عشان البلد تنضف

[amr.elsayed]

باعتذر للمشرف على التجاوزات اللى من غير دليل واللى ممكن يتجبلها دليل بسهولة بس للاسف هيبقى فيها خيانة لاصحابى الظباط وانا بصورهم من غير مايخدوا بالهم وده اللى لن ولم يحدث بس اقسملكوا ان كل التجاوزات دى حقيقية وانا ماوجهتش كلامى لشخص معين من الشرطة او الشرطة بأكملها لكن دى مجرد شريحة منهم زى كل الوظايف بس مينفعش فى الوظيفة دى بالذات يكون فيه كده
و مع كل ذلك احترم رأى المشرف وتشكر عليه

للاسف حضرتك بتتكلم صح وانا شوفت بالاوى اثناء تأديه الخدمة العسكرية
بس دة ما يمنعش ان اللى بيتمسك بيعمل كدة مستقبلوا بيضيع وبيطلع من القوات المسلحة بلا حمص
وهى اصلا مش مشكلة ظابط شرطة وبس دى ظاهرة منتشرة فى نسبة كبيرة من شباب الشعب كله
للاسف اللى عايزين الكابتشينوو دة ينتشر نجحوا بتقدير امتياز
اما عن موضوع ان ظباط الشرطة ما بيخدوش مخالفات اقترح ان يتعمل لظبات الشرطة نمر مميزة
عن نمر المدنيين ويكون فى فرع لشرطة الانضباط مخصوص للمرور الاقتراح دة حيخلى اى حد فى
القوات المسلحة مخالف للقانون حيمشى زى ما الكتاب ما بيقول لان للاسف احنا شعب مش بيمشى غير بالعصا والكرباج واسف على الاطالة

[MohaMed_Refaat]

ابسط حاجة :::::
مفيش ميزانية نجيب كاميرات انشاء اللة فى الخطة الخمسية الجية

[MoToRiZeR]

القانون في الأساس هو مجموعة من النقاط يتم تنفيذها و العمل علي سريانها علي الجميع حفاظاَ علي النظام .
لذلك إحنا محتاجين أولاَ يكون عندنا نظام عشان نعمله قانون !

يعني إحنا عندنا إدارة مرور و عندنا قانون مرور .. بس الأولي بتخرج ناس بتصريحات قيادة و هم لا يفقهون شيئاَ عن البطيخ .. لذلك الثاني أصبح بدون قيمة .. لأن الفوضي أصحبت هي القانون .. مينفعش أنزل علي مستشفي مثلاَ و أقول مخالفة 150 لمريض القلب اللي مش هيجري إتنين كيلو كل يوم و سحب ملف مريض الصدر اللي مش هيمارس رفع الأثقال ساعتين يومياَ .. لازم أعالج الناس من أمراضها الأول بعدين أطلب منهم الفضيلة .

و مشكلة الشارع المصري ببساطة إن كل الناس بتسوق غلط و هي فاكرة إنها بتسوق صح !
و عقلية الضابط هي هي عقلية الناس دي .. لأنه واحد منهم و كل اللي يفرقه عنهم إنه دخل كلية الشرطة .

لذلك فالوضع كله فوضي في فوضي .. من اللي بيطبقوا القانون و اللي بيتطبق عليهم .

[Car's Sniper]

موقف يخلى الواحد يتأكد ان مش كل اصحاب السلطه
مفسدين ابدا فيهم ناس يستحقو التقدير والاحترام

فعلا يا استاذ هاشم راجل يستاهل يضربله تعظيم سلام بجد

اما عن موضوع ان ظباط الشرطة ما بيخدوش مخالفات اقترح ان يتعمل لظبات الشرطة نمر مميزة
عن نمر المدنيين ويكون فى فرع لشرطة الانضباط مخصوص للمرور الاقتراح دة حيخلى اى حد فى
القوات المسلحة مخالف للقانون حيمشى زى ما الكتاب ما بيقول

من فهمى للكلام ده ان ظباط الشرطة هيبقوا تحت رقابة ضباط شرطة زيهم ياريت توضح الفكرة دى يا استاذ ringoo وتشرحها بالتفصيل ومايهمكش الاطالة

عقلية الضابط هي هي عقلية الناس دي .. لأنه واحد منهم و كل اللي يفرقه عنهم إنه دخل كلية الشرطة

باختلف مع حضرتك فى النقطة دى يا motorizer ومعاك حق فى باقى الكلام لكن عقلية الظابط المفروض متكونش زى الناس الفاسدين وإلا مكنوش عملوا اختبارات الهيئة وغيره وغير كدة المفروض الظابط يعلموه فى الكلية ضبط النفس واحترام الغير لكن للاسف حتى المحترمين من الظباط بيقولوا ازاى اوقف حد زميلى فى لجنة واقوله ورينى رخصك وده اللى احنا عايزين نقضى عليه
ولكم منى ارق التحيات

[amr.elsayed]

من فهمى للكلام ده ان ظباط الشرطة هيبقوا تحت رقابة ضباط شرطة زيهم ياريت توضح الفكرة دى يا استاذ ringoo وتشرحها بالتفصيل ومايهمكش الاطالة

باختلف مع حضرتك فى النقطة دى يا motorizer ومعاك حق فى باقى الكلام لكن عقلية الظابط المفروض متكونش زى الناس الفاسدين وإلا مكنوش عملوا اختبارات الهيئة وغيره وغير كدة المفروض الظابط يعلموه فى الكلية ضبط النفس واحترام الغير لكن للاسف حتى المحترمين من الظباط بيقولوا ازاى اوقف حد زميلى فى لجنة واقوله ورينى رخصك وده اللى احنا عايزين نقضى عليه
ولكم منى ارق التحيات

شوف يا سيدى فرد القوات المسلحة (الجيش) عشان ما يخرجش عن القانون العسكرى
لازم له ضابط والضابط دة بيتمثل فى ( الشرطة العسكرية ) اللى هى مالهاش حكم
على ( الشرطة المدنية اللى هي الداخلية ) الشرطة المدنية ليها حاجة زى الشرطة العسكرية
اسمها ( شرطة الانضباط ) بس دول بيهتموا بحاجات تانية زى الزى العسكرى (الداخلية)
وطول الشعر والحاجات دى لكن مفيش حاجة لمخالفات المرور فاقتراحى ان ينشأ قسم
فى شرطة الانضباط خاص بالمخالفات المرورية للسادة الضباط وافراد الداخلية ويعملوا
لجان مرور زى لجان المدنيين ومن خلال النمر المميزة للظباط اللى حتتعمل عند ترخيص اى ظابط لسيارته
حيتعرف فى اللجنة ولو مخالف يتاخد مخالفة تكون اقسى من مخالفة المدنى لانه هو اصلا رجل امن المفروض يبقى قدوة للناس المدنيين
ومتابع باهتمام وربنا يستر

[Car's Sniper]

شوف يا سيدى فرد القوات المسلحة (الجيش) عشان ما يخرجش عن القانون العسكرى
لازم له ضابط والضابط دة بيتمثل فى ( الشرطة العسكرية ) اللى هى مالهاش حكم
على ( الشرطة المدنية اللى هي الداخلية ) الشرطة المدنية ليها حاجة زى الشرطة العسكرية
اسمها ( شرطة الانضباط ) بس دول بيهتموا بحاجات تانية زى الزى العسكرى (الداخلية)
وطول الشعر والحاجات دى لكن مفيش حاجة لمخالفات المرور فاقتراحى ان ينشأ قسم
فى شرطة الانضباط خاص بالمخالفات المرورية للسادة الضباط وافراد الداخلية ويعملوا
لجان مرور زى لجان المدنيين ومن خلال النمر المميزة للظباط اللى حتتعمل عند ترخيص اى ظابط لسيارته
حيتعرف فى اللجنة ولو مخالف يتاخد مخالفة تكون اقسى من مخالفة المدنى لانه هو اصلا رجل امن المفروض يبقى قدوة للناس المدنيين
ومتابع باهتمام وربنا يستر

ههههههههه بساطة بساطة مش اى كلام
بس للاسف الظباط ماحدش بياخدهم مخالفة اساسا حتى لو كانت شرطة الانضباط نفسها عشان كدة نفسى يبقى الرقابة على الضبط تبقى من حاجة غير الشرطة والقوات المسلحة
وده اللى انا قصدى عليه ان الشعب هو اللى ممكن يراقبهم
يعنى مثلا القانون بيمنع تفييم العربية ...يبقى المفروض القانون يقول ان اى عربية متفيمة لازم يتشاف رخصها يعنى مثلا تلاقى عربية لانوس وللا فيات128 متفيمة طب تيجى ازاى دى والمصانع دى مابتعملش العربيات دى متفيمة اساسا
حاقولك على حاجة تنرفز فى موضوع التفييم ده حصلتلى انا شخصيا
والدى الله يخليه جبلى عربية نوبيرا وبعتها مع واحد عشان يرخصها وكان على ازازها فاميه شفاف تقريبا ومع ذلك مارضيوش بيه وقالوا للشخص اللى خدها تتعاين ان العربية نازلة من غير تفييم اساسا وشالوه علشان يتركبلها نمر
وانا اتصدمت لما العربية وصلت ولقيت على الازاز اثار الفاميه اللى اتشال وكانت حاجة تنرفز لانه مايعتبرش فاميه اساسا ومع ذلك لو دى عربية حد من بتوع السلطة وكان الفاميه اسود بلاك كانت اتسابت
ياللا ادينا هنحاول نغير البلد ويبقى اسمنا عملنا اللى علينا

[D . a .\ AYMAN]

بص انا هقولك حاجه ,,, العملية دي ليها حاجات كتير بتحكمها .. اولا ظابط الشرطة قانونا مينفعش يعترض ضابط جيش ,, والا تبقى كارثة .. الفكرة الاحلى من كده اننا نعلم الناس تحترم القانون مش ان الظابط يطبق القانون ... القانون عمر ماكان الاصل فيه العقوبة .. الاصل فيه هو الالتزام ... وتعالى بقه بالعقل .
1-لو ظابط شرطة اعترض ظابط طيار حربي (فايتر ) عشان مركب زينون وفاميه .. الطيار هيتصل بالشرطة العسكرية ويقول انا في
المكان الفولاني وفي ظابط شرطة اعترضني .. الشطرة العسكرية تنزل تكسر الكمين على اللي فيه .


2 - وكيل النيابة مينفعش تتسحب رخصة ومفيش عليه مخالفات كل الحكاية ان ظابط الشرطة اخره يعمل تقرير ويبلغه للنائب العام ووكيل النيابة بياخد جزاء اداري .. واخر السنة بيروح المرور كل مخالفاته بتتشال

3 - تقدر تقولي انت هتجبر ازاي الظابط انه يسحب رخص الناس دي اذا كان طلبك اصلا غير قانوني

4- طالما انت ماشي كويس ومش مخالف متشغلش بالك بحد .. التطاول على القانون موجود في كل بلاد العالم .. هو صحيح في بلدنا التطاول كتير اوي وغريب جدا ..

لكن الطبيعي انه يكون فيه تطاول لانه لازم يكون في صح وفي غلط عشان قدرة الانسان على التمييز والتفكير تشتغل

ولك مني ارق التحيات

أختلف معاك فيما ذكرت في النقطة الأولى والتانية

1- بالنسبة لما ذكرت في النقطة الأولى ... ضابط الجيش سواء كان طيار أو غيره .. بيبقى له معاملة خاصة لأن لا يجوز توجيه الإتهام له في أي جريمة إلا من قبل النيابة العكسرية فقط (مع الأخذ في الإعتبار أن مخالفات السيارات ماهي غلا جرائم عادية) ... بالإضافة لأن الموضوع برضه بيبقى في مسألة حساسية موجودة ومتأصلة بين الجيش والشرطة في مصر من زمان .... لكن هذا لا يمنع أن من حق ضابط المرور سحب ترخيص أي ضابط آخر سواء شرطة أو جيش وتسجيل مخالفة له لكن مخالفات ضابط الجيش يجب عرضها على وكيل النيابة العسكرية حيث هو صاحب الإختصاص الأصيل في حفظها أو البت فيها

نقطة أخرى ... الشرطة العسكرية مش معمولة عشان تشتغل عند ضباط الجيش ... الشرطة العسكرية هي الجهاز الرقابي على ضباط الجيش ويكون أفرادها من ضباط الجيش نفسهم ... بالضبط مثل إدارة التفتيش القضائي والتي تقوم بالتفتيش على أعمال القضاة وكذا إدارات الشئون القانونية في الشركات الخاصة والتي تقوم بالتحقيق مع الموظفين فيما يصدر منهم من مخالفات ... لكن كل الحكاية إن الشرطة العسكرية سلطاتها أوسع لتشمل كل ما يخص ضباط الجيش سواء في الحياة الخاصة أو العمل ... بالإضافة لضرورة وجود أحد أفراد الشرطة العسكرية في أي موقف ينشأ بين ضابط الجيش والشرطة


2- النقطة التانية برضه خطأ ... وكيل النيابة له وضع خاص لأن لديه حصانة قضائية تمنع الشرطة أو حتى النيابة العامة من مباشرة أي إجراء من إجراءات التحقيق أو القبض أو التفتيش ضده إلا بعد رفع هذه الحصانة عنه ... الأمر الذي يتم معه عند تجديد رخص سيارته الخاصة حفظ المخالفات المرورية الموجوده عليها كأجراء أسهل من إتخاذ إجراءات رفع الحصانة عنه لأن رفع الحصانة لايتم إلا في حالات التلبس بالجرائم الكبيرة نسبيا ... ولكن هذا لا يمنع ضابط الشرطة من تسجيل المخالفات ضده أو حتى سحب رخصه ... وعملية سحب الرخص تحدث بالفعل حيث رأيت العديد من القضاة متوجهين الي بعض نيابات المرور التابعين لها لإسترداد رخصهم الخاصة ... كل ما هنالك أن وكيل النيابة أو القاضي عندما يتوجه الى إحدى نيابات المرور فإنما هو متوجه الى أحد مقار عمله في الأساس فيجب أن يقابل بالإحترام الواجب ... مثل الطبيب عندما يتوجه الى مستشفاه أو عيادته ويقابل بمثل هذه الإحترام وقد يكون أحد المرضى المنتظرين دورهم لديه وكيلا للنيابة



وكمان الدكتور ممكن يدخل حد من قرايبه قبل دوره وتلاقي وكيل النيابة اللى الدور عليه قاعد يقول إيه الكوسة دي

[amr.elsayed]

تقريباً كدة والله اعلم مفيش فايدة ولو حد عندوا اقتراح يقوله