دراسة تطبيق مشروع التاكسي الجديد على "الملاكي"!

[abdelmessih67]

طيب و لو العربية قديمة و موديل الثمانينات بس حالتها كويسة و محافظ عليها و مابتعطلش و مافيش منها أنبعاثات عادم و ماشية في الشارع زيها زي الجديدة , حد له عندي حاجة ؟؟؟

و بعدين أي هيا المواصفات دي ؟؟ ياريت يقولوا لنا عليها بالمرة ؟؟

أهلا يا أخ كورالسي

أنا يهيئ لي القانون سيخرد السيارت القديمة قبل سنة 1980 يعني عربيات الثمانينيات ستظل كما هي و لكن هذا لا يمنع ان هناك عربيات من السبعينيات بحالة جيدة جدا و لكن رد الحكومة سهل جدا : الحالة لا تصلح .

أما عن المواصفات فهي سمك لبن تمر هندي .

لو في مصلحة التجار تخريد سيارات السبعينيات و ما قبلها سيحدث دون ابداء سبب منطقي و اسهل شئ يتم وقف استيراد ( غير معلن ) لقطع غيارها و صاحبها يدوخ السبع دوخات علشان مسمار و لا صامولة يشتريها .

تماما زي ما أسعار الاتوبيسات زادت من 10 قروش لربع جنيه أيامها قالوا أن الخطوط التي تبدأ ب 900 ستكون بربع جنيه و لا زيادة في تعريفة الركوب لباقي الاتوبيسات , بعد كام شهر بقينا نقف على المحطة مدة طويلة و لا نجد الاتوبيس أبو عشرة قروش و كله بربع جنيه حتى أصبحت كل الاتوبيسات بربع جنيه و نفس الشئ الآن بعد زيادة التعريفة ل 50 قرش .

نفس الشئ : لا زيادة في اسعار البنزين 80 و بعد شوية تدوخ عليه ما تلاقيهوش .

الآن : تخريد الملاكي قبل 1980 يا أما سيتم بطريقة مستترة عن طريق وقف استيراد قطع غياره و تدوخ عليها لحد ما تلاقي من الافضل انك تبيعها بيدي لا بيد عمرو

يا أما يقوللك تعمل احلال و تجديد تبع المشروع القومي أو تبيعها بمعرفتك لاي تاجر خردة و تشتري مستعمل بعد سنة 1980

[abdelmessih67]

وانا مش ضليع قانونياً بس بتكلم بالمفهوم العام للقضية

ما دمت دفعت قيمة الترخيص يصبح الترخيص جزء لا يتجزأ من قيمة المركبة ولا الدولة بتعطي التراخيص دي بحق الاستغلال فقط

وفي كل الاحوال اعتقد لو الدولة بطريقة ما تمنع صاحب المالك من استغلال ملكه باختراع قانون غير مناسب لحالة البلد فسيكون نوع من التعدي عليه لان المالك لا حول له ولا قوة

أهلا يا أخ شانكوسي , الترخيص يجدد كل سنة برسوم معينة أذا فهو ملك للدولة و تستطيع ان تمتنع عن أصداره دون ان يخل ذلك بحقك في ملكية السيارة .

أنا ذكرت مثال عن الاراضي بأعتباري مهندس و اعرف الكثير و الكثير من أصحاب الاراضي التي ترفض الدولة أعطائهم ترخيص الا بشروط معينة للبناء و لا علاقة لذلك بحق الملكية المصون دستوريا و قانونيا .

التعدي يحدث في حالة نزع الملكية فقط و بيتم دفع تعويضات عليه الا لو كان لمنفعة عامة .

بالنسبة للسيارت القديمة ممكن جدا قانونيا أن الدولة ترفض تجديد الترخيص زي ما بيحصل لو السيارة فشلت في الفحص الفني و ده طبعا نظريا , يعني ممكن الدولة تقولك : مش هأرخص لكن حقك في الملكية محفوظ ممكن تبيع العربية لتاجر خردة أو هاوي جمع سيارت قديمة يضعها في جاراج علشان يتفرج عليها و مش لازم يمشي بيها في الشارع أو تجددها تبع المشروع القومي للأحلال و التجديد و طبعا أنت حر في ملكك .

ده ممكن يكون رد الدولة و سيكون قانوني و دستوري 100% .

[M_Nabil]

دى حاجه غريبة فعلا يعنى عملوها في مشروع التاكسى وفي الاخر التاكسى المتكهن يتباع ملاكى ودلوقتى عاوزين يعملوا مشروع لتكهين الملاكى يبقى اللى اشترى التاكسى المتكهن اتنصب عليه حد فهم حاجه

[Mzeid]

من توقعاتي لو الموضوع دة تم ..

اولا بالبدأ في وقف بنزين 80 تدريجيا لن العربيات اللي بتستخدمه سيتحم سحبها تدريجيا و ابدالها بسيارات حديثة اقل ما تستخدمه هو بنزين 90

تحسن احوال البيئة بعد سحب السيارات القديمة و ابدالها بالجديدة أن طبعاانتم عارفين العربيات القديمة عاملة ايه مس بس بقول على العربيات اللي بتدخن دخان اسود لا حتى المواتير القديمة اللي بتكون في حالة جيدة جدا حيث ان في الماضي مكنش فيه الاهتمام العالي بالحفاظ على البيئة زي دلوقتي علشان كدة انبعاثات المحركات الجديدة اقل من القديمة ..

انقطاع رزق الميكانيكة و الصنايعية العاملين في المجال و ان كان البعض سيتحول للعمل في السيارات ذات الموديلات الحديثة

تحول التجار للعمل في قطع غيار السيارات الحديثة

انتعاش تام لمبيعات الشركات و و كلاء السيارات و الموزعين

تحسين مظهر البلد الحضاري امام الاجانب و السائحين

[the-hero]

مشكوووووور والله يعطيك الف عافيه

[compuland]

طب و اخبار القسط هتكون ايه !

و اسعار العربيات ؟؟ يا ترى برده الناس هتاخد عربيات من غير جمارك زى التاكسي كده ولا ايه ؟

و ايه العربيات اللى هترخص ! ( ده طبعا بالاتفاق مع عم غبور و شركاه ) .

ايه بقى العربيات اللى من غير جمارك ديه

مشروع احلال التاكسى يعتمد اصلا على بيع السيارات التجميع المحلى
لانوس افيو اسبرانزا لادا

[azmeralda]

لا مش سلطتها تخلينا نتبهدل ونتذل فى مواصلات غير ادمية والبنات تتعرض للتحرش ويمكن الاغتصاب عشان معهمش فلوس لعربية احدث ومعهمش ليه بسبب الدولة معلش كسر حقها قال حقها قال

[Terrible_DaRsH]

ايه بقى العربيات اللى من غير جمارك ديه

مشروع احلال التاكسى يعتمد اصلا على بيع السيارات التجميع المحلى
لانوس افيو اسبرانزا لادا

طب الفيرنا و البيجو و اللانسر و التويوتا ؟؟؟؟

تجميع محلى برده ؟

[abdelmessih67]

دى حاجه غريبة فعلا يعنى عملوها في مشروع التاكسى وفي الاخر التاكسى المتكهن يتباع ملاكى ودلوقتى عاوزين يعملوا مشروع لتكهين الملاكى يبقى اللى اشترى التاكسى المتكهن اتنصب عليه حد فهم حاجه

أهلا يا أخ م نبيل

صوبني لو كنت مخطأ بس حسب معلوماتي أن سيارت الاجرة التي تم تخريدها لم يتم اعادة بيعها كملاكي و لكنها بيعت لتجار خردة حولوها أما لقطع غيار أو تم تفكيكها و استغلال الحديد بها .

[Mzeid]

ايه بقى العربيات اللى من غير جمارك ديه

مشروع احلال التاكسى يعتمد اصلا على بيع السيارات التجميع المحلى
لانوس افيو اسبرانزا لادا

هو فعلا سيارات تجميع محلي بس قطع الغيار و مكونات صناعتها تم الغاء الجمارك عليها