كيفيه بيع السياره

[Shocky]

السلام عليكم ورحمة الله وبركاتة

بص بقى و ركز معايا كويس فى موضوع البيع و الشراء


* الحالة الأولى :(بائع) لو انت اللى هتبيع

بالنسبة لشهادة المخالفات اللى انت طلعتها : للأسف الشديد هيبقى ملهاش لازمة لو ملحقتش تبيع قريب , لإن المشترى الجديد هيطلب منك شهادة مخالفات بميعاد حديث يثبت له ان حضرتك معملتش مخالفات فى الوقت القريب اللى فات


بالنسبة لشهادة التصنيع المحلى : حضرتك المفروض تنسى الإسم دة , و تستبدلة بإسم تانى اللى هو " شهادة البيانات "

* شهادة البيانات :

لو الرخسة لسة ادامها شوية و مخلصتش " رخصة العربية " يبقى مفيش داعى لشهادة البيانات , إلا فى حالة وحيدة بس اللى هى : ان الرخصة بتاعة عربية حضرتك تكون فيها تعديل بخط موظف او شئ زى كدة , و دة بيطلبوة قبل التسجيل و لازم تطلع شهادة بيانات , غير كدة لا , مش هتحتاجها

ملحوظة : عند البيع و الشراء : مفيش حاجة اسمها شهادة تصنيع محلى


---------------------------------------------------


* الحالة الثانية : (مشترى) : لو حضرتك اللى هتشترى


* لو حضرتك عايز تشترى عربية مستعملة :

بتشوف العربية و تكشف عليها فى بنزينة محترمة او توكيلها المختص , وبعد كدة بتطلب من صاحب العربية شهادة مخالفات ( اساسى ) , و شهادة بيانات فى حالة الخطأ اللى انا قلتة فوق فى رخصة العربية , غير كدة لا حاجة إن شاء الله لشهادة البيانات , و متنساش العربون

معلومة : تقدر تخلص ورقك فى اى شهر عقارى يعجبك , اختار اللى انت جربتة قبل كدة وعارف السكك بتاعتة

وعندك مثال : شهر عقارى شبرا , زنانيرى ,,, و هو يحتوى ايضاً على شهر عقارى الظاهر و فى الغالب مش بيكون زحمة بالنسبة لتسجيل السيارات بعقد بيع نهائى


---------------------------------------------

معلومات ع الماشى :


*عقد البيع الإبتدائى :

تشترية حضرتك من اى مكتبة جمب الشهر العقارى او اى مكان , بتكتب حضرتك انت و الطرف الأخر كل البيانات المطلوبة ( اسم و عنوان و رقم بطاقة و رقم السيارة و رقم المحرك و رقم الشاسية , و ماركة السيارة و الموديل ), و بتكتبوا فية سعر العربية الحقيقى و بتكتب فى خانة المتبقى : المبلغ اللى حضرتك ناوى تخلية لما بعد التسجيل النهائى

مثال : العربية تمنها 50 الف جنية , تديلة مثلا 48 الف جنية , و تكتب دة و تكتب ان باقى لة الفين جنية , و تخليهم معاك لحد ما يتم التسجيل

نصيحة : بلاش موضوع العقد الإبتدائى اصلاً ,إلا لو كنت مستعجل اوى و عايز تاخد العربية و مش لاقى اى شهر عقارى متاح ادامك , و بعدها تانى يوم إن شاء الله تنزل انت و البايع تخلصوا فى الشهر العقارى ( حالة لو كنت حضرتك مشترى )



إ*زاى حضرتك بتضمن ان اللى كلمك و اتفرج على العربية هيشترى :

حضرتك بعد ما يتفرج , بتسألة إذا كان جاد فى الشراء ولا لا ؟ لو كان جاد خلاص يسيب هو لحضرتك عربون , من 500 جنية إلى 1000 جنية ودول عشان حضرتك تروح تجيب شهادة المخالفات و شهادة البيانات و انت متطمن ان مفيش مشاكل إن شاء الله , لإنة لو مجاش مش مشكلة


* بالنسبة لشهادة المخالفات لو انت عايز تطلعها :

طالما انت عرفت تطلعها مرة , اعتقد الموضوع سهل بإذن الله , وتكلفتة حالياً خمسة جنية , بتروح برخصة العربية و تسلمها للموظف و تنتظر دورك لو معلكش مخالفات تطلعها و بتدفع الخمسة جنية تبرع لـ " جمعية الحرف التقليدية المصرية " وهى شئ إجبارى و اعتبرة رسوم


-----------------------------------------------------------


لو فى اى حاجة مش واضحة تقدر تتفضل و تسأل براحتك , وانا تحت أمرك إن شاء الله

والسلام عليكم ورحمة الله وبركاتة[/b]

[limo]

السلام عليكم ورحمة الله وبركاتة

بص بقى و ركز معايا كويس فى موضوع البيع و الشراء


* الحالة الأولى :(بائع) لو انت اللى هتبيع

بالنسبة لشهادة المخالفات اللى انت طلعتها : للأسف الشديد هيبقى ملهاش لازمة لو ملحقتش تبيع قريب , لإن المشترى الجديد هيطلب منك شهادة مخالفات بميعاد حديث يثبت له ان حضرتك معملتش مخالفات فى الوقت القريب اللى فات


بالنسبة لشهادة التصنيع المحلى : حضرتك المفروض تنسى الإسم دة , و تستبدلة بإسم تانى اللى هو " شهادة البيانات "



* شهادة البيانات :

لو الرخسة لسة ادامها شوية و مخلصتش " رخصة العربية " يبقى مفيش داعى لشهادة البيانات , إلا فى حالة وحيدة بس اللى هى : ان الرخصة بتاعة عربية حضرتك تكون فيها تعديل بخط موظف او شئ زى كدة , و دة بيطلبوة قبل التسجيل و لازم تطلع شهادة بيانات , غير كدة لا , مش هتحتاجها

ملحوظة : عند البيع و الشراء : مفيش حاجة اسمها شهادة تصنيع محلى


---------------------------------------------------


* الحالة الثانية : (مشترى) : لو حضرتك اللى هتشترى


* لو حضرتك عايز تشترى عربية مستعملة :

بتشوف العربية و تكشف عليها فى بنزينة محترمة او توكيلها المختص , وبعد كدة بتطلب من صاحب العربية شهادة مخالفات ( اساسى ) , و شهادة بيانات فى حالة الخطأ اللى انا قلتة فوق فى رخصة العربية , غير كدة لا حاجة إن شاء الله لشهادة البيانات , و متنساش العربون

معلومة : تقدر تخلص ورقك فى اى شهر عقارى يعجبك , اختار اللى انت جربتة قبل كدة وعارف السكك بتاعتة

وعندك مثال : شهر عقارى شبرا , زنانيرى ,,, و هو يحتوى ايضاً على شهر عقارى الظاهر و فى الغالب مش بيكون زحمة بالنسبة لتسجيل السيارات بعقد بيع نهائى


---------------------------------------------

معلومات ع الماشى :


*عقد البيع الإبتدائى :

تشترية حضرتك من اى مكتبة جمب الشهر العقارى او اى مكان , بتكتب حضرتك انت و الطرف الأخر كل البيانات المطلوبة ( اسم و عنوان و رقم بطاقة و رقم السيارة و رقم المحرك و رقم الشاسية , و ماركة السيارة و الموديل ), و بتكتبوا فية سعر العربية الحقيقى و بتكتب فى خانة المتبقى : المبلغ اللى حضرتك ناوى تخلية لما بعد التسجيل النهائى

مثال : العربية تمنها 50 الف جنية , تديلة مثلا 48 الف جنية , و تكتب دة و تكتب ان باقى لة الفين جنية , و تخليهم معاك لحد ما يتم التسجيل

نصيحة : بلاش موضوع العقد الإبتدائى اصلاً ,إلا لو كنت مستعجل اوى و عايز تاخد العربية و مش لاقى اى شهر عقارى متاح ادامك , و بعدها تانى يوم إن شاء الله تنزل انت و البايع تخلصوا فى الشهر العقارى ( حالة لو كنت حضرتك مشترى )



إ*زاى حضرتك بتضمن ان اللى كلمك و اتفرج على العربية هيشترى :

حضرتك بعد ما يتفرج , بتسألة إذا كان جاد فى الشراء ولا لا ؟ لو كان جاد خلاص يسيب هو لحضرتك عربون , من 500 جنية إلى 1000 جنية ودول عشان حضرتك تروح تجيب شهادة المخالفات و شهادة البيانات و انت متطمن ان مفيش مشاكل إن شاء الله , لإنة لو مجاش مش مشكلة


* بالنسبة لشهادة المخالفات لو انت عايز تطلعها :

طالما انت عرفت تطلعها مرة , اعتقد الموضوع سهل بإذن الله , وتكلفتة حالياً خمسة جنية , بتروح برخصة العربية و تسلمها للموظف و تنتظر دورك لو معلكش مخالفات تطلعها و بتدفع الخمسة جنية تبرع لـ " جمعية الحرف التقليدية المصرية " وهى شئ إجبارى و اعتبرة رسوم


-----------------------------------------------------------


لو فى اى حاجة مش واضحة تقدر تتفضل و تسأل براحتك , وانا تحت أمرك إن شاء الله

والسلام عليكم ورحمة الله وبركاتة[/b]

100 100 يا باشا شرح فوق الممتاز شاكر جدا لسيادتك
طب فى حاله اخذ العربون بكتب بيهم وصل او اى حاجه زى عقد ابتدائى -ازاى المشترى هيضمن حقه (مش ممكن انصب عليه واخذ العربون )

[Shocky]

معلومات أخرى يمكن تفيدك إن شاء الله أو تفيد اى حد محتاج يسجل

بحيث يكون الموضوع دة عن كيفية بيع و شراء السيارات المستعملة إن شاء الله



بالنسبة لأجراءات بيع او شراء سيارة فى الشهر العقارى :


شكل الأجراءات طويل لكن إن شاء الله مش هتاخد ساعة


1 - اول حاجة بتعملها حضرتك , تصور شهادة البيانات( صورتين ) و تخلى معاك صورة منها, و الصورة الأخرى هتحتاجها هناك .. ( دة فى حالة لو مطلوبة و هتعرف انت طبعا مطلوبة ولا لا من خلال طلبات الموظفين


2 - تروح تجيب من مكتبة الشهر العقارى نسخة عقد بيع سيارة (نهائى ) .. سعر النسخة : ربع جنية


3- تملا اول بند اللى هو فية اسم حضرتك و الطرف التانى و رقم الموتور و الشاسية و السيارة , وبس كدة متكتبش حاجة تانى فى العقد و سيب باقى البنود فاضية فهى غير مطلوب


4 - تدخل على موظف يمضى لك امضاء على العقد من فوق خالص عشان تبدأ تروح بية للموظف المختص ( الموظف دة فى الغالب بيكون مدير المكتب الفرعى اللى حضرتك واقف فية )


5 - تروح تعمل تقدير رسوم من شباك مختص بهذا و مكتوب علية تقدير رسوم , مثال : تقدير الرسوم لسيارة 1500 سىسى موديل يتراوح بين 89 و 93 كمثال يعنى مش بالظبط , بيكون 300 جنية ( بالضرائب بكل حاجة ) و هيدولك وصل بالموضوع دة ( وانت بتعمل تقدير الرسوم هيتطلب منك صورة من شهادة البيانات اللى انا قلت لك صورها فوق )


6 - تروح على الخزينة تدفع الرسوم و تاخد نسختين من الوصل , و تروح بيهم على الموظف اللى المختص بتسجيل البيانات فى الدفاتر و هتلاقية فى نفس المكتب ( الموظف هيخلى البائع يمضى و المشترى لا , طالما الرخصة لم تنتهى )


7 - تروح حضرتك تعمل ميكرو فيلم ( تكلفة الميكرو فيلم 250 قرش ) ودة سهل جدا متقلقش هتدى الورق للموظف اللى عند شباك التصور و تديلة الورق و تقولة اعمللى ميكروفيلم على العقد دة و مجرد دقيقتين و هيديلك عقدك و وصل الرسوم , وهيكون العقد مختوم

8 - ترجع على مدير المكتب اللى مضالك فى الاول خالص تديلة العقد بعد ما اتختم من شباك المايكروفيلم , هيختم من 4 ل 5 اختام على الورقة


ومبروك عليك
الأجراءات مش معقدة متقلقش إن شاء الله
وربنا يوفقك

[Shocky]

100 يا باشا شرح فوق الممتاز شاكر جدا لسيادتك
طب فى حاله اخذ العربون بكتب بيهم وصل او اى حاجه زى عقد ابتدائى -ازاى المشترى هيضمن حقه (مش ممكن انصب عليه واخذ العربون )

فى حالتين فى الموضوع دة


1: لو المشترى ثقة ( قريب , صديق ... ألخ ) يبقى مفيش داعى لأى ورق بينكم

2: لو المشترى غريب عنك : لو انت اللى هتدفع الفلوس من حقك تطلب بيهم ورقة تثبت ذلك , دة فى حالة إنعدام الثقة بينك و بينة

[limo]

مشكور يا باشا على المحهود الرائع ده
بس سيادتك متعرفش انا لما اخذ العربون من المشترى هديله ايه ؟يعنى ايه ضمان المشترى للفلوس الى دفعها عربون هكتب وصل بالمبلغ
ولا هنعمل عقد بيع ابتدائى ونكتب فيه قيمه العربون والمتبقى من ثمن السياره والاتفاق على موعد التسليم - معاينه المشترى للسياره معاينه نافيه للجهاله -الاتفاق على الثمن وعدم جواز زيادته اونقصه الا باتفاق الطرفين - فى حاله عدول المشترى يصبع العربون ملكا للبائع كاملا -وتعين السياره المبيعه (رقم السياره والشاسيه والماتور) ووتعين اللون

والعقد ده وانا بشتريه من المكتبه اسمه عقد بيع سياره ولا حاجه تانيه

معلش انا عارف ان اسئلتى بدائيه

جزاك الله خيرا

[Shocky]

مشكور يا باشا على المحهود الرائع ده
بس سيادتك متعرفش انا لما اخذ العربون من المشترى هديله ايه ؟يعنى ايه ضمان المشترى للفلوس الى دفعها عربون هكتب وصل بالمبلغ
ولا هنعمل عقد بيع ابتدائى ونكتب فيه قيمه العربون والمتبقى من ثمن السياره والاتفاق على موعد التسليم - معاينه المشترى للسياره معاينه نافيه للجهاله -الاتفاق على الثمن وعدم جواز زيادته اونقصه الا باتفاق الطرفين - فى حاله عدول المشترى يصبع العربون ملكا للبائع كاملا -وتعين السياره المبيعه (رقم السياره والشاسيه والماتور) ووتعين اللون

والعقد ده وانا بشتريه من المكتبه اسمه عقد بيع سياره ولا حاجه تانيه

استحملنى بقى انا عارف ان اسئلتى بدائيه شويه

جزاك الله خيرا

شوف حضرتك

- بالنسبة لموضوع هتديلة إية , هو إجراء روتينى عادى جداً

وانا هقولك على حاجة كويسة اوى ممكن تعملها إن شاء الله

اكتب معاه عقد بيع سيارة ابتدائى ( هتشترية من المكتبة هتلاقى علية صورة زى صورة عربية كدة فوق ) و هو ابتدائى لإنة غير موثق فى اى جهة حكومية

واكتب فية المبلغ اللى حضرتك دفعتة , و اكتب باقى المبلغ عادى جدا

مثال : انك دفعت 1000 جنية و يتبقى 79 الف جنية , على اعتبار سيارة ب 80 الف جنية

- موعد التسليم حضرتك مش بيتكتب فى عقود , دة تتفق معاه علية بالتليفون او اى وسيلة بينك و بينة

- معاينة السيارة حاجة مش رسمية ممكن تعملها فى بنزينة فى المهندسين مش فاكر مكانها بالظبط , هيكشفوا على كل حاجة و بيديلك تقرير كامل عن كل حاجة , دة بالإضافة انك تجرب حاجات العربية بنفسك , تكييف و كهرباء العربية و خلافة

- الاتفاق على الثمن بيتم فى العقد الابتدائى بإنك تقول دفعت كذا و باقى كذا ( متقلقش من اى بند لإن العقد مجهز انك تكتب فية دفعت كذا و متبقى مبلغ كذا وكل حاجة إن شاء الله هتلاقيها فى العقد واضحة )

- لا يجوز الرجوع فى التمن , لا تقلق طالما كاتبين عقد ابتدائى

- متنساش انك بتجيب نسختين من العقد الابتدائى و الاتنين بيتكتبوا بنفس الصيغة بالظبط و كل كلمة فيهم بتكتبوها متطابقة , اوعى تكتب نسخة و تصورها لا , اكتب كل البينات انت وهو بإيديكم مرتين عادى , و تمضى حضرتك فى النسختين و هو كذلك

- العقد دة و انت بتشترية من المكتبة زى ما ذكرت لحضرتك بالظبط , عقد عادى جدا ولية كذا شكل , لكن كلهم متطابقين فى الصيغة و اماكن البيانات , و فى الغالب هو ورقة بيضاء عادى ومكتوب فيها كلام على الكمبيوتر بلون ازرق او اسود

- وانت بتكتب العقد تمسك بطاقتة و بطاقتك تنقل منهم البيانات , و معاك رخصة العربية تنقل منها البيانات كاملة , زى رقم الشاسية و الموتور و السيارة


( التفاصيل اللى انا بقولها دى طبعا مش عند العربون , لا , إلا إذا هو وافق يعمل دة كلة , ممكن لو شفت العربية و عجبتك تعمل حركة تانية , تديلة مثلا 90% من قيمة العربية او اقل او اكثر , و تاخد العربية و رخصتها و تكتب معاه العقود الابتدائية زى ما وضحت لحضرتك بالظبط , و بكدة انت بتاخد العربية و رخصتها وتمشى خلاص , و يتبقى لحضرتك اليوم بتاع الشهر العقارى اللى انا شرحت تفاصيلة فى الخطوات التمانية )

ومفيش اى حاجة وانا تحت امرك إن شاء الله فى اى سؤال عايز تسألة بخصوص هذة المواضيع