من المهندسين لمدينة نصر

[ramyfawzy]

شوفي يا اخت علا
من ميدان لبنان تاخدي الطريق طوالى لحد كوبري 15 مايو وعندك بعدها 3 اختيارات:

1 - قبل مطلع الكوبري تخشي يمين عند نادي الزمالك وتكملي على طول - هيقابلك الملف بتاع احمد عرابي وجامعة الدول - تخشي جامعة الدول وتعملى يوتيرن وتكملى تحت كوبري 15 مايو لحد دخلة العجوزة وتخشي يمين - تكملي في الشارع ده على طول (هتعدي مستشفى الشرطة ومطعم نعمة) بعدها بشوية هتلاقي مطلع كوبري اكتوبر

2 - اطلعى كوبري 15 مايو وانزلى اول نزلة يمين (بس مش بتاعت الزمالك) هتلاقي نفسك على الكورنيش - تفضلي مكملة على طول لحد متلاقي سور النادي الاهلى - تخشي شمال لحد اخر الشارع هتلاقي نفسك قدام النيل (الفرع التاني) تخشي شمال وهتلاقي مطلع كوبري اكتوبر)

3 - متنزليش النزلة الاولانية وكملي على طول - لحد متلاقي فندق الماريوت - بعديه بشوية هتلاقي نزلة التحرير يمين - تكملي فيها لحد ماتوصلي ميدان عبد المنعم رياض - تخشي شمال (بس خللي بالك في طريقين واحد مطلع كوبري - وده عشان تروحي رمسيس - والتاني تكملي فيه وتخشي شمال وهتلاقي مطلع كوبري اكتوبر)

افضل الحلول من رأيي هوه الاختيار رقم 3
والله الموفق

رامي (ابو احمد و يوسف)

[OlaOsman]

شوفي يا اخت علا
من ميدان لبنان تاخدي الطريق طوالى لحد كوبري 15 مايو وعندك بعدها 3 اختيارات:

1 - قبل مطلع الكوبري تخشي يمين عند نادي الزمالك وتكملي على طول - هيقابلك الملف بتاع احمد عرابي وجامعة الدول - تخشي جامعة الدول وتعملى يوتيرن وتكملى تحت كوبري 15 مايو لحد دخلة العجوزة وتخشي يمين - تكملي في الشارع ده على طول (هتعدي مستشفى الشرطة ومطعم نعمة) بعدها بشوية هتلاقي مطلع كوبري اكتوبر

2 - اطلعى كوبري 15 مايو وانزلى اول نزلة يمين (بس مش بتاعت الزمالك) هتلاقي نفسك على الكورنيش - تفضلي مكملة على طول لحد متلاقي سور النادي الاهلى - تخشي شمال لحد اخر الشارع هتلاقي نفسك قدام النيل (الفرع التاني) تخشي شمال وهتلاقي مطلع كوبري اكتوبر)

3 - متنزليش النزلة الاولانية وكملي على طول - لحد متلاقي فندق الماريوت - بعديه بشوية هتلاقي نزلة التحرير يمين - تكملي فيها لحد ماتوصلي ميدان عبد المنعم رياض - تخشي شمال (بس خللي بالك في طريقين واحد مطلع كوبري - وده عشان تروحي رمسيس - والتاني تكملي فيه وتخشي شمال وهتلاقي مطلع كوبري اكتوبر)

افضل الحلول من رأيي هوه الاختيار رقم 3
والله الموفق

رامي (ابو احمد و يوسف)

جزاك الله خيرا يا أخ رامي على سرعة الرد :)

الحل الأول صعب شوية عشان مطلع كوبري أكتوبر من شارع النيل ده فيه منحنيات صعبة اوي و تخوف

الحل التاني مش متخيلاه مش عارفة ليه.

الحل الثالث هو الأحسن زي ما انت قلت، بس كنت عايزة أعرف النزلة بتاعة كوبري مايو في عبد المنعم رياض هاتكون فين بالظبط، مش متخيلاه برضه اوي.

[ramyfawzy]

بصي يا علا
تكملي في كوبري 15 مايو طوالي هتلاقي مسؤح البالون على يمينك - بعديه هتلاقي نزلة يمين (الحل رقم 2 ) وفيه نزلة على طول (منزل يعني) ويافطة مكتوب عليها الزمالك - انت تكملي طوالي - هتلاقي الطريق بيلف يمين - تفضلي مكملة لغاية ما هتلاقي على يمينك فندق ماريوت (لونه سيمون) تكملي برضه على طول لحد ما هتلاقي نزلتين :
يمين - وده هيبقى موازي للنيل - تعدي على وزارة الخارجية والتليفزيون لحد عبد المنعم رياض
على طول - وده تروحي منه على الوكالة شارع الجلاء
واي خدمة يا سيتي

رامي (ابو احمد و يوسف)

[adidas_vip2]

بقه اكتوبر موجود وتسألى على حاجه تانية اكتوبر لو فاضى ربع ساعه بالكتير تكونى فى رابعه حرام اللفات التانية دى هى اللى هتبهدلك عربيتك كلنا نصحناكى باكتوبر

[heshaaam]

لالا بلاها اكتوبر

انتى من م لبنان اطلعى كوبرى 15 مايو وانزل عبد المنعم رياض وخدى ش عبدالخالق ثروت اللى ف اوله نقابة الصحافيين وقبل دار القضاء وكملى لغاية نفق صلاح سالم وبعد النفق هتلاقى نفسك تحت كوبرى اكتوبر كملى ارضى هتلاق نفسك ف مدينة نصر

او خدى الستى ايه من م لبنان للحى السابع او 167 الاخضر الجديد اللى موجود بهبل

او ش السودان ثم الكيت كات كوبرى الساحل تلاقى نفسك عند اغاخان والمظلات تسالى الف من يدلك وده طريق رايق وسريع

[asaber]

هو للاسف المعاد وحش اوي.... انا اعدت سنه باخد الطريق دا من المهندسين لمساكن شيراتون
الطريق الدائري مينفعش بدييل لانه اطول بكتير وللاسف بيستهلك وقت اكتر والنزله بتاعت مصر الجديده بتبقي زحمه جدا في المعاد ده