جرائم تعود عليها المصريين

[وائل عطية]

الموضوع ده مشكلة متعددة الجوانب لخصها بكفاءة عالية وموضوعية الأخ محمد المرسي

يا سادة نحن فى بلد متخلف من كله وعلى ما أظن أننا أمامنا الكثير حتى نحد من بعض تصرفات التخاف الموجودة ...

واضح أن هو فعلاً إنه لـ "المر See" :D :D :D

[sh_masry]

طبعا بعد ماقريت الردود دى كلها و كله مش موافق على كده و انا منهم بس مش 100 -100 لأنى انا نفسى ساعات بعمل كده بس فى اوقات مضطر فيها انى اعمل كده يعنى مثلا فيه يوم راجع من الأسكندريه و عايز اروح اقوم الاقى الطريق مقفول لمد 3 ساعات (و الله 3 ساعات ) ليه .... علشان الأستاذ (طبعا عارفينه) مستضيف استاذ تانى و بيتفرجوا على الهرم !!!!! طب ليه ده كله مافيش هليوكوبتر و يريحنا ؟؟؟ و خد عندك بقى من الأساتذه دى كتير و موضوع تنقلاتهم ده عايز منتدى لوحده ...........
انا قصدى ان ساعات الواحد بيخرج عن شعوره و بيبقى حاسس انه محبوس فى عربيته و مش عارف يعمل ايه .... فأى حاجه قدامه هاتخليه حر هايعملها ...... يعنى لو حد مسجون و جاله فرصه يهرب .... هايفضل فى سجنه وللا هايهرب ؟؟؟ ههههه

a7'ookom
Sherif

[M_ElSabaa]

الغريب اوى ان الى بيعمل كده بيشوف ان كده عادى جدا وانه كده واد 100 100 وحدق وعرف يسبق كل العربيات الى واقفه مستنية. نفس الموقف بيحصل دلوقتى فى اى كوبرى مكون من حارتين فى شارع صلاح سالم تلاقى الدنيا واقفة على المطلع والناس تدخل من اقصى اليمين وتوقف الشارع وتحاول تدخل على مطلع الكوبرى علاطول بدل ما تقف فى طابور الانتظار دى مسألة سلوك زى بالظبط لما انت تكون واقف فى طابور عشان تدفع اى حاجة فى مصلحة حكومية تلاقى حد جه دخل من الجنب ووقف وعمل عبيط ولا اكن فى طابور واقف ولا ناس مستنيين دور ولا اى حاجة.

[Abonora]

لا طبعا يفضل فى سجنة حتى لا تتضاعف العقوبة علية --لان دية تصرفات ------غير مقبولة -

[tkamal]

طيب كل الكلام حلو وتقريبا فى اجماع على انكار الموقف
الحل اية؟؟؟؟؟؟؟؟؟؟؟؟؟؟
هو دة السوال
بمعى الحل اية من جانب اعضاء المنتدى وليس من جانب الحكومة انسى الحكومة والاستاذ
اعتبر نفسك لقيط المفروض نعمل اية كاعضاء منتدى
انا بفكر فى
1- ميثاق شرف لكل اعضاء المنتدى بالالتزام فى السلوك اثناء القيادة توضع فية قواعد واداب القيادة لاعضاء المنتدى
2- فتح كاميرة الموبيل على طول والتقاط الصور السيئة ومحاولة حمل ارشيف وتحليل لاسباب السلوك وكيف يمكن تفادية

ومننظر اراء الاخوة وانسى زى ماقولت الحكومة

طارق
ابو اسلام

[Abonora]

استعمال الموبايل او استخدام الكاميرا هذا عمل ايضا ممنوع قانونى-

[د.أحمد سمير]

هذا العرض الذي قام به صاحب اللانوس قديم جداً جداً جداً
أنا أستخدم المحور بكثرة ، والمصيبة أن المحور يصب في نهايته في طريق شبه مسدود وهو ميدان لبنان أو ميدان سفنكس ، وهو ما يجعل طوابير السيارات صباحاً السعة 8.30 بطول حوالي 5 كيلو مترات ، والسعة 5.30 مساء يصل الطابور حتى كوبري المنصورية تخيلوا حوالي 13 كيلو
المهم هذا المشهد مألوف جداً لدرجة كبيرة ، وهو ما جعل المرور يضع بلوكات أسمنتية في شكل أحواض زهرية على طول الجزيرة الوسطى للطريق حتى يمنع صعود السيارات عليها .
المصيبة الأكبر ان الجماعة اللي بيطلعوا الجزيرة بيفاجأوا بهذه البلوكات ، فيحاولوا النزول ثم الصعود مرة ثانية ، وهو ما يضاعف من زحام الطريق .
الكارثة الكبيرة بقى ، إن البعض خاصة سواقين الميكروب بيقرروا عند البلوكات النزول والصعود على الطريق المعاكس ، آه والله العظيم . ولكم أن تتخيلوا حجم الكارثة المتوقعة جراء هذا التصرف .
اعذروني على لهجتي الهادئة ، ولكن المشهد مألوف مألوف مألوف يا ولدي ، وعجبي
أما الحل .. فلا أرى حلاً قريباً إلا إلغاء المحور ذاته .
تقبلوا خالص مودتي

[mohamed yousry]

مرة كنت راكب مع واحد زميلى كنا متجهين من حلوان للمعادى عن طريق الأتوستراد وكان الطريق مقفول الساعة 8 الصبح المهم لقينا العربيات النقل طلعت على الرصيف عشان تعدى بسرعة راح زميلى طلع وراهم بعربيتة الشاهين....المهم فضلنا ماشيين ماشيين ولا بيدنا ....مرة واحدة لقينا الرصيف عمال يعلى يعلى يعلى ويعلى...بنبص ورانا وقدامنا لقينا كل العربيات اللى حوالينا نقل (عالية على الأرض) واحنا الملاكى الوحيد اللى ماشى على الرصيف!!! يا نهار اسود يا جدعان..اترفزت على زميلى وهو كمان اضايق جدا من اللى عملة...لغاية لما جت الحظة اللى كنت خايف منها ..عايزين ننزل من فوق الرصيف.....المهم الحمد لله العربية نزلت بس وهى صعبانة علية قوى من الخبطة والرزعة اللى خدتها ..وتخيلت ساعتها لو كنت راكب عربيتى الاكسنت كان حصل اية!!! بس زميلى يستاهل اللى حصل فى عربيتة

[mohamed ali]

لي صديق فرنسي زار مصر وبعد ما رجع قعد يضحك ويقولى انت ازاي بتشتكي وتقول ان مفيش حريه عندكم :!:
دا الشوارع عندكم والعربيات بيتحركوا بحريه مطلقه وزى ما انتم عارفين الحريه المطلقه مفسده مطلقه
لكن سؤال يطرح نفسه هل نستطيع عمل شىء كافراد المنتدى :?: يعني نعمل مثلا قسم خاص لاخلاقيات القياده مثلا ونحاول نطرح الاسباب ونجد لها حلول ولا نعول شىء على حكومه القريه الذكيه لان حكومتنا بتعالج النتائج مش الاسباب
وان شاء الله لما المنتدي يكبر شويه ويكون فيه متدحدث رسمي لينا نحاول نقابل اى مسؤل من الناس الي بتحب البلد ونحكي ليه علي مشاكلنا وطروحات الحلول لعل وعسى نكون نواة لبداية التغيير ربنا يوفقكم ويسدد خطاكم وشكرا

[hazem_khidr]

انا مره كنت ماشي علي الطريق المهم كنت واخد الحاره الشمال لقيت ميكروباص جاي من علي اليمين و معديني بسرعته و لقي فاتحه تطلع علي الطريق التاني و راح داخل الفتحه بسرعته ما هداش و خرج من الفاتحه و كمل مخالف في الطريق التاني!!!!!!لكا كنت في الامارات كان في قانون ان النقل كله يلزم الجانب الايمن و ممنوع تخطي و الدخول في حارات السيارت الاخري و الالي بيخالف من النقل بيدفع 10000 درهم
غير كده الاشاره لو كسرتها رخصتك بتتوقف تلات شهور و تتحبس شهر و العربيه تنحجز شهر دا غير غرامه 500 درهم
اتكررت تاني الرخصه تنسحب منك للابد و العربيه تتصادر و انت تتكنسل بره البلد!!!!!!!!!