سايس

[Dream286]

في البداية انا عايز اسأل


السايس


دا متخرج من كلية ايه ؟ هل كلية من كليات القمة؟


بجد وظيفة مربحة جدا


كل اللي هيكلفك كرسي خشب من الخمسينات وصفارة

واي واحد يقرب للرصيف بتاعك تصفر له صفارتين وتاخد لك خمسة جنيه

يا سلام على الجمال وبيقولوا مصر مفهاش وظايف

انا عايز اعرف حاجة واحدة

دلوقتي انا مش من القاهرة والحمدلله والكلام دا مش بيحصل في اي محافظة تانية

نفسي اعرف بأي حق السايس ياخد مني فلوس ؟؟؟؟؟؟

هل الرصيف مسجل بإسمه ؟

اخر مرة بنركن العربية عند اركيديا ويوم جمعة ونط لنا واحد عايز خمسة جنيه
وايه كل حاجة ليها تعريفة
يعني من لو هتركن لحد الساعة اتنين تدفع كذا ولو لحد الساعة ستة تدفع كذا .. ياسلاااام ّ!!!
المستفز بجد موضوع المكتب والكرسي محسسني انه ماضي عقد وبيشتغل

ازاي احنا قابلين كدة ومعتبرين ان دا الطبيعي ازاي يا ناس ؟؟؟؟

وليه الحكومة ساكتة ومعتبرة دا طبيعي ؟ يا جماعة دي شحاته بالاكراه والله او شحاته مقنعة

هو دا بيعمل ايه عشان يستحق الفلوس دي

والله بالعكس انا لما بلاقي سايس مش بعرف اركن كويس لأنه بيشتتت تركيزي

ويوم ما الواحد يحب يدفع فلوس في الركن يبقى مكان يستاهل يعني باركنج في مول مثلا

والله موضوع مستفز جدا وخصوصا يعني الواحد مش بيلاقي الفلوس في الشارع ومش معنى ان معاه عربية يبقى عنده نافورة فلوس وحتى لو عندي نافورة ليه اديله الفلوس دي وبأي حق

هل في حل للقضاء على الظاهرة المتخلفة دي ؟؟؟

[eng.octooo]

ماعرفش بس تقريبا دى فتونة ولا حاجة والحل نبلغ الشرطة ونعمل محاضر

[M!NA]

فكرتني... :)

مرة كنت بركن برة باركينج محطة مصر... يعني مش تبعه...
و ألاقي واحد يطلعلي من تحت الأرض... و معاه دفتر... و بيقوللي جنيه (ولا جنيه و نص والله ما انا فاكر)
قلتله بكل ثقة...
أنتا تبع ايه؟؟
قاللي تبع المحافظة...
قلتله والله؟؟؟
و تبع مين في المحافظة بأة ان شاء الله عشان نبقا عارفين؟؟ قاللي تبع أسامة باشا...
قلتله أسامة باشا دا مالوش اسم؟؟؟ باقي اسمه ايه؟؟

قاللي خلاص يا باشا ... ولا يهمك خليها عليا... قلتله انتا بتبقشش عليا؟ قاللي لا يا باشا العفو و عربيتك ف عينيا لحد ما ترجع... :)

الأشكال ديه أول ما تسأله هو تبع ايه و تبتدي تستجوب فيه.... هتلاقيه بيجيب لورا علطول...

مرة تانية برضه... كنت مع والدتي و ركنت عند السلاب بتاع مكرم عبيد... و رجعت لقيت المساحات مرفوعة (و طبعا الإزاز زي ما هو متنضفش) و أول ما قربت من العربية لقيت واحد جايلي بيجري...
قبل ما يفتح بقه...
رحت مزعقله... قلتله مين الحيوااااااااان اللي رفع مساحات عربيتي؟؟؟؟
قاللي والله ماعرفه يا باشا دا واحد بيمسح عربيات في الشارع...
قلتله و هو فييييييييييين؟؟؟؟
قاللي كان هنا من شوية... و معرفش راح فين...
بس و رحت راكب و ماشي.... (طبعا ما جرؤش يطلب مني سحتوت)

[merosss]

المشكلة انك ممكن متدلوش فلوس بس يما ترجع ممكن تلاقى عربيتك متجرحة او مخبوطة بلطجة يعنى وساعات كتير طبعا بيكون متفق مع امين الشرطة لو وانتا راكن فى حتة ممنوعة او فوق الرصيف هتيجى تلاقى عربيتك متكلبشة لو مدفعتلهوش

[د./اليشع ثابت]

فكرتني... :)

مرة كنت بركن برة باركينج محطة مصر... يعني مش تبعه...
و ألاقي واحد يطلعلي من تحت الأرض... و معاه دفتر... و بيقوللي جنيه (ولا جنيه و نص والله ما انا فاكر)
قلتله بكل ثقة...
أنتا تبع ايه؟؟
قاللي تبع المحافظة...
قلتله والله؟؟؟
و تبع مين في المحافظة بأة ان شاء الله عشان نبقا عارفين؟؟ قاللي تبع أسامة باشا...
قلتله أسامة باشا دا مالوش اسم؟؟؟ باقي اسمه ايه؟؟

قاللي خلاص يا باشا ... ولا يهمك خليها عليا... قلتله انتا بتبقشش عليا؟ قاللي لا يا باشا العفو و عربيتك ف عينيا لحد ما ترجع... :)

الأشكال ديه أول ما تسأله هو تبع ايه و تبتدي تستجوب فيه.... هتلاقيه بيجيب لورا علطول...

مرة تانية برضه... كنت مع والدتي و ركنت عند السلاب بتاع مكرم عبيد... و رجعت لقيت المساحات مرفوعة (و طبعا الإزاز زي ما هو متنضفش) و أول ما قربت من العربية لقيت واحد جايلي بيجري...
قبل ما يفتح بقه...
رحت مزعقله... قلتله مين الحيوااااااااان اللي رفع مساحات عربيتي؟؟؟؟
قاللي والله ماعرفه يا باشا دا واحد بيمسح عربيات في الشارع...
قلتله و هو فييييييييييين؟؟؟؟
قاللي كان هنا من شوية... و معرفش راح فين...
بس و رحت راكب و ماشي.... (طبعا ما جرؤش يطلب مني سحتوت)

شديد يا مينا بجد
لو كل واحد عمل كدة و مدفعش و لا سحتوووت
كان انتهى عصر السايس
حلوة بجد بس لازم بقى تكون حاطت شومة فى شنطة العربية
علشان لو تطورت المواضيع :k48::k48::k48:

[M!NA]

شديد يا مينا بجد
لو كل واحد عمل كدة و مدفعش و لا سحتوووت
كان انتهى عصر السايس
حلوة بجد بس لازم بقى تكون حاطت شومة فى شنطة العربية
علشان لو تطورت المواضيع :k48::k48::k48:

مش هتحتاج شومة يا دكتور... عشان لما بتعمل كدا بيفتكروك تبع الجماعة اياهم... اللي بياخدوا كل حاجة ببلاش دول

[د./اليشع ثابت]

مش هتحتاج شومة يا دكتور... عشان لما بتعمل كدا بيفتكروك تبع الجماعة اياهم... اللي بياخدوا كل حاجة ببلاش دول

صح يا مينا بك عندك حق
شكرااا يا غالى

[A_H_M_A_D]

ببساطة لو مش عايز تدفع إسأله معاك وصل مختوم من المحافظة
طبعا حايقول لأ
قوله لما يبقى معاك وصل مختوم من المحافظة إبقى أطلب فلوس وسيبه و إمشي

[M!NA]

ببساطة لو مش عايز تدفع إسأله معاك وصل مختوم من المحافظة
طبعا حايقول لأ
قوله لما يبقى معاك وصل مختوم من المحافظة إبقى أطلب فلوس

يا باشا اللي قابلني في رمسيس كان معاه دفتر وصولات مختومة كلها بختم أزرق... و كمان كان متعلق حتة نحاسة على جاكتته مكتوب فيها اسمه...

مافيش أكتر من المطابع و لا في أكتر من الأختام...
انزل سعادتك ميدان العتبة و هتلاقي كل اللي نفسك فيه... بداية من النحاسة لحد الختم و الدفتر... و كل ده ببلاش الا ربع... و عليه أوكازيون كمان اليومين دول...

[A_H_M_A_D]

يا باشا اللي قابلني في رمسيس كان معاه دفتر وصولات مختومة كلها بختم أزرق... و كمان كان متعلق حتة نحاسة على جاكتته مكتوب فيها اسمه...

مافيش أكتر من المطابع و لا في أكتر من الأختام...
انزل سعادتك ميدان العتبة و هتلاقي كل اللي نفسك فيه... بداية من النحاسة لحد الختم و الدفتر... و كل ده ببلاش الا ربع... و عليه أوكازيون كمان اليومين دول...

معظم السياس اللي في الشوارع مابيبقوش معاهم أي حاجه خالص
و حتى بفرض إنه معاه و حضرتك مش عايز تدفع لو تجاهلته خالص و مشيت مش حايقدر يعمل أي حاجه

[marsguy]

في بعض السياس بيكونوا مفيدين فعلاً ويستحقوا الفلوس.

زي السايس اللي بيساعدك تركن في حته مزنوقه أو بيساعدك إنك تطلع.

مثلاً في شارع جانبي في الدقي عند المركز القومي للبحوث الركنه الصبح بتكون شبه مسنحيله فيه، السياس بيخلو الناس تقدر تركن صف ثاني وثالث ولما حد يحب يطلع بيزقوله العربيات اللي قافله عليه واﻷمور بتمشي، دول فعلاً يستاهلو الفلوس.

لكن في بعض السياس بيقوها بلطجه وبياخدوا حاجه مش من حقهم.

زي مثلاُ لما يكون طلع عينك في الركنه وبعض كده وإنت خلاص طالع تلاقي واحد طالعلك من العدم ويقولك هات فلوس، طب كنت فين لما كان طالع عيني وأنا باركن.

[kahamid]

فكرتني... :)

مرة كنت بركن برة باركينج محطة مصر... يعني مش تبعه...
و ألاقي واحد يطلعلي من تحت الأرض... و معاه دفتر... و بيقوللي جنيه (ولا جنيه و نص والله ما انا فاكر)
قلتله بكل ثقة...
أنتا تبع ايه؟؟
قاللي تبع المحافظة...
قلتله والله؟؟؟
و تبع مين في المحافظة بأة ان شاء الله عشان نبقا عارفين؟؟ قاللي تبع أسامة باشا...
قلتله أسامة باشا دا مالوش اسم؟؟؟ باقي اسمه ايه؟؟

قاللي خلاص يا باشا ... ولا يهمك خليها عليا... قلتله انتا بتبقشش عليا؟ قاللي لا يا باشا العفو و عربيتك ف عينيا لحد ما ترجع... :)

الأشكال ديه أول ما تسأله هو تبع ايه و تبتدي تستجوب فيه.... هتلاقيه بيجيب لورا علطول...

مرة تانية برضه... كنت مع والدتي و ركنت عند السلاب بتاع مكرم عبيد... و رجعت لقيت المساحات مرفوعة (و طبعا الإزاز زي ما هو متنضفش) و أول ما قربت من العربية لقيت واحد جايلي بيجري...
قبل ما يفتح بقه...
رحت مزعقله... قلتله مين الحيوااااااااان اللي رفع مساحات عربيتي؟؟؟؟
قاللي والله ماعرفه يا باشا دا واحد بيمسح عربيات في الشارع...
قلتله و هو فييييييييييين؟؟؟؟
قاللي كان هنا من شوية... و معرفش راح فين...
بس و رحت راكب و ماشي.... (طبعا ما جرؤش يطلب مني سحتوت)

حصل معايا موقف زي ده
بس باختلاف موش في عربية
كنت مرة راجع من سفر وعايز اكل جدا
فدخلت اول ما نزلت في المعادي علي مطعم من المطاعم اللي علي النيل
وانا داخل
لاقيت واحد غريب شكلة موش اكتر من بواب
بيقولي هات 7.50 ج
ليه ياعم
قالي دي رسوم دخول المطعم
قولتلة طيب ما انا هادخل المطعم وهاطلب اكل وهادفع حسابة
قاتل لا دي لازم تتدفع قبل ما تاكل ما لهاش علاقة بالاكل
المهم قولت انا موش هادفع وناديلي حد من جوة اكلمة
جاب ورا علي طول
وقال
ياباشا خليها علينا احنا ( نفس البق )

[karimone]

هما ساعات فعلا بيبقوا مفيديين و الواحد مابيستخصرش فيهم الفلوس بس لما يعملوا بلطجيه ساعتها بقي يخبطوا دمغهم في الحيط لاني مش بديهم مليم واحد خصوصاً لما يجيوا ساعة لما الواحد يكون طالع و يكونوا قاعديين يتفرجوا عليك و انت بتركن
و بما ان بيتي جنب سيتي ستارز فانا بسمع عن التسعيره اللي هناك (مش عارف وصلت كام دلوقتي) بس طبعا انا مش عارف بظبط لاني مش بركن في الشارع بس قبل لما المول يفتح الواحد كان بيركن في نص الشارع و مكنش في كلب واحد هناك من ساعة لما المول فتح مش عارفين طبعا نركن في الشارع عشان الزحمه الرهيبه بس السياس هناك بقوا زي الرز بين كل واحد و واحد تلاقي اتنين

[zanativich]

this is egypt

[goofy_in_love]

يا جماعه دلوقتي هما بياخدوا الفلوس قبل ما تمشي من العربيه يعني حضرتك بتركن و تيجي نازل يقولك كذا علشان عارف انك ممكن تقوله مش هدفع بعد ما ترجع و بالتالي لو مش دفعتله و طولت في الكلام معاه ممكن ساعتها ينيملك عجل العربيه او يخبطها او يخربشها او يعمل فيها اي حاجه و يقولك العربيه مش تبعي انت مش وقفتها عندي و ابقي قابلني بقي هتتخانق و هتزعق و لا حياه لمن تنادي و هتبقي انت اللي خسرت علشان عربيتك اتخبطت بجد لازم حل للموضوع دا علشان بقي منتشر قوي في مصر و مش ممكن انحنا بندفع فلوس للباركينج اكتر من المرتب :s:s:s:s:s