كيفيه بيع السياره

[limo]

انا عملت اعلان على النت لبيع سيارتى تانى يوم جه اتفرج عليها ناس وبالفعل وتم الاتفاق على السعر والمشترى طلب منى شهاده المخالفات ووشهاده التصنيع المحلى وقمت باستخراجهم بالفعل من المرور فى انتظار الميعاد المتفق عليه للتسجيل
والنتيجه ان الراجل مجاش وانا تكبدت مصاريف ومشقه استخراج الاوراق المطلوبه وضيعت زباين اخرين
فهل فى طريقه لضمان جديه الشراء فى حاله الاتفاق على البيع ؟

[Nile Heart]

تاخد عربون (غالبا 500 جنيه)

ولو ماجاش يبقى حلال عليك تاخدهم

[Abdallah]

تاخد عربون (غالبا 500 جنيه)

ولو ماجاش يبقى حلال عليك تاخدهم

+1
اكتب عقد بيع إبتدائى بالمبلغ الى دفعه عربون

[Ahmed Samy]

عربون و عقد ابتدائي
معلش ماحدش بيتعلم ببلاش

[calipha]

سؤال طب هو انا عشان اشتري سياره جديده لازم يكون معي رخصه سواقه ولا مش شرط ممكن اجيبها و اطلع الرخصه بعدين؟ :?:

[Tamer-Ezzat]

limo
والمشترى طلب منى شهاده المخالفات ووشهاده التصنيع المحلى

طيب شهادة المخالفات دى وفهمناها ... طيب أيه شهادة التصنيع المحلى وأيه فايدتها مادامت العربية لها رخصة ...

[M_ashraf]

شهادة التصنيع المحلي علشان خصم تسجيل الشهر العقاري

[limo]

limo
والمشترى طلب منى شهاده المخالفات ووشهاده التصنيع المحلى

طيب شهادة المخالفات دى وفهمناها ... طيب أيه شهادة التصنيع المحلى وأيه فايدتها مادامت العربية لها رخصة ...

شهاده التجميع المحلى هى شهاجه بتوجه الى الشهر العقارى لاثبات ان السياره المبيعه تجميع محلى وبيستدل اذا كانت تجميع محلى من واقع ملف العربيه بالمرور
مش لازم تكون الرخصه منتهيه
شهاده النجميع او التصنيع المحلى بتخفض رسوم الشهر العقارى بدل ما كانت الرسوم 760 ج لتصبح 600 ج
ملحوظه الرسوم ده خاصه للانوس مو99
اى سياره تجميع محلى ممكن تستخرجلها الشهاده ده وممكن برضو تبيع وتشترى من غير الشهاده ده بس الرسوم هتكون اغلى

[limo]

شكرا لكل من ساهم فى الرد
يعنى انا المفروض انى كنت اخذ عربون منه ونعمل عقد بيع ابتدائى للسياره واسلمه السياره والرخصه مقابل ال5000 الف جنيه والعقد الابتدائى
ولا اخذ عربون واكتبه فى عقد البيع الابتدائى من غير ما اسلمه العربيه
ولا اخذ ثمن العربيه الا حاجه بسيطه واعمل له عقد بيع ابتدائى واسلمه العربيه والرخصه ولما نسجل اخذ الباقى

[sherif Anton]

افضل وضع انك تكتب معاه عقد ابتدائي وتحدد فيه اجمالي قيمة السيارة ثم تكتب انك اخذت عربون منه من اجمالي تمن السيارة (من 500 الى 1000 جنيه) كشرط جدية لعملية البيع والشراء وان هذا المبلغ غير قابل للرد في حالة فشل عملية البيع والشراء ... طبعا لازم تكتب انه تمت معاينة السيارة معاينة نافية للجهالة وان سعر البيع المتفق عليه والمحدد بالعقد غير قابل للتغيير. وتفضل حضرتك محتقظ بالسارة لحد لما يكمل باقي المبلغ المتفق عليه

[شريف]

افضل وضع انك تكتب معاه عقد ابتدائي وتحدد فيه اجمالي قيمة السيارة ثم تكتب انك اخذت عربون منه من اجمالي تمن السيارة (من 500 الى 1000 جنيه) كشرط جدية لعملية البيع والشراء وان هذا المبلغ غير قابل للرد في حالة فشل عملية البيع والشراء ... طبعا لازم تكتب انه تمت معاينة السيارة معاينة نافية للجهالة وان سعر البيع المتفق عليه والمحدد بالعقد غير قابل للتغيير. وتفضل حضرتك محتقظ بالسارة لحد لما يكمل باقي المبلغ المتفق عليه

1+

بالاضافة ان المبلغ كلة يكون معاك قبل التسجيل عشان ميحاولش ينزل حاجة لو الفلوس فضلت معاة

[محمدايهاب]

أولا حضرتك ما تكلفتش و لا حاجة حضرتك كده كده بايع يعني أكيد كنت هطلع الورق
ثانيا أنا كمان مع فكرة أخذ العربون

[eng_mkhalaf]

فى طريقين للبيع
1- تاخد تمن العربية ناقص إلفين أو تلاتة لغاية ما تجيبلة شهادة المخالفات بس فى هذة الحالة أنتة بتديلة العربية والرخصة
2- تاخد عربون 500 جنية وتكتب عقد أبتدائى ولة خالف العقد تاخد أنت 500 جنية بس واللة أعلم أنا سمعت أن الموضوع دة حرام شرعا

[limo]

طب اجيب العقد الابتدائى من المكتبه ؟ وهل له مسمى معين ؟
وبيبقى مكتوب فيه ايه العقد ؟ وانا هكتب ايه وفين ؟

معلش بقى انا اسألتى كتير اصلى اول مره ابيع عربيه واخذ عربون قبل كده كنت بروح اسجل على طول

على فكره انا المفروض حاليا محامى بس لسه مطلعطش الكارنيه بتاع النقابه ربنا يستر عليا :roll:

[eng_mkhalaf]

ياباشا جيب العقد وأقراءة هتلقية شارح نفسة