والله عمرنا ما هنتقدم

[wawoo]

اصل هنا اللى بيفيم بيعمل كله مش ورا بس وبيبقى عاده غامق لدرجه متشوفش جوا العربيه

حصل خير يا اخى ,و انا متفق معاك ان الغامق دة لازم يكون ممنوع , لانة خطر اساسا على صحبة قبل اى حد , و مش طبيعى ان اسوق عربية بالدرجة دى من السواد .
لانة اساسا السيارت الجديدة الرؤية فيها مش كبيرة زى مودلات زمان , مينفعش انا بقى اسود الزجاج الى فاضل ...دة خطر جدا و خصوصا بالليل .

انما الدرجات التقليدية المسموح بيها فى الزجاج الخلفى و بدرجة محددة من الشركة الصانعة للسيارة اساسا , دى مافيش فيها مشكلة ,و من الغريب انها تكون ممنوعة او فيها اى مشكلة .

[Bob2009]

على فكرا اغلب العربيات الجديده فيها عازل حرارى على الزجاج سواء الخلفى او الامامى او الشمال واليمين كله يعنى

ولكن خفيف اوى الى هو بيكون لونه اخضر ده اصلا عازل حرارى.

انا كنت مركب الستاره على الزجاج الخلفى وشيلتها لسبب واحد انى مره كنت هعمل حادثه بسبب واحد مركب الستاره دى والموضوع بسيط جدا احنا هنا عندنا زحمه بالتالى الطريق لازم اكون شايفه على شان الوقوف ميكونش مفاجىء دى كل الفكره وغير كده انا نفسى مره بليل مكنتش شايف اى حاجه من الستاره ده

عموما الفيميه مش شىء ظريف او جميل وفعلان اى حاجه اضافيه على العربيه بتكون رخمه

حتى النور العالى رخم ولسه متخانق مع واحد بسبب النور الى اسمه الزنون ده شىء غبى فعلان

[sherifahmed]

رأيي الشخصي أني مادام مخالفتي للقانون دي لم ولن تضر أحد إذا مافيش مشكله ..لأن قانون المرور ماهواش قرأن لازم ألتزم بيه المهم أني ماأضرش حد تاني زي موضوع الضرر الناتج عن الدفيندر مثلا وزي ماقولت لو حد عنده سبب منطقي لمنع الفاميه في مصر غير أنها سبوبه للحكومه انا مش هركب فاميه أبدا .

حضرتك هى دى مشكلتنا
احنا عايشين فى دولة فيها قوانين لازم نلتزم بيها زى القرأن فعلان و مينفعش نفسر القانون حسب رأينا لان دا هو الفرق بينا و بين الناس المتقدمة
مينفعش اقول

رأيي الشخصي أني مادام مخالفتي للقانون دي لم ولن تضر أحد إذا مافيش مشكله

طالما فى قانون يبأى مفيش رأى شخصى

[ashraf229]

رأيي الشخصي أني مادام مخالفتي للقانون دي لم ولن تضر أحد إذا مافيش مشكله ..لأن قانون المرور ماهواش قرأن لازم ألتزم بيه المهم أني ماأضرش حد تاني زي موضوع الضرر الناتج عن الدفيندر مثلا وزي ماقولت لو حد عنده سبب منطقي لمنع الفاميه في مصر غير أنها سبوبه للحكومه انا مش هركب فاميه أبدا .

مع احترامي الشديد ايه المنطق الغريب ده!!!!!

طيب ولما ييجي حد هوه اللي يضرك مش هتجري عالقانون تترجاه يجيبلك حقك!!

و لما القانون مش قرأن لازم تلتزم بيه حضرتك مش مفيم الأزاز اللي قدام ليه مش خوف من القانون السعودي لما أي سيارة شرطة توقفك و تخالفك و تبئى بهدله!!

انا مفيم العربية كلها الأربع شبابيك فيميه خفيف و اللي ورا كمان و السبب شمس الرياض الحارقة و اني متزوج و عندي بنت رضيعة و علشان ده كل ما يوقفوني هنا يسسألوني و يعرفوا اني متزوج و رب أسرة يعدوني عادي

لكن لما كنت هنا لوحدي كنت ماشي بالعربية عادي من غير تفييم خالص لعشان وجع الدماغ و المخالفات و البهدلة

القانون مش معمول علشان مزاجنا يعني نلتزم بيه كل خميس و جمعة و سبت مثلا و نهمله باقي السنة لأ القانون نظام حمايتي و حمايتك و علشان لو انت ضريتني و انت أقوى مني مليون مرة ما أضطرش أتخانق معاك علشان أخد حقي لأ النظام هوه اللي يحكمني و يحكمك مش عضلاتك ولا قوتك و لا طولة لساني أو لسانك

مع احترامي يا عزيزي كلامك مش منطقي و للأسف انت نفسك كدبته في أول ردك بأنك مجبر بالالتزام بالقانون السعودي يعني مش عارف انته رجعت غيرت كلامك تاني ليه!!!!!!!!

و بالنسبة لمنع الفيمية في مصر انا عندي سبب تاني اسلوب القطيع اللي بيتميز بيه نسبة كبيرة من الناس و لو سمحوا بالفيمية بضوابط هتلاقي كل البلد مفيمة و دارك دارك يعني قال يعني ترويش و بلطجة و عجهية و فرعنة (زي ما حضرتك قلت بنفسك) كله هيقول زيك القانون ده مش قرأن لازم التزم بيه و هندخل في مرحلة الفيميه السيلفر العاكس و الجولد و هكذا و مش هنخلص

احنا عارفين نعمل رادار و لا ننضم أشارة مرور و لا مواقف مكروباص لما هنحط فايميه بضوابط و نسب..لأ أمنع يا عم من اساسه لأسباب أمنية و اجتماعية و غيرها..........

و شكرا لسعة صدر الجميع و شكر خاص لصاحب الموضوع المميز............

و رمضان كريم............

[sherifahmed]

شكرا لسعة صدر الجميع و شكر خاص لصاحب الموضوع المميز

العفو يا باشا
اللى دفعنى انى اكتب الموضوع انى نايل موتورز المفروض تكون مكان يجمعنا على التصرفات الصحيحة و ننمى فى بعض كاعضاء قيمة احترام القانون اللى انا شايف غيابهاا سبب تأخرنا الوحيد
ورمضان كريم عليكم كلكم

[ashraf229]

في مخالفة القانون متعة خاصة لبعض الناس و منهم واحد كان ساكن في حسن محمد فيصل عنده لانسر بومة أقل فئة 1600 و مركبلها حتة دين دفيندر من ورا كبير جدا و شكلها غريب جدا جدا بجد دفندر بتاع برادو مثلا و ورا بس و طبعا التفييمة الجامدة و النسر المتين اللي مجرد ما تشوفه عد المخالفات اللي بالجملة على أي عربية

و غيره كتير فاهمين الموضوع غلط أن أي عربية هاتشباك لازم يركبلها دفندر ازاي مش فاهم حتى الألتو و الماروتي و الله شفتهم راكبلهم قدام و ورا بس ميني دفندر

و الله شر البلية ما يضحك نفسي أعرف الناس دي بتفكر ازاي!!و جه على بالها ايه ساعتها!! و زعلانين أوي ان القانون الجديد منعه!! فوكك يا عم قانون ايه و بتاع ايه

على رأي أدم ............هيه كده حلوة أوي .......... و كل واحد مع نفسه

[EslaM_NagY]

جيت ع الجرح

كان فى عربية انا مصورها ومكنتش عايز ارفعها للمنتدى خوفا من حرقة دم الاعضاء ولكن ما باليد حيلة

خدوا بصة كدة !!!




دا اختراع جديد اسمه Half Defender وزى ما هو واضح الديفندر مصدى وحالته كرب ونصه فقط المتوفر الباقى راح مع الوبا

وعلى الشنطة برضو نفس الديفندر المعفن المصدى دا واتنين على الاعتاب ( برضو مصدييين )


طب دا لزمتهم ايه ؟؟؟؟؟


هى الفيرنا يتدخل صحراء من ورايا وانا معرفش ؟؟


وبنظره فاحصة سريعة اعلى شمال الصورة تجد بادج كلية طب ملطوع على الازاز !!!!!!


بالذمة فى دكتور يعمل كدة فى عربيته ؟؟؟


وحتى الركنة يعنى شوفوا دى عربيتى الى شنطتها بالينة بصوا هو بينه وبين الرصيف كام متر وانا بينى وبين الرصيف اد ايه !!!!!!!!!!!!!

[sherifahmed]

دا اختراع جديد اسمه half defender وزى ما هو واضح الديفندر مصدى وحالته كرب ونصه فقط المتوفر الباقى راح مع الوبا

وعلى الشنطة برضو نفس الديفندر المعفن المصدى دا واتنين على الاعتاب ( برضو مصدييين )


طب دا لزمتهم ايه ؟؟؟؟؟


هى الفيرنا يتدخل صحراء من ورايا وانا معرفش ؟؟ :u_thin1[1]:


وبنظره فاحصة سريعة اعلى شمال الصورة تجد بادج كلية طب ملطوع على الازاز !!!!!!


بالذمة فى دكتور يعمل كدة فى عربيته ؟؟؟
__________________

للاسف القانون مفيهوش اعدام

[mahmoudbadr]

كلام حضرتك والاخوة 100 %

والله الواحد ضغطه بيرتفع كل يوم بسبب كمية الفساد اللى بيشوفها فى كل مجال

وطبعا الفساد ده أصله افراد ولكن كل واحد بيحلله لنفسه مش عارف ازاى

حسبنا الله فى كل من لايتقى الله

[Amrrr]

انا نفسي أركب الديفندر وقايةً من الناس اللي بتخبطك وانت راكن ( واحدة اللي سايقة وماسكة الموبايل ومعاها جوز قرود ربنا يحرقهم كلهم )
ولما اعترضت، تقولي انت كنت طالع علي وانا خبطتك وانت كدة أخدت جزائك وان انا بارمي بلايا على الناس وهما مش ناقصين العالم دي (حدث بالفعل وساعتها كنت راكب نيو أكسنت يعني مش نازل أشحت منها) وكنت راكن وخبططني وانا راكن وطلعت أجري وراها لأنها لما خبططني ومشيت لمبة الفرامل بتاعتها منورتشي اصلا !!!يعني مفكرتشي تقف تشوف ايه اللي حصل وايه صوت الخبط والرزع دا واصلا اول ما بدأت أتكلم معاها قالتلي انا خبطتك انت ؟ ومستننكرة تماماً انها عملت حادثة - محستشي مع انها راكبة لانسر !!! دا لوشايلة كوباية مياه ووقعت منها هتحس بيها
بالذمة دي مش حلها ديفندر

سواق ميكروباص - دا عايز رشاش الحقيقة
سواق تاكسي يرمي من أقصىالشمال لأقصى اليمين ويعمل دربكة في الشارع وفي الآخر ميركبشي الزبون بعد مايكون رزع كام عربية في بعض وهينزل يقولك ياباشا انا غلبان وعربية أكل عيش و و و و و و . . . . . . . . . .


ياباشا لو الديفندرات مزعلاك بلاش منها بس هي فعلا بقت غابة والتقاطع للأقوى والأعلى !!! ايه رأيك في الرانجلر ؟؟؟؟ ومن غير ديفندرات :)

[ashraf229]

مصر.............البيت بيتك و اكتر و أكتر........

[wawoo]

جيت ع الجرح

كان فى عربية انا مصورها ومكنتش عايز ارفعها للمنتدى خوفا من حرقة دم الاعضاء ولكن ما باليد حيلة

خدوا بصة كدة !!!




دا اختراع جديد اسمه half defender وزى ما هو واضح الديفندر مصدى وحالته كرب ونصه فقط المتوفر الباقى راح مع الوبا
!

على فكرة انا موافق على الدفيندر هنا فى مصر , و ممكن يركب على الا عربية حتى لو ياريس
لان للاسف معظم السائقين حاليا فى منهى الاستهتار و الاهمال الا من رحم ربى .

و الدفندر بيحمى فعلا عربيات كتير من خسائر كتير فى السيارات الحديثة .
و عندك التريوس و الماتريكس مركبينة كتير جدا و احجام عجيبة , يبقى انا اخد لية خبطة و يتكسر فيها فنوس او غيرة عشان خاطر واحد مطلع الرخصة كوسة و ليسة بيتعمل فى خبط عربيات الناس .

[FrozenFire]

لا حول ولا قوة إلا بالله العلي العظيم
بقينا في غابة
كل واحد همه نفسه
ويولع أي حد بعد كده
ولما تيجي تكلهم
يقول لك ما تشوف غيري، أنا بعمل كده عشان أحمي نفسي من غيري
طب ما إنت ممكن تكون زي غيرك أصلا
والله والله والله
لن تقوم لنا قائمة أبدا ما حيينا
إحنا في قاع المقياس الحضاري
والمشكلة إننا بننزل كمان وكمان
والمصيبة إننا مش حسين بكده
والكارثة إننا قاعدين نقول
أم الدنيا مصر، الحضارة مصر، التاريخ مصر، الجدعنة مصر، الرجولة مصر، الشهامة مصر، إلخ إلخ إلخ
بالظبط زي المرحوم علاء ولي الدين في فيلم النوم في العسل لما وقف قدام المراية وقعد يقول
أنا بومب أنا حديد، أنا بومب أنا حديد، أنا بومب أنا حديد
وسمعني موسيقى نشيد بلادي
وتحيا مصر

[lancerevolution]

الغلط بيحصل ليه ؟؟؟؟؟
أقولك عشان كل مرة بتبقى أخر مرة و كل مرة معلش عشان إحنا فى العيد أو فى رمضان أو فى دخلة رمضان أو دخلة أى حاجة
و كل مرة معلش أصل أنا عندى عيال و عايز أربيهم و معلش يا باشا دا قد عيالك أو دا قد والدك و كلام يحسسك بالذنب
و تلاقى واحد داخل يقولك معلش يا باشا دا حاجة أى كلام و لما تقوله تتحمل إنت المسئولية يقولك و أنا مالى

[M.Osman]

جيت ع الجرح

كان فى عربية انا مصورها ومكنتش عايز ارفعها للمنتدى خوفا من حرقة دم الاعضاء ولكن ما باليد حيلة

خدوا بصة كدة !!!




دا اختراع جديد اسمه Half Defender وزى ما هو واضح الديفندر مصدى وحالته كرب ونصه فقط المتوفر الباقى راح مع الوبا

وعلى الشنطة برضو نفس الديفندر المعفن المصدى دا واتنين على الاعتاب ( برضو مصدييين )


طب دا لزمتهم ايه ؟؟؟؟؟


هى الفيرنا يتدخل صحراء من ورايا وانا معرفش ؟؟


وبنظره فاحصة سريعة اعلى شمال الصورة تجد بادج كلية طب ملطوع على الازاز !!!!!!


بالذمة فى دكتور يعمل كدة فى عربيته ؟؟؟


وحتى الركنة يعنى شوفوا دى عربيتى الى شنطتها بالينة بصوا هو بينه وبين الرصيف كام متر وانا بينى وبين الرصيف اد ايه !!!!!!!!!!!!!

مصيبة لما يكون دكتور او اي واحد متعلم يعمل كدا .... مصيبة!!!!!!

دا بالمنظر دا لو حصل حادثة جامدة لا قدر الله كل دا هيدخل على العربية و عليه .. لأن العربية اصلا مش قوية !!