البنزين 80 و 90

[lada2010]

البنزين 80 كويس بس حسب البنزينة لو الخزان بتاعها نظيف وال 90 كذلك مع العلم اننى مرة وضعت 80 فى بنزينة موبيل ولم يكمل وتطاير بسرعة اما عربيات موديلات 2000 وانت طلع ضع 90 بس من بنزينات محترمة زى امارات مصر اما نوع السيارات موديلات فوق 2000 وتضع لها 80 ولا يؤثر فى العربية خالص ( لادا2017 - فيرنا- اكسنت - الشاهين ) هولاء العربيات لا يؤثر فيها 80 والكلام دا عن تجربة

[ainshouka]

طب انا عندى استفسار

العربية موديل 83 وكنت بحط 90 ولما غيرت لل 80 لقيت ان معدل استهلاك البنزين على بقى للضعف

يعنى كان كل اسبوع المشاوير اللى بروحها بتخلص ربع التانك
لما غيرت لل 80 الاستهلاك بقى نص التنك كل اسبوع

وهى نفس المشاوير متغيرتش

فهل استهلاك البنزين بيتوقف على نوع البنزين كمان ولا ايه

[lada2010]

بص معدل الاستهلاك دا السبب اشياء كتيرة منها لو عربية 2000 سى سى او كرباريتر او عدم ضبط انجكيشن او موتور خفيف فى اشياء كتيرة غير منطقى تحويل من 90 الى 80 ومعدل 80 اعلى فى الاستهلاك من 90 بل العكس فى ناس بتضع 80 وتعمل مشاوير كتيرة و80 ماشى كويس لان 80 التطاير بتاعوا اقل من 90

[ainshouka]

امال ايه المشكلة اللى عندى انا رجعت لل 90 تانى لانى لقيت ان معدل الاستهلاك رجع ربع التانك كل اسبوع

[islambana]

امال ايه المشكلة اللى عندى انا رجعت لل 90 تانى لانى لقيت ان معدل الاستهلاك رجع ربع التانك كل اسبوع

هل حضرك ظبطت الكهرباء بعد ماحولت من 90 الي 80
وحاول تغير المحطه اللي بتحط منها 80

[HeMa_LanCeR]

امال ايه المشكلة اللى عندى انا رجعت لل 90 تانى لانى لقيت ان معدل الاستهلاك رجع ربع التانك كل اسبوع

ظبت الكهربا علي 80

[ainshouka]

مش فاهم يعنى ايه اظبط الكهربا على 80 (ايه اللى بيتعدل يعنى)

هى عامة لما كنت على ال 80 كانت ماشية طبيعى جدا وفيهاش اى مشاكل خالص الا حكاية الاستهلاك للبنزين

معلش على اسئلتى الكتير بس اصل الواحد عاوز يفهم

وشكرا

[M.FOUAD]

لا فعلا فية بعض المحطات بتغش 80 وتحط علية تنر و دة بيخلية يتطاير بسرعة انا ملاحظ فعلا ان العربية عندي استهلاكها في بنزين 80 اكثر من 90 بكثير

[Drift_Lover]

لا فعلا فية بعض المحطات بتغش 80 وتحط علية تنر و دة بيخلية يتطاير بسرعة انا ملاحظ فعلا ان العربية عندي استهلاكها في بنزين 80 اكثر من 90 بكثير

ليه هو لتر الثنر بكام ولتر البنزين بكام !!؟؟؟.
اللي اعرفه ان الغش بيكون باضافة ماء لبنزين 80 (غش ال 80 ) او خلط ال80 مع ال 90 (غش ال 90 وبيتعرف من لون البنزين)

لكن موضوع الثنر دي جديده.

[islambana]

مش فاهم يعنى ايه اظبط الكهربا على 80 (ايه اللى بيتعدل يعنى)

هى عامة لما كنت على ال 80 كانت ماشية طبيعى جدا وفيهاش اى مشاكل خالص الا حكاية الاستهلاك للبنزين

معلش على اسئلتى الكتير بس اصل الواحد عاوز يفهم

وشكرا

ظبط الكهرباء علي 80 ده بيتم بأنك تفول العربيه كلها80 من محطه نضيفه وتروح للميكانيكي او الكهربائي بتاعك علشان يأخرلك كهرباء العربيه سنه (يأخر وقت الشراره سنه بسيطه )بأختصارللميكانيكي انا غيرت م ن 90 الي 80 ظبطتلي الكهرباء وهو هيفهم

وده لان ال80 بيحتاج ينضغط اكتر من ال90 علشان تاخد الطاقه اللي فيه كلها لكن كده انت مابتستفيدش من كل الطاقه الموجوده في البنزين وفي العربيات الحديثه العمليه دي بتبقي عن طريق فيشه الاوكتين

[د.محمود صلاح]

جميع البنزين فى مصر خالى من الرصاص

[ابوهاشم]

فعلا لازم تأخر الكهربا

[ahit]

بس تأخير الكهربا بيأثر على السحب أكيد

[ابوهاشم]

بس خلو بالكم ان نوع العربيه بيفرق كثير
يعنى مثلا فورد سكورت فى منها عربيات 1300سى سى
مكتوب فى الكتالوج بتاعها انها تعمل ببنزين يبدأ من 91 اوكتان
كان واحد صاحبى معاه العربيه دى وجرب ال80 والعربيه اتبهدلت
ودلوقتى رجع يمون 92

[أحمد كمال]

ظبط الكهرباء علي 80 ده بيتم بأنك تفول العربيه كلها80 من محطه نضيفه وتروح للميكانيكي او الكهربائي بتاعك علشان يأخرلك كهرباء العربيه سنه (يأخر وقت الشراره سنه بسيطه )بأختصارللميكانيكي انا غيرت م ن 90 الي 80 ظبطتلي الكهرباء وهو هيفهم

وده لان ال80 بيحتاج ينضغط اكتر من ال90 علشان تاخد الطاقه اللي فيه كلها لكن كده انت مابتستفيدش من كل الطاقه الموجوده في البنزين وفي العربيات الحديثه العمليه دي بتبقي عن طريق فيشه الاوكتين

العكس يا باشا

اما تحط 80 بتبدر الشرارة مش بتأخرها

و ال90 هو اللي بيستحمل انضغاط اكتر

انما لو ضغطت ال 80 نفس ضغط التسعين هيعمل حاجة اسمها انفجار ذاتي Spontaneous detonation و ده بيسبب التصقيف