خبط شخص نصاب بسيارة

[joeyjeff77]

ياجماعه في موضه دلوقتي .ان واحد نصاب يرمي نفسه على العربيه و هي مهديه كده على نظام فيلم(دم الغزال).عشان يسترزق من ساعتك او يطلب منك تعويض.ليسه من فتره اتعملت مع واحد قريبي و قالوا له يتراضينا لنعميل محضر و قضيه!! المهم الي رما نفسه سليم و مافيهوش حاجه!!! بس فيه كدمه في رجله من الخبطه.لما قريبي رفض و راح القسم. الظابط قال له انا عارف انه نصاب بس الكدمه دي تعمل قضيه ولازم تراضيه. السوال ايه التصرف في موقف زي ده؟

[ehabbasha30]

لاحول ولا قوة الا بالله

حسبنا الله ونعم الوكيل

الناس دى مش عارفة ربنا .....

[jisso82]

معرفش بصراحة بس رأيى إن الناس ما تجريش و تبقى مركزة كويس فى الطريق و ربنا هو الحافظ من العالم اللبط دى

[joeyjeff77]

انا بس عايز اعرف لو اتحطينا في موقف زي ده نعمل ايه؟

[tarekaf78]

دا موقف منيل و للاسف احسن حل انك تدفع

[Rembrandt]

كان المفروض قريبك يكمل علية ويكسرلو رجلة خالص عشان ميعملهاش تانى للاسف الحركة دة بيعملوها خصوصا فى البنات او السيدات ولسة واحد كان عاملها مع والدتى

[abzoabzo]

ترضيه فى القسم وتصبر لما تطلع وتعدى عليه بالعربية مع اصحابك طبعا علشان الناس ده تتربى

مهى الحكةمة والشرطة مش فاضية وراها ناس غيرنا اكيد تحميهم من الغوغاء دول

[Samah AbdAllah]

لا حول ولا قوة الا بالله
لازم يدفع عشان يريح نفسه

[SeiffoZ]

يرفع عليه قضية إتلاف ممتلكات فى السيارة

[megamoudy]

بص ادام كده كده هتراضيييييييييييه وهتدفعله فلوس

يبقى تكسرله رجله او دراعه

[evoo90]

يعنى اللى بينتحروا دول وبيرموا نفسهم قدام العربيات ومات هيروحوا يقولوا للسواق تعالا نحبسك !!!!!!!!!
كلمه تعدى يعنى لازم حد يخسر ويتعرض للخطر
النصاب ده اتعدى على قريبك وعرض حياته للخطر افرض كان فرمل وعربيه جت لبست فيه من ورا ولا رمى يمين ولا شمال وجت عربيه خبطته
انا لو مكانه اقول للنصاب ده لو عايز ترفع قضيه ارفع وانا كمان هعملك قضيه تعدى واهمال وتعريض ارواح الناس للخطر وانت قولت ان الظابط قاله ده نصاب يعنى عارف انه نصب وشاهد على كده واكيد اى حد من مكان الخبطه يشهد على كده
انا لومكانه هعمل اكتر من كده شويه ممكن اقوم قايله تعالا اجيبلك فلوس واخطفه فى الشقه واعلمه الادب وبعدين امضيه على ورقه او ممكن البسه قضيه سرقه او تعدى
ده كله لأنى ما احبش حد يبتزنى او ينصب عليا قال راضيه قال !!!!

[Michael_Lanos]

نصاب وفيها قضيه كمان
كنت زودت شويه بنزين وخلصت عليه مش هاتفرق كتير
كلها 6 شهور مع ايقاف التنفيذ

[Ashraf_Ashraf]

والله ياجماعه هو موقف منيل بستين نيله واللى لاقدر الله يتحط فيه لازم يبقى اعصابه فى تلاجه والا هيروح فى داهيه
انا حصل لى الموقف ده وكنت فى الاسماعيليه وكنت فى وسط البلد منتظر القطار يعدى ولمحت واحد واقف على جنب بيبص على العربيات وشكله مبهدل معرفش ليه قلبى قلق منه المهم المزلقان فتح لمحته بيقرب من وراح رامى نفسه قدام العربيه( ومش حداقه منى لا والله دا ستر ربنا) كنت فى لحظه وانا شايفه بيقرب رميت شمال فجت رميته على الرفرف والباب وعمل نفسه وقع واتعور ويصوت
انا نزلت اكلته علقه والله مادريت انا بعمل ايه لغايه الناس ماشالوه ومشيت والكل بيقول دا نصاب وبيعملها كتير والمصيببه والله العظيم كان جنبى عربيه شرطه فيها ظابط ولا كانه شاف حاجه ومشى
ربنا يسترها معنا جميعا اهم حاجه ماتخفش او على الاقل ماتبينش انك خايف وعاوز تخلص دى ناس كلها بلاوى عاوزه قلب ميت
تخيلوه لو انا خفت ونزلت اطبب عليه وكلام من انت بخير والنبى وكده كان اتمسح بى الارض ولا روحنا القسم كنت بقيت مجرم ابن مجرمين طبعا

[joeyjeff77]

بجد الي زي دول يستاهلوا يداسوا

[JAM]

يا راجل انا كنت قلتله تعالى معايا اجيبلك الفلوس وأقوم واخده على البيت واديله ال 220 فولت فى لسانه وأخليه يكتب وصل أمانة على بياض وأخيرآ علشان مينساش اللى حصله منى أقوم معلم على وشه علامة محترمة...وابقة قابلنى لو نزل من بيتهم بعديها أساسآ