خبط شخص نصاب بسيارة

[elwad_crazy]

اول متشوف واحد زي ده عدي عليه ولو حتى تموته
هتطلع منها من غير اى مشكله موت خطا

وكمان الشرطه عارفه الناس دي يعنى مش هتظلم

[M.Mostafa80]

تخيلو بقى واحد معرفه حكالى موقف أبن لزينه
واحده عملتالموقف ده فى الناس دى ورمت نفسها قدام العربيه وجالها جزع فرجليها المهم الناس محترمه خدتها ودتها المستشفى وادولها فلوس فى الأخر تقلهم طب معلش وصولونى عشان خايفه ادوخ فى السكه ساكنه فين ياسيت القليوبيه يابنى راحو الشباب زى الورد يوصلوها المهم يمين فى شمال حته مقطوعه وملسمين وقلب ومع الدفاع عن النفس مات واحد والتانى أتشرح بالمطاوى لكن ربنا كتابله الحياه واتقلبت العربيه وراح شب زى الورد أنا من ساعه ماعرفت الموضوع ده وانا مخلى الأكترك معايا فى العربيه ولو واحد مات قدام العربيه هعدى عليه وأفرمه واخودلى 6 شهور مع أيقاف التنفيذ دا حاجه تقرف والله

[ainshouka]

نصاب وفيها قضيه كمان
كنت زودت شويه بنزين وخلصت عليه مش هاتفرق كتير
كلها 6 شهور مع ايقاف التنفيذ

على ضمانتك

[فادى محمد]

هو النصاب ده بيبقي عاوز لمه الناس عليه واحنا المصريين عاطفيين وكل واحد بكلمه وهتلاقي وسط الناس اللي مربط معاه ويتكلم في تعويض - المهم لو لا قدر الله اتعرضت للموقف ده هروح معاه قسم الشرطه بس اجد معايا شاهد ضد او اكتر ماروحش لوحدي ويتبلي عليا باصابته دي واتصل بناسي وحبايبي واما اني احبسه بتهمه النصب او اراضيه ويتنازل ولما يخرج اخطفه واقلبه في اللي خده مني وااكله علقه تمام بدام محدش خدلي حقي يبقي اخده بايدي .

[evoo90]

يا راجل انا كنت قلتله تعالى معايا اجيبلك الفلوس وأقوم واخده على البيت واديله ال 220 فولت فى لسانه وأخليه يكتب وصل أمانة على بياض وأخيرآ علشان مينساش اللى حصله منى أقوم معلم على وشه علامة محترمة...وابقة قابلنى لو نزل من بيتهم بعديها أساسآ

ماانا قلت كده
الظاهر ان مش لوحدى مجنون ههههههههههههه

[Michael_Lanos]

والله ياجماعه هو موقف منيل بستين نيله واللى لاقدر الله يتحط فيه لازم يبقى اعصابه فى تلاجه والا هيروح فى داهيه
انا حصل لى الموقف ده وكنت فى الاسماعيليه وكنت فى وسط البلد منتظر القطار يعدى ولمحت واحد واقف على جنب بيبص على العربيات وشكله مبهدل معرفش ليه قلبى قلق منه المهم المزلقان فتح لمحته بيقرب من وراح رامى نفسه قدام العربيه( ومش حداقه منى لا والله دا ستر ربنا) كنت فى لحظه وانا شايفه بيقرب رميت شمال فجت رميته على الرفرف والباب وعمل نفسه وقع واتعور ويصوت
انا نزلت اكلته علقه والله مادريت انا بعمل ايه لغايه الناس ماشالوه ومشيت والكل بيقول دا نصاب وبيعملها كتير والمصيببه والله العظيم كان جنبى عربيه شرطه فيها ظابط ولا كانه شاف حاجه ومشى
ربنا يسترها معنا جميعا اهم حاجه ماتخفش او على الاقل ماتبينش انك خايف وعاوز تخلص دى ناس كلها بلاوى عاوزه قلب ميت
تخيلوه لو انا خفت ونزلت اطبب عليه وكلام من انت بخير والنبى وكده كان اتمسح بى الارض ولا روحنا القسم كنت بقيت مجرم ابن مجرمين طبعا

يا باشا زمان كانت الشرطه فى خدمه الشعب .... دلوقتي مالهوش دعوه بيك .... مش فاضيلك

[Michael_Lanos]

تخيلو بقى واحد معرفه حكالى موقف أبن لزينه
واحده عملتالموقف ده فى الناس دى ورمت نفسها قدام العربيه وجالها جزع فرجليها المهم الناس محترمه خدتها ودتها المستشفى وادولها فلوس فى الأخر تقلهم طب معلش وصولونى عشان خايفه ادوخ فى السكه ساكنه فين ياسيت القليوبيه يابنى راحو الشباب زى الورد يوصلوها المهم يمين فى شمال حته مقطوعه وملسمين وقلب ومع الدفاع عن النفس مات واحد والتانى أتشرح بالمطاوى لكن ربنا كتابله الحياه واتقلبت العربيه وراح شب زى الورد أنا من ساعه ماعرفت الموضوع ده وانا مخلى الأكترك معايا فى العربيه ولو واحد مات قدام العربيه هعدى عليه وأفرمه واخودلى 6 شهور مع أيقاف التنفيذ دا حاجه تقرف والله

بصراحه الواحد بيخاف يقف لاي حد يطلب مساعده .... ولاد الحرام ما خلوش لولاد الحلال حاجه

على ضمانتك

يا باشا دوس انت بس وسيب الباقى على رجال الشرطه

[ahmedhilmy]

بص ادام كده كده هتراضيييييييييييه وهتدفعله فلوس

يبقى تكسرله رجله او دراعه

+111111

[YaSSerwIN]

حصلى نفس الموقف دة فى مزلقان عين شمس
بعدى المزلقان وطبعا ً ماشى واحدة واحدة ولقيت واحد بيعمل عبيط وجاي قصاد العربية من ناحية اليمين قال يعنى مش شايفنى وانا بعدى المهم مستنتش ان العربية تلمسه وقفت لقيتو جاى يقولى من ناحية الباب اليمين انت مش تحاسب انت كنت هاتخبطنى زوهلت من الى بيقولو
وانا بكلمه لقيت واحد جاى مادد ايديه من جنبى وبيشد الموبيل من على التابلوه لولا صاحبى الى جنبيا اخد باله منه
والله كان نفسى أجرى وراهم وأفرمهم

[shekosheko45]

شوف يا باشا انا رايي الشخصي انه لما يحصل حاجة زي كده انك اول ما تخبطه الخبطة البسيطة ديه تقوله اقف كده و متقلقش و اول ما يقف تسيبه و تركب عربيتتك و تمشي و لو حاول انه يعترضك انزل و اعمل معاه مشكلة و طلعه غلطان قدام الناس و سيبه و امشي ول و اعترضك تاني دوس عليه و ديته 200 جنيه غرامة القتل الخطاء انا مكنش ده رايي الا اني كتاكد انه بيستهيل و عاوز يرمي بلاه و عموما لو حط نفسه قدام العربية يبقي انتحار مش قتل و ربنا يسهل

[Bob2009]

ولا تدفع ولا حاجه هو نصاب يشرب من هبله ثم المفروض انه فيه شهود على الكلام ده يعنى المفروض ان هو الى غلطان والاهم من كل الكلام ده ان انا محصلش معايا حاجه زى دى غير مره واحده واحد نصاب برده كان عند كارفور الاسكندريه الى هو فى الطريق الصحراوى فى الاسكندريه انا ماشى عادى جدا مره واحده لقيت واحد ضرب المرايه برجله المرايه بقت 100 حته على شان كنت ماشى على 80 شوف قلبه جامد ازاى بس انا موقفتش لئنى لو كنت وقفت مش بيكون لوحده دول بيكونه معاهم ناس تانى ممكن يسرقوك ويسرقو الى معاك فى العربيه انما طالما انت مجبر على انك هتقف هروح القسم عادى جدا وبما ان الظابط عارف ان ده نصاب ما يسبت الكلام ده فى المحضر ويقول ان الراجل ده عمل كده كذا مره بدل ما يقول لصحبك يرضيه بحاجه ده كلام فارغ فعلان الامن هنا بقى واقع على الاخر وبقى كلام فارغ كله وبلد تيت

[emadkamel]

حصل نفس الموقف مع المدام وانا مسافر ... برضه واحد رمى نفسه على العربية من اليمين ومسحها بهدومة واترمى على الارض وهى تقريبا واقفه !! لما سابته ومشيت جرى وراها سواق تاكس وسواق ملاكى ووقفها وقعد يقولها حرام عليكى وهاتروحى فين من ربنا وكلام كده وهى بتحاول تفهمه انها ماجتش جنبة اصلا .... ماصدقوهاش غير لما لقوا الراجل جاى يجرى ويقول آه يا رجلى !!!! يعنى نصاب واهبل .... راحوا خلوها تعدى ونزلوا فيه ضرب

[Drift_Lover]

تمشي في الاجراءات وترفع عليه قضية نصب واحتيال... ةصدقني مش حيتابع لانه مش غاوي وجع قلب. واتعاب محامين ده عاوز يسترزق بنصبايه ولما يحس ان الموضوع دخل في الجد حيتنازل.

[M_Nabil]

هيه اصلا ديتها غرامة 100 جنية في الاخر وفى الاستئناف احتمال كبير تاخد براءة ده لو حد حاول يعمل صايع ويعمل محضر من الناس اللى بتستهبل دى وترمي نفسها بس الناس تقولك اشترى دماغى ولا ادخل في قضية ومحكمة ومحامى والقصة دى وادفع 2000 جنية وخلاص وراضيه بس لو حصلت معايا افتكر انه هيزعل منى جامد

[M.Osman]

انا رأيي الناس تسيب عربياتها او تبيعها و تبطل تركب عربيات خالص..!!
انت جايبين عربيات تتمنظروا بيها عالناس لية ؟
انتوا فاضيين ولا أية ؟
لا لا .. كفاية عربيات بقى ... و قضوها موتورجل ...

دي بقت حاجة تزهق .. ناس مقرفة ... و قلة أدب ... و قلة دين و ضمير .. كأن اللي معاه عربية لاقيها في الشارع او مامته اللي جايبهاله ... و بيغيرها كل عيد ميلاد مثلا. فطبعا لازم نعكنن عليه و نرمي نفسنا قدامه .. عشان ناخد منه فلوس.. ماهو لاقي الفلوس في الشارع!

حسبي الله و نعم الوكيل ...