إعـــــــلان

Collapse

.

,
See more
See less

احذروا نصب شركات التأمين

Collapse
X
 
  • Filter
  • الوقت
  • Show
Clear All
new posts

  • #31
    آخر تحديث:
    أنا الحمد لله صلحت العربية خلاص وكلفت حوالي 3300، وأنا شايف إن الفاتورة ماكنتش كتير من حيث قطع الغيار، بس الحقيقة هي المصنعية اللي كانت كتير نسبيًا.

    عموما، أنا أخدت الفاتورة وروحت بيها الشركة من يومين، وسألت على موضوع النسب، فقالولي الكلام النهائي إنهم بيخصموا 10% من إجمالي قطع الغيار بس (مش من المصنعية)... وهيبان إن شاء الله لما استلمت الشيك { خلال شهر :( }

    Comment


    • #32
      شكراً للتنبيه والحرص واجب

      Comment


      • #33
        المشاركة الأصلية كتبت بواسطة د.محمود صلاح مشاهدة المشاركة
        شكراً للتنبيه والحرص واجب
        عفوا أستاذ محمود، وإن شاء الله أقولكم آخر التطورات عن قريب علشان تبقى تجربة عملية لأي عضو يتعرض لنفس الموقف لا قدر الله.

        Comment


        • #34
          انا قربت اجدد تأمين العربية .. و كنت مأمن مع الجمعية المصرية للتأمين التعاونى بس سمعت انها فلست ... دلوقتى عاوز اعرف اسامى شركات التأمين الكويسة و اللى لا تماطل فى دفع مستحقات الناس ... و يا ريت اعرف نسبة التأمين فى كل شركة ؟؟؟؟ اسف للاطالة و شكرا .

          Comment


          • #35
            آخر الاخبار:
            عدا أكتر من شهر وبقالي أسبوع بسأل على الشيك وبيقولي بكره....كلمت الناس اللي في الإدارات كلها، قالولي خلاص الخميس اسأل وإن شاء الله يكون خلص.... وحسبنا الله ونعم الوكيل

            Comment


            • #36
              بجد أنا تعبت من الشركة دي....كل يوم يقولوا بكرة وبعد يومين وكلمت كل الناس اللي هناك في كل الإدارات اللي ليها علاقة بالموضوع (التسويات والتعويضات والمراجعة والشيكات....) وكله يرميني للتاني..

              والأدهى من كده أنك ممكن تقعد اليوم كله تتصل وما حدش يعبرك، والله ده لو كشك سجاير كان على الأقل هيكون فيه حد يرد على العملاء اللي دمهم بيتحرق عقبال ما حد يرد عليهم...لا ولو السويتش رد عليك أخيرا، يقوم محولك على رقم الموظف اللي احتمال كبير ما تلاقيهوش على مكتبه اصلا...فبالتالي الخط يقطع وتضطر تعيد مسلسل إنك تحاول تتصل من أول وجديد...

              والله الكلام ده دون أي مبالغة...وحسبي الله ونعم الوكيل

              Comment


              • #37
                كلمت هيئة الرقابة على التأمين إمبارح علشان أعرف إزاي ممكن أخد حقي من الشركة عند التأخير..فاللي رد عليا قالي أنا أول مرة حد يشتكي من تأخر شركة التأمين في الدفع، لأن الطبيعي إنهم بيشتكوا لما الشركة تمتنع عن الدفع (مش تتأخر)...قالي وعموما أنت ممكن تتصل بأستاذ أحمد قطري مدير التعويضات في الشركة دي وهو هيخلص لك الموضوع، وقالي اديهم مهلة أسبوع ولو ما دفعوش اشتكي (بس الشكوى مش أقل من شهر لما يتنظر فيها)..

                ما كدبتش خبر وكلمت أستاذ أحمد قطري، والراجل قالي هرد عليك بعد شوية ، وبالفعل قالي أنه هيظبط الموضوع والمفروض أني استلم الشيك يوم الأربعاء....وربنا يسترررررررررر

                Comment


                • #38
                  وأخيرًا أستلمت الشيك:
                  إليكم آخر الأخبار...قعدت أكلم الشركة بعد يومين زي ما أستاذ أحمد قالي، وطول النهار مش عارف أخد منهم حق ولا باطل...دمي اتحرق، فقررت اروح لهم بعد الشغل (مع إن ده بعد مواعيد العمل بتاعتهم) وقولت أنا وحظي. روحت فعلا، والحمد لله لقيت المكتب مفتوح وشكلهم كانوا هيمشوا..وسألت على موظف باسمه، قالولي حضرتك مواعيد العمل انتهت والكلام اللي مش جايب تمنه ده، وقولتلهم معلش طيب أنا عايز اقابل الموظف ده...فدخلت للموظف وبقوله حضرتك الموضوع كذا وكذا وأستاذ أحمد قالي أجي استلم الشيك النهاردة...راح قايلي بس مواعيد عملي خلصت (بأسلوب ماعجبنيش) وأنا عايز اقعد اعمل شغلي، قولتله يعني أنا اللي بطلبه منك ده مش شغل؟؟ وبعدين ما أنا من الصبح في شغلي ما بعملش اجة غير إني بتصل بيكم ومافيش حد بيرد عليا. قالي سيبلي البيانات وانا هبقى أرد عليك بكره..قولتله ماهو ده اللي بيحصل بقالي أسبوعين وكل شوية بكره وبعده...راح متأفف كده ومش عاجبه.. قولتله طيب حضرتك ممكن ترجع لأستاذ أحمد ونشوف رأيه...فقالي روح له...دخلت على أستاذ أحمد وفكرته بالمكالمة...الراجل بكل ذوق قالي اتفضل حضرتك اشوفهولك...وفعلا بعت حد يدورلي عليه وخلصهولي...والحمد لله..........

                  والمصيبة أنه قالي أن الشيك أصلا جاهز!!!!!

                  يعني هما غالبا مستنيين العميل ييجي يرخم عليهم ويستميت...


                  نيجي بقى للأهم: الحمد لله الشيك اتخصم منه 10% بس من إجمالي قطع الغيار بس (وليس من المصنعية).

                  الحمد لله، وربنا يكفينا جميعا شر الحوادث وشركات التأمين...وعلى فكرة، أنا 90% مقرر أغير الشركة لشركة أليانز السنة اللي جاية إن شاء الله.

                  Comment


                  • #39
                    alsunian22

                    هيا ايه الشركة دى
                    A.Saad

                    Comment


                    • #40
                      المشاركة الأصلية كتبت بواسطة A.Saad مشاهدة المشاركة
                      alsunian22

                      هيا ايه الشركة دى
                      المصرية للتأمين التكافلي

                      Comment


                      • #41
                        انا مامن مع شركة و لسة عربيتي في التوكيل نتيجة حادثة و ربنا يستر
                        بس سؤال هل ينفع اخد من التوكيل فواتير من غير ما ادفع ولما اصرف مبلغ التامين اروح ادفع واسيب العربية في التوكيل ولا لأ؟؟؟؟
                        [B][COLOR=Green][/COLOR][/B]
                        [B][COLOR=Green]من وجد الله ماذا فقد و من فقد الله ماذا وجد

                        [/COLOR][/B][B][COLOR=Green]
                        [/COLOR][/B]
                        [URL="http://www.postimage.org/image.php?v=gx1x5ItA"]
                        [/URL]

                        Comment


                        • #42
                          المشاركة الأصلية كتبت بواسطة hamdy مشاهدة المشاركة
                          انا مامن مع شركة و لسة عربيتي في التوكيل نتيجة حادثة و ربنا يستر
                          بس سؤال هل ينفع اخد من التوكيل فواتير من غير ما ادفع ولما اصرف مبلغ التامين اروح ادفع واسيب العربية في التوكيل ولا لأ؟؟؟؟
                          ألف سلامة عليك وعلى العربية..وإن شاء الله سليمة.

                          بالنسبة لموضوع الفواتير، ده بيبقى حسب الشركة اللي حضرتك مأمن معاها، يعني فيه شركات بتقولك مالكش دعوة أنت بالدفع ما دام بتتعامل مع المراكز المعتمدة لديها،،،وفيه شركات تانية بتقولك لازم تحاسب أنت التوكيل، وبعد كده بتعمل عملية استرداد للمبلغ من شركة التأمين.

                          والله أعلم

                          Comment


                          • #43
                            المشاركة الأصلية كتبت بواسطة hamdy مشاهدة المشاركة
                            انا مامن مع شركة و لسة عربيتي في التوكيل نتيجة حادثة و ربنا يستر
                            بس سؤال هل ينفع اخد من التوكيل فواتير من غير ما ادفع ولما اصرف مبلغ التامين اروح ادفع واسيب العربية في التوكيل ولا لأ؟؟؟؟
                            اولا لازم خبير السيارات يوقع على الفاتورة النهائية ويعاين السيارة بعد الاصلاح ويصورها ولازم حضرتك تستلم قطع الغيار اللى تم تغييرها فى الحادث من التوكيل وتسلمها لشركة التأمين علشان يبتدوا ياخدوا اجراءات استخراج الشيك
                            ثانيا التوكيل مش هيسلم حضرتك الفاتورة الا اذا دفعتها او ممكن يسلم حضرتك الفاتورة بعد اخد تعهدات وضمانات عليك وطبعا هتدفع ارضية للتوكيل حوالى 100 جنيه يوميا عن كل يوم العربية موجودة فيه عند التوكيل من يوم استلام الفاتورة لحين السداد
                            ولو قلنا الشيك بياخد اجراءات من اسبوعين ل 3 اسابيع
                            يعنى حضرتك هتدفع حوالى 2000 جنيه ارضية للتوكيل تزيد او تقل انت ونصيبك
                            ........................
                            محمود عينو
                            [SIGPIC][/SIGPIC]
                            [marq="3;right;3;scroll"]الله جاب الله خد الله عليه العوض[/marq]
                            [COLOR=Blue][SIZE=3]بعد 13 سنة جواز وبتقولى عايزة 2 جنيه فكة
                            هو انتى و اولادك خليتوا فى جيبى فكة و لا مجمد[/SIZE][/COLOR]

                            Comment


                            • #44
                              شكراً جزيلاً على هذه المعلومة
                              ربنا يكرمك
                              [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                              [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                              Comment

                              Working...
                              X