لا تخفيض فى جمارك السيارات

[alisleman]

المشكلة حاجة واحدة ان الناس بتشترى وعارفة انها بيضحك عليها سواء فى العربية او فى قطع الغيار اللى فى التوكيل
يعنى كدة كدة لازم يكبروا فى الطرق ويعملوا توسيع لاننا بعد عشر سنين هتبقى السرعة القصوى فى القاهرة 30 كيلو ومعدل الحوادث هيزيد جدا بسبب الزحام الشديد

وعمرهم ابدا مايخفضوا الجمارك الا لو قابلتها زيادة فى اى حاجة تانية عشان يبقوا عملوا اللى احنا عايزينة وبردة حكموا الموضوع دة ,زى بالظبط كدة لما بيعملوا علاوة ويزودا المرتب وبعديها تلاقى كل حاجة بقى سعرها مرتفع جدا ,متهيالى الجمارك هاتبقى كدة بالظبط

عندك حق

[seaman]

فعلا فى تخفيض 10% على السيارات الاوربى وسنويا حتى 2019 بس مش حنحس بيه قوى من جشع التجار

[n_light]

معلش محدش يزعل من كلامي

احنا ليه بنتكلم كاننا مجبرين نشتري ؟؟؟؟

احنا فلوسنا في جيبنا سنة واتنين و تلاتة لحد ما تبقي العربية بالسعر اللي احنا عاوزينه

واللي معاه عربية يخليها سنتين كمان

واللي محتاج عربية يستحمل المستعمل شوية


لكن احنا ليه مستنين القرار منهم هما بمزاجهم .... يخفضوا او مش يخفضوا او حتي يزودوا الجمارك
هما احرار

لكن احنا كمان احرار نشتري او ما نشتريش

وعلي فكرة هنا في اسكندرية معارض عربيات كتير بقت بتقفل او بتشتغل نص يوم واصحابها باين عليهم تأثير السوق اللي واقف

وده مش ذنبنا ده ذنب الجشع والسرقة اللي المفروض مش نرضي بيها تاني

لكن حرام نرفع احنا الراية البيضا ونرضي بالامر الواقع

خليها تصدي وموديلها يعدي مش هتحقق هدفها الا بالنفس الطوووووووووويل

واحنا في المركز الاقوي لان قرار الشرا في ايدينا احنا

[amrico]

معلش محدش يزعل من كلامي

احنا ليه بنتكلم كاننا مجبرين نشتري ؟؟؟؟

احنا فلوسنا في جيبنا سنة واتنين و تلاتة لحد ما تبقي العربية بالسعر اللي احنا عاوزينه

واللي معاه عربية يخليها سنتين كمان

واللي محتاج عربية يستحمل المستعمل شوية


لكن احنا ليه مستنين القرار منهم هما بمزاجهم .... يخفضوا او مش يخفضوا او حتي يزودوا الجمارك
هما احرار

لكن احنا كمان احرار نشتري او ما نشتريش

وعلي فكرة هنا في اسكندرية معارض عربيات كتير بقت بتقفل او بتشتغل نص يوم واصحابها باين عليهم تأثير السوق اللي واقف

وده مش ذنبنا ده ذنب الجشع والسرقة اللي المفروض مش نرضي بيها تاني

لكن حرام نرفع احنا الراية البيضا ونرضي بالامر الواقع

خليها تصدي وموديلها يعدي مش هتحقق هدفها الا بالنفس الطوووووووووويل

واحنا في المركز الاقوي لان قرار الشرا في ايدينا احنا

ربنا يبارك في حضرتك

[n_light]

ربنا يبارك في حضرتك

اللهم امين


شكرا ليك

علي فكرة انا شايف اننا مش بنتسرق في العربيات بس
فيه حاجات كتير قوي اسعارها مبالغ فيها
وانا باحاول اقنع اللي حواليا اننا نقاطع اي حاجة نحس ان سعرها مبالغ فيه
والحمد لله بانجح علي قد ما اقدر
ماهو محدش بيحب يبقي بيتسرق وهو عارف
المشكلة الوحيدة في الاكل والشرب لانه صعب الاستغناء عنه

الوعي والصبر هو اول الطريق عشان ناخد حقنا

[tutankhamoun]

كل واحد بيفكر في مصلتحه هو فقط لا غير .
في أغلب الدول المحترمة و اللي فيها قوانين .....
بيشفوا المشاكل و حالوا يحلوها .
أحنا هنا في مصر كل واحد عايز يركب عربية و خلاص .

لا فيه مكان نمشي فيه بالعربيات .
و البنزين عمال يغلى و بنستورده من خارج مصر .
و ماشيين نبرطع في الشوارع و نموت بعض .
و محدش بيلاقي مكان يركن فيه و لا حتى يمشي فيه .

كل الدول اللي بيكون عندها مشاكل ....... بتقلل عدد العربيات أو بترفع الضرائب عليها علشان تخلي الناس تقلل استخدامها .
و أنا مع الوزير قلبا و قالبا و قرار صحيح 100 %
و لكن يجب موازاة القرار هذا بقرار آخر

بمنع البناء في المدن القديمة ......
و تزويد المدن القديمة و الجديدة بشبكة مواصلات جيدة و تلتزم بجودة معينة و مواعيد حتى يمكن للناس الأعتماد عليها .

و لكن أنا مع قرار تقليل الأستيراد من السيارات و رفع الضرائب على السيارات الحالية أو تثبت العدد إلى حد مُعين .

القاهرة خلاص ............. أتخنقت .........
المشوار اللي بيأخد عشرة دقائق ........ بيأخد دلوقتي ساعة و ساعة و نص .
و حرقة بنزين و تلويث بيئة و خناقات و تخلف .
اللهم أرحنا و أرفع مقتك و غضبك عنا و أهدنا و نور طرقنا و طريقة تفكيرنا يارب العالمين .

[blazer]

كل واحد بيفكر في مصلتحه هو فقط لا غير .
في أغلب الدول المحترمة و اللي فيها قوانين .....
بيشفوا المشاكل و حالوا يحلوها .
أحنا هنا في مصر كل واحد عايز يركب عربية و خلاص .

لا فيه مكان نمشي فيه بالعربيات .
و البنزين عمال يغلى و بنستورده من خارج مصر .
و ماشيين نبرطع في الشوارع و نموت بعض .
و محدش بيلاقي مكان يركن فيه و لا حتى يمشي فيه .

كل الدول اللي بيكون عندها مشاكل ....... بتقلل عدد العربيات أو بترفع الضرائب عليها علشان تخلي الناس تقلل استخدامها .
و أنا مع الوزير قلبا و قالبا و قرار صحيح 100 %
و لكن يجب موازاة القرار هذا بقرار آخر

بمنع البناء في المدن القديمة ......
و تزويد المدن القديمة و الجديدة بشبكة مواصلات جيدة و تلتزم بجودة معينة و مواعيد حتى يمكن للناس الأعتماد عليها .

و لكن أنا مع قرار تقليل الأستيراد من السيارات و رفع الضرائب على السيارات الحالية أو تثبت العدد إلى حد مُعين .

القاهرة خلاص ............. أتخنقت .........
المشوار اللي بيأخد عشرة دقائق ........ بيأخد دلوقتي ساعة و ساعة و نص .
و حرقة بنزين و تلويث بيئة و خناقات و تخلف .
اللهم أرحنا و أرفع مقتك و غضبك عنا و أهدنا و نور طرقنا و طريقة تفكيرنا يارب العالمين .

بصراحه انا مش مع حضرتك
ليه مش من حق المصريين انهم يبقوا زى اى شعب تانى
ليه بنتنازل عن حقوقنا
ليه مش من حق حضرتك انك تبقى زى المواطن السعودو و الكويتى و الامريكى
ليه ميبقاش عندك عربيه 1000ccعشان تروح بيها الشغل و عربيه تانيه 3600 عشان تسافر انت وعيلتك !
ليه انا مقدرش اشترى عربيه غير لما اقعد احوش 10 سنين و فى الاخر اروح اشترى عربيه منزوع منها كل المواصفات عشان انا مجبر على التعامل مع عدد محدود من انواع العربيات اللى التوكيلات فى مصر بيمصوا فلوسنا و يرمولنا فتات العربيات فى العالم ؟؟
احنا زى ما بندفع ضرايب للحكومه لازم الحكومه تبقى مسؤله عن انها ترصف الشوارع وتامن حركه السيارات
ومحدش يقولى هتبقى مكلفه الموضوع تكلفته اقل مما تتخيل
يعنى حضرتك انا قرأت ان الحكومه مخصصه 2 مليار جنيه عشان تجدد طريق اسكندريه الصحراوى و تعمله طريق دولى
شوف كام100 مليار بيتسرق كل سنه من البلد ؟!!
يبقى ليه احنا نبقى مضطرين نفضل زى ما احنا عشان خاطر ان مفيش طرق
الاولى ان الحكومه هى اللى تضغط على نفسها وتعدل الموازنه بما يسمح ببناء طرق جديده
ومادام هما عارفين ان مفيش طرق سايبنها لحد اما سنه 2010 تيجى عشان يتحججوا بلحجه دى
ارجو انك تكون متقبل كلامى يا اخى فى الله

[tutankhamoun]

بصراحه انا مش مع حضرتك
ليه مش من حق المصريين انهم يبقوا زى اى شعب تانى
ليه بنتنازل عن حقوقنا
ليه مش من حق حضرتك انك تبقى زى المواطن السعودو و الكويتى و الامريكى
ليه ميبقاش عندك عربيه 1000ccعشان تروح بيها الشغل و عربيه تانيه 3600 عشان تسافر انت وعيلتك !
ليه انا مقدرش اشترى عربيه غير لما اقعد احوش 10 سنين و فى الاخر اروح اشترى عربيه منزوع منها كل المواصفات عشان انا مجبر على التعامل مع عدد محدود من انواع العربيات اللى التوكيلات فى مصر بيمصوا فلوسنا و يرمولنا فتات العربيات فى العالم ؟؟
احنا زى ما بندفع ضرايب للحكومه لازم الحكومه تبقى مسؤله عن انها ترصف الشوارع وتامن حركه السيارات
ومحدش يقولى هتبقى مكلفه الموضوع تكلفته اقل مما تتخيل
يعنى حضرتك انا قرأت ان الحكومه مخصصه 2 مليار جنيه عشان تجدد طريق اسكندريه الصحراوى و تعمله طريق دولى
شوف كام100 مليار بيتسرق كل سنه من البلد ؟!!
يبقى ليه احنا نبقى مضطرين نفضل زى ما احنا عشان خاطر ان مفيش طرق
الاولى ان الحكومه هى اللى تضغط على نفسها وتعدل الموازنه بما يسمح ببناء طرق جديده
ومادام هما عارفين ان مفيش طرق سايبنها لحد اما سنه 2010 تيجى عشان يتحججوا بلحجه دى
ارجو انك تكون متقبل كلامى يا اخى فى الله :f_eyeb1[1]:

يا أخي الكريم أهلا بك و أنا متقبل كلامك و على عيني و رأسي من فوق .
بس تعالى نفكر في الموضوع بعيد عن كلمة حقوق و نفكر بعقلانية أو بطريقة عملية أكتر .

أولا مينفعش نقارن نفسنا بالخليج .... علشان معندهومش الأزمة اللي عندنا من
كثافة سكانية عالية ....... و تكدس سكاني ...... و ارتفاع أسعار المحروقات البترولية .

و أمريكا عندها ضرائب عالية على السيارات و ضرائب عالية جدا ( ضرائب استخدام و ليس ضرائب شراء )
ضرائب تقطم الوسط ....... و لذلكك ناس كتير هناك مش بتشتري عربيات علشان السبب ده .
و كمان بالاضافة لكل ده أمريكا و الخليج من أكبر منتجي البترول في العالم ....... و طرهم واسعة جدا و معندهومش كما أسلفت ......... تكدس سكاني .

المهم .......
تعالى نبص لظروف مصر .
80 مليون نسمة ...... عايشين على 4 % من مساحة البلد الأجمالية .
و 96 % .... الباقية صحراء جرداء لا زرع بها و لا ماء .و صعب الذهاب إليها في يوم و ليلة و ستأخذ سنين طويلة في الأستصلاح و جعلها مكان مناسب لحياة البني آدم .
الحاجة التانية .أحنا بنزيد بمعدل كبير على نفس حيز الأرض و بالتالي اختناق حتمي .
الحاجة الثالثة معدل أستهلاكنا للبترول و الموارد الطبيعي بيزيد و لا يزيد معه معدل انتاج البترول بل بالعكس أصبحنا نستورد بنزين من الدول المجاورة لأن البترول المصري مش من النوعية الجيدة و المشتقات الخفيفة فيه قليلة .

تعالى بقى نتكلم بطريقة عملية على أرض الواقع من الناحية المرورية .
أغلب الأحياء في القاهرة بالذات ( اللي هي 3/4 السوق المصري ) ..... مختنقة عن آخرها و الناس مش بتلاقي مكان تركن فيه و الخناقات للصبح و الناس دلوقتي بتعمل سلاسل و حجارة براميل علشان تحجز مكان تركن فيه .
و كمان أغلب الناس معندهاش عربيات .!!!
طيب لما الكل يكون عنده عربية هانعمل أيه في بعض ؟؟
كل واحد هايجيب مسدس و يقف في الشارع يحرس المكان الخاص بالركن ؟؟؟؟؟؟؟؟
ناهيك عن الأزمة المرورية و التخلف اللي أحنا عايشين فيه و الهمجية في السواقة .......
تخيل بقى الموقف أكتر لما يبقى فيه كمان أد عشرة مليون عربية زيادة على العدد اللي موجود ......
لأن معدل البيع بعد نقصان الجمارك هايزيد !!!!!!!
و كمان تخيل أسعار البنزين هاتوصل لغاية فين لما الحكومة تبدأ توقف الدعم على البنزين بسبب الزيادة المتلاحقة على الأستهلاك ؟؟؟؟؟؟؟؟؟؟


سؤال تاني
ليه في سويسرا و فنلندا و دول شمال أوروبا الناس مش بتقول أن من حقنا يبقى عندنا عربيات ؟؟؟؟؟؟؟؟؟؟؟؟؟؟؟

أنامعاك أن فيه هناك وسائل مواصلات ممتازة .
بس برضه هما معندوهمش زيادة سكانية أكبر من الأنتاج السنوي ......

و بالتالي كل العوامل متوافرة للتقدم و الراحة و التحضر .

أحنا هنا كل واحد بيفكر في نفسه و بس ....
و أي مشكلة ......... مفيش غير شماعة الحكومة
مع أن الحكومة يعني مش نزيهة 100 % و مش منظمة 100 %
و لكن البلد مش حكومة بس

الزبالة الي بتترمي من العربيات و تلاقيها طايرة عليك مش بسبب الحكومة ........ ( مثال بس )
و الناس اللي بتخلف عيال كتير و بعدين ميقدروش يصرفوا عليهم برضه مش بسبب الحكومة .....

و لو أن الحكومة سلبية في حاجات تانية كتيرة زي أنها سايبة الناس تعمل اللي هي عايزاه من غير عقاب و من غير وجود نظام حتى أصبحت حالة مصر
مرض مستعصي صعب علاجه في وقت قصير .

شوف طريقة الناس في السواقة ...............
شوف أسلوب الناس في النظافة ... مفيش أصلا ...


طولت عليك و أتكلمت في كذا حاجة بس علشان كل حاجة مرتبطة ببعضها .



ملحوظة تانية
أنا عن نفسي بأسيب العربية أحيانا كثيرة خصوصا لما بكون رايح مكان زحمة و بأركب مواصلات عادي جدا .زيي زي الناس اللي مش معاه عربية .
لأن العربية وسيلة مواصلات مش حق من الحقوق .

[amrico]

استاذ blazer و استاذ Tut كلام حضراتكم جميل وبصراحة المفروض ميكونش في اختلاف في وجهات النظر بينكم
الحكومة عليها دور والشعب عليه دور
الحكومة دورها تتوسع ودا لازم
والشعب عليه دور انه يساعد في اطالة عمر الممتلكات العامة ويبطل همجية وبالتالي بدل مالحكومة تصلح طريق موجود باظ عشان سوء استخدام ممكن تعمل طريق جديد بنفس الفلوس

وبعترف ان الموضوع مش سهل انه يتحل في قعده و ان الموضوع كبيييييير جدا
يارب مصر ترجع لقيمتها اللي تستحقها

استاذ توت جامد جدا موضوع اللي بيرموا زبالة دول
فعلا كل واحد بعبر عن سلوكة الشخصي

كان في فترة كنت شغال في مصر وكان راكب معايا في العربية واحد انجليزي وريس عمال مصري (طبعا اسمه الحاج فلان)
المهم عمك الحاج كان بيشرب مية ولما خلص فتح الشباك عشان يرمي الزجاجة في الشارع
الراجل الانجليزي مسك ايده وقاله بلدكم مليانه زبالة كفاية في الشوارع بلاش تزودها انت، وكان جاد جدا
وبعدين طلع كيس بلاستيك وطلب منه يحط زبالته فيه
طبعا بقينا انا وعم الحاج في نص هدومنا رغم اني والله عمري مابعمل كدا بس اهم انطباع متاخد عن المصريين كلهم

[blazer]

انا متفق معاك جدا
وفاهم قصدك كويس جدا
انا كمان اوقات كتييير بركب مواصلات بلذات لو عارف انى هروح ملاقيش مكان اركن فيه
او ان المواصلات اريح لى من السواقه
انما انا مش عاوز يكون سبب عدم شرائنا للسيارات هى الحكومه
اللى مش عاوز يجيب عربيه يكون قرار داخلى مش مغصوب عليه
و بلنسبه للزحمه و اماكن الركن
ممكن الحكومه تشيل الجمارك و تعمل اكتر من حجه تحد من انتشار العربيات فى مصر
1-ان العربيات تتكهن بعد فتره 20 -15 سنه من استعمالها بدون اعطاء تعويضات(مش لازاما على الحكومه انها تدى تعويضات للناس على عربياتهم الخربانه)بس يدوا تعويضات فى اول مره يتم فيها التكهين
2-اى حد يشترى عربيه ملزم بانه يوجد مكان لركن سيارته فيه والتاكد من انه هيركن فيه (مش روح يجيب مكان فى الفلاحين و يقول انا هركن هناك)
3-رفع سعر البنزين بنسبه 50% مثلا او ما يتفق عليه
4-منع السيارات من السير فى بعض الشوارع والميداين المزدحمه وايجاد طرق بديله لها
5- بناء جراج عمومى لكل 1كم مربع مثلا
وانا عن نفسى لو اتفتح موضوع الجمارك مش ناوى اشترى 10 عربيات واركنهم و اقعد اتفرج عليهم
بس كل واحد يجيب احتياجته الفعليه (انا نفسى والله فى مرسيدس سمارت عشان هى القاهره مينفعش معاها غير العربيه دى )
وارجع واقول لو كان فىه تخطيط فى بلدنا مكناش قولنا الكلام دا

[SAMEH_FOUAD]

لو كل واحد راح مكان وعارف كويس جدا انة مش هيحتاج العربية ومش لازم ياخدها هتلاقى البلد خفت شوية من الزحمة ,لكن الناس بتاخد العربية فى اى ظرف وفى اى مكان ,
انا عن نفسى ممكن اتمشى لو عارف ان المشوار دة مثلا بالمشى 1/2 ساعة يبقى حلو جدا ,ومش لازم اخد العربية ,كفاية عليا اروح بيها الشغل ,ولو حبيت اخرج يوم اخر الاسبوع ,انا دة تعاملى مع العربية ,لو الناس كلها عملت كدة هتلاقى البلد هديت اوى ,لكن الناس بتخرج كل يوم ,شباب بتفضل تلف بالعربية من غير داعى ,انتظار خاطىء فى اماكن ماينفعش حد يقف فيها ,كل دة خلى البلد زحمة,للاسف الغالبية العظمى من سكان مصر مهملين جدا ,وبجد بحس ان المصريين دول اشخاص همجية جدا ,عايشين بس لنفسهم مش لاى حد تانى ,ياجماعة احنا شعب غريب جدا جدا ماتعرفش هو عايز اية ,وشعب استهلاكى من الدرجة الاولى ودية كارثة لوحديها لان احسن حاجة ممكن يعملها الشعب دة انة ياكل ويركب ويتمنظر غير كدة ماتلاقيش
معلش اذا كنت خرجت عن الموضوع شوية بس هية دية الحقيقة
وصدقونى لو الجمارك اتخفضت من غير اى تعديل فى حاجة تانية ,هتلاقى مصر دية بقت جراج للسيارات فى كل مكان ,الناس معاها فلوس ,واللى معاهوش فلوس بيحوش عشان يشترى عربية واتنين وتلاتة ,ودة كلة بسبب زحمة المواصلات وتاخيرها
يعنى الجمارك هاتتخفض من هنا ومش هاتعرف تستمتع بالعربية اللى انت جايبها مهما كانت خلاص الشوارع بدات تتزحم ومافيش فرق بين بليل والنهار كلة زحمة حتى الساعة 4 الفجر تلاقى بردة الشوارع زحمة بالعكس الاول كانت اول لما تيجى 12 بليل تلاقى الدنيا فضيت

[ainshouka]

ياجماعة هذا الشعب المتسيب والمهمل كان فى يوم من الايام شعب صبور وعلى اخلاق وكثيرا ماكانت موجودة فى فترة الاربعينات وأوائل الخمسينات

يعنى معنى كده ان مش الشعب اتولد كده بس فيه حاجات هى التى جعلته بهذا الشكل اقلها عندما لايذهب الحق لأهله وايضا عندما لا تجد ان الرجل المناسب فى المكان المناسب والكوسة والواسطة والمحسوبية هى التى جعلته يلجا الى الفهلوة وينطبع ذلك جليا فى الشوارع

ثانيا هذا الشعب الاستهلاكى من الدرجة الاولى فهى تعود الى فئة من معها الكثير من الاموال والتى اتت بدون تعب او ارهاق مثل حال بعض رجال الاعمال الذين ظهروا على الساحة الان ومن على شاكلتهم

اذا فلا يوجد لمعنى ان هذا شعب استهلاكى
فانظر الى كم المصانع التى اغلقت والتى كانت فى يوم من الايام فى اوج عظمتها وقمة انتاجيتها
انظر الى كم الشباب الخريجين وكم يملأهم طاقة العمل وانهم يريدون ان ينحتوا فى الصخر فلا يجدون لابسط سبب انهم ليس معهم واسطة هل هذا عيب الحكومة ام عيب شعب


حينما يكون اغلب مانستورده هو للاستهلاك اليس هذا هو عيب الحكومة التى لاتنشئ المصانع للانتاج ام هو خطأ شعب

وحتى ان اقامت الحكومة مشروعات للشباب لا نجدها حتى لاعانة الشباب بل للسرقه والنهب ويظهر ذلك فى مشروع (ابنى بيتك) والتى جاءت ليستفيد منها قلة من (الأثرياء) هل هذا عيب حكومة ام عيب شعب

تخطيط المدن والشوارع بها هل هو مسؤلية حكومة ام مسؤلية شعب

المدن الجديدة الان التى بنيت والعمارات الشاهقة والتى يتم تأجير الجراجات فيها لمحلات تجارية لكى تصبح فى يوم من الايام صورة من القاهرة وسكوت الحكومة عن ذلك دون اتخاذ اى اجراءات مسؤلية من هذا حكومة ام شعب

والان بعد كل هذا التسيب والاهمال وتكاسل الحكومة عن اداء ماعليها حتى اصبحت الشوارع بهذا الشكل والشعب بهذه الاخلاقيات ثم اريد ان اشترى سيارة اجد انه مينفعش اشتريها الا غالية عشان هذا الشعب بأخلاقياته وانحطاطه ميعرفش يشتريها عشان لو اشترى حيسبب ازمة فى الشوارع يبقى كأنى بقول للشعب ادفع ثمن اخطاء الحكومة واشترى غالى وكمان فى عربيات متستاهلش كل هذه القيمة

كانى بالظبط بقول للناس اللى بتروح القاهرة عشان تشتغل لو سمحتوا متروحوش عشان انتوا حتعملوا ازمة فى القاهرة طب لما يكون القاهرة مصممة بطريقة مركزية وكل الشغل مش موجود غير فيها يبقى يعمل ايه

انا ممكن اوافق ان الاسعار تكون غالية ( اى ان يتنازل الشعب عن حقه فى امتلاك سيارة بسعر مناسب)
فى حالة واحدة فقط لاغير عندما اجد ان الحكومة تفعل ذلك كوضع مؤقت حتى يكون امامها فرصة لاصلاح ما تقوم بافساده ساعتها بس الواحد ممكن يتنازل

لكن الحكومة طبعا من خبرتنا عارفينها انها مبتعملش حاجة الا لما ينضغط عليها فخلى السيارات اسعارها تنزل وخلى الناس تشترى ساعتها حتلاقى فى شغل حكومى بجد عشان تحل الازمة ولو انى شاكك فى دا برضه

[tutankhamoun]

يا جماعة هي الناس بتتكلم عن السيارات و عن أنها حق من الحقوق .
السيارة وسيلة مواصلات ...... و ليست حق دستوري لكل مواطن كما يظن البعض .
الحكومة مسئولة عن توفير وسيلة مواصلات أياً كانت .
وسيلة خاصة ( يتحمل صاحبها تكاليف تشغيلها و ضرائبها )
أو وسيلة عامة ( و بتتحمل الحكومة توفيرها بسعر مناسب لكافة طبقات الشعب )


إنما أنا مش شايف أن السيارة حق دستوري من حقوق المواطن أبداً

طيب في سويسرا و بلدان أوروبا الشمالية
فيه ضرائب عالية جدا على السيارات هناك علشان التلوث و أسعار البنزين المرتفعة

أشمعنى الناس مش بتقول حق للمواطن ..........

لو كل سلعة شرائها أصبح حق من الحقوق
يبقى التليفزيون حق من الحقوق الدستورية للمواطن كجهاز ترفيهي .
الكمبيوتر حق من الحقوق للمواطن كجهاز متعدد الأغراض .
الهاتف المحمول و الثابت حق من حقوق المواطن كوسيلة للأتصال ...

دي يا جماعة وسائل ....... و ليست حقوق .
لو تم توافر الوسيلة بطريقة معينة كالمواصلات العامة مثلا ...... يبقى الحكومة ادت دورها في توفير الوسيلة للمواطن ........ و هكذا .

إنما أمتلاك الوسيلة لا أراه حق من الحقوق ما دامت الحكومة وفرت الوسيلة بالطريقة المناسبة و ما يتناسب مع مدخلات البلد الأقتصادية و السياسية .

يعني الدول اللي البترول فيها غالي و شحيح الوجود ...
لا أظن ان السيارة حق من الحقوق في هذه الدول .
في الدول التي تعاني من الأزمات المرورية و البترولية معا
لا أظن أن السيارة حق من الحقوق .
و هكذا .............

مع أعترافي بتقصير الحكومة في بعض الأوجهة ....... و تقصير الشعب و سلبيته في أوجهة كثيرة .

[ainshouka]

انا متفق مع حضرتك استاذ Tut على كل ما قلته فعلا

دي يا جماعة وسائل ....... و ليست حقوق .
لو تم توافر الوسيلة بطريقة معينة كالمواصلات العامة مثلا ...... يبقى الحكومة ادت دورها في توفير الوسيلة للمواطن ........ و هكذا .

إنما أمتلاك الوسيلة لا أراه حق من الحقوق ما دامت الحكومة وفرت الوسيلة بالطريقة المناسبة و ما يتناسب مع مدخلات البلد الأقتصادية و السياسية .

الكلمتين دول جابوا من الاخر كل اللى انا عاوز اقوله

وطالما ان الحكومة عاجزة عن توفير وسيلة مواصلات محترمة وتحترم ءآدميتى ولا تعاملنى مثل البهايم ( ولو انى بحسدهم لانى بشوفهم وهما راكبين العربية بيركبوهم على راحتهم ومريحينهم ومظبطنلهم فارشتهم ) اذا فان السيارة فى هذه الحالة تعتبر من حق المواطن حتى يستطيع ان يقضى مصالحه

وانا مقصدتش بانها حق للشعب من اجل ان يلهو بها او يأمرك بها ولكن انا اتكلم عن الفئات من الشعب التى تريد امتلاك سيارة بجد لتريحها من عناء المواصلات وهى فئة كبيرة جدا

ولكن ما اعترض عليه هو طريقة الحل وهى ان ارفع السعر حتى اقلل من طلب الشراء اذا فلماذا لا نبحث عن بديل اخر وهى ايضا سهلة التطبيق ومش محتاجة توسيع شوارع حتى(على المدى القريب) تحسين القطارات وتنفيذ سلطة القانون على الميكروباصات اذا تحقق هذا فسيقل عدد السيارات فى الشوارع

وعلى المدى البعيد لماذا لانلجا الى سيارات تعمل بالغاز ونطور فيها حتى تتحمل ماكينة السيارة العمل بالغاز ويوجد السولار لماذا لا يطور ايضا لتقليل مشكلاته او السيارة بالطاقة المتجددة

اذا انخفض سعر السيارات فسوف استطيع ان اشترى سيارة صغيرة اقضى بها جميع مشاويرى ولن اضطر الى شراء سيارة كبيرة
لكن السبب الذى يجعلنا نشترى سيارة كبيرة(1600 سى سى) لانها تكون فرصة واحدة للشراء فتحاول ان توفر كل المتطلبات التى تريدها فى ان تكون عائلية وهكذا........ لان اسعار السيارات غالية واصغر سيارة سعرها كام دلوقتى ( 1100 سى سى ) فاللى يخلينى اشترى سيارة صغيرة ب45 الف احط عليهم 20 الف واجيب واحدة كبيرة عشان انا عندى عائلة مثلا حتى لو استخدامها للتنقل بالعائلة قليل ولكن لانها فرصة واحدة فاضيف خيار العائلة عند شرائى للسيارة

يعنى الغلو لوحده بيعمل ازمة ممكن ان تحل لو السعر نزل

مع أعترافي بتقصير الحكومة في بعض الأوجهة ....... و تقصير الشعب و سلبيته في أوجهة كثيرة .

وحتة تقصير الشعب دى فعلا انا متفق معاك فيها
سئل الامام الحسن البصرى يوما عن جور الحكام فقال ( إنما حكامكم من اعمالكم ان احسنتم احسنوا وان اسأتم أساءوا)
وقال على رضى الله عنه ( على ما اتذكر) للناس ذات يوما ( أتريدون حاكما مثل عمر كونوا انتم كرعية عمر )

وتحياتى للجميع

[powersha]

لا يجماعه هو انا قريت ان فى هيتم تنفيز تخفيض الجمارك على السيارات القادمه من اوربا بنسبه 10%