موضوع مهم لماذا نكرة اصحاب المعارض

[kliken]

انا اتعاملت مع كتير من اصحاب المعارض و التجار و معظمهم نصابين فعلا يقولك العربيه فابريكه و موتور مش عارف ايه و حاجات كده و هو يكون ملصمها يا دوب علشان تغور العربيه من عنده انا من قريب كنت هجيب عربيه النترا 2007 اتوماتيك و قالى فيها سعر غالى شويه و قالى علشان فابريكه و حوار كده و اللى جايبنى ليه حسيت انه بايعنى له و اتصلت بالسمكرى بتاعى و خليته راح بص عليها قالى واخده خبطه فى الشاسيه جامده و رشه جنب كامل و التاجر بيحلف انها فابريكه و زى الفل و طبعا نفضتله

[mo7a_mo7a]

العضو المحترم samohaa1000 (سامح ربيع)

ارجو ان تتقبل مداخلاتنا علي وجهها الحقيقي الا وهو محاولة منا للاجابة علي سؤالك ""لماذا يكره الناس تجار السيارات""
ولا يوجد بها ما هو موجه لشخصك علي الاطلاق
رغم انها قد لا تروقك او تعتبرها قاسية الا انها اعدت بامانة لوصف خبرات شخصية فقط

ولك منا كل تقدير واحترام

[ahmed1981]

أنا تعاملت مع المعارض مرة واحدة
مع معرض شيرين كار بصلاح سالم
بائع إسمه أستاذ عمرو (أسمر البشرة وممتليء)
لو هنفترض إنه كلمني 100 كلمة إتضح بعدها أن 95 كلمة منهم كذب
تفتكر أثق فيه ؟؟

[amir]

زمان و انا بشتري الفليشيا شفت كورولا عيون موديل 98 في معرض من المعارض
الراجل قال كل الشعر اللي ممكن يتقال في العربيه
طلعنا البنزينه نكشف
العربيه طلعت مشيسه و محتاجه فرده شاسيه
و الكلب لما رجعتله و انا علي اخري لاني غرمت مصاريف كشف عمل عبيط

ده غير الفيليشيا اللي اشتريتها من معرض عربيات المفروض انه بتاع واحد واحد قريبنا مربيه من ايام ما كان عيل صغير, الباشا زود عليا 3 الاف جنيه عن سعر السوق!!!!


طبعا النصابين بتوع سوق السيارات حاجه تانيه

عربيه ماتريكس كانت واقفه و عليها الورق الابيض بتاع العربيات الزيرو اروح اسأل يقولي العربيه موديل 2005 (الكلام ده السنه اللي فاتت) اقوله دي مش كسر زيرو بقي يقولي لأ العربيه بورقها اهوه دي ما مشيتش اقوله العداد كام يقولي 50 الف كيلو
نصاب و اهبل

خلاص تاجر عربيات في تعريفي ما هو الا اتعس و اخيب نصاب ممكن تتعامل معاه كذب متناهي و بدقن او بدون مش فارقه اللي يغيظك ان ساعه صلاه الجمعه يجرو يصلو و بعدين يطلعو يبخسو الناس اشيائهم و ينصبو بيها علي الناس التانيه

[eg_falcon]

ممكن المشاركة تكون مهذبة لماذا نكرة اصحاب المعارض بالشكل دة ولو فى عربية عند معرض الناس تخاف تشترى منة ممكن المشاركة

و انت ليه واخد الموضوع على انه كره و حب ليه ما تقلش ان الموضوع ان كل واحد بيحافظ على مصلحته

[wesam_salom]

بص يا باشا انت غلطان فى الموضعين
1-ازاى تشترى سيارة وتتطلع مقلوبة مكشفتش عليها لية وبعدين ممكن دة يحصل من تاجر او من شخص عادى
2-الناس بتوع طنطا دول جولك منين طب ما فى اساليب كثيرة فى البيع كويسة بعيد عن ان حد يزايد عليك وبعدين مبلغ الفين جنية دة بسيط جدااا فى الى بيحصل احمد ربنا وبعدين ماهو لازم يكسب امال يبيع ويشترى ببلاش
3-لازم يعمل كدة اى صاحب نشاط زيو زى اى حد فى اى مهنة بحلى بضاعتو مش شايف فى كدة جريمة
4-انا معاك ان معظم المهنة صنيعية ولاكن دول بيبيعوا فى الشارع والجراجات وسوق الجمعة ولاكن فى معارض كبيرة واصحابة ناس كتير محترمة دول الى انا بقصدهم مش مكتب تحت السلم تقولى دول تجار
اولا لازم يكون معرض كبير وعندو اوراق مثل السجل التجارى ورخصة نشاط و(جواب مرور)ودى بالذات مهمة جدااا لانو دة الى بخاف على نفسة وسمعتة

انا غلطان فعلا وانا بقولك على اللى غلطت فيه

انا غلطان انى مكشفتش على العربيه كويس بس انا كان عندى شويه ثقه وكمان كان فيه وسيط سمسار كنت بعتبره معرفه وبرده هياخد عمولته بس يقول الحق وهو اللى لبسنى فيها لانها كانت عامله 12000 كيلو ولسه بأكياسها ومش اى حد يهرشها يعنى كتير شافوها ومعرفوهاش
وزى ما قلت ان فيه واحد محترم هو اللى قاللى على الموضوع ده وكان هو اللى بايعهالهم وكان تاجر زيهم بس قاللى قبل ما اسجلك لازم اقولك علشان ربنا يباركلى مش مهم المكسب وهو اللى وقف البيعه واتأدبت ب 1000 جنيه ورجعت بس ده واحد من ضمن 10 نصابين


2- طبعا من حقهم يكسبوا بس مش ينصبوا يعنى يقولى السعر كذا وعمولتنا كذا مش ينصبوا علينا
وبعدين هما عمولتهم مش صغيره
يعنى خدوا منى 250 جنيه ومن المشترى الف جنيه
ده اسمه نصب مالوش اسم تانى

وبعدين انا من طنطا علشان كده اتعاملت معاهم

3 اى حد يحلى بضاعته ده الصح بس لو فيها عيب خطير او مهم يقول عليه
لانه لو انكره او داراه يبقى كده هياخد فلوس حرام
وهما مبتفرقش معاكم ياكلوا حرام



4- وده المهم ان انا مكنتش بتعامل مع معرض تحت السلم
انا كنت بتعامل مع معرض من اكبر المعارض عنده مالا يقل عن 20 عربيه تمنهم فوق المليون جنيه واقل حاجه عنده لانوس وكان بيبيع لى الاكسيل ومحسسنى انه مكسوف لانه بيتعامل فى العجل القديم(الله يرحم بعد كده لما سألت عنه عرفت انه كان نقاش)

وطبعا معرض كبير وفخم وكل اللى انت بتقول عليه
لان دى عده النصب

انا مش عاوزك تزعل منى بس انت فتحت موضوع هيجيبلك كلام كتير عن نصابين كتير

منهم عدد قليل محترم
بس صعب انك تلاقيه وتعرفه

يعنى انا هقولك على حاجه خدها حكمه
العربيه اللى فى المعرض
90 فى الميه منهم فيه مشاكل
عاوز تشترى من المعرض اشترى من صاحب العربيه اللى الرخصه بأسمه وصاحب المعرض يجيبه ويتفق على عمولته

متهيألى انت كده عرفت الناس بتكره المعارض ليه ولسه فيه ناس كتير هترد بس انت متزعلش انت اللى سألت ومحدش وجه ليك اى كلمه احنا بنتكلم عن دروس اتعلمناها بفلوس

اخوك وسام

[amir]

انت متزعلش انت اللى سألت ومحدش وجه ليك اى كلمه احنا بنتكلم عن دروس اتعلمناها بفلوس

اخوك وسام

بالظبط كده
و من واقع الفلوس اللي خسرناها علشان شويه عالم #ّ!@ّ# و من ارض الواقع معنديش اي استعداد اتعامل مع تاجر سيارات سواء بيع او شراء

[samohaa1000]

بسم الله الرحمن الرحيم
ان شاء الله ارد على كل المدخلات مع بعض
1-بالنسبة للععضو الى بيقول انو خد سيارة مقلوبة وبعدين رجعها تانى وخسر1000ادب طيب افرض انك اخدتها من واحد فى الشارع او فى سوق الجمعة او حتى فى بيت مكنش هيرجعالك بغض النظر عن الغش الى عملة لاكن بردة صاحب المحل يخاف على نفسة لأنك ممكن تضيعوا فى ثوانى فعلا انت خسرت 1000ج ولاكن خد فلوسك تانى وميقدرش ميرجعهالكش
2-العضو الى بيقول انو اشترى من واحد بيقولو علية شيخ ومعرفش اية طيب فى سؤال حضرتك رايح تشترى عربية ريتمو يعنى على الاقل بقالها 25سنة شغالة وهلكانة متصور انو هيأخذ عربية بحالة الزيرو ولاكن مفيش مبرر انو يكدب ولاكن لو هو شيخ انا مش هندى لازم اتاكد فبل ما اتصرف
3-العضو الى بيقول راح يشترى عربية النترا 2007 ولاقها مخبوطة دة معاة حق لان عربية 2007المفروض انها تكون زيرو
4-العضو الى راح معرض شرين كار بأمانة الله المعرض دة ناس محترمة جدااا وصاحبة الحاج اشرف عبد المنعم راجل بتاع ربنا جدااا ممكن بس الموظف هو الى بيحاول يقرب علشان يبيع اكبر كم علشان عمولتة اخر الشهر بس هما ناس كويسة جدااا والله ومن زمان جدااا فى السوق
5-العربية الى عملت حادثة وبعدين رجعها زيرو تانى طيب انا عايز اسالك سؤال العربية دى لو بتاعتك وعملت حادثة هتعمل اية هترمية فى الشارع ولا هتصلحها وتحاول تبيعها وبعدين انت قلت انو رجعها زيرو يعنى صرف عليها كتير علشان ترجع عربية تانى دة احسن ولا لو اى عربية تعمل حادثة نرميها فى الشارع
بس نقول وكل شئ بتمنة
ممكن انا بقى احكيلكوا شوية حاجات والله العظيم صدق
1-مرة واحد صاحبى راح اشترى سيارة من واحد فى حدايق القبة كيا برايد مو99واشتراها من منزل وبعدين الراجل صاحبها قال لة دى بتاعت ابنى وهو عايش فى فرنسا ومركونة بقالها فترة وبعدين راح شافها فى الجراج ولقاها عليها كوم تراب وطبعا صدق الكلام واشتراها والراجل شرط علية انو ياخد فلوسة كلها بالكامل فى الشهر العقارى وصاحبنا مشى معاة وبعدين استلم العربية وراح يغسلها فى البنزينة وجبهالى اشوفها لقيت فيها حادثة واخدة من اول الكرتيرة لحد القايم والله العظيم هذا حصل وبعدين روحنا على الراجل الساعة 1باليل قالو انا معرفش حاجة عن الموضوع دة ممكن تكون انت الى عملت كدة ولبستهانى وبعدين طلعنا على القسم نعمل محضر الظابط قال لنل ورينى العقد لابتدائى فية بند بقول ان المشترى عاين السيارة المعاينة النافية للجهالة وانة مسؤل عنها من تاريخو فقالو حاول تخلصة معاة ودى وبعدين الراجل مرضيش يرجعهالو وراح بعها فى السوق وخسر 8000جم
2-واحد تانى ودة من قريب كان بشترى لانسر من سوق الجمعة وبعدين والله قابل واحد الرخصة باسمة وصاحب شركة استيراد واتفقوا على السعر وبعدين بص على الرخصة لقاها عليها حظر بيع لبنك كريدى اجريكول فسألو نعمل اية دلوقتى قالو تعالى معايا البنك ادفع الفلوس هناك وبعدين استلم السيارة والمخالصة هتاخد 15يوما وبعدين ابقى اعملك التوكيل لما نرفع الحظر وبعدين صاحبنا دفع الفلوس فى البنك وطبعا الفلوس بتتحط طبيعى فى حسابة علشان يخصمة منة المهم ان العربية سعرها 90000دفع منهم 75000فى البنك والباقى عند استلام التوكيل ورفع الحظر المهم هودفع الفلوس من هنا واستلم العربية ومشى والراجل راح سحب الفلوس من الحساب ومشى ولحد النهاردة منعرفش عنة حاجة والبنك عايز العربية لانى لسو عليها اقساط وبعدين هو معاة من غير ورق وملوش اى حق قانونى لان القانون يحظر بيع اى سيارة لو كان عليها حظر بيع وبالتالى فان هو لازم يسلم العربية لمباحث السيارات لانو ممكن هو نفسة يروح فى الرجلين والله العظيم دى قصة حقيقية
عندى قصص كتيير جدااا لو حبيتوا احكهلكم
بس مش عايز اكون بطول عليكم والله شاهد على ما اقول

[pro_samir]

اكيد مش كلهم وحشين فى كدة وفى كدة

الموقف الزبالة اللى حصل معايا منهم كالأتى

كنت هشترى عربية 128 من كام سنة وكنت مجمع فلوسها بالعافية

المهم واحد المفروض انة معرفة صاحبى معرفنى علية ، وقالى قدامة عربية واحد وكيل نيابة ولا مانا فاكر كان اية ، المهم العربية بقى فابريكة ومفيهاش الهوا وهوا اللى كان شاريهالة اصلا وعارف اصلها وفصلها

المهم كل ما احدد معاة موعد يصمم انة يكون بالليل ويقولى هتفرق اية بالنهار من بالليل يعنى ، وبيتكلم بتلقائية برضو كانى عبيط يعنى

واحسن حاجة مع العالم دى تعمل انك عبيط بجد علشان ياخدو راحتهم فى الكلام قدامك

اخر ما زهقت قلتلة اوك وروحتلة اتفرج ، خدنا العربية وروحنا عند ميكانيكى بقى ال اية هيبصلى عليها

المهم جربت العربية فى المنطقة اللى عند الميكانيكى وبعدين قلتلة الدبرياج زى الزفت قالى هخلية يظبطة دلوقتى ، جة الميكانيكى بص علية قالة هوا كدة على الأخر

قالة يعنى الموضوع من عندنا يعنى ، قالة ايوا يا بية

طبعا بيتكلم معاة على اساس ان اللى واقف هيشترى دة هندى مش فاهم حاجة ، والعربية كانت عايزة ديسك اصلا

المهم جربت العربية وقلتلة ماشى معقولة وهجيب والدى ونيجى نتفرج عليها بكرا ان شاء الله وخدت منة موعد بالنهار

جة بقى والدى اتفرج عليها وكان الأتى

أولا القايم اليمين معلم في البوية بتاعتة مكان الشدادة بتاع الزرجينة ، يعنى العربية تقريبا كانت مقووسة ومعدولة على الزرجينة

الدواخل اللى فى الشنطة والحتة اللى رابط فيها المساعدين فيها بارومة فظيعة لدرجة ان والدى كان بيقطع الصاج بإيدة

بارومة فى أرضية الشنطة

بعض النظر عن الموتور اصلا لأنة اتفرج من غير ما ندورها اساسا

دة اللى فاكرة من اللى كان فى العربية

وما أكثر المواقف مع اصحابى و مع قرايبى

[ahmed1981]

الخلاصة أن هناك أزمة أمانة منتشرة في مجتمعنا بالكامل تجار ومستهلكين
وأصبح الإنسان الأمين الذي يرضى بالحلال حتى لو كان قليلاً إنسان شبه منعدم الوجود

بمعنى أننا أصبحنا في آخر الزمان

عَنْ اَبِي هُرَيْرَةَ، قَالَ بَيْنَمَا النَّبِيُّ صلى الله عليه وسلم فِي مَجْلِسٍ يُحَدِّثُ الْقَوْمَ جَاءَهُ اَعْرَابِيٌّ فَقَالَ مَتَى السَّاعَةُ فَمَضَى رَسُولُ اللَّهِ صلى الله عليه وسلم يُحَدِّثُ، فَقَالَ بَعْضُ الْقَوْمِ سَمِعَ مَا قَالَ، فَكَرِهَ مَا قَالَ، وَقَالَ بَعْضُهُمْ بَلْ لَمْ يَسْمَعْ، حَتَّى اِذَا قَضَى حَدِيثَهُ قَالَ " اَيْنَ ـ اُرَاهُ ـ السَّائِلُ عَنِ السَّاعَةِ ". قَالَ هَا اَنَا يَا رَسُولَ اللَّهِ. قَالَ " فَاِذَا ضُيِّعَتِ الأَمَانَةُ فَانْتَظِرِ السَّاعَةَ ". قَالَ كَيْفَ اِضَاعَتُهَا قَالَ " اِذَا وُسِّدَ الأَمْرُ اِلَى غَيْرِ اَهْلِهِ فَانْتَظِرِ السَّاعَةَ "رواه البخاري.


عَنْ حُذَيْفَةَ، قَالَ حَدَّثَنَا رَسُولُ اللَّهِ صلى الله عليه وسلم حَدِيثَيْنِ قَدْ رَاَيْتُ اَحَدَهُمَا وَاَنَا اَنْتَظِرُ الآخَرَ حَدَّثَنَا " اَنَّ الأَمَانَةَ نَزَلَتْ فِي جِذْرِ قُلُوبِ الرِّجَالِ ثُمَّ نَزَلَ الْقُرْانُ فَعَلِمُوا مِنَ الْقُرْانِ وَعَلِمُوا مِنَ السُّنَّةِ " . ثُمَّ حَدَّثَنَا عَنْ رَفْعِ الأَمَانَةِ قَالَ " يَنَامُ الرَّجُلُ النَّوْمَةَ فَتُقْبَضُ الأَمَانَةُ مِنْ قَلْبِهِ فَيَظَلُّ اَثَرُهَا مِثْلَ الْوَكْتِ ثُمَّ يَنَامُ النَّوْمَةَ فَتُقْبَضُ الأَمَانَةُ مِنْ قَلْبِهِ فَيَظَلُّ اَثَرُهَا مِثْلَ الْمَجْلِ كَجَمْرٍ دَحْرَجْتَهُ عَلَى رِجْلِكَ فَنَفِطَ فَتَرَاهُ مُنْتَبِرًا وَلَيْسَ فِيهِ شَىْءٌ - ثُمَّ اَخَذَ حَصًى فَدَحْرَجَهُ عَلَى رِجْلِهِ - فَيُصْبِحُ النَّاسُ يَتَبَايَعُونَ لاَ يَكَادُ اَحَدٌ يُؤَدِّي الأَمَانَةَ حَتَّى يُقَالَ اِنَّ فِي بَنِي فُلاَنٍ رَجُلاً اَمِينًا . حَتَّى يُقَالَ لِلرَّجُلِ مَا اَجْلَدَهُ مَا اَظْرَفَهُ مَا اَعْقَلَهُ وَمَا فِي قَلْبِهِ مِثْقَالُ حَبَّةٍ مِنْ خَرْدَلٍ مِنْ اِيمَانٍ ...." رواه مسلم

[maka]

الخلاصة أن هناك أزمة أمانة منتشرة في مجتمعنا بالكامل تجار ومستهلكين
وأصبح الإنسان الأمين الذي يرضى بالحلال حتى لو كان قليلاً إنسان شبه منعدم الوجود

بمعنى أننا أصبحنا في آخر الزمان

عَنْ اَبِي هُرَيْرَةَ، قَالَ بَيْنَمَا النَّبِيُّ صلى الله عليه وسلم فِي مَجْلِسٍ يُحَدِّثُ الْقَوْمَ جَاءَهُ اَعْرَابِيٌّ فَقَالَ مَتَى السَّاعَةُ فَمَضَى رَسُولُ اللَّهِ صلى الله عليه وسلم يُحَدِّثُ، فَقَالَ بَعْضُ الْقَوْمِ سَمِعَ مَا قَالَ، فَكَرِهَ مَا قَالَ، وَقَالَ بَعْضُهُمْ بَلْ لَمْ يَسْمَعْ، حَتَّى اِذَا قَضَى حَدِيثَهُ قَالَ " اَيْنَ ـ اُرَاهُ ـ السَّائِلُ عَنِ السَّاعَةِ ". قَالَ هَا اَنَا يَا رَسُولَ اللَّهِ. قَالَ " فَاِذَا ضُيِّعَتِ الأَمَانَةُ فَانْتَظِرِ السَّاعَةَ ". قَالَ كَيْفَ اِضَاعَتُهَا قَالَ " اِذَا وُسِّدَ الأَمْرُ اِلَى غَيْرِ اَهْلِهِ فَانْتَظِرِ السَّاعَةَ "رواه البخاري.


عَنْ حُذَيْفَةَ، قَالَ حَدَّثَنَا رَسُولُ اللَّهِ صلى الله عليه وسلم حَدِيثَيْنِ قَدْ رَاَيْتُ اَحَدَهُمَا وَاَنَا اَنْتَظِرُ الآخَرَ حَدَّثَنَا " اَنَّ الأَمَانَةَ نَزَلَتْ فِي جِذْرِ قُلُوبِ الرِّجَالِ ثُمَّ نَزَلَ الْقُرْانُ فَعَلِمُوا مِنَ الْقُرْانِ وَعَلِمُوا مِنَ السُّنَّةِ " . ثُمَّ حَدَّثَنَا عَنْ رَفْعِ الأَمَانَةِ قَالَ " يَنَامُ الرَّجُلُ النَّوْمَةَ فَتُقْبَضُ الأَمَانَةُ مِنْ قَلْبِهِ فَيَظَلُّ اَثَرُهَا مِثْلَ الْوَكْتِ ثُمَّ يَنَامُ النَّوْمَةَ فَتُقْبَضُ الأَمَانَةُ مِنْ قَلْبِهِ فَيَظَلُّ اَثَرُهَا مِثْلَ الْمَجْلِ كَجَمْرٍ دَحْرَجْتَهُ عَلَى رِجْلِكَ فَنَفِطَ فَتَرَاهُ مُنْتَبِرًا وَلَيْسَ فِيهِ شَىْءٌ - ثُمَّ اَخَذَ حَصًى فَدَحْرَجَهُ عَلَى رِجْلِهِ - فَيُصْبِحُ النَّاسُ يَتَبَايَعُونَ لاَ يَكَادُ اَحَدٌ يُؤَدِّي الأَمَانَةَ حَتَّى يُقَالَ اِنَّ فِي بَنِي فُلاَنٍ رَجُلاً اَمِينًا . حَتَّى يُقَالَ لِلرَّجُلِ مَا اَجْلَدَهُ مَا اَظْرَفَهُ مَا اَعْقَلَهُ وَمَا فِي قَلْبِهِ مِثْقَالُ حَبَّةٍ مِنْ خَرْدَلٍ مِنْ اِيمَانٍ ...." رواه مسلم

الله يفتح عليك يا باشمهندس احمد

فعلا مفيش حد بقى راضى

انا لسه واحد صاحبى امبارح بيقولى عيب الناس فى مصر

عاوزة تشترى اى حاجة بالرخيص وتبعها بالغالى

[Hussein_Ramdan]

انا اول عربية اشترتها ماذا 323
اضحك عليا فيها واشترتها ب 24 الف وبعتها بعديها بشهر 19 الف
عشان كان الماتور مفوت
وكان فى بارومة فى العربية
والعفشة كان مبهدله
طبعا اضحك عليا عشان انا كونت ساعتها 19 سنة
وكونت متسرع
لكن دلوقتى لما اجى اشترى حاجة بيبقا ناقص اخوش انام جوة العربية ولما صاحب العربية بتكلم معايا اقولو اية يااباشا هونا هشترى حاجة بخمسة جينة دى حاجة بالوفات
ولازم اقلب برحتى واخد واحد معايا مرة واتنين وتلاتة

[amir]

خلاصه الموضوع
لا لسماسره العربيات و تجار المستعمل
لا بيع ولا شراء

[eg_falcon]

[ عيب الناس فى مصر [/COLOR][/SIZE]

عاوزة تشترى اى حاجة بالرخيص وتبعها بالغالى[/QUOTE]

و احيانا كمان بتكون حاجة معيوبة

[wesam_salom]

خلاصه الموضوع
لا لسماسره العربيات و تجار المستعمل
لا بيع ولا شراء

لاء طبعا مش هتقدر تبعد عنهم

بس خد بالك كويس وانت بتعاملهم

وافتكر اسلوبهم وحرص منهم

من الاخر
عد صوابعك قبل وبعد ما تسلم عليهم

واتعامل معاه على انه كداب الى ان يثبت العكس

ومع ان فيهم ناس محترمين

بس متديش اى حد فيهم الامان لانك بتتعامل مع وسط الوحش فيه اكتر من الحلو بكتير

يعنى احتمال انك تلاقى واحد منهم محترم زى كده ما تلاقى العنقاء والخل الوفى وسيجاره كليوباترا مش منفسه