محتاج مشورتكم .. مستعمل ولا زيرو ؟

[osama]

جيب الاول مستعمل 128 وتكون بحالة جيدة واتعلم فيها براحتك وبدين انت مش هتخسر حاجة في الصيانة عشان هي مش هنوعد معاك كتير مثلاً سنة او اقل حسب احساسك بنفسك وبعدين وانت سايق هتبدي دماغك تفتح علي عربيات كتير تركبها ممكن ساعتها تبيع 128 وتزود عليها حاجات بسيطة وبعدين ياعم تركب زيرو ونقول لك الف مبروك
خد النصيحة فانوس 128 ببلاش فانوس اي عربية تانية انت عارف :?
سلام ;)

[hazem_khidr]

رايي طالما انت لسه بتتعلم جديد و مش معاك السيوله انك تجيب زيرو محترم يبقي ما ترهقش نفسك في اقساط و هات عربيه مستعمله تتعلم فيها و متهيالي لو جبت ماروتي مثلا موديل تسعينات حتبقي مريحه بالنسبالك و حتتعلم عليها و بعد كده لما ربنا يكرمك تبقي تغيرها و تجيب حاجه اكبر بس تكون اخدت خبره في السواقه و الميكانيكا .
بلاش 128 علشان لو مش نضيفه اوي و بيتي حتتعبك و حتكرههك في ركوب العربيات من اصله.

[osama]

اسف علي التكرار :roll:

[Ahmed Anwer]

قدام أول عربية في حياتك
يبقي مستعمل
بنسميها عربية التعليم
و بعد كده إنشاءالله تجيب بوجاتي
بعدين المستعمل بيخسر كلام فاضي في إعادة بيعه غير الزيرو
لكن تجيب زيرو و تقعد اربع سنين مبتفتحش الكبوت مش هاتتعلم حاجة

[yahyanaabil]

شوفلك شاهين مستعمل ارحم بكتير من 128
وحرام تتعلم فى عربيه زيرو

[ayman_elkholy]

رايي طالما انت لسه بتتعلم جديد و مش معاك السيوله انك تجيب زيرو محترم يبقي ما ترهقش نفسك في اقساط و هات عربيه مستعمله تتعلم فيها و متهيالي لو جبت ماروتي مثلا موديل تسعينات حتبقي مريحه بالنسبالك و حتتعلم عليها و بعد كده لما ربنا يكرمك تبقي تغيرها و تجيب حاجه اكبر بس تكون اخدت خبره في السواقه و الميكانيكا .
بلاش 128 علشان لو مش نضيفه اوي و بيتي حتتعبك و حتكرههك في ركوب العربيات من اصله.

+10000

[eng_mkhalaf]

شوفلك شاهين مستعمل ارحم بكتير من 128
وحرام تتعلم فى عربيه زيرو

+1
وكمان فرصة حلوة أنى تتعلم ميكانيكا وكهربا فيها لأن الأمر ميسلمشى من مواقف خايبة للعربية حتى لو كتن زيرو - لكن منأولها تشترى دماغك هتبقى أنت الخسران ومش هتعرف حاجة عن العربيات طول عمرك

[ابوحميد]

هات مستعمل طالما حتتعلم
اولا حتتعلم السواقة والامر ما يسلمش من خبطة كدا ولا كدا غلطك او من غلط غيرك
ثانيا المستعمل اكيد مهما كان استعمال نضيف حتبوظ فيه كام حاجة واهى فرصة تتعلم ميكانيكا العربية
وربنا يوفقك
بلاش تشترى عربية زيرو تقسيط وانت مش متعلم سواقة
يعنى لو لا قدر الله عملت خبطة تقعد تدفع اقساط حاجة مش مستفاد منها

[Hazemabdallah]

ربنا يجزيكم خير يا جماعة كلكم ... و أسف جدا على تأخير الرد ..

كده , بناءا على مشورتكم , شكلها حترسى على عربية مستعملة , بشرط متكونش متهانة , و ان شاء الله تكون فى حدود الأمكانيات ..

غالبا حدور على 128 بحالة جيدة , و ان شاء الله متقعدش معايا كتير ..
بس هل فى نصيحة و أنا بدور ؟ , يعنى هل أركز على موديلات التسعينات و لا أواخر الثمانينيات مثلا ؟ أنا غالبا حالجأ لواحد صاحبى شغال فى موضوع المستعمل ده من مده , و حاعتمد عليه فى الأختيار , لأنى مش عارف ايه الكويس اللى فى السوق ..

لو فى نصايح مستنى أسمعها , لأان أنا ايدى على قلبى من النصب اللى بيحصل فى موضوع المستعمل ده . و حاتضايق جدا لو حطيت فلوسى فى حاجة متستهلش ..

[Falcon]

128 الأول وبعد لما تتقن السواقة بيع وهات زيرو.

[BASHAR]

Re: محتاج مشورتكم .. مستعمل ولا زيرو ؟

السلام عليكم ...

أنا أخوكم حازم ... و محتاج أستشيركم فى موضوع شراء أول سيارة فى حياتى , و متأكد أنكم مش حتبخلوا على بالمشورة ... :roll: :roll:

أخوكم زى ما قلنا قبل كده , ملهوش فى العربيات و لا فى السواقة . لو افترضنا ان الناحية المادية مش هى المشكلة ( مجرد فرض , محدش يفهمنى غلط :) :D ) , نصيحتكم ليه تكون ايه :

هل أجيب عربية مستعملة , مثلا 128 ( فى حدود 20 ألف ) , أقضى بيها فترة , أتقن فيها السواقة , و استحمل تعب المستعمل و مشاكله و خلاص ( مع عدم وجود خلفية عن الصيانة أو مشاكل العربيات ) , و بعدين أبقى أبيعها و أفكر فى زيرو . و لا أجيب حاجة زيرو بالتقسيط , و السواقة أحاول أمارسها بأى طريقة لحد ما أستلم العربية ..

طبعا كل اختيار ليه مزاياه و عيوبه , فيا ريت تقولولى رأيكم أيه ؟؟

رايي تجيب مستعمل ومتكنش حاجه غالية لحد ما تتمكن من السواقه وتفهم الدنيا كويس بس لما تجبها ان شاء الله ابقي خالي بالك مننا علي الطريق وربنا يسترها ههههههههه ربنا يوفقك يا جميل

[أبو_حمزة]

أنا غالبا حالجأ لواحد صاحبى شغال فى موضوع المستعمل ده من مده , و حاعتمد عليه فى الأختيار , لأنى مش عارف ايه الكويس اللى فى السوق ..

لو صاحبك ده انت واثق فيه ( أمانه و خبره) يبقى اللى يقولك عليه خده
انا كنت زيك و ابن خالى هو اللى كان بيظبطنى و ربنا يجازيه خير لو كان لسه بيشتغل فى المستعمل كنت انصحك تروح له بس هو دلوقتى بيشتغل فى قطع الغيار و بس
بس لازم تكون متأكد من انه هو نفسه مش ها يتخدع عشان المستعمل فيه عك كتير و قليل اللى بيعرف العربيات الكوية من أول نظرة

[Hazemabdallah]

يا جماعة واحد صاحبى بيكلمنى على مازدا 323 موديل 1982 , بسعر 30 ألف جنيه , بتاعة واحد صاحبه تانى .

هو بيقول أن العربية أول يد , و بيتى , و ممشيتش كتير من وفاة والدهم من 15 سنة , يعنى مرة كل أسبوع و لا حاجة .

المفروض أشوفها يوم الجمعة , يا ترى رأيكم ايه فى السعر ؟ و لو عربية بالمواصفات دى تعمل كام تقريبا ؟ و ايه اللى يتبص عليه فى العربية لواحد معندهوش خبرة فى العربيات ؟؟

[gade2]

هات الاول مستعمل مثلا بولونيز 128 وممكن تجيب رجاتا وتعد معاك فتره طويله دى عربيه حلوه شيك بتستحمل

[أبو_حمزة]

بالنسبة للمازدا:
العربية دى حلوة جدا و بالمقارنة بالعربيات اللى فى فئتها تتفوق فى النعومة و الاداء و قطع الغيار معمرة ومش نادرة
اهم حاجة تبص عليها فى العربية دى هى البارومة ثم البارومة حيث انها تشتهر بالصدأ الشديد وطبعا العربية عمرها معدى ال25 سنة.
بس العربية قديمة قوى و زى ما بيقولوا كده عجوزة ولازم حد ذو خبرة يشوفها معاك عشان لو تعبانة ها تطلع عينك
و معلش ها اكرر لك نصيحتى شوف ماروتى مو ديل حديث ها تكون احسن
دول 26 سنة العربية ماشياهم