مناقشة هامة..أرجو المشاركة والتعليق !! (وائل عطية)

[Karim_Monir]

سعر الكرولا واللانسر الجدي عدي
خاصة ان الكرولا الجديدة 1600 وتمن ال 1600عالي جدا
لانه يحافظ علأى سوق الياريس
ومش هاينزل الكرولا ال 1400 دلوقت
ولو نزلت مش هاتقل 120

[Ahmed Anwer]

للماتريكس وميزة ان محدش يعرف يقعد عليها،

ميزة جامدة جدا ،، مش أي حد يقدر ياخد باله منها
Red_Colorz_PDT_04 Red_Colorz_PDT_04

ولكن ده لا يمنع من وجود قاعدة ثابتة - من وجهة نظري على الأقل - وهو أن الخسارة عند إعادة البيع بتتناسب طرديا مع سعر السيارة؛

+ 1000
و عشان كده بنحس إن العربيات الرخيصة إعادة بيعها أفضل
غير إن الفئة اللي بتشتري عربية مش عالية مستعملة فرق خمس الاف جنيه عن سعر الزيرو بتاعها بيبقي توفير هايل بالنسبة ليهم
غير اللي بيشتري عربية عالية مستعملة فرق خمستاشر ألف يقولك ما أنا أجيبها زيرو أحسن
عموما اعتقد بعد خمس سنين من عمر العربية اعتقد الفروق بين أسعار إعادة العربيات بتتساوي
بس في موديلات تبيعها و انتا نايم و موديلات تقعد تقنع الناس إنها تشتريها

لو كل مشكلة حضرتك في فكرة التغيير
يبيقي خليك في كسر الزيرو تبقي خففت خسارة إعادة البيع بنسبة كبيرة
رغم إني بقلق أوي من كلمة كسر زيرو دي ،،

لو الفكرة إن حضرتك عايز تجيب عربية تحس فيها بفرق ركوبه يبقي تدفع زيادة و متعملش حسابك علي تغيير قريب و مش لانسر و كورولا ،، فيكترا و سيفيك بقه و الحاجات دي

[Sharky]

لو جينا مثلا نبص علي الميجان تلاقي مصاريف صيانتها الدوريه في التوكيل لحد م توصل ل 100 الف كيلو حوالي 7000 جنيه!!!!!!!!

حازم باشا الـ 7.000 جم فى 100.000 كم يعنى تقريا فى خلال 5 سنين أنا مش شايف إنها غاليه قوى و خاصة إن سعر صيانات الكرولا قريب منها جدا يعنى إنت بتتكلم فى 1.500 الف جم فى السنة بالنسبة للفئة دى مش غالى

[dreslam]

انا لاحظت ان كل الكلام رغم اختلاف الاراء بيؤدي نفس النتيجه
انا اشتركت في المنتدى هنا واستفدت استفاده لو قعدت 10 سنين اتعلم مش حستفيدها
وانا كنت من هواة تغيير العربيات لكن قعدت فترة طويله لحد ما دخلت في العربيات الجديده وسمعت لنصائح من هنا وهناك لحد ما جبت ماتريكس مانيوال وماكنتش مقتنع بيها قوي لكن...كنت فرحان وطاير بيها
مع الوقت لقيت العربيه مش مناسبه ليا وماكنتش عارف اسوقها كما يجب "يمكن عشان مش طويل" وتقريبا الكياس فضلت على الكنبه من ورا وعملت بيها 3600 كيلو في سنه "مش عايز اركبها وخايف اخبطها".ولما لقيت عربيتي الحاليه الصني "ياباني" 2005 "استعمال خفيف ونضيف "رغم خوفي ووسوستي من المستعمل وافلام الرعب اللي كنت بسمعها من هنا وهناك لدرجه ان شعري شاب جبتها ودلعتها وعملت بيها في شهر قريب من اللي عملته بالماتريكس اللي جايبها زيرو في سنه.ورغم عيني الزايغه على كل العربيات الجديده واللي فئتها اعلى الا اني بحب عربيتي اللي ببوسها وانا بلمعها تقريبا كل يوم.
خلاصه الكلام العربيه مش بقيمتها اختيار العربيه يعتمد على الراحه النفسيه في المقام الاول لكن نصيحه:
ماتجيبش ميجان طالما عينك زايغه زيي لان عينك حتزوغ على غيرها وساعتها حتخسر كتير وحتندم.
ماتجيبش عربيه امكانياتها اقل من اللي انت عايزه عشان توفر وده لانك حتبيعها قوام وتخسر فيها كتير.
ماتجيبش عربيه اغلى واعلى من امكانياتك لانها حتضلعك وتشيب شعرك من الخوف وكمان حتفقدك متعتها عشان حتفكر كتير.
هات عربيه كويسه امكانياتها مناسبه ليك وسوق بيعها يا اما كويس يا معقول "ده اللي كلو بيحاول يقوله"
اعتقد كده انحسر اختياراتك في عربيتين او ثلاثه بالكتير.واللا ايه.

[hazem_khidr]

حازم باشا الـ 7.000 جم فى 100.000 كم يعنى تقريا فى خلال 5 سنين أنا مش شايف إنها غاليه قوى و خاصة إن سعر صيانات الكرولا قريب منها جدا يعنى إنت بتتكلم فى 1.500 الف جم فى السنة بالنسبة للفئة دى مش غالى

معاك يا احمد باشا و انا من اشد المعجبين بالرينو و الاوربي بشكل عام لكن ما تيجي تبص مثلا مع خالي تويوتا 2004 و عامله 110 الف كيلو دلوقتي و ما رحتش التوكيل غير مره واحده و بس من ركوب سنتين مش محتاجه تروح كل 10 الاف كيلو علشان تتصين هناك.يعني ببص ليها من المنظور دا انها حتتصلح في اي مكان و قطع غيارها رخيصه مش غاليه انما الميجان عاوزه عنايه اكتر دا كان قصدي انما هي كعربيه تحفه بلا شك

[eng_mkhalaf]

خلاصه الكلام العربيه مش بقيمتها اختيار العربيه يعتمد على الراحه النفسيه في المقام الاول لكن نصيحه:
ماتجيبش ميجان طالما عينك زايغه زيي لان عينك حتزوغ على غيرها وساعتها حتخسر كتير وحتندم.
ماتجيبش عربيه امكانياتها اقل من اللي انت عايزه عشان توفر وده لانك حتبيعها قوام وتخسر فيها كتير.
ماتجيبش عربيه اغلى واعلى من امكانياتك لانها حتضلعك وتشيب شعرك من الخوف وكمان حتفقدك متعتها عشان حتفكر كتير.
هات عربيه كويسه امكانياتها مناسبه ليك وسوق بيعها يا اما كويس يا معقول "ده اللي كلو بيحاول يقوله"
اعتقد كده انحسر اختياراتك في عربيتين او ثلاثه بالكتير.واللا ايه.

+100000000000000000000000000000

[وائل عطية]

ألف شكر يا جماعة على تفاعلكم مع الموضوع
وفعلاً المداخلات كانت واعية جداً وخبيرة، ونفاعلت جيداً مع الفكرة التي وضعتها في بداية الموضوع وهى مبدأ الاختيار وليس اختيار سيارة بعينها.
أنا خرجت امبارح من المنتدى قبل ما أشوف باقي المداخلات
خدت جولة سريعة على بعض المعارض منها ناشيونال موتورز إيجبت موزع نيسان بس مش علشان أتفرج على الصني ولكن على اللانسر واللي كان عنده كان خليجي وتمنها 106.500 هاف سبورت (سعر مبالغ فيه) بس لو استقريت على اللانسر هاتكون إن شاء الله بضمان الوكيل
رحت بعد كده عند معرض القاهرة الكبرى للمبيعات في مصطفى النحاس واتفرجت على الفيرنا فيفا الجديدة (كحل ابتدائي وسريع لعدم وجود سيارة معي الآن ويمكن تغييرها في خلال سنة) والحقيقة العربية تقفيلها معقول قوي وهي 1500 سي سي وعرضها عليا بـ 70 ألف جنيه
بعد كده رحت معرض أوتو ماجد واتفرجت على السيتروين c4 وطبعاً للي ما قعدش في العربية دي أدعوه إنه يتفرج عليها ..وهم فعلاً ..وعاملين عرض كويس إنك تدفع 70 ألف والباقي على سنتين بدون فوايد (تمنها 137 ألف) هى ممتازة لولا الخوف من أسعار قطع غيارها المبالغ فيها
الحقيقة كلام أخونا سبعاوي عمال بيرن في وداني قوي وأنا شايف إنه حابب الصني ومقتنع بيها قوي وهى فعلاً عجباني جداً بس عندي تحفظات مش قليلة على التقفيل المصري وخصوصاً إني لو اشتريتها هاتبقى السوبر صالون اللي تمنها دلوقتي 102.500 ألف (يعني سعر مش رخيص برده)..أوووووووووووووووووووووووه...احترت !!
اللهم وفقني إلى الصواب!

[eng_mkhalaf]

الصنى كويس - ولية السوبر صالون - EX صالون أتوماتيك ب 91 إلف زى الفل وجامدة جدا
وكمان الفيفا ب 70 إلف أستحالة - دية ب 64 إلف وكمان محدش عايز يشتريها

[وائل عطية]

وكمان الفيفا ب 70 إلف أستحالة - دية ب 64 إلف وكمان محدش عايز يشتريها

أصل موديل 2008 غيروا شكلها وسعرها عند الوكيل بالحجز 69.500

[eng_mkhalaf]

وكمان الفيفا ب 70 إلف أستحالة - دية ب 64 إلف وكمان محدش عايز يشتريها

أصل موديل 2008 غيروا شكلها وسعرها عند الوكيل بالحجز 69.500

اللى يدفعك 70 إلف فى فيفا يبقى خليم فى الصنى الفرق مش كبير - وكمان التوكيل بالحجز 69.5 إلف فتبقى من غير حجز هتبقى ب 70 إلف صعبة على العموم من رأى الشخصى المتواضع أبعد عنها

[Sharky]

ربنا يكون فى عونك يا وائل باشا
إن شاء الله ربنا يهيدك إلى عربية كويسة و تكون مقتنعة بيها

[أبو_حمزة]

إحنا هانقطع على بعض ولا إيه؟

لا والله مش قصدى انا لقيت الموضوع قريب من حالتى و فى كلام عن الميجان قلت يمكن المناقشة تفيدنى و تفيدك برضة.
أوعى تزعل. مش ميجان دى اللى ها تزعلنا من بعض :-)

[hazem_khidr]

هتقولى طيب الناس ليه بتحب السويفت وبتشتريها هقولك لانها عربية سعرها رخيص ويابانى وقطع غيارها معقولة ولكن لما تركبها تلاقى ان صاجها ضعيف جدا وموتورها الومنيوم وعربية خفيفة جدا

مش للدرجادي ياا عبد الله
صاجها مش ضعيف للدرجه اللي انت متخيلها دي.
و بعدين الموتور الالمونيوم عيبه ايه؟؟؟؟؟؟؟؟؟ماشي زي الفل و عمره ما قصر الحمد لله غير كده معظم العربيات االحديثه كده علشان تخفيف الوزن و حجات تانيه متعلقه بالاداء؟.
و غير كده العربيه مش خفيفه جدا ولا حاجه يعني لما ابقي ماشي بعربيه موديل 93 علي الصحراوي و ماشي علي 160 و لسه عاوزه تجيب كمان و ثباتها جميل جدا و دركسيونها مضبوط يبقي فين الخفه في كده؟
غير كده و اللي افتكرته دلوقتي اني لما بدوس بيها فرامل جامده عمرها ما وشها ولا ضهرها بيتحرك شمال و يمين ابدا.
عيب العربيه دي ان عفشته ضعيفه من وجهه نظري و يمكن يكون بسبب الطرق المكسره بتاعنا هيا اللي بتعمل فيها كده

[Ahmed Anwer]

بصراحة يا أ / وائل
نصيحتك صعبة أوي
حضرتك بادي من الفيرنا فيفا لحد c4 وميجان و سيفيك و فيكترا
حاجات متركبش علي بعض :-) :-) :-) :-)
مستويات مختلفة أوي

[وائل عطية]

بصراحة يا أ / وائل
نصيحتك صعبة أوي
حضرتك بادي من الفيرنا فيفا لحد c4 وميجان و سيفيك و فيكترا
حاجات متركبش علي بعض :-) :-) :-) :-)
مستويات مختلفة أوي

شكراً على اهتمامك يا أستاذ أحمد
بس حضرتك تقريباً ما قرأتش كويس اللي أنا كاتبه:
أنا باتناقش حول التوجه في المفاضلة مابين فئتين سعريتين (عالية ومتوسطة)، وبالنسبة للفيرنا أنا قلت تحت ضغط الحيرة اللي أنا واقع فيها ممكن أضطر إني أجيب الفيرنا فيفا كحل مؤقت وسريع ويمكن بيعها في خلال سنة للتغلب على عدم وجود سيارة معي الآن
شكراً مرة أخرى على اهتمام حضرتك