لو عربيتك اتخبطت هتاخد عوض؟؟؟؟؟

[dr_timo]

لا ياجماعة اكيد يعي في فرق فعلا يعني لو حد خبط خبطة يعني سهو او حد كان مزنق عليه حجات كدة قهرية يعني وبتحصل لينا كلنا فمش هاخد عوض فيها لاني ممكن يحصل معايا كدة واغلط بردو لكن بقي اللي لازم مسكتش عليه لو كان غلط سببه رعونة او اهمال فادح او غباء فاضح يعني تخيل لو ماشي او حتي واقف قدام البيت ولقيت حد خبط عربيتك لا دة بقي سكران لا ولا بقي لو لقيت اللي خبطك عيل صغير سايق وابوه كان بيعلمه عليها لا دة انا اغرمه واغرم ابوه كمان

[pro_samir]

والله مش دايما بتبقى بظروفها

انا لسة اول امبارح حصل معايا موقف سخيييييف

كنت راجع من الصلاة ومعايا تليفون فوقفت قدام العمارة شوية علشان الشبكة ضعيفة فى المكتب

العمارة اللى جنب اللى قدامنا كانو بيطعلو عفش وبيربطوة بحبل من تحت و واحد يشد من فوق وعربية لانسر واقفة

وبعدين حاجة من العفش وقعت جت ورا العربية اللى واقفة بالظبط

انا قلقت اديت المفتاح لواحد صاحبى كان واقف معايا قلتلة هات العربية هنا مع انها كانت بعيدة عنهم خالص اساسا ومتوقعتش خالص انة ممكن حاجة تقع عليها بس قلت احتياطى


اول ما جب العربية وجة وقف قدامى لاقيت الرفرف الشمال متدمر خالص ومطبق ، هوا نزل بيسألنى اية الخبطة دى

طبعا كنت اول مرة اشوفها

قلت اكيد حاجة وقعت عليها برضو وروحت اكلم الراجل اللى بيربط الحاجة فى الحبل وانا متوقع انة هيقولى لا مش احنا ، لأنها كانت بعيدة عنهم اصلا

اول ما روحت كلمتة لاقيت اصحاب العفش راحو جايين عليا ونظام بقى معليش وربنا ستر و اللى انت عايزة وحاجات كدة

مش عايز اقولكم يعنى قد اية كنت قرفان منهم لأن صاحبى وهوا بيجيب العربية هما شايفينة و واقفين جنببة ومع ذلك محدش فيهم راح كلمة ولا قالولة اى حاجة على اللى هببوة فى العربية

بجد منتهى السخافة وقلة الذوق يعنى مش عارف اقول اية والله حاجة تحرق الدم

وخدت الكارت بتاع الراجل علشان المفروض انه هيدفع فلوس التصليح طبعا

وبعدها بشوية روحت لسمكرى ردها على البارد مفيش عشر دقايق الحمد لله كانت رجعت تمام بس البوية اتقشرت وشكلها بايخ لأن التطبيقة واخدة الرفرف بالطول من فوق لتحت كلة بقى خط متقشر كدة فى البوية


بس هيا مكلفتش كتير يعنى السمكرى كان معرفة مكانش راضى ياخد فلوس اصلا وبعدين فى الأخر خد عشرة جنية ، مع اعتبار انة بعد كدة هيبقى يفكة يعملة على السخن ويترش علشان يرجع زى الأول

وطبعا متصلتش بالراجل هكلمة اقولة هات عشرة جنية ولا شيل حق رش الرفر كلة ؟ .. استبوختها جدا طبعا

لكن دة ميمنعش انة اللى يبوظ حاجة المفروض يصلحها

مش مسألة فلوس بس دة مبدأ ، بس طبعا لو مبلغ مش كبير الواحد بيتحرج

[meromar]

مش حاخد عوض بس حخلية يصلحلى اللى كسرة

[Qamar]

من أفسد شيئا فعليه اصلاحه

[ابوهاشم]

والله حصلت معايا كتير ومابكونش انا اللى غلطان ومابرضاش اخد حاجه من حد عسى ان يرحمنى غيرى لو وقعت فى نفس الموقف

[lancerevolution]

أيوة تاخده أنت ليه تتحمل غلط غيرك ذنبك إيه أنت كنت لاقى العربية فى الشارع ولا لاقى وقتك عشان توقفها كام يوم عند السمكرى
و بكرر دا مش ذنبك عشان تتحمله
ولا تزر وازره وزر أخرى دا كلام ربنا يبقى أت ليه تحمل نفسك ذنب مش ذنبك

[magyver]

انا مستني رد دار الافتاء

[Qamar]

انا مستني رد دار الافتاء

فكرتني بواحد قال ضمن فتاوى اليومين دول (هل الانفراد بحارس المرمى يدخل تحت الخلوة الشرعية؟ وما حكم حمل حامل الراية اذا لم يكن متزوجا)
لكن ده طبعا مش مانع اننا نطبق تعاليم الدين في تعاملاتنا اليومية و أسمى هذه التعاليم التراحم

[Amrrr]

يظهر ان البلد دي اتقلب حالها بقي المظلوم هو اللي ظالم والظالم غلبان ضعيف مطحون

يظهر ؟؟؟؟؟؟؟؟؟

[دينا أبوالعلا]

انا مستني رد دار الافتاء

هما لسه مردوش كله ده عمرهم ما بيتاخرو كده

[احمدعبدالعزيز]

من اتلف شىء فعليه اصلاحه دة مبدا فى الاسلام """
وقصة العوض دى سواقين التاكسيات والميكروباصات هما اللى اخترعوها عشان يطيحوا فى الناس ويخبطوا فيهم ومحدش يحاسبهم
انسى كلمة عوض دى اللى يخبطك خليه يصلح لك العربية"

+1000000000

[Amrrr]

حسب الموقف - بس من حيث المبدأ ok ولازم وحتماً ولابد اللي يغلط يتحمل نتيجة غلطته

[Fadi Ezzat]

المسامح كريم المسامح كريم المسامح كريم

[mo7a_mo7a]

فكرتني بواحد قال ضمن فتاوى اليومين دول (هل الانفراد بحارس المرمى يدخل تحت الخلوة الشرعية؟ وما حكم حمل حامل الراية اذا لم يكن متزوجا)
لكن ده طبعا مش مانع اننا نطبق تعاليم الدين في تعاملاتنا اليومية و أسمى هذه التعاليم التراحم

اظن ان الاستخفاف بالامور الشرعية واختراع نكات مختلقة عليها
لا يمكن قبوله ابدا ابدا
اولي بك ان تتجنب المشاركة علي ان تعلق بنكتة اقل ما توصف به انها سخيفة

[mo7a_mo7a]

ارجومن ادارة المنتدي المحترمة
ومع خالص تقديرنا للعضو Qamar
حذف العبارة الوادة في تعليقه الاخير
وشكراً