضيف العبوة علي الزيت الموجود بنسبة مكتوبة علي العلبة وبتدور الموتور لمده لا تزيد عن 5 دقايق بعدها تغير الزيت والفلتر

[CryptonX]

فيلت باليو 2006 - برازيلي - 1300 - 83 حصان
24.000 كم

1. جنوط 15" و كاوتش طبعا
2. رش الأكصدام الأمامي و الخلفي
3 . في بتاع 3 مليون خدش و حكة مش عارف اعمل فيهم ايه
4. مراية يمين كاملة
5. فانوس خلفي يمين
6. فلتر هواء جديد

7. خيالية شوية , موتور فاير سبورت تركي , 1600 سي سي - 121 حصان

[goodwave]

السلام عليكم

احنا يا جماعة اتفقنا كل واحد يكتب اللي عاوز يعملة او يظبطة في عربيته "وكمان" يكتب يقولنا ويسجل لنفسة هو عمل اية او انجز اية وامتة وبكام علشان الناس تاخد فكرة!

وتاني حبدا بنفسي:

goodwave - POLO 99 - 55000 km

تم بحمد الله
1-رش مراية الجنب الشمال
4- رشيت جزء من الاكصدام وظبطة نص نص
5- رديت خبطة في الاكصدام الخلفي (على البارد)


ولسة بقية اللستة