Tweet
ممكن المشاركة تكون مهذبة لماذا نكرة اصحاب المعارض بالشكل دة ولو فى عربية عند معرض الناس تخاف تشترى منة ممكن المشاركة
-
-
ممكن انا ارد على حضرتك من شويه مواقف صغيره حصلت لى
انا من النوع اللى بحب اغير بسرعه
سواء فى العربيات او اى شىء تانى
وحصل لى مواقف كتير مع تجار العربيات
مره اشتريت فيرنا على انها كسر زيرو وبعدين عرفت انها مقلوبه
كان معايا عربيه اكسيل كانت مفيهاش عيب
وشويه تجار نصابين هنا فى طنطا قعدوا يموتوا لى فيها لحد ما بعتها ارخص من تمنها وبعدين لما قابلت اللى اشتراها عرفت انهم باعوها له اغلى 2000 جنيه وخدوا عموله 1000 جنيه مقابل انهم موتوهالى وقالوا له ان السعر كده فى العقد علشان انا بدخل عربيه فى عربيه
والصراحه الراجل عرض عليا انه يرجع معايا المعرض او يعوضنى
كل ما تروح معرض علشان تبيع يقولولك ان العربيه دى مش مطلوبه والسوق واقع
بس لما تشترى لازم يقولك الموديل ده مطلوب ومش موجود ومش هتلاقيه اقل من كده
طبعا مش كلهم زى بعض
بس اغلبهم نصابين وانا اسف فى الكلمه منهم عدد قليل جدا محترم
انا فعلا اتعاملت مع واحد منهم فى موضوع الفيرنا دى كان قمه الاحترام لدرجه انى بعتبره صديق ليا
وبعدين انا هقول لحضرتك حاجه
المهنه دى من اسواء المهن لانها من غير نصب وغش مش هتكسب فلوس
واللى شغالها 90 فى الميه منهم كانوا صنايعيه يعنى كهربائى او سمكرى او بتاع دوكو او ميكانيكى
ولما منفعش فى المهنه احترف النصب
مكن احكى لحضرتك على مواقف كتير
بس المهنه دى فيها ناس محترمين بس صعب انك تقدر تميزهم
وكمان اللى بيسيب عربيته فى معرض
بيكون خلاص زهق منها وباعها بتراب الفلوس او مستنى اى سعر ييجى له فيها بعد ما حسسوه باليأس
اسف لو كنت اتكلمت بطريقه وحشه بس انا مقصدكش انت
انا بتكلم عن مجموعه انا اتعاملت معاها
ومن ساعتها بفكر مليون مره قبل ما اغير العربيه
علشان ببقى خايف من موضوع البيع والشراء والتجار
وياريت متزعلش منى انت اللى طلبت تعرف(الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
لمجرد أنك تحب الجبن الرومي !) -
كلام الأستاذ mobitek صح مفيش حد من ملاك العربيات ممرش بمواقف سيئة مع التجار انا مرة اتعمل علية نصباية فى عربية سكودا وكان ابطال النصب صاحب المعرض واتنين هتيفة معاه وللآسف الشديد ضبطوا السمكرى الى كان معايا[SIGPIC]http://imageshack.us/photo/my-images/545/6c6d1551112s.gif/[/SIGPIC]Comment
-
الناس عموما بتكره الوسطاء التجاريين ( السماسرة )....
من ضمن الأعمال التى يقوم بها معرض السيارات هى الوساطة....
ده سبب
حضرتك كصاحب معرض بتقوم بعمل صفقات بشكل يومى.....
المستهلكين ليسوا دائما على وعى بأساليب السوق فى البيع و الشراء بالإضافة إلى أن البائع يرى أن سيارته هى كل ما يملك و أنه مضطر لبيعها فهى تستحق الغالى و النفيس و من ناحية ثانية الشارى جمع الأموال بشق النفس و دائما ما يتوجس من الطامعين و المخادعين لإن الخسارة تكون مريرة نفسيا و ماديا
أى حد هيحب أكتر إنه يشترى السلعة من مصدرها عن أنه يتعامل مع وسيط..فبالتالى لو أمكن شراء السيارة من المالك فما الداعى إلى التعامل مع المعرض....على الأقل لن أضطر للتعامل مع محترف فى التعاملات التجارية ( المعرض) بل سأتعامل مع شخص مثلى
أنا لا أقلل من شأن أو المجهود الذى يقوم به الوسيط....
بل إنى أقدر الدور الذى يقوم به فى تقريب وجهات النظر بين البائع و الشارى و من خلال خبرته يجد أفضل السبل التجاريو و أحسن الأوضاع القانونية لإتمام الصفقات...لكن وجود مترممين كثر على تلك المهنة و هذا موجود فى مهن أخرى أيضا و فساد الذمم جعل هناك حالة من الفوضى و الشك الدائم فى قلوب الناس
معلش ده جزء من مشقات المهنة...تحمله بصبر...و لا تنسى أن التاجر الأمين مع الصديقين و النبيين و الشهداء....و دخول الجنة مش بالساهل[CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
[SIGPIC][/SIGPIC]
[URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
[/CENTER]Comment
-
الاخ mobitek جاب من الاخر..
فعلا 99 % من تجار وسماسره العربيات نصابين ومفيش عندهم لا دين ولا اخلاق ولا ضمير وده برده عن تجارب واقعيه انا عايشتها بنفسى مش حد حكالى عليها وخسرت بسببها مبلغ كبير جدا (حسبى الله ونعم الوكيل فيهم )
واعتقد ان فيه ناس كتير برضه اتنصب عليها من تجار وسماسره علشان كده بتتكون فى ذهنهم او العقل الباطن صوره نمطيه عن تاجر السيارات والصوره دى بتبقى لا شعوريه . يعنى اول ما واحد يقوله دا تاجر عربيات تقفذ الصوره النمطيه المقابله ليها وهى انه نصاب ومعندوش ضمير (من غير تعميم يعنى)Comment
-
بص يا باشا انت غلطان فى الموضعينالمشاركة الأصلية كتبت بواسطة mobitek مشاهدة المشاركة
1-ازاى تشترى سيارة وتتطلع مقلوبة مكشفتش عليها لية وبعدين ممكن دة يحصل من تاجر او من شخص عادى
2-الناس بتوع طنطا دول جولك منين طب ما فى اساليب كثيرة فى البيع كويسة بعيد عن ان حد يزايد عليك وبعدين مبلغ الفين جنية دة بسيط جدااا فى الى بيحصل احمد ربنا وبعدين ماهو لازم يكسب امال يبيع ويشترى ببلاش
3-لازم يعمل كدة اى صاحب نشاط زيو زى اى حد فى اى مهنة بحلى بضاعتو مش شايف فى كدة جريمة
4-انا معاك ان معظم المهنة صنيعية ولاكن دول بيبيعوا فى الشارع والجراجات وسوق الجمعة ولاكن فى معارض كبيرة واصحابة ناس كتير محترمة دول الى انا بقصدهم مش مكتب تحت السلم تقولى دول تجار
اولا لازم يكون معرض كبير وعندو اوراق مثل السجل التجارى ورخصة نشاط و(جواب مرور)ودى بالذات مهمة جدااا لانو دة الى بخاف على نفسة وسمعتةComment
-
-
المشكلة هيا ان فى ناس كتير جدااا وبيبعلك من البيت على انو زبون وهو دة الى بيعمل المشاكل لاكن المعرض الكبير المحترم بيخاف على نفسو وسمعتة وانا معاك جداااا فى الى انتى بتقولو وشكرا على ادبك واحترامكالمشاركة الأصلية كتبت بواسطة chato_eg مشاهدة المشاركةComment
-
صدقنى والله مش كل التجار فى ناس كتير محترمة وممكن تحكيلى الوقعة بتاعتك بالضبط وشكرااالمشاركة الأصلية كتبت بواسطة mada121977 مشاهدة المشاركةComment
-
انا ماقلتش 100% انا قلت 99% يعنى مش الكل بس النسبه الكبرى منهم .. بالنسبه لتفاصيل الواقعه هيا بصراحه مش واقعه واحده هيا عده وقائع واسمحلى امتنع عن ذكرهم لانى بجد بتعب نفسيا جدااا لما بفتكر اللى حصل فى كل مره والمبلغ اللى راح منى بالنصبالمشاركة الأصلية كتبت بواسطة samohaa1000 مشاهدة المشاركةComment
-
أنا هاحكيلك حكاية
دخلت معرض عنده جولف 4
كام يا سيدي ؟؟؟
75 الف
(العربية ما فيهاش أي اضافات)
طب نركب
عربية طاااالع عين أهلها من جوة
و العداد ...تخيل
50 الف بس
المهم قولنا نبص على الحوض
ييجي يقف جنبنا و يقول شايفين !! العربية بترابها أصل صاحبتها كانت بنت و ما بتفتحهاش
ولاقينا شرخ صغيييييير في الصدر رجع صاحبي رمب جوه لاقين قدام الشرخ اللي في الصدر شرخ في نص التابلوه
دققنا في القزاز لاقيناه مش أصلي
طبع العربية مرزوعة رزعة جايبه بطنها و متصلحة و متعفرة تراب قال يعني احنا هُبل و شباب من اللي مامته شارياله عربية (مع عدم اعتراضي على كده بس هما بيقولو كده دايما)
و تقوله العربية مشيسة يا محترم
يقوللك بعينه اللي تندب فيها رصاصة انتو هاتعملو فيها صنايعية
العربية فابريكة
اللذيذ انها مليانة من جوا طفي سجاير في الفرش
تقريبا البنت دي كانت حريقة سجاير
هما بيتقال على معظم التجار مقوله كده بس ياريت ماتزعلش منها بس أهو تعرفها لأنها منتشرة في المنتدى هنا
(راسبي معهد النصب و الاحتيال)[CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]Comment
-
هو ده خلاصة الكلامالمشاركة الأصلية كتبت بواسطة mada121977 مشاهدة المشاركة
ده غبر
الجهل والكذب والنصب واحيانا الغش ايضا
طبعا من غير تعميم لكنها مع الاسف النسبة الكبري والعظمي من التجار واصحاب المعارض[CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
[/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]Comment
-
مش كلهم راسبين في منهم اساتذة ورؤساء اقسام للنصب والاحتيالالمشاركة الأصلية كتبت بواسطة Ahmed Samy مشاهدة المشاركة
مع كل التقدير والاحترام للقلة القليلة جدا النادرة المحترمة فيهم
والاعتذار للسيد صاحب الموضوع بس متزعلش انت اللي طلبت الحقيقة
من 5 سنوات كنت قررت اشتري اول عربية في حياتي ونزلت معرض وقالولي صحبوه شيخ ومحترم و و و و
وشفت عربية رتمو وعجبتني اوي اوي واتقالي انها فبريكة وحلف ايماناتالمسلمين ان العربية دي رشة برة بس علي بوية الفبريكة علشان يتغير اللون بس ومفيهاش خبطة واحدة
وجبنا ميكانيكي وصاحب المعرض ظبطه وقالي تمام
ولما رجعت البيت اشور والدي قالي مستحيل تاخد عربية كويسة من صالة او معرض.
وطبعا مع حماس الشباب انا قلت انا ليا العربية لو كويسة والسعر مناسب ايه المانع
وطبعا علشان فلوسي حلال ربنا سترها لما رحت اخلص اكتشفت حاجة ان الراجل كل مرة يدينا مواعيد بعد العشا ال يعني علشان الصلاه ومبيفضاش فاصريت نروح قبل صلاة الظهر وبالعافية وافق ولما رحنا في النور اكتشفنا الاتي
السيارة مغيرة 4 ابواب وتبلوه والعداد ملعوب فيه وفيها شاسيه بس ملحوم بحرفنة ورشة جوة طبعا بالكامل وفي خبطة في القايم دا غير الكبالن
والبجح كاب نيكدب عنينا اقوله القايم ده مخبوط يقولي فين يا استاذ دا ضل الشمس بس انت مش واخد بالك اقوله البيبان دي مش بتاعتها يقولي لا دي بس الاكر هي اللي متجددة اقوله الشاسيه ملحوم يقولي لا والله دي بوية زيادة اقوله طب رشة جوة ليه امال يقولي تلاقي الواد الصنيعي مخدش باله في الفرن ورش جوة نظافة
يعني استعباط مش نصب بس
دي اول لقاء بيني وبين صالة
اللقاء التاني رحنا نبيع عربية ماروتي من سنتين بتاعة الست الوالدة كانت موديل 2003 وعاملة 20 الف كيلو لان والدتي بتروح بيها مشاوير صغيرة وعدد مرات قليل في الشهر يعني تعتبر بحالتها
وعملوا علينا تمثيلية وفصلوها ب 16 الف
وتاني يوم اتصل وقال انا لقيت زبون لقطة علي 18 وده اخر كلام
وبعدين لف علينا وبعت ناس البيت علي انهم مشترين واكتشفنا بعد كده بشهر انهم تبعه يقولولنا 14 و 15 و16 علشان نحس ان 18 ده سعر لقطة
وطبعا ده سعر قليل جدابالنسبة لعربية تعتبر جديدة ومغيرتش حاجة غير فلاتر في الصيانة الدورية وسيور
وبعد ما ربنا سهل وبعناها يصادف واقابل الناس اللي بعتهم في المعرض بتاعه طلعوا بيشتغلوا معاه (كومبارس)
علشان بقي احكيلك مواقف الناس الي اعرفهم عايز سنة
لكن لما دورت في دماغي علي موقف كويس لتاجر عربيات للاسف ملقتش ومعرفش حد شكر في اي تاجر لحد دلوقتي
[CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
[/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]Comment
-
موقف تاني بس ده مميز
واحد صاحبي كان طالع الساحل وعند الحمام كان ماشي علي 120 عربيته بيجو 305 وللاسف كان علي الطريق بلاعة مفتوحة نزلت فيها العجلة اليمن اللي قدام
طبعا العجلة انفصلت عن السيارة واتقلبت العربية 8 مرات علي الاسفلت واترزعت في سور شركة لدرجة انها دمرت السور تماما
الحمد لله صاحبي واللي معاه طلعوا باصابات خفيفة ومتوسطة اكبرها كان كسر في ذراع وشخص اخر كسر في القدم غير الكدمات والجروح
ودي تعد معجزة لحادثة زي دي
العربية دي جابت شاسيه طبعا وموتور وعفشة غير ان الصاج كله اتبهدل سقف واجناب وقوايم يعني مبقاش فيها حاجة سليمة لدرجة ان العربية انبعجت وانكمشت من كل ابعادهاوبقت واقفة في لجراج علي 3 عجلات وفي واحدة مرفوعة عن الارض دا كمان بعد محاولات تصليح الاكس ولحامه وكانت المسافة بين العجلتين اليمين اقل من الشمال بكتير
واحد صاحب معرض قدام البيت اشتراها
وبعد شهر العربية دي كانت واقفة زي العروسة قدام المعرض
ومفيش اسبوع قالولنا انها اتباعت لمهندس مدني
بما ان سيادتك تاجر سيارات تفتكر ان اللي اشتري العربية دي اتقاله ده كله؟
ولا بالتاكيد اتسبكت عليه وشربها[CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
[/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]Comment
-
يكسب بالعقل مش يطلع 3000 مصلحة فى عربية واحدةالمشاركة الأصلية كتبت بواسطة samohaa1000 مشاهدة المشاركة[B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]Comment
Comment