"غبور" يطالب بسرعة إحلال السيارات "الملاكي القديمة"

[Terrible_DaRsH]

و تقبلو الشيك الصغير ده

هشد فى شعرى و اعرف الشيك ده بكام

عايز اعرف الضمير بقي بكام النهارده .. :b4_564:

[احمدعبدالعزيز]

ايه رئيكم مش الاسم دى لايق عليه اكتر (*.*.*.* )


______________
المناقشة و النقد- حتى الساخر منه- مقبولان
أما غير ذلك فلا .
مشرف عام 2

[eg_falcon]

و النبي مش حرام ال504 موديل السبعينات تتكهن و 126 موديل 92 تمشي في الشارع

[Samir Elshahawy]

أنا عندي أمشي علي رجلي أو أركب عجلة و لا أشتري عربية جديدة و أنفع اللي زي غبور

[زهير فكري]

من المعروف ان من اهم العناصر التي تتدخل في صناعه القرار هو العنصر الاقتصادي و يمثله في اي دوله صناعيه بالطبع الكيانات الصناعيه علي اختلاف احجامها , و التي تعتبر ( لوبي) يؤثر و يضغط في صناعه القرار , و هذه الكيانات الصناعيه هدفها الأول و الأخير هو الربح فقط لا غير مما تنتجه و تتمني لو العالم كله اصبح سوقا لمنتجاته , و نظرا لأن الأخلاقيات و المثل العليا و اخلاق الفرسان سواء كانت نابعه من توجه ديني او من التربيه المحافظه لا مكان لها داخل تلك الكيانات الصناعيه و التجاريه , و ان الهدف الأوحد هو الربح و اقصد مما سبق صناع القرار داخل تلك المؤسسات الضخمه سواء اصحابها او القائمين عليها . يعني يمعني اكثر تبسيطا صاحب الشركه عايز يكسب بس و لا يضع في حسبانه البعد الاجتماعي او الصحي او ما شابه ذلك , لأن ده مش دوره ده دور الحكومه او المايسترو .

يعني لو طبقنا ده علي ( غبور) نجد انه يطرح حلا من وجهه نظره يحمل في ظاهره المصلحه العامه للمواطنين وانه خايف علي البلد ووو , بس هو طبعا هدفه الربح سواء من تصريف مخزون عنده او انتاج سيارات جديده , و بما انه الدافع الذاتي لكبح جماح الربح و الذي يتطلب اخلاقيات الفرسان زي ما قلنا سابقا مش موجود او معدوم . و دي حقيقه اللي ينكرها يبقي مش عايش في الدنيا , فلازم تتدخل الحكومه و تعمل توازن و مش معني كده انها تدبحه و تقضي عليه لا , ينبغي ان الحكومه تحتوي الكيانات الاقتصاديه علي ارضها و تمشيها في الاتجاه اللي هي عايزاه مش الاستسلام لضغوط اصحاب الشركات و اللوبي الصناعي لان الشركات الصناعيه دي بيبقي لها ( زعبات ) تبعهم في الجهات الحكوميه و بتأثر في اتخاذ القرار .

[zidaneelwaly]

احنا بيعنا ال فيات 131 عشان عارفين ان ده ممكن يحصل و يعملو معانا زي بتوع التاكسي يرمولنا 5000 جنيه في العربيه و يقولونا تعويض مناسب!!!!!!!!!!
بصو ا هما بيخدو العربيات القديمه و يبوعوها في الاقاليم بسعر اعلي و يكسبو في العربيه الواحده 200%
زي الفيات 131 لو ادوني فيها 5000 و بعد كده باعوها مثلا ب 20000 لواحد في الغربيه يبقا هما الكسبانين و اضحك علينا و ألي كان كان

[maka]

احنا بيعنا ال فيات 131 عشان عارفين ان ده ممكن يحصل و يعملو معانا زي بتوع التاكسي يرمولنا 5000 جنيه في العربيه و يقولونا تعويض مناسب!!!!!!!!!!
بصو ا هما بيخدو العربيات القديمه و يبوعوها في الاقاليم بسعر اعلي و يكسبو في العربيه الواحده 200%
زي الفيات 131 لو ادوني فيها 5000 و بعد كده باعوها مثلا ب 20000 لواحد في الغربيه يبقا هما الكسبانين و اضحك علينا و ألي كان كان

ما هم هيدولك فى العربية القديمة 5000 ويخفضوا من الجديد 10 او 15 الف وبكده تبقى هى هى

[ahit]

نصبر شوية و نشوف أخرتها ايه؟
يمكن ينزلو عربيات 2 سلندر لمحدودى الدخل و التسليم سمه 2090 إن شاء الله !!!
إسترها معانا يا رب

[Eslam.Adly]

انا مش عارف اية الكلام الى مش عاجبكم فى الى قالة خبور بك الكبير الراجل قلبة وط....على البلد والى مش عاجبه ادامة مترو الانفاق (عشان يتخنق يموت)يستريح ويريح او الترماى(عشان مايوصلش اصلا مشاويره) او يتشجع ويركب اتوبيس (يا اما يتنشل او مراتة تتعاكس ويتخانق و برده فى الاخر يتنشل بس يضرب الاول).
اه بصحيح مش اولى كانوا بعد ماعملو مشروع تجديد واحلال التاكسى كانوا دخلو على هيئة النقل العام الى كل اتوبيساتها بتنازع فى الرمق الاخير وعايزه تتحرق بجاز وسخ.
انا نفسى افتكر كان فى كلمة كده بيقولها واحد كده فى فليم كده بس مش فاكرها كلهاa a .

[نور العمر]

طبعا
عربيات زبالة

مستر غبور
ممكن تقوللي اول عربية ركبتها في حياتك كانت ايه

الناس بتنسى اصلها



مش حشتري منك بردو .... واشحت زي ما انت عاوز مستر غبووووووووووووووور