محتاج مشورتكم .. مستعمل ولا زيرو ؟

[Hazemabdallah]

السلام عليكم ...

أنا أخوكم حازم ... و محتاج أستشيركم فى موضوع شراء أول سيارة فى حياتى , و متأكد أنكم مش حتبخلوا على بالمشورة ... :roll: :roll:

أخوكم زى ما قلنا قبل كده , ملهوش فى العربيات و لا فى السواقة . لو افترضنا ان الناحية المادية مش هى المشكلة ( مجرد فرض , محدش يفهمنى غلط :) :D ) , نصيحتكم ليه تكون ايه :

هل أجيب عربية مستعملة , مثلا 128 ( فى حدود 20 ألف ) , أقضى بيها فترة , أتقن فيها السواقة , و استحمل تعب المستعمل و مشاكله و خلاص ( مع عدم وجود خلفية عن الصيانة أو مشاكل العربيات ) , و بعدين أبقى أبيعها و أفكر فى زيرو . و لا أجيب حاجة زيرو بالتقسيط , و السواقة أحاول أمارسها بأى طريقة لحد ما أستلم العربية ..

طبعا كل اختيار ليه مزاياه و عيوبه , فيا ريت تقولولى رأيكم أيه ؟؟

[mina_ramsis]

انا رأئى انك قدامك حليين ملهمش تالت يا اما تجيب 128 مستعمل و انا برشح الرأى ده علشان خسارة تجيب عربية زيرو تقعد تخبط فيها و ده هيكلفك كتير يا اما تجيب شاهين او لادا زيرو لو متمسك بفكرة الزيرو علشان قطع غيارهم رخيصة و مش هتكلفك زى مثلا اللانوس او الفيرنا
بالتوفيق ان شاء الله

[GoldenManEye]

الزيرو زيرو لو عايز تستمتع بالسواقة.
أنا رائى تجيبها زيرو ومدام بالتقسيط يبقى البنك هيجبرك على التأمين وده يخليك تمشى مرتاح (بس طبعاً تتعلم سواقة الأول كويس .. أعقلها وتوكل) وهيبقى فيها ضمان 3 سنين بس المهم تجيب عربية مصاريف صيانتها مش عالية وسعر إعادة البيع كويس عشان لو حبيت تجيب عربية العمر بعد ما تتطلع عين دى :mrgreen: يبقى متخسرش كتير ;)

[Hossam_Hassan]

انا رأئى انك قدامك حليين ملهمش تالت يا اما تجيب 128 مستعمل و انا برشح الرأى ده علشان خسارة تجيب عربية زيرو تقعد تخبط فيها و ده هيكلفك كتير يا اما تجيب شاهين او لادا زيرو لو متمسك بفكرة الزيرو علشان قطع غيارهم رخيصة و مش هتكلفك زى مثلا اللانوس او الفيرنا
بالتوفيق ان شاء الله

+1

[إسلام شاهين]

الزيرو طبعا يا حازم بما إنك بتقول مالكش خلفية للصيانة وقرف المستعمل وهتلك حاجة تكون قطع غيارها حنينه فعلا زي الفيرنا او اللانوس وبالتوفيق إن شاء الله .

[eng_amrazek]

الزيرو طبعا يا حازم بما إنك بتقول مالكش خلفية للصيانة وقرف المستعمل وهتلك حاجة تكون قطع غيارها حنينه فعلا زي الفيرنا او اللانوس وبالتوفيق إن شاء الله .

+1

[أبو_حمزة]

الزيرو اكيد احسن لو معاك تمنه
انما معلش تجيب عربية جديدة بالتقسيط يعنى تدفع تمنها مرة و نص او اكتر
و كمان تتعلم فيها
متهيألى كده يبقى خسارة قوى
كمان فى نقطة تانية
انت لسة معلوماتك وخبرتك فى العربيات محدودة يعنى ممكن ما تقدرش تختار انسب حاجة ليك
لو جبتها زيرو و بالتقسيط التغيير يبقى صعب قوى
اما لو مستعمل (رغم وجع الدماغ بتاعه) هيبقى اسهل كتير تقعد بيها سنة مثلا تكون بقيت تمام و عرفت ايه اللى بيعجبك أو يضايقك فى أى عربية و ساعتها تجيب الزيرو و انت عارف انت عايز ايه بالضبط
و االى ها تخسره فى القديمة يبقى مجرد مصاريف التعليم
بس اياك اياك و التسرع
و ربنا يوفقك للصواب

[أبو ياسين]

انت لسة معلوماتك وخبرتك فى العربيات محدودة يعنى ممكن ما تقدرش تختار انسب حاجة ليك
لو جبتها زيرو و بالتقسيط التغيير يبقى صعب قوى
اما لو مستعمل (رغم وجع الدماغ بتاعه) هيبقى اسهل كتير تقعد بيها سنة مثلا تكون بقيت تمام و عرفت ايه اللى بيعجبك أو يضايقك فى أى عربية و ساعتها تجيب الزيرو و انت عارف انت عايز ايه بالضبط
و االى ها تخسره فى القديمة يبقى مجرد مصاريف التعليم
بس اياك اياك و التسرع

+1
غير انك ممكن متعرفش تحافظ على الزيرو لقله الخبره

[ezshereef]

اما لو مستعمل (رغم وجع الدماغ بتاعه) هيبقى اسهل كتير تقعد بيها سنة مثلا تكون بقيت تمام و عرفت ايه اللى بيعجبك أو يضايقك فى أى عربية و ساعتها تجيب الزيرو و انت عارف انت عايز ايه بالضبط

+1

و كمان وجع الدماغ ده و مشوارك كل شهر على الميكانيكي هيديلك خبرة كويسة إنت محتاجها. و إبقى إسأل الميكانيكي في كل حاجة هو إيه اللي باظ وباظ ليه. رأيي هات 128 تمنها فيها و الميكانيكا بتاعتها سهلة و مابترخصش. و ربنا يباركلك في اللي تجيبه إن شاء الله

[m_aash]

اقتباس:

اما لو مستعمل (رغم وجع الدماغ بتاعه) هيبقى اسهل كتير تقعد بيها سنة مثلا تكون بقيت تمام و عرفت ايه اللى بيعجبك أو يضايقك فى أى عربية و ساعتها تجيب الزيرو و انت عارف انت عايز ايه بالضبط


+1

و كمان وجع الدماغ ده و مشوارك كل شهر على الميكانيكي هيديلك خبرة كويسة إنت محتاجها. و إبقى إسأل الميكانيكي في كل حاجة هو إيه اللي باظ وباظ ليه. رأيي هات 128 تمنها فيها و الميكانيكا بتاعتها سهلة و مابترخصش. و ربنا يباركلك في اللي تجيبه إن شاء الله

+10000000000000

[Ahmad]

أنا مع المستعمل في الأول بس مع شوية تعديل علي الفكرة.
ليه الاصرار علي ال 128 بس كسيارة مستعملة؟؟ أولا ال 128 عربية أعطالها كتير بطبعها , زائد انك هتجبها مستعملة فنسبة التصليح هتزيد أكتر.
هات مستعمل بس ماسك نفسه شوية.
علي سبيل المثال لا الحصر , لانسر 90 (عيون صفية) , أونو , كيا برايد , ريجاتا (لو لقيت حاجة نضيفة) , رينو 9..
صحيح ان الموديلات دي أغلي من ال 128 بس مش هتعطل منك كتير كحال ال 128.
بالاصافة ان مصاريف الموديلات دي مش غالية .و كمان مش حتخسر فلوس كتير لما ترجع تبيعها تاني زيها زي ال 128.
ربنا يوفقك ان شاء الله.

أحمد

[Migo123]

هل أجيب عربية مستعملة , مثلا 128 ( فى حدود 20 ألف ) , أقضى بيها فترة , أتقن فيها السواقة , و استحمل تعب المستعمل و مشاكله و خلاص ( مع عدم وجود خلفية عن الصيانة أو مشاكل العربيات )

+100000000000000000

[أبو_حمزة]

حاول تعلى بالموديلى عل قد ما تقدر حتى لو عربية صغيرة
يعنى لو تقدر على برايد يبقى تمام و أونو مناسبة جدا
لو غاليين عليك يبقى شوف ماروتى حالة كويسة
نصيحة بلاش العربيات العجوزة دى خلاص خدت ايامها و يالله حسن الختام

[osama]

جيب الاول مستعمل 128 وتكون بحالة جيدة واتعلم فيها براحتك وبدين انت مش هتخسر حاجة في الصيانة عشان هي مش هنوعد معاك كتير مثلاً سنة او اقل حسب احساسك بنفسك وبعدين وانت سايق هتبدي دماغك تفتح علي عربيات كتير تركبها ممكن ساعتها تبيع 128 وتزود عليها حاجات بسيطة وبعدين ياعم تركب زيرو ونقول لك الف مبروك
خد النصيحة فانوس 128 ببلاش فانوس اي عربية تانية انت عارف :?
سلام ;)

[osama]

جيب الاول مستعمل 128 وتكون بحالة جيدة واتعلم فيها براحتك وبدين انت مش هتخسر حاجة في الصيانة عشان هي مش هنوعد معاك كتير مثلاً سنة او اقل حسب احساسك بنفسك وبعدين وانت سايق هتبدي دماغك تفتح علي عربيات كتير تركبها ممكن ساعتها تبيع 128 وتزود عليها حاجات بسيطة وبعدين ياعم تركب زيرو ونقول لك الف مبروك
خد النصيحة فانوس 128 ببلاش فانوس اي عربية تانية انت عارف :?
سلام ;)