خلوا بالكو من الحركة دى"""""""

[pro_samir]

يا خوفي ليكونوا بيسوقوها من التوكيل في القاهره للمعرض في المنصوره !!!!

دة الطبيعى

انا اعرف واحد كان شغال فى معرض وبيحكى انهم كانو جايبين كام عربية اوكتافيا وراجعين بيها على الطريق ماشيين على 250 وعمال يتريق على اللى بيشترو العربيات ويطلعو يحسسو عليها على اساس انها لسة أول مرة تنزل على الأسفلت

[M.Osman]

دة الطبيعى

انا اعرف واحد كان شغال فى معرض وبيحكى انهم كانو جايبين كام عربية اوكتافيا وراجعين بيها على الطريق ماشيين على 250 وعمال يتريق على اللى بيشترو العربيات ويطلعو يحسسو عليها على اساس انها لسة أول مرة تنزل على الأسفلت

انا مرة شايف حوالي 12 عربية لانسر بومة ماشيين ورا بعض على طريق سريع و كلهم بالإستكر الأبيض و من غير نمر...

[shock]

انا استلمت العربية عاملة 150 كيلو
من الغلبان ولو حد بيروح ناحية منطقة
مقابر المسيحين ها تشوف عربيات زيرو
بيتعمل فيها شغل سمكرة والعربيات لسا
باللزق الابيض وبيركبه تاني
اكتر ناس بيجروا في المنصورة بتوع
معرض المصرية اللي عندنا وحتي
انتا بتفرج علي العربية عندهم بتحس
انها مستعملة مش زيرو

[نور العمر]

وعلى الامانة السلام

من غشنا فليس منا ... طب احنا من مين
سبحان الله

[badblood]

بصراحة لازم يروح هماية المستهلك ويعمل شكوى
يمكن تجيب نتيجة

[lancerevolution]

إعملهم داوشة مع شوية دعاية سلبية و متسكتش على حقك
و إبقى خد ميكانيكى معاك يفحص العربية

[A. Ibrahim]

انا عندي اشتري العربية و عاملة 100 200 ان شاء الله 100000 بس اكون عارف اصلها و فصلها و ماخدش حاجة علي عامايا و لكن الموضوع ده بيحصل كتير خصوصا مع غبور و برضه طبعا انتو عارفين ليه

[samcar]

قلنا اللى يشترى من غبور او معارض بتتعامل معاها يستحمل - الناس بتسترخص- خلاص - خليهم يشربوا

[mragh]

أنا حصل معايا نفس الموضوع وأنا بستلم عربية أختي الماتريكس، وكنت مضيت محضر الإستلام و بعدت عن المعرض يجي ٢٠٠ متر ، و حاولو يقنعوني إن ده موضوع عادي و ركبوا الفيشه ، بس أنا رفضت إستلام العربية واصريت على تغييرها و فعلاً بعدها بكام يوم جبولي عربية تانية.

[Dr.SherifMansy]

أنا حصل معايا نفس الموضوع وأنا بستلم عربية أختي الماتريكس، وكنت مضيت محضر الإستلام و بعدت عن المعرض يجي ٢٠٠ متر ، و حاولو يقنعوني إن ده موضوع عادي و ركبوا الفيشه ، بس أنا رفضت إستلام العربية واصريت على تغييرها و فعلاً بعدها بكام يوم جبولي عربية تانية.

ده الكلام المضبوط
ما تسكتش على حقك
و بعدين فعلا الكاوتش هايبان عليه لو العربية زيرو او اتمشى بيها شوية و حتى لو العداد ملعوب فيه
و ربنا يسترها معانا جميعا
و تحياتى

[Dr. Elsaadani]

طيب وهو صاحب العربية حيعرف ازاى ان العداد وصل ل 1000 كم مش العداد بايظ اصلا؟

[Islam Amer]

تبقي انته اكيد في مصر

[pharonicking]

اشمعنى الهيونداى اللى بيتعمل فيها الحركة دى؟

[Yarisawy]

انا كنت اعرف واحد شغال فى معرض فى مدينه نصر ... كانوا بيفصلوا العداد وبيجيبوا العربيات من اكتوبر او من اى حته ومش هيا دى المشكلة ... المشكلة ان اللى بيجيب العربيه بيبقى مفترى وقلبه طبعا مش على العربيه وبيقولى انهم بيفحتوا العربيه وبيجيبوا اقصى سرعه وكأنهم فى سبق لان كمان بيبقى مطلوب منه تسليم كذا عربيه فلازم يلحق يخلص ... مفيش بقى حوار التليين والكلام ده

طبا الغلط على اصحاب المعارض اللى عايزين يوفروا وخلاص دهحتى بيبقى مفيش عربيه كانت بتطلع وفيها بنزين الراجل كان لازم يسحب البنزين من اى عربيه طالعه ..يادوب بس العربيه تمشى بيها حته صغيره

[Mohamed.Fawzy]

كل المعارض بتعمل كده

:واحد صاحبى اشترى عربية نيو اكسنت زيرو عاملة 90 كيلو اكتشف بعد لما مشى بيها ان عداد السرعة مش شغال رجع للتوكيل قالوا له انهم حيصلحوها فى صيانة ال1000 كيلو "
وطبعا انتو عارفين هما فصلوا العداد ليه؟

كل ده طبيعى و عادى جدااااااااااا و كل المعارض بتعمل كده

يا باشا انا اشتريت عربيتى من معرض واحد قريبى وعند الأستلام فى المعرض لقيتوا بيقولى تحب ارجع لك فيشه العداد ولا تحب تمشى بيها كده شويه
انا استغربت جدا وقلتلوا رجعها وسألتوا انتو ليه بتعملوا كده فقاللى ان كل المعارض بتعمل كده لما بيستلموا العربيات من المصانع بيقصلوا العداد وهما سايقينها لغايه المعرض وساعات بيكون النقل من محافظه لمحافظه وبيرجعوه تانى فى المعرض علشان العربيه تبقى ماشيه كيلومتر قليل وقالى كل المعارض بلا استثناء بتعمل كده