إزاى أخرج عرســة من صالون السيـــارة ؟

[أشرف فتحى]

يعنى خلاص بقيتم سمنه على عسل!!!
ياسيدى دى اللى بيسموها حاله اللا سلم واللا حرب!!!
وممكن تسميها سلام الشجعان او التطبيع او تعايش سلمى !!!
لكن كل خوفى يا استاذ هاشم من المستقبل واستيطان العرس والفئران لعربيتك!
دول ممكن يدعوا انهم كانوا ساكنيين فيها من ايام المالك اللى قبلك !!!
وحلنى بقى!!!!
احذر من الاستيطان!!!!!!!

[soha]

يا جماعة من كتر الضحك انا بطلب من الإدارة التثبيييييييتتتتتتتتتت :POINTI~2[2]: بجد ربنا يكون في عونك يا أستاذ هاشم

[myr999]

يا استاذ هشام العرسة تقدمت امس بشكوة لادارة المرور ومعها اوراق اثبات باسهمها وقررت الادارة تغير نمرة عربية سيادتك وجعل الحروف بناءا للمستندات المقدمة الى 4 حروف( ع ر س ة) مع الاحتفاظ لسيادتك بالارقام القديمة برجاء ابلاغ شريكتك بهذة القرارات وفى حالة عدم الابلاغ ناسف بسحب السيارة وشكرا مع تحيات ادارة المرور

[M.Mostafa80]

بجد أحنا شعب كومدى موت أنا كابطلتش ضحك من ساعت ما بدأت أقراء الموضوع
الأول يأستاذ هاشم أتمنى انك متكونش زعلان من تعليقى فى موضوع الزرجينه فى المنتدى عندنا أنا مكنتش أقصد حاجه وحشه والله ان كنت مفكر بس أن أنتو عندكو لبس فى الموضوع المهم ممكن حضرتك ترفع العربيه وتدور فيه على أى مكالن يكون كان راكب فى طبه وأتشالت أو عند مخرج علبه الدركسيون بيبقى فيه وش فى الحته دى لو متحرك من مكانو ممكن تدخل منو أنا عملت معايا كده فى عربيتى الفورد القديمه وكانت بتدخل من الحته دى فضلت أدعبس على المكان الى ممكن تدخل منو لحد مأفتكرت أنى كنت بعمل شغل فى علبه الدركسيون وان العفشجى ممكن يكون ما ركبش الطبه دى كويس وفعلا الى حسبتو لاقيته لقيتها مفتوحه ولما قفلتها لم يصبح لها وجود وربنا يقويك
أنا ميت من الضحك من الردود

[michohat]

ايه الاخبار يا استاذ هاشم

[M_ashraf]

شوف يا باشا انت تجيب مصيدتين و تحط فيهم ما لذ و طاب و يا ريت بواقي فراخ من على الغدا
بعضمهم و تحط واحده ورا على الارض و واحده قدام
و عاى تاني يوم ان شاء الله هتمسكها متلبسة
اصل اللزق ده ساعات بحسه ضعيف و ممكن بعد مده من المعافرة لو هي قويه تفلت
و البخور و المقشه و الحاجات دي ممكن تطردها لكن لما الريحة تروح هترجع تاني لانها لازالت موجوده و على قيد الحياه
الحل من وجهة نظري المصيدة و القاء القبض عليها و عذبها او احرقها او ولع فيها
شوف بقى الانتقام اللي انت عايزه
و ابقى طمني عليك

[michohat]

شوف يا باشا انت تجيب مصيدتين و تحط فيهم ما لذ و طاب و يا ريت بواقي فراخ من على الغدا
بعضمهم و تحط واحده ورا على الارض و واحده قدام
و عاى تاني يوم ان شاء الله هتمسكها متلبسة
اصل اللزق ده ساعات بحسه ضعيف و ممكن بعد مده من المعافرة لو هي قويه تفلت
و البخور و المقشه و الحاجات دي ممكن تطردها لكن لما الريحة تروح هترجع تاني لانها لازالت موجوده و على قيد الحياه
الحل من وجهة نظري المصيدة و القاء القبض عليها و عذبها او احرقها او ولع فيها
شوف بقى الانتقام اللي انت عايزه
و ابقى طمني عليك

فكرة والله يولع فيها طبعا قصدى على العرسة
على فكره انا برضه قربت اولع فى التعابين اللى عندى و هعمل حمله نظافة فى الجراج وادعولى اخرج منها سليم

[HeMa_LanCeR]

فكرة والله يولع فيها طبعا قصدى على العرسة
على فكره انا برضه قربت اولع فى التعابين اللى عندى و هعمل حمله نظافة فى الجراج وادعولى اخرج منها سليم

انت كمان عندك تعابين في الجراج زيي :10D5C8~1107:
بس انا الحمد لله لسه عامل الحمله الاسبوع الماضي
واستمرت 7 ساعات متصله
والنتيجه مافيش ولا تعبان معرفش راحو فين مع اني متأكد ان في تعابين
لأني كنت بلاقي كل يوم قطه ميته والأستاذ واخد كل دمها يظهر عليه كان بيسكر
المهم جمد قلبك وادخل عليهم بقلب جامد


وصحيح يا استاذ هشام اخبار العرسه ايه :k45:

[michohat]

انا مش لاقى للتعابين اى حاجه تدل عليهم غير اثار زحف على تراب الارضية و يا عينى بقى على الاثار دى في منها كافة التخانات التخين والرفيع والصغير فمن الواضح انها عيله مستوطنه

[ابوهاشم]

اخيرا ماتت العرسه

اخيرا وبعد صراع دام اكثر من اسبوعين مع العرسه اللعينه قررت الانسحاب وماتت لوحدها داخل الصالون
الحكايه بعد ماجبت المقشه البلح ماجبتش اى نتيجه
من يومين كنت بسأل عن معطر كويس علشان الريحه الكريهة بتاعتها وعرفت ان معطر الشجره الامريكى هو افضل معطر
نزلت اشتريته وعلقته فى الصالون وقفلت العربيه
وامبارح وانا بفتح الباب لقيتها ملقاه على ارض الصالون ميته وريحة المعطر فايحه فى الصالون
بصراحه انا اندهشت معقول يكون المعطر خنقها
الله اعلم بس بصراحه فرحت جدا طبعا
ولو انى كان نفسى اقفشها عايشه علشان انتقم منها بطريقتى
لكن هى بقى انسحبت من الحياه وريحتنى من شرها
طبعا جبت كيس وشلتها ورميتها فى صندوق القمامه
وجبت زجاجة ديتول مطهر ورشيته فى الصالون علشان اتخلص من اى توابع ليها
اكيد كلكم هتفرحولى انى اخيرا خلصت منها
وبشكر كل الاخوه اللى ردو عليا سواء بالنصيحه او بالمواساه
وربنا مايوقعكم فى حاجه زى دى ابدا:10D5C8~1107:

[جمال]

اتضح ان هذه العرسة كانت السبب المباشر فيما حدث للمنتدى امس
والحمد لله بعد ان عاد المنتدى الى حالته الطبيعى , انتحرت
شكرا لك , ومبروووووووك التخلص من العرسه التى استهلكت 7 صفحات ( آسف 8 صفحات الآن ) من المنتدى
و ساهمت فى رفع تقييم العديد من الاعضاء

[أشرف فتحى]

الف مبروووووووووووك!!!!!!
الحمد لله على قد كده !
وكده يبقى ربنا نجا كل من منتدانا الغالى من الاعتداء الغاشم وكذلك سياره الاستاذ العزيز هاشم من العرسه ومخلفاتها !!!

[ihab]

الف مبروك يا استاذ هاشم
بس خلى بالك لا تكون موصية ورثتها و معرفاهم سكة العربية
و خلى بالك انه طبقا للقانون من حق الاقارب من الدرجة الاولى الاقامة بالعربية

[M.Mostafa80]

كل دا عشان عرسه ولاد لذينه العرس دول يخلوك تلف حولين نفسك بسبب ريحتهم الى مش حلوه يالا الله يرحمها كانت مقاسمه الراجل فى مشاويره بالبيتلز الجميله ويارب ماترجعش تانى عليك وعلى مراجعه كل الفتحات تانى بقى يأستاذ هاشم لحسن على رأى أيهاب تكون سايبه ورثه ليها ولا حاجه ههههههههههه
الموضوع ده جامد ويهلك من الضحك

[michohat]

متاكد يا استاذ هاشم انها ماتت
على العموم الف مبروك الجلاء وعقبالى يا رب ما اللى عندى ينجلوا