سايس

[دينا أبوالعلا]

يا جماعه دلوقتي هما بياخدوا الفلوس قبل ما تمشي من العربيه يعني حضرتك بتركن و تيجي نازل يقولك كذا علشان عارف انك ممكن تقوله مش هدفع بعد ما ترجع و بالتالي لو مش دفعتله و طولت في الكلام معاه ممكن ساعتها ينيملك عجل العربيه او يخبطها او يخربشها او يعمل فيها اي حاجه و يقولك العربيه مش تبعي انت مش وقفتها عندي و ابقي قابلني بقي هتتخانق و هتزعق و لا حياه لمن تنادي و هتبقي انت اللي خسرت علشان عربيتك اتخبطت بجد لازم حل للموضوع دا علشان بقي منتشر قوي في مصر و مش ممكن انحنا بندفع فلوس للباركينج اكتر من المرتب :s:s:s:s:s

عندك حق مره حصلت معايا في جامعه الدول عند وادي النيل وده بقي بيقولي ايه حاسيبني عشان همشي قولتله نعم حضرتك عشان همشي المهم شديت معاه فالكلام وفالاخر قولتله مش هدفع لما ابقي ارجع لو لقيتك. عديت الشارع وقلقت انه يعمل حاجه فالعربيه رحت اطلعها واركنها فمكان تاني الظريف ايه انه طلعني وتعالي والكلمتين اللي هما حافظنهم دول وروحت سايباه ومشيت ولا حتي بصيت عليه فالمرايا وطبعا هو مستني ياخد حاجه

[دينا أبوالعلا]

بس بصراحه بقيت بعمل حركه اني امشي واسيبهم من غير ما ادلهم حاجه لانه فعلا مبيعمليش حاجه اصلا وواحد تاني فعباس العقاد وقفت صف تاني كان معايا ناس بزلو يشوفو حاجه مفيش 5 دقايق قال وكان عايز مني فلوس علي ال5 دقايق طبعا ولا عبرته صحيح ساعات ببقي محرجه جدا بس كتير مبحسش انه عملي حاجه مفيده
علي راي احمد حلمي فاسف علي الازعاج:تعالا حلو قوي كده تعالا عجله يمين
تصور مكنتش هعرفها لوحدي دي
واسفه للاطاله

[Nistelrooy]

جملة واحدة :

اذا رجعت ولقيت حاجة حصلت للعربية انتا المسئول ..

هايشلها في عنية : )

[دينا أبوالعلا]

جملة واحدة :

اذا رجعت ولقيت حاجة حصلت للعربية انتا المسئول ..

هايشلها في عنية : )

مش عارفه تفتكر كده ممكن ميعملش حاجه ولا وابقي قابلني ؟؟؟؟؟؟؟؟؟؟؟؟؟؟
تيجو نعمل حمله لا للسياس بعد اليوم او علي الاقل اللي ميستحقش
او نشتغل احنا سياس ونكسب دهب وكل واحد بقي يكون مستقبله خلينا نشوف حياتنا

[Nistelrooy]

مش عارفه تفتكر كده ممكن ميعملش حاجه ولا وابقي قابلني ؟؟؟؟؟؟؟؟؟؟؟؟؟؟
تيجو نعمل حمله لا للسياس بعد اليوم او علي الاقل اللي ميستحقش
او نشتغل احنا سياس ونكسب دهب وكل واحد بقي يكون مستقبله خلينا نشوف حياتنا

اها كان في واحد عملها هنا في المنتدي قبل كدا ونفعت

[دينا أبوالعلا]

عمل الحمله ولا كون مستقبله لو الحمله يا ريت تبعتلي اللينك بعد اذنك لو مفهاش تعب

[Nistelrooy]

لاء قصدي علي تهديد السائق للسايس هي الي نفعت الحملة ماعرفش ماشوفتهاش قبل كدا واعتقد الحملة مش هاتنجح : (
والاول اسباب دي ناس مش لاقية تاكل وفي منهم غلابة
اظن لن تنجح: (

[M.Osman]

5 جنيه???
لية?
السايس موجود في كل حتة مش ف القاهرة بس

بصراحة لو قعدت اكتب من هنا لبكرة عن قرفهم مش هخلص

[M.Osman]

اظرف حاجة فاكرها اني مره لقيت واحد منهم راكن على شنطة العربية بطريقة غبية فبقوله ينفع كدا ؟
قاللي يا باشا ادفعلك تمن العربية كلها باليورو لو حصل لها حاجة

[karimone]

اظرف حاجة فاكرها اني مره لقيت واحد منهم راكن على شنطة العربية بطريقة غبية فبقوله ينفع كدا ؟
قاللي يا باشا ادفعلك تمن العربية كلها باليورو لو حصل لها حاجة

حلوه ديه....
باليورو مره واحده

[mramzy]

اللى اعرفه بحكم احتاكى اليومى بيهم فى وسط البلد ان فيه منهم وخصوصا فى الاماكن الجامده زى دار القضاء تحت كوبرى اكتوبر يعنى فى الاماكن المعترف بيها بيكونوا تبع القسم والمحافظه وبيكونوا واخدين رخصه واغلبهم بيكونوا سوابق وتابوا منهم كان تاجر مخدارت وكان مكانه تحت كوبرى 6 اكتوبر قدام مستشفى الجلاء وكان القسم بيفتش عليهم باستمرار والثانى اللى اعرفه كان طلع فى الجرنال انه قتل سلوعه امام دار القضاء العالى وبعدها بكام شهر استجن فى خناقة بس طلع كويس عموما انابركن عنده وبسيب المفتاح ارجع القيها مركونه ونادرا مفيش كلابشات بتقرب منهم برغم انهم بيكونا مقفلين الشارع 3 صفوف من الناحيتين

[hanyelwaly2010]

مره انا و والدي كنا امام سيتس ستارز بنركن ثم ظهر سعاده السايس و قالنا عايز 2.5 فوالدي الو و احنا ماشيين ف اسر علي انو ياخدهم دلوقتي فوالدي الوو مانتاش واخد ولا ماليم
فا بعدين السايس ألو ياباشا ازازه الزيت ب 7 جنيه و مشعارف ايه بكام فألنالو و احنا مالنا و مشينا من غير ماندفع و لا مليم

[Dream286]

انا اعتقد انهم وباء صعب جدا التخلص منهم الا لو بحركة رسمية او قانونية من حد تقيل واللي هو اصلا مش هتفرق معاه الحكاية غير كدة معتقدش
الناس بتمشي حالها وبتستسلم للجشع لان فعلا ممكن تسيب العربية وترجع تلاقي فيها مشكلة

[mo7a_mo7a]

لو حسيت انه بياديلك خدمة انت محتاجها وبسعر معقول ادفع
لو لقيتها بلطجة يبقي لا يفل البلطجة الا البلطجة
ولك الله يا مصر

[M_Nabil]

مرة كنت رايح سينما انا واحد صاحبي المهم ركنت صف ثاني امام السينما علي اساس ان احنا هنحجز ونرجع كمان ساعة ندخل الفيلم فا لما رحنا نحجز لقينا الفيلم هايبداء كمان خمس دقائق فا رحت راجع عشان اركن العربية وانا طالع لقيت السايس راح وقفلي قدام العربية فوقفت وقولتله خير مالك قالي ايووووة يا بيه قولتله هو انت طلعتني من ركنة عشان تاخد حاجه فا راح مبرطم بكلمتيين كدة وقالي المرة الجيه هتدفع دوبل قولتلة لا انت ولا عشرة زيك يعرفوا يعملوها وهجيلك ثاني المهم بعد الفيلم رحت انا وصاحبي عشان اشوفه هيدفعني دوبل ازي لقيت راجل كبير هو اللي واقف مكانه ولما سئلتة علي صاحبنا البلطجي وحكيتله اللي حصل قعد يعتزر وقالي اصلة عندة سبع عيال وظروفة وحشة والكلام دة الناس اللي زي دي ماتجيش غير بالعين الحمره فكرني بـ عادل امام في مسرحية شاهد ما شافش حاجه لما بيقوله انت و مراتك و سبع عيال وحماتك وامك سيبين الشقة كلها وقعدين في اوضه واحدة