إعـــــــلان

Collapse

.

,
See more
See less

خطوات نقل ملكية سيارة

Collapse
X
 
  • Filter
  • الوقت
  • Show
Clear All
new posts

  • #16
    بجد مجهود رائع وجزاك الله كل خير

    Comment


    • #17
      المشاركة الأصلية كتبت بواسطة michelyousif مشاهدة المشاركة
      الاخ Khmonir شكراا للشرح و الافادة
      ولو ممكن سؤال خارج الموضوع
      هو تمن العربية بولونيز موديل 1990 او 1991 الشكل المعدل بيعمل كام في القاهرة ؟
      و شكرا
      هو السعر بيختلف حسب حالة السيارة
      بس أنا لاحظت وأنا بشتري إن سعر السيارة مدويل 90 أو 91 بيتراوح من 16 ألف وحتى 20 ألف حسب حالة السيارة
      فمثلاً أثناء بحثي رأيت سيارة موديل 90 فابريكة دواخل والمطلوب كان 17 ألف ، وكانت ستحتاج إلى بعض التوضيب
      وسيارة أخرى موديل 91 فوانيس جولف وفابريكة دواخل وأيضاً كان المطلوب 17 ألف

      المشاركة الأصلية كتبت بواسطة almosecar مشاهدة المشاركة
      بجد مجهود رائع وجزاك الله كل خير
      شكراً لمرورك أخي almosecar

      [CENTER][SIGPIC][/SIGPIC][/CENTER]

      Comment


      • #18
        الاخ Khmonir اشكر ردك لسريع الوافي و ربنا يباركلك فيها و يعطيك خيرها و يقيك شرها.

        Comment


        • #19
          المشاركة الأصلية كتبت بواسطة michelyousif مشاهدة المشاركة
          الاخ Khmonir اشكر ردك لسريع الوافي و ربنا يباركلك فيها و يعطيك خيرها و يقيك شرها.
          أنا افتكرتك عايز تشتري لكن خدت بالي إن معاك بولونيز يعني عايز تبيعها
          ممكن تعرضها لو حابب في موضوع البولونيز المظلومة في المنتدى


          وكمان ممكن تعرضها في موقع ContactCars وكمان منه ممكن تعمل بحث على العربية علشان تعرف أسعارها إيه قبل البيع
          كمان ممكن في مصراوي


          [CENTER][SIGPIC][/SIGPIC][/CENTER]

          Comment


          • #20
            استاذ خالد
            الف مبروك العربيه والتجديد
            كنت عايز اسأل حضرتك على مده الترخيص اللى حضرتك عملته ده قد ايه؟ يعنى سنه والا اتنين والا تلاته؟
            وسلمت النمر فى المرور القديم والا الجديد؟
            وجبت شهاده مخالفات فقط من المرور القديم والا شهاده بيانات ايضا؟
            اخوك
            ابو احمد
            [COLOR=Blue]على عبد الفتاح[/COLOR]
            أبو أحمد

            Comment


            • #21
              المشاركة الأصلية كتبت بواسطة aaah مشاهدة المشاركة
              استاذ خالد
              الف مبروك العربيه والتجديد
              كنت عايز اسأل حضرتك على مده الترخيص اللى حضرتك عملته ده قد ايه؟ يعنى سنه والا اتنين والا تلاته؟
              وسلمت النمر فى المرور القديم والا الجديد؟
              وجبت شهاده مخالفات فقط من المرور القديم والا شهاده بيانات ايضا؟
              اخوك
              ابو احمد

              أخي الفاضل أبو أحمد
              مدة الترخيص سنة ، والنمر سلمتها في المرور اللي أنا تابع له (يعني المرور الجديد)
              أما عن شهادة المخالفات فأنا كان معايا شهادة مخالفات من المالك لم تكن مدتها انتهات ، شهادة البيانات اللي أعرفه إنك بتجيبها لما تكون الرخصة مدتها انتهت


              أرجو أن أكون أفدتك
              [CENTER][SIGPIC][/SIGPIC][/CENTER]

              Comment


              • #22
                المشاركة الأصلية كتبت بواسطة khmonir مشاهدة المشاركة
                أنا افتكرتك عايز تشتري لكن خدت بالي إن معاك بولونيز يعني عايز تبيعها

                ممكن تعرضها لو حابب في موضوع البولونيز المظلومة في المنتدى
                http://www.nilemotors.net/Nile/75124-a-47.html

                وكمان ممكن تعرضها في موقع ContactCars وكمان منه ممكن تعمل بحث على العربية علشان تعرف أسعارها إيه قبل البيع
                كمان ممكن في مصراوي

                الأخ المحترم KHmonir حقيقي شكرا للرد و الاستجابة السريعة
                و ما شاء اللة علي سرعة البديهة
                و كمان الرابط بتاع البولونيز المظلومة دة جامد جدا
                فعلا مجهود مشكور

                Comment


                • #23
                  المشاركة الأصلية كتبت بواسطة khmonir مشاهدة المشاركة

                  أخي الفاضل أبو أحمد
                  مدة الترخيص سنة ، والنمر سلمتها في المرور اللي أنا تابع له (يعني المرور الجديد)
                  أما عن شهادة المخالفات فأنا كان معايا شهادة مخالفات من المالك لم تكن مدتها انتهات ، شهادة البيانات اللي أعرفه إنك بتجيبها لما تكون الرخصة مدتها انتهت


                  أرجو أن أكون أفدتك
                  الف شكر يا باشا على الافاده وسرعه الرد
                  انا حسبت التكلفة على ضريبتى انا اللى هى 270 جنيه لقيت الاجمالى 690 جنيه يعنى 700 جنيه وانا شايف ان دى تكلفه عاليه جدا على تجديد سنه والا انت ايه رأيك؟
                  معلش اصل انا هاعمل القصه دى كلها ان شاء الله اول شهر 5 بس مشكلتى انى هاجيب شهاده مخالفات من دميااااااااااااااط
                  ادعيلى
                  [COLOR=Blue]على عبد الفتاح[/COLOR]
                  أبو أحمد

                  Comment


                  • #24
                    المشاركة الأصلية كتبت بواسطة khmonir مشاهدة المشاركة
                    الأخوة الأفاضل
                    انتهيت اليوم من استخراج الرخصة بعد أن أصلحت الخبطة في سيارتي وهذا ما تم:

                    يوم الأحد الماضي ذهبت مبكراً لشراء نموذح فحص فني (5 جنيهات) من الخزينة ، وملأت البيانات التي فيه (اسمي وعنواني ونوع السيارة ..... إلخ).
                    بعد ذلك توجهت إلى منطقة الفحص كما سبق في المرة السابقة ، عند دخولي قام شخصان يقفان عند مدخل منطقة الفحص بطلب أن أشغل المساحات ، وقمت بتشغيلها بعد أن رششت مياه من الرشاشات على الزجاج لتسهيل حركة المساحات (ملحوظة لازم ترش مياه إذا كانت مساحاتك لا تعمل جيداً حتى لا يتلككوا على المساحات).
                    بعد أن سمحوا لي بالدخول ، توجهت إلى الضابط المسئول وأخذت تأشيرة بدء الفحص ، وسالني الضابط هل أصلحت السيارة فأخبرته "نعم" وألقى نظرة سريعة على السيارة (كنت راكنها أمامه مباشرة )
                    بعد ذلك ذهبت وأحضرت آخذ البصمة لرفع بصمة الشاسيه والموتور ، و5 جنيهات (مش عارف ليه!!! بس خفت يعقدوا الموضوع ) ، بعد أخذ البصمة قال لي أخرج العربية وأنا مكدبتش خبر وأخرجتها ..... والحمد لله كده العملية خلصت.
                    بعد أن أخرجت السيارة توجهت بنموذج الفحص لمهندس الفحص لأخذ تأشيرته الكريمة على النموذج.
                    ثم توجهت إلى الضابط مرة أخرى لأخذ الختم (ملحوظة طلب الضابط من الواقفين الذين يريدون أخذ الختم أن يعطوا الورق للعسكري وللأسف طلب العسكري مني وصل الطفاية وأصر فتوجهت للضابط مرة أخرى وسألته إذا كان فعلاً عايز وصل الطفاية فختم النموذج مباشرة ، مش عارف إصرار العسكري ده على إيه منا مخلص كل حاجة المرة اللي فاتت )

                    النهاردة بقى:
                    توجهت مبكراً للمرور قبل ذهابي لعمل ومعي (دوسيه ورق وضعت فيه نموذج الفحص + صورة الرخصة المؤقتة + صورة البطاقة) وتوجهت مباشرة لشباك تجديد الرخصة (أتكلم عن مرور فيصل).
                    أخذت الموظفة الملف وأعطتني إيصال بـ 15 جنيه لأدفعه في الخزينة (رسوم تجديد)
                    في الخزينة أيضاً أعطوني نموذج تسيير مركبة بـ 6 جنيهات أخرى
                    توجهت بعد ذلك للموظفة مرة أخرى بالوصل والنموذج وطلب أن أملأ النموذج (الاسم والعنوان .... إلخ) ، وأخذت الملف وانتظرت الرخصة النهائية
                    الحمد لله بعد نصف ساعة أو 45 دقيقة تقريباً أخذت الرخصة

                    أرجو أن أكون أفدتكم


                    بصراحة شرح مفصل ألف شكر عليه..
                    بس يا ترى لحقت الشغل في اليوم ده؟؟

                    Comment


                    • #25
                      المشاركة الأصلية كتبت بواسطة aaah مشاهدة المشاركة
                      الف شكر يا باشا على الافاده وسرعه الرد
                      انا حسبت التكلفة على ضريبتى انا اللى هى 270 جنيه لقيت الاجمالى 690 جنيه يعنى 700 جنيه وانا شايف ان دى تكلفه عاليه جدا على تجديد سنه والا انت ايه رأيك؟
                      معلش اصل انا هاعمل القصه دى كلها ان شاء الله اول شهر 5 بس مشكلتى انى هاجيب شهاده مخالفات من دميااااااااااااااط
                      ادعيلى
                      هنعمل إيه بقى قدرنا كده ، ومعلش أهي خبطة في الراس استحملها بقى
                      هي المعاناة معاك هتبقى موضوع دمياط دي علقة يا باشا لو هتروح بالقطار مشوار تقريباً من 3 - 4 ساعات كده ربنا يكون في عونك ، ويا ريت تبقى تحكلنا اللي حصل معاك ﻷن كل حالة في المرور بتختلف عن التانية زي منا ﻻحظت .... مش عارف ليه؟!!!!!

                      ربنا معاك وابقى طمنا لما تنهي الموضوع بسلام


                      [CENTER][SIGPIC][/SIGPIC][/CENTER]

                      Comment


                      • #26
                        المشاركة الأصلية كتبت بواسطة HeeemaZ مشاهدة المشاركة
                        بصراحة شرح مفصل ألف شكر عليه..
                        بس يا ترى لحقت الشغل في اليوم ده؟؟

                        لحقته يا باشا ، منتا عارف الشغل بقى ونظامه

                        [CENTER][SIGPIC][/SIGPIC][/CENTER]

                        Comment


                        • #27
                          المشاركة الأصلية كتبت بواسطة khmonir مشاهدة المشاركة
                          هنعمل إيه بقى قدرنا كده ، ومعلش أهي خبطة في الراس استحملها بقى
                          هي المعاناة معاك هتبقى موضوع دمياط دي علقة يا باشا لو هتروح بالقطار مشوار تقريباً من 3 - 4 ساعات كده ربنا يكون في عونك ، ويا ريت تبقى تحكلنا اللي حصل معاك ﻷن كل حالة في المرور بتختلف عن التانية زي منا ﻻحظت .... مش عارف ليه؟!!!!!

                          ربنا معاك وابقى طمنا لما تنهي الموضوع بسلام


                          ان شاء الله يا باشا هاروح بالعربيه وربنا يستر طريقنا
                          والف شكر ليك مرة تانيه
                          وان شاء الله هابقى احكى اللى هايحصل بالتفصيل
                          [COLOR=Blue]على عبد الفتاح[/COLOR]
                          أبو أحمد

                          Comment


                          • #28
                            موضوع جميل بس حضرتك نسيت تقولنا ايه اخبار الرشاوي (عفوا الاكراميات ) اللي في الموضوع يعني الراجل اللي خد بصمة الموتور خد كام و كده يعني لاني سمعت ان كل خطوة بسعر في موضوع الترخيص

                            Comment


                            • #29
                              المشاركة الأصلية كتبت بواسطة khmonir مشاهدة المشاركة
                              أتممت أمس بحمد الله نقل ملكية سيارتي التي اشتريتها (بولونيز موديل 90)
                              المرور الذي أتبعه هو مرور فيصل ، وأردت أن أكتب خطوات نقل الملكية ليستفيد منها اﻷخوة اﻷعضاء

                              قمت بعمل ذلك على يومين للتسهيل وهذه هي الخطوات:
                              اليوم اﻷول:
                              1- ذهبت باكراً لوحدة مرور فيصل (من حسن حظي أني أسكن بالقرب منها) ، كانت الساعة 8:25 صباحاً ، وتوجهت مباشرة إلى الخزينة لشراء أوراق فحص وتجديد (وهي نموذج فحص بيئي ، ونموذج فحص فني ، ونموذج تجديد رخصة السيارة [يتم شراء عدد نماذج بعدد سنين الترخيص] ، ونموذج لفحص الطفاية) إجمالي التكلفة 25 جنيه لترخيص سنة واحدة.

                              2- توجهت لدفع التأمين لسنة واحدة (مدة الترخيص) ، الشركة التي اخترتها كانت وثائق ، (ﻻ أعلم لماذا اخترت تلك الشركة فكلهم سواء بالنسبة لي !!!!!) المهم دفعت 86 جنيه.

                              بعد ذلك وقفت قليلاً أراقب عملية الفحص للسيارات اﻷخرى ، وعلى ما يتم [طبعاً الخطوة دي مش مهمة ]

                              اليوم الثاني:
                              1- ذهبت أيضاً في ذلك اليوم باكراً لأدخل منطقة الفحص مبكراً ، وكنت هناك الساعة 7:30 تقريباً (مش قلتلكم ساكن جنب وحدة المرور بقى) بس لقيت ناس سبقتني تقريباً كانت بايتة من اليوم اللي قبله

                              2- وصل الضابط المسئول عن الفحص تقريباً 8:15 وهنا بدأت المعاناة أقصد إجراءات الفحص ، توجهت للطابور الواقف أمام شباك الضابط ﻷخذ تأشيرة لكي أبدأ الفحص ، وأثناء وقوفي في الطابور سمعت عامل البصمة ينادي على أحد من العاملين أن يخلص صاحب البولونيز ومش عارف ليه!! ﻷني كنت بس جبته يأخذ البصمة وهو اللي قالي أخذ تأشيرة الضابط المهم العامل خد مني نموذج الفحص الفني وراح للضابط وبدل الخدمة اتقلبت نقمة ، فالضابط بص على العربية بتفحص وشاف الخبطة اللي في الرفرف الأمامي عندي ( وكنت أظنها بسيطة وهتعدي) وأعطاني شهر للتصليح
                              المهم رجعت لعامل البصمة أخذ بصمة الشاسيه ، ولما جه يأخذ بصمة الموتور قاللي مش دي التأشيرة إرجع للضابط وخد التأشيرة مرة تانية ، رجعت للضابط وأعطيته نموذج الفحص الفني مرة أخرى فطلب الرخصة وأشر على الورق نقل ملكية ورقم العربية (لوح جديدة على فكرة من مرور شبرا)، بعد ذلك عدت إلى عامل البصمة وأخذت بصمة الموتور.
                              الملخص: تأخذ تأشيرة الضابط أول ما يوصل لتبدأ في إجراءات الفحص ، ثم تأخذ بصمة الموتور والشاسيه.

                              3- بعد ذلك ذهبت ﻷخذ تأشيرة مهندس الفحص على نموذج الفحص الفني والفحص البيئي.

                              4- بعد كده فحص الطفاية واللي طبعاً طلعت مدة صلاحيتها انتهت بالرغم من إن مكتوب عليها صلاحية 10 سنوات وهي إنتاج 2005 ، واضطريت أشتري طفاية جديدة بـ 125 جنيه .

                              5- بعد ذلك توجهت ﻷخذ الختم على الورق من الضابط فسأل على حقيبة اﻹسعافات والمثلث وعنده سألته إن معي المثلث فأخبرني أن أشتري الحقيبة فقط ، فتوجهت لمنفذ البيع ﻷشتري الحقيبة فأصر البائع على أن أشتري الحقيبة والمثلث وعندما أخبرته أن الضابط قال لي أن أشتري الحقيبة فقط قال لي أن صاحب الشركة أخبره أن يبيع اﻹثنين معاُ وفعلاً الوصل الذي معه باﻹثنين معاُ فاضررت إلى شرائهم معاً ، ثم عدت إلى الضابط ﻷخذ الختم.

                              6- توجهت إلى شباك تقديم اﻷوراق (وهنا بدأت المعاناة الحقيقية للوقوف في الطابور الطويل) ، عند تقديم الأوراق تأكد من أن تكون البيانات في نموذج التجديد مكتملة ، معك عقد البيع المسجل في الشهر العقاري ، معك التوكيل الذي اشترى به البائع (أو عقد البيع الخاص به) إذا لم تكن الرخصة باسم البائع ، صورة من عقد بيع سيارتك اﻷولى إذا كنت تمتلك سيارة قبل ذلك لكي لا تدفع ضريبة رفاهية ، صورة الرقم القومي ، صورة الرخصة وطبعاً الرخصة نفسها وتسلم كل ذلك للموظف لكي يقوم بحساب الضريبة (في حالتي كانت الضريبة 215 جنيه + 115 تأمين لوحات + 20 مش عارف بتوع إيه أي اﻹجمالي 350 جنيه) فلوسي كانت خلصت ، رجعت البيت جبت فلوس تاني ورجعت (الحمد لله إن بيتي جنب المرور).
                              7- توجهت للخزينة لدفع الضريبة والعودة لشباك تسليم اﻷوراق مرة أخرى.
                              8- الوقوف مرة أخرى في الطابور الطويل المرة دي كانت أطول من المرة الأولى (نصيحة اختار الشباك اللي الموظف فيه بيخلص بسرعة ومش بيعطل اللي واقفين قدامه كثير) ، بعد أن وصلت أخيراً للموظف بعد أكثر من 45 دقيقة سلمت اﻷوراق.
                              9- رحت أفك النمر اللي راكبه على السيارة (5 جنيه للي فكها) متنساش المسامير وقطع البلاستيك بتاعة اللوح لو نمر جديدة هتسلمهم مع النمر (مش مهم البلاستيك يبقى سليم ﻷنه غالباً اللي بيفك بيكسرهم).
                              10- جلست أنتظر ينادوا اسمي ، ولما نادوه أخدت أمر صرف للنمر ورحت لمخزن النمر لتسليم النمر القديمة يفضل يكون معاك صورة بطاقتك والرخصة القديمة احتياطي لو طلبوهم، أعطاني ورقة رجعت للشباك الذي أخذت منه أمر الصرف علشان أستلم الرخصة ، واستلمتها (طبعاً في حالتي أخذتها مدتها شهر علشان أصلح الخبطة اللي في العربية) بعد ذلك صورت الرخصة وتوجهت إلى مخزن النمر مرة أخرى لاستلام اللوح الجديدة.
                              11- ركبت اللوح الجديدة (10 جنيه)
                              وخلاص كانت الساعة تقريباً 1:30 ظهراً
                              وبعد شهر أروح أجدد الرخصة بعد تصليح الخبطة وهبقى أقلكم عملت إيه

                              إلى اللقاء

                              السلام عليكم ورحمة الله وبركاته
                              أنا عارفة إن الموضوع بئاله كتير بس يا ريت لو شوفت كلامي تفيدني أو أي حد من أعضاء المنتدى الكرام لو عنده تجربة يفيدني
                              أنا اشتريت السيارة بعقد مسجل من مرور عين الصيرة وروحت المرور بتاعي علشان افحص عمل لي بصمة الموتور والشاسيه بس لا عمل فحص للطفاية ولا العادم وكمان البربريز مشروخ من أوله لآخره ومبصش عليه..فهل كده الفحص خلص ولا لسه؟
                              ثانيا المهندس طلب مني أرجع للمرور القديم (عين الصيرة) علشان يأشرولي على الورق وأرجع تاني المرور بتاعي..فهل لازم أروح بالعربية بردو ولا كفاية الورق بس؟
                              ثالثا لما أرجع المرور بتاعي هيكمل الفحص ولا خلاص كده..وبالنسبة للبربريز هيقول لي لازم يتغير ولا هيعدي؟؟؟؟؟؟؟؟
                              يا ريت الرد سريعا لأني الفروض أروح بكرة إن شاء الله
                              شكرا جزيلا

                              Comment

                              Working...
                              X