إعـــــــلان

Collapse

.

,
See more
See less

احذروا نصب شركات التأمين

Collapse
X
 
  • Filter
  • الوقت
  • Show
Clear All
new posts

  • احذروا نصب شركات التأمين

    إلى كل اللوجانية بوجه خاص، وكل مالكي السيارات بوجه عام:

    يا جماعة أنا الحمد لله عملت حادثة من يومين، والحمد لله ربنا قدر ولطف وعندي شوية تلفيات في مقدمة السيارة، منها الفانونس والإكصدام وعلامة الرينو.

    المهم روحت عملت المقايسة في التوكيل وقالي إن المصنعية بس هتدخلها في 3200 (طبعا ده قبل ما مندوب شركة التأمين يفاصل معاهم). والمشكلة بقى إني فوجئت بشركة التأمين بتقولي إني لازم أتكفل ب 15% من التكلفة الإجمالية لو هصحلها في التوكيل، و5% لو بره التوكيل. أنا الحقيقة ما عطتش خوانة وقولت خلاص، الحمد لله...أهو أحسن ما كنت أدفع المبلغ كله لو مش مأمن.

    المهم جيه في مخي أبص هنا على المنتدى وأشوف لو حد كاتب عن موضوع زي ده، فدخلت إمبارح ولقيت إن فيه نسبة فعلا بس الناس بتقول إنها 10% بس في مصر للتأمين.

    فقومت النهاردة اتصلت بالهيئة العامة للرقابة على التأمين ( اللي بقت جزء من الهيئة العامة للرقابة المالية) وسألتهم، وكانت المفاجأة.....:

    الناس كانوا غاية في الاحترام وقالولي الهيئة فرضت نسبة 10% لو جوه التوكيل، ولو بره التوكيل مافيش أي نسبة تحمل على المشترك. وسألوني موديل العربية كام، فقولت 2010...قالولي يبقى زي ما قولنالك لأن لو بقالها سنين النسبة دي بتزيد.

    فكلمت التأمين وسألتهم النسبة كام تاني، راح برده قالي 15%، قولتله يا عم اللي اعرفه انها 10% بس، قالي بص هي حوالي 12 أو 13، قولتله انا لسه مكلم الهيئة وقالولي هما فرضوا 10% بس، فاشرحلي جت منين النسبة الزيادة...قالي والله المعلومة دي جديدة عليا ولسه عارفها منك، ولو كده يبقى أوك 10%.

    بالله عليكم ده كلام يرضي ربنا؟؟!!!!!


    الخلاصة: نسبة التحمل الإلزامية للمؤمن له لحوادث السيارات الجديدة عند إصلاحها في التوكيل هي 10% فقط من إجمالي الفاتورة النهائية. ولو الشركة زمزأت معاك كلم الهيئة على الرقم ده:
    19053
    02-25798315

  • #2
    بارك الله فيك و كفاني و اياكم شر الحوادث . و هي دي مصر المحروسة .
    [SIZE=5][B]اللهم انك كريم حليم عفو تحب العفو فاعفو عنا[/B][B] .
    اللهم اعني علي ذكرك و شكرك و حسن عبادتك .[/B][/SIZE]

    Comment


    • #3
      بارك الله فيك أخي...وربنا يكفينا جميعًا شر الطريق وشر النصابين...

      Comment


      • #4
        جزاك الله خير ويعوضك ويكفيك شر الحوادث
        لو ممكن سؤال هو حضرتك مأمن فين ؟
        (هناك من يحبون الجدل لمجرد الجدل و يجب أن أعترف أنني طيلة حياتي الطويلة لم أر شخصا يقتنع برأي شخص آخر بعد أي جدال أتمنى لو وجدت الشخص الذي يقول في تواضع معك حق ...لقد كنت مخطئا ) د. احمد خالد توفيق

        Comment


        • #5
          تحديث هام:
          أنا رجعت وكلمت الفرع الرئيسي لشركة التأمين، وآخر كلام قالولي إن ال 10% من قيمة قطع الغيار ولا يتضمن المصنعية....يعني المصنعية بتاخدها زي ما دفعتها بالظبط..

          Comment


          • #6
            المشاركة الأصلية كتبت بواسطة airforces مشاهدة المشاركة
            جزاك الله خير ويعوضك ويكفيك شر الحوادث
            لو ممكن سؤال هو حضرتك مأمن فين ؟
            ما بلاش السؤال المحرج ده!!!
            عمومًا يا سيدي "المصرية للتأمين التكافلي" بس غالبا العيب مش في المقر الرئيس ولكن في المكتب اللي هما موكلينه عند أجنس العربيات اللي اشتريت منه.

            بس لما كلمت المقر الرئيسي الناس كانت واضحة في كلامها تماما.

            Comment


            • #7
              تحديث هام:
              أنا رجعت وكلمت الفرع الرئيسي لشركة التأمين، وآخر كلام قالولي إن ال 10% من قيمة قطع الغيار ولا يتضمن المصنعية....يعني المصنعية بتاخدها زي ما دفعتها بالظبط
              ما بلاش السؤال المحرج ده!!!
              عمومًا يا سيدي "المصرية للتأمين التكافلي" بس غالبا العيب مش في المقر الرئيس ولكن في المكتب اللي هما موكلينه عند سمير ريان.

              بس لما كلمت المقر الرئيسي الناس كانت واضحة في كلامها تماما.
              تمام اوى وشكرا يا فندم على الإيضاح والتحذير :) :)
              (هناك من يحبون الجدل لمجرد الجدل و يجب أن أعترف أنني طيلة حياتي الطويلة لم أر شخصا يقتنع برأي شخص آخر بعد أي جدال أتمنى لو وجدت الشخص الذي يقول في تواضع معك حق ...لقد كنت مخطئا ) د. احمد خالد توفيق

              Comment


              • #8
                المشاركة الأصلية كتبت بواسطة alsunian22 مشاهدة المشاركة
                تحديث هام:
                أنا رجعت وكلمت الفرع الرئيسي لشركة التأمين، وآخر كلام قالولي إن ال 10% من قيمة قطع الغيار ولا يتضمن المصنعية....يعني المصنعية بتاخدها زي ما دفعتها بالظبط..
                أولا ألف سلامة عليك , وربنا يباركلك فى العربية.
                شكرا على المعلومات دية جديدة بالنسبالى.

                بصراحة وجود أجهزة مثل جهاز حماية المستهلك وجهاز الرقابة على التأمين يحسس الواحد بأمان.
                [SIZE=6]كان هولاكو رجلا ظالما يحب البسطرمة.
                [/SIZE]

                Comment


                • #9
                  على فكرة نسبة التحمل حسب نظام التأمين و العقد مع الشركة يعنى لو العقد بدون نسبة تحمل يبقى المفروض التأمين يشيلها كلها
                  [COLOR=#0000ff][/COLOR]
                  [COLOR=#0000ff]Eng.M-Riad[/COLOR]
                  [COLOR=#0000ff][URL="http://www.designexpert.co.nr"]www.designexpert.co.nr[/URL][/COLOR]
                  [URL]http://my.yougovsiraj.com/go.aspx?id=bc61bad4-7073-4a9a-b027-7653d9257b26[/URL]
                  [URL="http://www.ziddu.com/register.php?referralid=(yzvkMD/"][COLOR=#0000ff]http://www.ziddu.com/register.php?referralid=(yzvkMD[/COLOR][/URL]

                  Comment


                  • #10
                    المشاركة الأصلية كتبت بواسطة cementman مشاهدة المشاركة
                    على فكرة نسبة التحمل حسب نظام التأمين و العقد مع الشركة يعنى لو العقد بدون نسبة تحمل يبقى المفروض التأمين يشيلها كلها
                    أنا كنت فاكر كده برضه، لكن هيئة الرقابة على التأمين هي اللي فرضت النسبة دي، لأن أنا كمان وثيقتي مافيهاش أي نسبة تحمل. وسمعت كلام أنه ده علشان هما عارفين إن التوكيل بيبالغ في أسعاره.

                    وعموما حضرتك ممكن تكلم الأرقام اللي أنا كتبتها في المشاركة الأصلية وتتأكد من المعلومة ولو فيه جديد ياريت حضرتك تبلغنا.

                    وشكرا لكل الناس اللي مرت بالموضوع...وأنا كل اللي كان مزعلني إن الناس يستغلوا جهلنا بالقوانين والنسب وينصبوا علينا...ومع ذلك، الواحد يقول إن يمكن الموظف ما كنش عارف النسب الصحيحة.

                    Comment


                    • #11
                      دا كلام نصابين حضرتك مامن مع مين
                      [img3]http://s11.postimg.org/5u651o4eb/bsmlhe41104899dnj0zx5.gif[/img3]

                      Comment


                      • #12
                        المشاركة الأصلية كتبت بواسطة mohamed.mostafa مشاهدة المشاركة
                        دا كلام نصابين حضرتك مامن مع مين
                        ما هو كلام نصب، وحضرتك هتلاقي اسم الشركة في مشاركة قبل كده... بس أنا مش بلوم الشركة لكن بلوم المندوب... الشركة لحد دلوقتي لسه ما قالتليش حاجة غير اللي قالتها الهيئة العامة للرقابة على التأمين...وأنا معاهم اليومين دول...وهتبان الحقيقة الفترة الي جايه... بس دعواتكم.

                        يا أخوة، الغرض من الموضوع ده ليس التجريح في شركة بعينها، وإنما التوعية بحقوقنا والتزامتنا...

                        Comment


                        • #13
                          انا على فكرة مأمنة مع شركة مصر للتأمين وقالولي في البداية ان في حالة التصليح في التوكيل هاتحمل 10%.
                          بس لما حصلت حادثة وبعد ماستلمت الشيك بتاعي حسبت النسبة طلعت تقريبا 15% ولما سألت الموظفة قالتلي ماهو في بند اهلاك حضرتك (مع ان العربية موديل 2010 ولسة زيرو) وكمان في التوكيل قالولي مصنعية الرش 250 او 275 جنيه للقطعة الواحدة وشركة التأمين بتعتمد مبلغ اقل من كدة مش فاكرة 200 باين او اقل فالمفروض انا اللي بدفع الفرق ده وعشان كدة قبل استلام العربية مضوني على اقرار بالكلام ده.
                          عشان كدة اعتقد ان هو ده الفرق اللي طلع في الشيك وياريت حضرتك بعد ماتخلص موضوع الحادثة بتاعتك على خير وتستلم الشيك تقولنا حصل ايه معاك وحملوك نسبة كام بالظبط عشن كلنا نستفيد.

                          Comment


                          • #14
                            المشاركة الأصلية كتبت بواسطة r a n a مشاهدة المشاركة
                            بعد ماستلمت الشيك بتاعي حسبت النسبة طلعت تقريبا 15% ولما سألت الموظفة قالتلي ماهو في بند اهلاك حضرتك (مع ان العربية موديل 2010 ولسة زيرو) وكمان في التوكيل قالولي مصنعية الرش 250 او 275 جنيه للقطعة الواحدة وشركة التأمين بتعتمد مبلغ اقل من كدة مش فاكرة 200 باين او اقل فالمفروض انا اللي بدفع الفرق ده وعشان كدة قبل استلام العربية مضوني على اقرار بالكلام ده.
                            بس ده نصب عيني عينك يا أستاذة رنا، ما كانش فيه اي إجراء ممكن تتخذيه علشان موضوع ال 5% الزيادة؟؟؟ أصلا هي النسبة تقريبا بتكون متوزعة 5% قطع غيار و 5% إهلاك...ده كلام سمعته بس مش متأكد منه 100%...عموما حصل خير... وربنا يعديها على خير وما يتنصبش عليا لإن بجد مابقاش فيه ضمير...

                            Comment


                            • #15
                              المشاركة الأصلية كتبت بواسطة r a n a مشاهدة المشاركة
                              وبعد ماستلمت الشيك بتاعي حسبت النسبة طلعت تقريبا 15%
                              معلش أستاذة رانيا، هي النسبة دي من إجمالي الفاتورة (قطع غيار + مصنعية) ولا قطع الغيار بس؟؟؟

                              Comment

                              Working...
                              X