"غبور" يطالب بسرعة إحلال السيارات "الملاكي القديمة"

[النوبي]

والله حرام والله حرااااااااااااااااااااااااااااااااااام
دول نصابين ولا عصبجيه ولا ايه بالضبط
ربنا يولع فيهم من اولهم لاخرهم
انا هتجن مش عارف اتكلم بجد علشان ................................................
*7-*=-....*.&%$###@^

[Hacker5]

يعنى انتا مقاطع الشراء احنا بقى هانخليك تشترى غصب عنك
و حسبى اله و نعم الوكيل

[koky_90]

[OVERLINE]طب ما عادى
[/OVERLINE]
انا شايف ان ده كان هيحصل عجلا ام اجلا يعنى

(بس هيمصو دم الناس )
لو يعملو الموضوع ده بشياكه وبظام تقسيط مريح ويخدو السيارت القديمه بسعر مناسب
كده ممكن الشارع احواله تتحسن

[samcar]

ده هو اللى عايز احلال - الله يرحم السادات اللى رمى ابوه باين ولا اخوه فى السجن 10 سنين

[Ashraf_Ashraf]

ياجماعه عاوزين موضوع كيف تصبح حرامى علشان لما يطبقوا نظام الاخلال نقدر نتبرع من المسروقات للحكومه
الناس هتجيب منين ياعااااااااااااااااااااااااااااااااااااااااااااالم
غبور افندى بياكل فى اته محلوله راكب افخم السيارات ( اللهم لا حسد وربنا يزيد) واحد زى ده هيحس بالناس ازاى وهتفرق ايه عنده
انى مقدرش اجيب عربيه ولا اولع بجاز ولا اسرق علشان اشترى عربيه واداين

[Samir Elshahawy]

كما طالب غبور بتحديد حد أقصى للعمر الذي ترخص به أي سيارة في مصر، مشيرا إلى أن هذا يحد من تأثير الأزمة العالمية على قطاع السيارات في مصر، خاصة أن هناك تراجعاً في مبيعات سيارات الركوب "الملاكي" منذ بداية العام الحالي بنسبة 42%

طيب فين كلامه اللي قبل كده أنه لا تأثير للازمة علي سوق السيارات في مصر و أن الاسعار لن تنخفض بل سترتفع

كل يوم بيعدي بيؤكد ان غبور و أمثاله بيضحكوا علينا و انهم كدابين و مش عارفين حاجة و عايشين في غيبوبة

لو اتحدنا نحن المستهلكين و اتفقنا علي المقاطعة لمدة 6 شهور أي الي اخر عام 2009 ستنزل بغبور و أمثاله كارثة و سنلقنهم درسا في أصول التجارة و أحترام قوانين السوق و العرض و الطلب

[samourai]

--------------------------------------------------------------------------------على فكره كلمة زباله ديه مش مهذبه بالمره ومعانها برضوا سورى يا جماعه أن اللى قاعد أو راكب فى الزباله هيكون بررضو إيه ________ ولا إيه أعتقد أنه خانه التعبير فيها تماماً ،،، وبعدين هو فعلا لو حاسس أن العربيات القديمه بتلوث البيئه وقلبه على مصلحة البلد فعلا ياريت يوزع عربياته ببلاش أو حتى بنص التمن من أجل تلوث البيئه اللى بتكلم عنه ، ،،، هل فى الحاله ديه هيرضى ولا هو بيقول الكلام ده بمقياس البزنس فياريت ميخلطش الأمور بتلوث البيئه وشكل الغير حضارى أو أى تبريرات ليس له علاقه بها من قريب أو بعيد برغاباته وأهوائه ولا إيه؟؟؟؟ يا أخونا أنا متأكد أن الفيرنا اللى بتباع بحاجه وستين ألف بتقع عليه مش أكتر من 35 ألف أو 40ألأف على أقصى تقدير وملهاش اى وجود عالميا والموتور اللى متسقط فيها مش بتاعها أساسا ، يا غبور بك أنت بتخسر شعبيتك وبتخلينا نكره ماركة هيواندى ، لو سيارتك هى الوحيده اللى على الأرض برضو مش هركبها حتى لو أتحكم عليا أركب على حمار علشان اروح الشغل شكرا يا غبور بك وربنا يفتح عليك كمان وكمان بالحلال بس سيب الناس الغلبانه تعيش هما مش ناقصين.كلنا ثقه بمعالى الوزير رشيد محمد رشيد اللى دايما يجى فى مصلحة المواطن وأحنا لمسنا ده فى أسعار الحديد والأسمنت والقمح وكتير من الأسعار ، ربنا يخليك لينا يا سيادة الوزير ، كلنا بنحبك ياريت كل الوزراء من أمثالك ، كل شعب مصر بيحبك من أجل مواقفك الشجاعه لن ولن ننسى موقفك فى فتح باب الأستيراد فى حديد التسليح

[أحمد كمال]

هوه ده الكلام المظبوط..............

والكلام ده بيطبق في بلاد كتير جدا و خصوصا الخليج..........

الأمارات العربية أكتر من 20 سنة ما تترخصش و يعاد تصديرها لدول تانية علشان كذا ميزة.......

رفاهية الشعب
سيولة المرور
البيئة
الشكل الحضاري
تنشيط الاقتصاد في حركة البيع و الشراء و التصدير للقديم و استيراد الجديد و مراكز الصيانة و البنوك و التمويل
والتأمين وحتى الاعلام و الدعاية والأعلان و كل ما يتعلق بصناعة السيارات فيه حركة في السوق دايما

الخ الخ.........

واللي عايز يحتفظ بعربيته كأنتيكة أو تحفة هتبقى كلاسيكية بعد كده فليها سكة تانية و برضه ممنوع تمشي
تكون للمعاض و المناسبات بس.........

و كله راكب و متدلع و مأمن تأمين شامل و مبسوط ......................

انما احنا................اللهم أنفخنا و فــــ######.....اللهم خد مننا و أديهم.......

انا موافق على تطبيق قانون الامارات بتاع العربيات ده

بس يقبضوني هنا مرتب الامارات

و ما يبقاش فيه ضريبة على اي حاجة و لا على مرتبي زي الامارات (انا بادفع 20% من مرتبي حراااااااااام)

و ما يبقاش فيه جمرك و لا ضريبة مبيعات عالعربيات زي الامارات

و تبقى اسعار العربيات زي الامارات

و ابقى انا ابن ستين في سبعين لو ما غيرت العربية كل سنتين مش 20 سنة !!!!!!!!!!!!!!!!!!!!!!!

[Terrible_DaRsH]

بلاش نهلل زى كل مرة احنا مش فالحين غير فى اننا نقول منهم لله و لا حد بيعمل حاجة و كله مغلوب على امره

دلوقتى اللى عنده عربية 132 هيسلمها بنفس ثمن ال 127 ?

واللى عنده مرسيدس و بي ام هيسلمها بنفس ثمن الباقى برده و لا ايه انا مش فاهم ?ا

و اسعار عربيات عم خبور ده هتبقي ايه ?

و يا ترى هيركبوا الناس فيرنا ولانوس برده غصب عنهم و لا اايه ?

[ahmed76]

طالما فى مشروع التاكسى عملوا شركه دعايه تدفع جزء كبير من القسط

نعمل شركة دعايه على الملاكى وتبقى عربيه الواحد ماشى بيها مكتوب عليها فودافون وبيبسى وشيبسى
كوكاكولا
ووانت بترخص يكتبلك اللون : احمر - فودافون او اخضر اتصالات او بيبسى
وهما اللى يدفعوا القسط
ده حتى العربية تبقى عاملة زى عربيات السباق

[mynameh]

حسبي الله و نعم الوكيل فيه و الي زية

الفكرة دلوقتي إن المشروع دة هيتنفذ هيتنفذ لكن السؤال إمتي ؟

أنا عندي وقوع البلي و لا إنتظارة

[hamedo0]

يا جماعه هي دى مش ملكيه خاصه ولا ايه حد يكون فاهم في القانون يفهمنا ان ممكن النقطه دى تاخد عدم دستوريه ياريت حد من الاخوه المحامين يفهمنا

[emad5589]

حسبى الله ونعم الوكيل
يعنى احن اغنى من الموطن السعودى او الكويتى او حتى اليبيا
قونسنى دى لاطابقه الا على موطن الضعيف الصلان بيشحت علشن يدفع حقا بنزين وصينه عربيه
المهم دى حرقه دم
بسه يجمعه لزم نعلن رئين لحكومه
حرمه كفى
حرمه
احن لقين نعيش هو المعه عربيه قديم وعرفه يغيره مستنى رئى الحكومه وغبوار
عجبى
طب ليه الحكومه متعلجش الموضوع صح وتوفر موصلات سهل ومريح واحن منركبش عربيه من اسسه

[Terrible_DaRsH]

يا جماعه هي دى مش ملكيه خاصه ولا ايه حد يكون فاهم في القانون يفهمنا ان ممكن النقطه دى تاخد عدم دستوريه ياريت حد من الاخوه المحامين يفهمنا

ما هما مش هياخدوها بالعافية منك

لو انت عايز تاخد 5000 جنيه حقها تروح تسلمها انما لو مش عايز تسلمها فهتفضل العربية معاك

لاهتعرف تمشي بيها و لا هتعرف تبيعها

و ساعتها لواتمسكت بيها يغرموك لانا غير مطابقة للمواصفات

[Ahmed Samy]

بجد ..

الكائن ده مستفز

وفاكرانه بيخطب و بيتكلم أمام زريبة من البهائم اللي ما بتفهمش مثلا ..


يوم ..يقول الأزمة مش مؤثرة ..وهواللي عمل أثر على الأزمة زي اللمبي ...

و دلوقتي بيتمسكن و يتلوى زي التعبان و يقول الأزمة 42% مبيعات أقل ..

و يوم يقول ان التوكيل بيعمل 2% أرباح ..وبعدها ينزل تمن الماتريكس 4000 جنيه ..ده على أساس انها (على كلامه) تمنها 200 الف و هو كده يبقى بيبعها بدون مكسب ..

ده كوم ..

وطلبه الخالي من أي دم ولا خشى ده كوم تاني

هو احنا بقى وشنا مكشوف كده ...

ودي الصياغة الصلية للطلب قبل تجميله بالاسكندراني :

السيد الباشا ..

صباحو فل ...

بعد نجاح العملية الأخيرة و عدت على خير و الناس كلتها ومبسوطة ...ولا مش مبسوطة مش فارقه ..المهم اننالا عايزين بقى نطلع الطلعة الكبيرة

انا عندي كام عربية فيرنا -الله يعزك- بواقى سوق ..و رجيع ..اشي اللي موتورها مفوت و ايشي اللي اتخبطت عند الموزعين قبل ما تتباع و في 20 عربية انذارها بيعلق و طبعا انا مش عارف أصرف العربيات دي

فليــــــــــــــــــــه ما نعملش حركة التاكس ..في الملاكي ؟؟

آآآآآآآآآآآآه في الملاكي

لا لا ماتخافش

ولا حد هايقول حاجة

احنا نطلع في الجرايد و نعمل الحبيتن بتوعنا و نعمل عرض على المشروع يخلي الناس تجري عليه أول أسبوع

و القانون يعدي و يبقى أمر واقع

وبعدها بالجزمة بقى انتوا تسحبوا عربيات الناس و تنفعوا حمادة عزو (وشوف هاتطلعو بكام في الليلة دي) و انا ابيع بقى و يمكن افتح مصنع تاني علشان الطلب (ومش هانساكو برضه)

ده غير المصلحة اللي هاتطلع من فتوح الفتوح و كل الرجالة اللي فاتحة مصانع و بتبيع عربيات من اللي بنضربها على ايدينا دي

الخلاصة

انتو تنجزو القانمون دي بدري بدري و كل كلب راكب عربية قديمة و عامللي ناصح تتاخد منه و يطلع القرشين بقى و يجيبهوملي (ماهم أغنياء كلهم) و اللي مش عاجبه يبقى يتمشى بقى

هو ده ياباشا

واللي مش عاجبه ما يقعدش في بلدنا

ولا هم قاعدين رايحين جايين في بلدنا كده و كمان بيتنفسوا هوانا و بياكلو أكل كلابنا و خدامينا وكمان مش عايزين يدفعوا ؟؟؟؟؟؟

مع التقدير
و تقبلو الشيك الصغير ده