إزاى أخرج عرســة من صالون السيـــارة ؟

[ابوهاشم]

والله مش عارف اقولك ايه يا استاذ هاشم انت الوحيد اللى ادتنى امل فى الحياة اصل انا كمان للاسف عندى عرسه ومطلعة
عين اللى جابونى سيبك من الروايح والفضلات والحاجات دى كلها كفاية الروشة اللى الواحد فيها وهو سايق بيبقى خايف لا تطلع عليه مرة واحدة ومش عارف ساعتها حعمل ايه
بس انا العرسة بتاعتى عشرية جدا لانى رحت ركنت العربية فى مكان تانى اربع ايام واول مارجعت لمكانى لقيتها مشرفانى تانى يوم
ادعيلى ان انا كمان اخلص منها زيك والف مبروك

قلبى عندك والله
وحاسس بيك طبعا لانى مجرب بنفسى
على العموم جرب فعلا اى حاجه ليها ريحه تخنقها
لان هو ده الحل الوحيد
وحتى لو ماتت فى اى حته مستخبيه اهون من وجودها حيه
هى هتقرفك صحيح لكن بعد كده نظف العربيه
وربنا يعينك وتخلص منها ومن عذابها

[ahmad--ezzat]

يا جماعة انا قريت الموضوع كلة...والموضوع مش مستاهل..

حكاية مصيدة الفيران والحجات دى متاكولش مع العرسة خالص

انا راى يا استاذ هشام تروح الكار كير وتغسل العربية كويس وهما هناك هيطلعوهالك ويمكن يبقى فى 2 اصلا

بس هما غالين شوية لكن هيقلبولك العربية كلها

وقبل ما تغسلها تقولهم..

[ابوهاشم]

يا جماعة انا قريت الموضوع كلة...والموضوع مش مستاهل..

حكاية مصيدة الفيران والحجات دى متاكولش مع العرسة خالص

انا راى يا استاذ هشام تروح الكار كير وتغسل العربية كويس وهما هناك هيطلعوهالك ويمكن يبقى فى 2 اصلا

بس هما غالين شوية لكن هيقلبولك العربية كلها

وقبل ما تغسلها تقولهم..

من الواضح كده انك فعلا ماقريتش الموضوع كله فعلا

[Michael_Lanos]

ايه حكايه العرس ..... شكلها عمله هجوم على عربيات نايل موتورز ..... حد جرب الشييح ؟؟

[ahmad--ezzat]

من الواضح كده انك فعلا ماقريتش الموضوع كله فعلا

اة فعلا ..انا اسف يا استاذ هشام

بس معظم الردود يا ضحك يا كرومبو يا غيرو...

هو الموقف مضحك فعلا..بس تقريبا 80 فى من الردود ضحك

وانا قلت راى

بكرر اسفى