كيف تهرب من رسوم تسجيل الشهرالعقاري

[Abonora]

الاخ صاحب الموضوع لم يكن موفق فى اختيار العنوان المناسب لموضوعة على الاطلاق -- لدرجة انى كنت فاكر انة بيتكلم عن حاجة -جديدة او غريبة وهو اكتشف طريقة للتهرب منها --ولكن بعد توضيح الاستاذ حفناوى --اعتقد ان ما يقصدة الاستاذ-صلحب الموضوع --هو --صحة توقيع وتحل محل التسجيل --وهذا ليس تهرب كما وصفة هو --ولكنة حل بديل وتكاليفة اقل --وتأخذ بة حكم من المحمكة --يعنى مش اختراع --شكراا للتوضيح يا استاذ محمود حفناوى--على فكرة والله العظيم انا اول مرة اعرف ان السيارات كمان لازم تتسجل--لان الاجراء اللى اسمة صحة توقيع دة عملتة فى شقتين قبل كدة---وواحد من المحامين اللى اتعاملت معهم كان شيخ او ى يعنى --مل فيهاش حرمانية --ولا فيها تهرب --

[خالد]

"ياأيها الذين امنوا أتقوا الله وقولوا قولاً سديداً يصلح لكم أعمالكم ويغفر لكم ذنوبكم ومن يطع الله ورسوله فقد فاز فوزاً عظيماً"

ياأخى هل أنت من داخلك مقتنع بأن هذا غير حرام ، أظن لا ، بالظبط مثل المحامى اللى عارف أن موكله قتل أو سرق ويكون القاتل أو السارق معترف بهذا أمام المحامى ويأخذ براءة من قتل نفس مثلاً ولا عقوبة عليه ، لا لشئ ألا لخطأ فى إجراءات الضبط مثلاً أو ثغرة فى القانون ينفذ منها ويحصل لموكله على البراءة ، وبالطبع فهو اثم مع القاتل ويفتكرها شطارة والناس هاتدعيله ، وأفعل ماشئت فكما تدين تدان ، أو كما قال صلى الله عليه وسلم - فيما معناه - الحلال بين والحرام بين ، وبينهما أمور مشتبهات فأدجتنبوا الشبهات صدق رسول الله صلى الله عليه وسلم

[خالد]

الأخ الفاضل الأستاذ / جنيدى

بالنسبة للى حضرتك بتقول عليه وعملته عند تسجيل الشقتين فده طبعاً إجراء قانونى سليم ولاغبار عليه ، لأن سعادتك كنت بتعمل إثبات لصحة توقيع الشخص اللى باعلك الشقة يعنى أمام الجهات الرسمية التوقيع مش مزور ( وأدى الجمل وأدى الجمال )
ولكن ماأثاره الأخ الفاضل بكيف تهرب من رسوم التسجيل بالشهر العقارى فشوف هوه والمحامى بيعملوا أيه وده كلامه " انت هترفع على نقسك قضيه تطلب فيها من نفسك انك تتملك العربيه يعني انت المدعي وانت المدعي عليه انت المدعي علشان معاك توكيل وانت المدعي عليه علشان انت اللي معاك العربيه المهم هيطلع ليك عقد صحه ونفاذ من المحكمه تاخد العقد وتوثق بيه "
يعنى عملية لف ودوران على القانون ، هل يعقل أنك ترفع على نفسك قضية !
الحلال بين والحرام بين

[جندى مجند]

يعنى عملية لف ودوران على القانون ، هل يعقل أنك ترفع على نفسك قضية !
الحلال بين والحرام بي

يا عم خالد القانون دة لا هو قرآن و لا سنة ... يبقى فين الحلال و الحرام هنا بقى؟ الاجراء دة هدفه اثبات ملكية السيارة و القاضى اللى فى المحكمة فاهم كويس ان البائع هو نفسه المشترى و رغم كدة حكم له عادى ما قاللوش انت بتتحايل أو بتلف و تدور و بعدين العربية ملك الراجل بالفعل ماسرقهاش و المحكمة كل اللى عملته انها اعطته مستند يثبت به اعتراف الدولة بملكيته للسيارة ... مش فاهم ايه الحرام فى الكلام دة كله؟؟؟؟؟

[baher]

أولا أنا أقبل ما اختار عنوان الموضوع فكرت كتير واختياري جاء من قناعه شخصيه بأن رسوم الشهر العقاري رسوم مبالغ فيها فعلى أي أساس يتم تحصيل 1% من قيمه العربيه وكنت أقصد بالهرب التخلص والفرار من ظلم الشهر العقاري ومبالغه المبالغ فيها ومع ذلك اعترف بأنه كان من الممكن اختيار عنوان أفضل.
ثانيا الأخوه اللي مازالوا بيتكلموا على أنه حرام أنا ليا عده اسئله اولا هل يعقل وانت مسافر الاسكندريه تدفع 2جنيه رسوم الخروج من القاهره وتدفع 2 جنيه رسوم دخول الاسكندريه وانت راجع تدفع تالت 2 جنيه الحروج من الاسكندريه وتدفع رابع2 جنيه دخول القاهره هل ده موش ظلم؟ وانت بتجدد الرخصه في مبلغ بيروح اصلا لطرق تحت بند استخدام الطريق يعني بتدفع مرتين مره لما تستخدم الطريق فعليا ومره لما تجدد الرخصه دي واحده.
الحاله التانيه حضرتك بتدفع ضريبه دخل ولما تيجي تشتري أي منتج تدفع ضريبه مبيعات يعني ضربيتين ليه ماتعرفش؟
الحاله التالته حضرتك تعرف سعر العربيات كام في ليبا وفي الخليج؟ حضرتك تعرف ان الكورلا في السعوديه ب42الف تقريبا يعني حوالي 65 الف مصري بالكتير وفي مصر بحوالي 115 يعني فرق اكتر من 45 الف داخلين خزينه الدوله جمارك وكمان موش عاجبهم فقرروا يزودوا 1% كمان.
الحاجه المهمه اللي عايز اقؤلها ان ده موش حرام والله أعلم لأنه موش نصب ويارت حد يقؤلي نصب على مين ؟ والأهم من كده انه لو ثغره زي ما بتقؤلوا كان المرور رفض التعامل بالعقد ده لكن اداره المرور بتتعامل بيه عادي يعني مافيش اوامر بمنعه او منع التعامل بيه يعني من الاخر المفروض يكتبوا في لائحه المرور اثبات ملكيه السياره بعقد مسجل في الشهر العقاري أو عقد صحه ونفاذ من المحكمه ولكن علشان يضللوا الناس ويغشوهم ويشغلوا الشهر العقاري اكتفوا بكلمه الشهر العقاري وتجاهلو عن عمد موضوع عقد الصحه والنفاذ وده لو موش اجراء قانوني ميه في الميه كان القاضي او وكيل النيابه رفض الدعوه ومرداش ينظر فيها والله أعلم.

[baher]

ولم اتلقى رد حتى الان على كلامي السابق

[Abonora]

اعتقد انة لا مجال للتعليق مرة اخرى-الافضل نغلق باب المناقشة فى هذا الموضوع --فلا جديد --

[ehabhoba]

يا اخوانى انا ليا رأي :

انا اشتريت عربية نوبيرا 2006 ودفعت رسوم تسجيل 1300 جنيه وده كان فى شهر 3/2007
وانا بصراحة مش شايف مبرر لدفع الرسوم دى وايه لزمتها ولا علشان انا قدرت اجيب عربية ياخدو منى اتاوة
وياريت تيجى على رسوم تسجيل السيارات بس لأ ده فى رسوم غريبة ملهاش لزمة (زى تنمية وموارد و ..... الخ)
كلها مسميات لاخذ فلوس الغلابة اللى زيينا وعلى فكرة الرسوم دى كل سنة بتتضاعف ..

وده برده مجرد رأى بدون تجريح لأحد

وشكراً

[mido]

يا ريت نغير اسم الموضوع
كيف تستفيد من القانون فى دفع رسوم تسجيل اقل

[vooooo]

طيب رسوم لاتسجيل دى عاليه
امال لما اتفاقيه الجات تتطبق و الجمارك تختفى الحكومه هتعمل ايه؟
استحاله تبقى الضرائب زى ماهى
اكيد هيبقى فيه تعقيد اكتر و رسوم كتير و رسوك جديده هتظهر
انا مش عايز اتكلم فى الموضوع ده علشان هيكبر قوى
بس زمان كانوا بيقولولنا من غشنا فليس منا..........................

[الريس]

أسئلة:
هل الراجل اشترى العربية ام لا
بقلوسه و لا ايه
ذهب لجهة حكومية و لا راح تحت بير السلم
اخد ورقة حكومية رسمية و لا ورقة لحمة
هل اخفى معلومة او ادعى زورا او دلس او كذب

بالله مين ليه عين يقول حرام
و ليه
بص للموضوع مثلا زي وسيلة ايسر للحصول على الحق
اللي هو حقى
و حقك

و الاستاذ اللي زعلان من ان احنا بنشتري عربيات غالية و مش عاوزين ندفع الف جنيه
يدفع هو
انا في المرة الجاية هاعمل بالنصيحة و هادعي للاستاذ الي دلنا على اجراء قـــــــــــــــــانـــــــــــــــونـــــــــــــ ــــــــــــــــــــــــــــــــي ارخص
و اللي زعلان ان ينزل تشريع يجرم ده قدام
احنا في النهاردة

ده رأيي

[شريف]

امال لما اتفاقيه الجات تتطبق و الجمارك تختفى الحكومه هتعمل ايه؟

اتفاقيه الجات مش هتلغى الجمارك لا دى هتساويها مع الدول اللى داخله اتفاقيه الجات
يعنى اوربا بره الموضوع ده(السوق الاوربيه المشتركه)
و اللى بيقارن بين الخليج ده حاجه تانيه احنا عمرنا مهنوصل للضريبه بتاعتهم 5%
المفروض المرحله الجايه من اتفاقيه الجات ان ال 2000 و اكتر هيقل بس مش هتبقى زى ال 1600

[خالد]

ياجماعة الموضوع ده قتل بحثاً ، مابين مؤيد ومعارض
ولاجديد
اللى مؤيد الموضوع يعمله ، واللى معارض مايعملوش
وأعتقد قفل باب المناقشة فيه أحسن ،حيث لاجديد

[baher]

للأسف حاولت اغير عنوان الموضوع ومعرفتش واشكر جدا كل الخوه اللي ساندوا وجه نظري والف شكر للجميع

[kimo]

السادة الاعضاء
اود اعرفكم حكاية حصلت لى فى الشهر العقارى ولكم الحكم على الموضوع ذهبت لاسجل عربيتى وادفع حق
الدولة زى ما البعض بييقول دفعت 900 ج وذهبت الى المرورللفحص اخبرت ان هناك رقم ناقص فى رقم الشاسية
ذهبت على الفور لالمرور اللى السيارة تابعة له وجبت شهادة بيانات لالتصحيح موجهة لالشهر العقارى وذهبت الى الشهر
العقارىوطلبت باضافة الرقم الناقص قالوا لى ادفع 250 ج كمان علشان نضيف الرقم 3 مع انى معداش علية 24 ساعة
مين اللى بياكل حق مين انتم تملكون سيارات اى شخص يعرف يخلص اجراءات التراخيص لها وخلافة بما يرضى الله
الناس يريدون ان تسلب اموالهم عجبت لذالك