لاهل اسكندرية فقط و اقوياء الملاحظة فقط

[atamim]

حد اخد بالة ان عين القط الى ركبوها على اسفلت نادى سموحة مكتوب عليها

made in UAE



للدرجة دى مش قادرين نصنع حته حديدة و بنستوردها كمان من دولة شقيقة

سامع واحد بيقول انت نزلت من العربية و حاولت تقرء الكتابة عليها؟

اقول منزلتش ولا حاجة دى مكتوبة بفونت 36 اى واحد اعمى ماشى حيشوف
made in UAE
و شكلهم كتوبها كدة علشان الناس كلها تعرف انهم بقوا يصنعوا كل حاجة دلوقتى للى عايز يشترى اى حاجة


وعمار يا مصر

[ضيف]

تقريباً في 2005 أو 2006 لاحظت الحكاية دي بس على قزايز كوكاكولا (125ml)
Made In Kuwait
معلش خرجت عن عنوان الموضوع , بس الموضوع ده فكرني .

[powerofhelll]

لا تعليق

[maka]

لسه كان فى ايدى باكو بسكوت من كام يوم مكتوب عليه مواد التغلفة ( صنع بلبنان)

و علب عصير جهينه مكتوب على الكرتونة صناعة السعودية

[Fadi Ezzat]

على فكرة احنا الى عملنا كدة فى بلدنا احنا لو اهتمينا شوية بيها هتهتم هيا بينا
هقولكم ازاى
انتو تروحو تشترو حاجة مثلا زى اتفة الحاجات كريم شعر
هيقولك عايزة اية
نفترض انك مش عارف اسماء
هيروح هو مديك حاجة تقوم انىت تبص تشوف كلمة مصرى تقولة لألألألألألألألألألألألألألأ
انا عايز حاجة مستوردة ونفس الكلام فى كل حاجة ملابس قطع غيار حتى الاقلام
فبلدنا بقيت مش عايزة تعمل حاجة لاننا احنا مابقناش ناخد منها حاجة
طيب هتصنع لمين حد يقدر يقولى
فلازم علشان كدة تلاقى كل حاجة مستوردة ومش هتلاقى حاجة مصرى تانى
لاننا احنا الى كسلنا الصناعة مش الصناعة الى كسلتنا

[kemo0o]

طيب بص الجديد برضه
عارفين طبعا الاشارات العاكسة اللي بتكون محطوطه على البلوكات اللي في الطرق (الفاصلة بين الطريقين) او اللي بتكون موجوده على جنب الطريق
انا نزلت من العربية كنت بعمل حاجة كده وببص عليها ---- لقيتها
saudi steel
made in ksa

[Abo.Omar]

على فكرة احنا الى عملنا كدة فى بلدنا احنا لو اهتمينا شوية بيها هتهتم هيا بينا
هقولكم ازاى
انتو تروحو تشترو حاجة مثلا زى اتفة الحاجات كريم شعر
هيقولك عايزة اية
نفترض انك مش عارف اسماء
هيروح هو مديك حاجة تقوم انىت تبص تشوف كلمة مصرى تقولة لألألألألألألألألألألألألألأ
انا عايز حاجة مستوردة ونفس الكلام فى كل حاجة ملابس قطع غيار حتى الاقلام
فبلدنا بقيت مش عايزة تعمل حاجة لاننا احنا مابقناش ناخد منها حاجة
طيب هتصنع لمين حد يقدر يقولى
فلازم علشان كدة تلاقى كل حاجة مستوردة ومش هتلاقى حاجة مصرى تانى
لاننا احنا الى كسلنا الصناعة مش الصناعة الى كسلتنا

يا باشا ماهو ادى العيش لخبازه يعنى معروف اوى اوى ان الحاجات المصرى بتبقى على قدها فالجوده مقارنه بالحاجات اللى بره( ملابس - مستحضرات تجميل - بعض الادويه - وحاجات تانيه كتييير )
فى حين ان فعلا فى حاجات مصرى تتفوق على حاجات مستورده ( القطن زمان - بعض الخضار والفاكهه " مش اللى بنشوفه دا طبعا دى محاصيل بتبقى مزروعه مخصوص وعارفه انها هاتتصدر " )
الخلاصه يا فادى باشا ان صناعه مصر فعلا على قدها فكل المجالات لقله الاستثمار والتطوير _ تكنولوجيا متأخره بالنسبه لبره وحاجه بجد تحزن ان طول ما العامل حاسس انه مش واخد حقه يبقى مش هايدى للى بيعمله او يصنعه حقه
ارجو تكون فهمت قصدى
واسف للاطاله

[dasboot]

على فكرة احنا الى عملنا كدة فى بلدنا احنا لو اهتمينا شوية بيها هتهتم هيا بينا
هقولكم ازاى
انتو تروحو تشترو حاجة مثلا زى اتفة الحاجات كريم شعر
هيقولك عايزة اية
نفترض انك مش عارف اسماء
هيروح هو مديك حاجة تقوم انىت تبص تشوف كلمة مصرى تقولة لألألألألألألألألألألألألألأ
انا عايز حاجة مستوردة ونفس الكلام فى كل حاجة ملابس قطع غيار حتى الاقلام
فبلدنا بقيت مش عايزة تعمل حاجة لاننا احنا مابقناش ناخد منها حاجة
طيب هتصنع لمين حد يقدر يقولى
فلازم علشان كدة تلاقى كل حاجة مستوردة ومش هتلاقى حاجة مصرى تانى
لاننا احنا الى كسلنا الصناعة مش الصناعة الى كسلتنا

كلامك مضبوط لكن بردو مينفعش نلوم نفسنا 100% علشان اي مصنع في العالم معروف انه لازم في الأول يحسن اداءه و بعد كده يستحمل خلسائر فتره او يعمل دعايه و حملات قويه لحد ما يعمل اسم و هنا هيبقي نجح

مش العكس, احنا إللي نجيب حاجه تعبانه و جودتها صفر و نستحمل المصنع لحد ما يكسب و يغتني و يشبع و يفيض عن حاجة صاحبه و يقول كفايه فلوس كده و يبدأ يطور

[wesam_salom]

احنا اللى عملنا كده فى البلد بنظام الجمارك العقيم

عملنا جمارك على السلع المستورده علشان نحمى المصانع

لدرجه ان المصانع اعتمدت على الاسعار ومش راضيه تطور منتجاتها علشان تنافس

دلوقتى خلاص بقى عندنا اقل صناعه فى الجوده واقل سعر علشان الجمارك بس

انما صناعه منافسه لاء

[Samah AbdAllah]

عيون القط دى بالذات مصيبة للسيارات

[M.Osman]

البلد الوحيدة اللي في العالم اللي بتحط عيون القط بعرض الطريق ... منهم لله .

على فكرة .. انت متحاملين اوي اوي على مصر .. مع ان الشارع المصري ملياااااان حاجات made in egypt ... عارفين اية هي ؟؟؟

المطبات

[ahmed k]

كل حاجة فى البلد مستوردة

[zocor742]

معلش ليا استفسار بسيط حضرتكم تقصدوا بعين القط المطبات الحديد الى بتركب جديد الى بتجيب اجل المساعدين والعفشة الى الحرمية بتفكها باليل وتروح تبعها وبعد كدة تتسيح مش كدة ولا انا الى مش معاكم فى الصورة

كمان بردو جودة الصناعة المصرية هى الى خلت المستهلك المصرى ميقربش منها ولا يبصلها اصلا ما هو فى اضعف الايمان مثال بسيط جدا لما اجى اشترى تى شرت مثلا وتيجى تقارن بين واحد مستورد وخاماتة وتقفيلة مفهاش غلطة وتيجى تمسك واحد تانى مصرى لا خامة ولا فية ريحة الاستيل وتقفيل زى الزفت ولو غسلتة بعد ما تلبسة تيجى تلبسة تانى تلاقية مقاس اخوك الصغير هتفكر تنزل تشترى مصرى تانى استحالة دة لو هتدفع ضعف ثمنة اربع مرات فى المستورد مش هتفكر فى المصرى تانى يمكن الحاجات المصرى المحترمة دلوقتى التوكيلات العالمية الى بتتصنع فى مصر ودة تقريبا فى معظم المنتجات فى مصر بأختلاف استخدامتها

[PoweRPassioN]

لكِ الله يا مصر !!

[kemo0o]

معلش ليا استفسار بسيط حضرتكم تقصدوا بعين القط المطبات الحديد الى بتركب جديد الى بتجيب اجل المساعدين والعفشة الى الحرمية بتفكها باليل وتروح تبعها وبعد كدة تتسيح مش كدة ولا انا الى مش معاكم فى الصورة

كمان بردو جودة الصناعة المصرية هى الى خلت المستهلك المصرى ميقربش منها ولا يبصلها اصلا ما هو فى اضعف الايمان مثال بسيط جدا لما اجى اشترى تى شرت مثلا وتيجى تقارن بين واحد مستورد وخاماتة وتقفيلة مفهاش غلطة وتيجى تمسك واحد تانى مصرى لا خامة ولا فية ريحة الاستيل وتقفيل زى الزفت ولو غسلتة بعد ما تلبسة تيجى تلبسة تانى تلاقية مقاس اخوك الصغير هتفكر تنزل تشترى مصرى تانى استحالة دة لو هتدفع ضعف ثمنة اربع مرات فى المستورد مش هتفكر فى المصرى تانى يمكن الحاجات المصرى المحترمة دلوقتى التوكيلات العالمية الى بتتصنع فى مصر ودة تقريبا فى معظم المنتجات فى مصر بأختلاف استخدامتها

مش المطبات الحديد ....

ان عارف العواكس اللي بتكون في الاسفلت !!!
هي دي بس هما بيحطوها بعرض الطريق