لاهل اسكندرية فقط و اقوياء الملاحظة فقط

[zocor742]

اها معلش اول مرة اعرف ان اسمها عين القطة ههههههههههه
الصراحة دى رخمة اوى لما بتعدى عاليها بالعربية حتى حتى دى مش عرفين نعملوها فى مصر ولا بنكسل ونستورد على طول

[Bossy_Fadl]

مش هاي بتكون قطع الحديد الصغيره المتركبة بالارض؟

طيب كيف مكتوب عليها بفونت 36؟؟؟؟؟؟

في حلقه مفقودة عندي

ياريت لو حد يفهمني

[TefaShoman]

لا تعليق غير :

عمار يا مصر

[MohaMed_Refaat]

هى يعنى جت على دى مكل حاجة فى البلد دية مستوردة احنا بقينا شعب مستهللك بطريقة بشعة نستهلك كل شى ولا ننتج اى شى
مصر خلاص بقالها 28 سنة مطبوق على نفسها لحد مقربت تتخنق وتموت فالطبيعى ان كل شئ يكون فى تراجع ..

[abou_ruqi]

طيب ومالوا لما نشتري إماراتي وكويتي وسعودي ؟ ما هي في بيتها ؟؟

ننمي اقتصاد اشقائنا العرب , فيعملوا شركات اكتر و يشغلوا عمالة مصرية منها يقضوا على البطالة بتاعتنا ومنه الفلوس ترجع في صورة مدخرات
مش أحسن ما نجيب من الدانمرك و نقف زي الـ... علشان ناخد فيزا على سفارتهم وناخد رفض وفي الأخر يرسموا رسولنا في راسه قنبلة ؟؟؟.

[adel1414]

لا حول ولا قوة الا بالله العلى العظيم

[ابو حسين]

كمان بردو جودة الصناعة المصرية هى الى خلت المستهلك المصرى ميقربش منها ولا يبصلها اصلا ما هو فى اضعف الايمان مثال بسيط جدا لما اجى اشترى تى شرت مثلا وتيجى تقارن بين واحد مستورد وخاماتة وتقفيلة مفهاش غلطة وتيجى تمسك واحد تانى مصرى لا خامة ولا فية ريحة الاستيل وتقفيل زى الزفت ولو غسلتة بعد ما تلبسة تيجى تلبسة تانى تلاقية مقاس اخوك الصغير هتفكر تنزل تشترى مصرى تانى استحالة دة لو هتدفع ضعف ثمنة اربع مرات فى المستورد مش هتفكر فى المصرى تانى يمكن الحاجات المصرى المحترمة دلوقتى التوكيلات العالمية الى بتتصنع فى مصر ودة تقريبا فى معظم المنتجات فى مصر بأختلاف استخدامتها

[MoOoD]

كل حاجه بقت صينى الحمد لله انهم إستوردوا حاجه غير الصينى
وبعدين كل الدول العربيه سبقتنا فى الصناعه والزراعه
دانا كنت بشترى ملح ...وبعد إستخدامى له فتره طلع مكتوب عليه ملح سعودى و الأكواب الزجاجيه بقت سعودى والعبوات الخاصه بالمشروبات الكانز من الإمارات وحجات كتير.
والمصرى النضيف معمول للتصدير والباقى بيكون تحت السلم
معديتش فارقه كتير بس الواحد يحمد ربنا انها من دوله عربيه .

[نور القمر]

ده حتى القلم الرصاص مصنوع بالامارات
والاحذية (( الشبشب)) صيني
على رأي المسلماني عجزنا حتى نصنع حتة شبشب

[جمال]

اغلب البسكوتات سعودى و لبنانى !!!!
فين قلعة بسكو مصر ؟؟؟

[Fadi Ezzat]

يا باشا ماهو ادى العيش لخبازه يعنى معروف اوى اوى ان الحاجات المصرى بتبقى على قدها فالجوده مقارنه بالحاجات اللى بره( ملابس - مستحضرات تجميل - بعض الادويه - وحاجات تانيه كتييير )
فى حين ان فعلا فى حاجات مصرى تتفوق على حاجات مستورده ( القطن زمان - بعض الخضار والفاكهه " مش اللى بنشوفه دا طبعا دى محاصيل بتبقى مزروعه مخصوص وعارفه انها هاتتصدر " )
الخلاصه يا فادى باشا ان صناعه مصر فعلا على قدها فكل المجالات لقله الاستثمار والتطوير _ تكنولوجيا متأخره بالنسبه لبره وحاجه بجد تحزن ان طول ما العامل حاسس انه مش واخد حقه يبقى مش هايدى للى بيعمله او يصنعه حقه
ارجو تكون فهمت قصدى
واسف للاطاله

كلامك مضبوط لكن بردو مينفعش نلوم نفسنا 100% علشان اي مصنع في العالم معروف انه لازم في الأول يحسن اداءه و بعد كده يستحمل خلسائر فتره او يعمل دعايه و حملات قويه لحد ما يعمل اسم و هنا هيبقي نجح

مش العكس, احنا إللي نجيب حاجه تعبانه و جودتها صفر و نستحمل المصنع لحد ما يكسب و يغتني و يشبع و يفيض عن حاجة صاحبه و يقول كفايه فلوس كده و يبدأ يطور

كلام بسيط جدا هقولهولكم
كل حاجة بتمنها
انت لو عايز المنتج المصرى بجودة الالمانى هتلاقى بجودتة بس بسعرة بردة
يعنى كل حاجة بتمنها

[badblood]

تقريباً في 2005 أو 2006 لاحظت الحكاية دي بس على قزايز كوكاكولا (125ml)
Made In Kuwait
معلش خرجت عن عنوان الموضوع , بس الموضوع ده فكرني .

+100000
في المطاعم وفي كمان منها امارتي وسعودي
احنا نايمين في العسل

[mohmd76]

على فكرة احنا الى عملنا كدة فى بلدنا احنا لو اهتمينا شوية بيها هتهتم هيا بينا
هقولكم ازاى
انتو تروحو تشترو حاجة مثلا زى اتفة الحاجات كريم شعر
هيقولك عايزة اية
نفترض انك مش عارف اسماء
هيروح هو مديك حاجة تقوم انىت تبص تشوف كلمة مصرى تقولة لألألألألألألألألألألألألألأ
انا عايز حاجة مستوردة ونفس الكلام فى كل حاجة ملابس قطع غيار حتى الاقلام
فبلدنا بقيت مش عايزة تعمل حاجة لاننا احنا مابقناش ناخد منها حاجة
طيب هتصنع لمين حد يقدر يقولى
فلازم علشان كدة تلاقى كل حاجة مستوردة ومش هتلاقى حاجة مصرى تانى
لاننا احنا الى كسلنا الصناعة مش الصناعة الى كسلتنا

عفوااعترض على هذا
الجهات المسئوله هى التى عملت فى البلد هذا وفى المستهلك وفى الصناعه بشكل عام

والدليل قادتنى المصادفة الى مصنع يصنع اجهزة منزليه والكترونيه التى نراها فى العتبه وش الموسكى ووجدت المصنع بدون لافته اعلان او حتى اسم المصنع والعلامة التجاريه يتم تغييرها باستمرار
المكونات يابانى وصينى وخطوط الانتاج صينيه الصنع وبعضها شرق اسيا
والكارثه ان المصنع معروف لدى الجهات المسئوله عن التصنيع؟؟؟
فكيف يكون مصنع بدون لافته او اسم او علامة تجاريه معروفه ......... السبب الهروب من الضرائب
2 الهروب من المستهلك
الهروب من الصيانه
الهروب من الرقابه
وووووو

[Eslam.Adly]

طب يا جماعة ماتيجى نفكر بطريقة ايجابية و بلاش كلمة (احنا) الى فى معظم اجابة كل عضو من الاعضاء الكرام
هو احنا الى عملنا كده الاجابة طبعا لا و 1000 لا المسؤلين هما طبعا الى عملو كدة مش احنا وموش ذنبنا اى حاجة كل واحد على كرسية عايز يطلع باى سبوبه ويمصلح على قفانا.
طب ايه الحل انا مش عارف.
....
...
..
.
بس انا بحاول افكر معاكم ان اقرب حل يبقى زى ما عملنا فى موضوع غلاء السيارات (حملة خلوها تصدى وموديلها يعدى) لازم يكون فى حاجة مشابها لكدة على كل المجالات التانية و ياريت ساعتها مانبصش على الفلوس(المادة يعنى) زى الحملة السابقة على السيارات(هاترخص ولا هاتغلى) تبقى بالعربى كدة شبة مقاطعة يعنى.

يانهار اسوخ الامارات ,الكويت والسعودية (ده اسمة اضمحلال)!!!!!!!!
والى يحب يضيف يضيف وينفس عن قلبه.

[dr_abooody]

علية العوض فينا